По речиси 11 недели или точно 76 дена, кинескиот град Вухан, каде почна пандемијата на коронавирусот, излезе од изолација.
Кинеските власти ја укинаа блокадата на Вухан и ги одблокираа сите излези од градот кој беше отсечен од светот. Со најновата одлука им се дозволува на жителите да го напуштат градот со автомобил. Стотици патници на железничката станица во Вухан чекаа да дојде полноќ за да го напуштат градот со воз.
Отворањето на градот го одбележа светлосна претстава од двете страни на реката Јангце, а на мостовите беа прикажани анимирани фотографии од здравствените работници како им помагаат на пациентите со зборовите „херојски град“, име кое на градот му го додели кинескиот претседател Си Џинпинг.
Вухан од 23 јануари беше изолиран од надворешниот свет поради епидемијата од Ковид-19. Целиот сообраќајот оттогаш потполно беше запрен, но во последните денови линиите се обновуваат.
The first vehicle leaves #Wuhan, as the hardest-hit city lifted its lockdown on April 8, reviving its hustle and bustle as one of the busiest hubs in #China. #coronavirus #Covid_19 pic.twitter.com/ThETXvZkxh
— China Daily (@ChinaDaily) April 8, 2020
фото: BFMTV
