Потврда за тоа дека се движиме кон силна економија се пет клучни економски параметри, истакна Костадин Костадинов, портпарол и пратеник на СДСМ и коалицијата. Костадинов, ги наброја клучни економски параметри:
- Под еден е растот на бруто домашниот производ од 3.7 проценти во последниот квартал
од 2018 година.
- Освен растот на еконономијата, во 2018 обезбеден е рекорден износ на странски
инвестиции од 624,5 милиони евра.
- Трет важен економски параметар кој оди во добра насока: индустриското производство
во 2018 е највисок во последните седум години (5.4%).
- Најголем раст на просечната плата од 8.1% во декември 2018 година (25.784 денари).
- Платите растат а невработеноста се намалува, на историски најниски под 20%. За неполни две години бројот на вработените е зголемен, отворени се над 26 илјади работни места.
Континуираниот раст на економијата, зголемувањето на инвестициите, индустриското производство, растот на платите и намалувањето на невработеноста покажуваат дека стратешки добро се поставени политиките, се движиме во вистинска насока.
Полноправното членство во НАТО дополнително ги поттикнува инвестициите и економскиот раст, а тоа влијае и на намалување на невработеноста во земјава.
Накусо, напредокот во евро-атланските интеграции носи повеќе пари кај граѓаните, поголеми инвестиции, нови и добро платени работи места, подобар животен стандард. Растот на економијата носи бројни придобивки за граѓаните, отвора шанса за сите и затоа е важно напредокот да продолжи, истакна Костадин Костадинов, портпарол и пратеник на СДСМ и коалицијата.