Земјотрес со јачина од 6,1 степени според Рихтеровата скала ја погоди источна Јапонија. Тресењето било почувствувано во Токио и околните префектури, соопшти метеоролошката агенција.
Земјотресот, кој бил регистриран на длабочина од 36 километри во префектурата Чиба, е обележан како „слаба петка“ на скалата на сеизмички интензитет на Јапонската метеоролошка агенција, чиј највисок резултат е седум.
Кјодо објаснува дека „слаба петка“ значи дека луѓето биле исплашени. Сè уште не е познато дали земјотресот предизвикал лизгање на земјиштето или предизвикал поголема материјална штета на станбените згради.
фото: The Wandering Lens
