Автомобил се преполови по удар во столб во Загреб, едно лице загина

Едно лице загина, а две се повредени во тешка сообраќајна несреќа што синоќа се случила во населбата Ботинец во Загреб.

— реклама —

Несреќата се случила околу 22 часот на улицата „Лује Налетилиќ“, каде што автомобилот по силниот удар во столб бил целосно уништен и практично преполовен. Делови од возилото биле расфрлани по коловозот.

— реклама —

Според очевидци, автомобилот се движел со голема брзина, по што возачот изгубил контрола и директно удрил во столбот.

— реклама —

Засега не е позната тежината на повредите на двете повредени лица, ниту точната причина за несреќата.

Хрватската полиција најави дека во текот на денот ќе соопшти повеќе детали за случајот.