Скопјанка платила на лажен лекар 21.000 евра за операција, подоцна сфатила дека е измамена

На 17.07.2025 во 17.45 часот, во СВР Скопје, 68-годишна жена пријавила дека околу 15.30 часот била измамена од непознато машко лице за сума од околу 1.300.000 денари.

Лицето ѝ се јавило телефонски, се претставило како лекар и ја убедило дека нејзината ќерка има повреди и треба итно да се оперира, по што таа ги оставила парите на договорено место.

— реклама —

Подоцна сфатила дека е измамена. Се преземаат мерки за откривање на сторителот.

— реклама —