Како што пишува порталот дудинка.орг на Миленко Неделковски на повидок е нова партија која ќе ја формира ни помалку ни повеќе екс поранешениот директор на Управата за безбедност и контраразузнавање на Македонија, Сашо Мијалков.
Сашо Мијалков ќе ја промовира својата нова партија во која влегуваат Мите Лимунада Јанчев, Ивица Коневски, Нино Смрт Тодоров, Билјана Бришковска, Никола Поповски, Иво Котевски, 8-те мината предавници, известува порталот.
Поранешниот директор на УБК, Сашо Мијалков на 8-ми Март годинава беше осуден на три години затвор за случајот „Титник 2“ на СЈО кој се однесува за изборни нерегуларности на локалните избори во 2013 година.
Ова е прва пресуда од четирите активни обвиненија за Мијалков. Тој е обвинет во случаите „Таргет-Тврдина“, „Тортура“, „Трезор“, а осомничен е во истрагата за „Империја“.
Извор: magazin.mk
