Австрија и Италија предлагаат членство во ЕУ за Западен Балкан „чекор по чекор“

Пет земји-членки на Европската Унија предложија нов пристап за интеграција на земјите од Западен Балкан, кој би овозможил постепено вклучување во европскиот единствен пазар уште пред полноправното членство.

— реклама —

Според доверлив документ, во кој учествуваат Австрија, Чешка, Италија, Словачка и Словенија, се предлага земјите кандидати да добиваат пристап до одредени европски програми и сектори „чекор по чекор“, во зависност од нивната усогласеност со европското законодавство.

— реклама —

Документот, пренесен од Еурактив, наведува дека постепената интеграција треба да се применува систематски и да вклучува области како транспортот, енергетиката, дигиталниот пазар и политиките за критични суровини.

Во предлогот се посочува дека ваквиот модел би ѝ помогнал на ЕУ да го засили своето геополитичко влијание и да се спротивстави на влијанието на Русија и Кина во регионот.

— реклама —

Меѓу земјите што би можеле да бидат опфатени со ваквиот пристап се Црна Гора, Албанија, Македонија и Србија.

Авторите на документот ја повикале еврокомесарката за проширување Марта Кос да предложи дополнителни идеи за ваков тип интеграција.