Автомобил удри пешак на пешачки премин во Битола

Педесет и деветгодишна жена се здобила со тешки телесни повреди откако била удрена од автомобил на пешачки премин во Битола.

Од Министерството за внатрешни работи информираат дека на 30 јули 2026 година, околу 06:45 часот, во СВР Битола било пријавено дека на пешачки премин на булеварот „1 Мај“ патничко возило „лада“ со битолски регистарски ознаки, управувано од 70-годишниот П.Ш. од Битола, удрило во 59-годишната М.М. од Битола.

— реклама —

— реклама —

Во несреќата жената се здобила со тешки телесни повреди, кои биле констатирани во Клиничката болница во Битола.

— реклама —

Увид на местото на несреќата извршила увидна екипа на СВР Битола.