Автомобил излетал од патот Тетово–Јажинце, тешко повредени возачот и сопатникот

Двајца млади мажи од Теарце се здобиле со тешки телесни повреди во сообраќајна несреќа што се случила на регионалниот пат Тетово–Јажинце, во селото Доброште.

— реклама —

Според информациите од Министерството за внатрешни работи, несреќата била пријавена во СВР Тетово на 15 октомври, во 1:50 часот. Патничко возило „сеат“ со тетовски регистарски ознаки, управувано од 20-годишниот А.М. од Теарце, излетало од патот.

— реклама —

— реклама —

Во несреќата тешки телесни повреди претрпеле возачот и неговиот сопатник А.И., исто така од Теарце. Повредите биле констатирани во Клиничката болница во Тетово.

Увид на местото на несреќата извршила увидна екипа на СВР Тетово.