Македонија

МВР влезе во фирмите на Камчев

Утрово започнала полициска акција во три фирми на Јордан Камчев. Владејачката СДСМ неодамна обвини дека две од тие фирми со 400.000 евра ја финансирале кампањата на ВМРО-ДПМНЕ на последните претседателски избори.

Според првични информации, според Канал 5, инспектори има во фирмата Монт, која е дел од Орка Холдингот на Камчев, како и во фирмата Полиестердеј која била ангажирана од партијата да ги печати маиците за кампањата. Се проверува уште една фирма, Горфактори од Шпанија, за која се уште нема информации во каква конкеција е со првите две.

Извори од МВР ја потврдуваат информацијата, а повеќе детали најавуваат за текот на денот. Канал 5 ги проверува информациите и во обвинителството.

Инаку, аферата се појави откако ревизорите ги објавија извештаите за претседателските избори. СДСМ, по ова ја обвини ВМРО-ДПМНЕ дека незаконски ја затвориле наменската сметка.

извор: канал 5

На почеток