Изградбата на автопатот Прилеп–Битола се одвива со засилена динамика и досега е пробиена околу 22 километри од вкупно 40-километарската траса, односно околу 55 отсто од предвидената делница, соопшти Министерството за транспорт.
При увид на терен, беше истакнато дека работите се одвиваат согласно динамичкиот план, при што паралелно со земјените работи се изведуваат и објекти како мостови, потпатници, натпатник и клучка. Во завршна фаза се дел од потпатниците и натпатникот кај неколку населени места долж трасата.
Од Министерството информираат дека на проектот се ангажирани над 75 машини и градежна механизација, а процесот на експропријација е во напредна фаза, со најголем дел од предметите веќе решени.
Завршувањето на автопатот е најавено за почетокот на 2028 година.
