Автомобил излетал од патот кај Кичево, три лица повредени

Жена е тешко повредена, а уште две лица се здобиле со телесни повреди во сообраќајна несреќа што се случила во кичевско, соопшти Министерството за внатрешни работи.

— реклама —

Според информациите, на 30 јули околу 17:00 часот во ОВР Кичево било пријавено дека во село Бачишта, на местото викано „Емровци“, патничко возило „поло“ со кичевски регистарски ознаки, управувано од 38-годишната С.С. од селото Бачишта, излетало од коловозот.

— реклама —

— реклама —

Во несреќата возачката се здобила со тешки телесни повреди, додека нејзините сопатници Ш.Р. (55) и А.Р. (51), двајцата од село Бачишта, се здобиле со телесни повреди.

— реклама —

Повредите биле констатирани во Медицинскиот центар во Кичево, а увид на местото извршила увидна екипа на ОВР Кичево.