Автомобил влетал во група луѓе во Германија, повредени најмалку четири лица

Најмалку четири лица се повредени откако автомобил влетал во група луѓе во германскиот град Нојштат ам Рибенберге, во близина на Хановер. Според информациите објавени од „Билд“, никој од повредените не е во животна опасност, иако дел од нив се здобиле со потешки повреди.

— реклама —

Инцидентот се случил непосредно пред полноќ. Полицајци кои во близина спроведувале редовна сообраќајна контрола забележале што се случува и отвориле оган кон возилото во обид да го запрат. Сепак, осомничените избегале, а нивниот точен број засега не е познат.

Првичните сознанија упатуваат на тоа дека инволвираните лица се познавале меѓусебно и дека групата била цел на нападот. Оштетениот автомобил останал на местото на настанот, а повредените биле пренесени во болница.

— реклама —

Оштетени биле и неколку други возила, од кои дел имале дупнати гуми, а на едно било скршено задното стакло.

— реклама —

На местото биле испратени полициски, противпожарни и медицински екипи. Во потрагата по осомничените биле вклучени и хеликоптер и полициско куче. Подрачјето било блокирано неколку часа за собирање форензички докази.

Истрагата е во тек, а околностите на инцидентот и одговорноста на вмешаните лица сè уште се утврдуваат.