Проданоски: Реконструкција на улицата „Александар Македонски“ и нов кружен тек за побрз и побезбеден сообраќај во Прилеп

Како еден од најзначајните проекти за развој на Прилеп, ВМРО-ДПМНЕ ја претстави реконструкцијата на улицата „Александар Македонски“. Оваа изјава ја даде Дејан Проданоски, претставник на партијата, кој нагласи дека улицата претставува клучна сообраќајна артерија и „порта кон градот“.„Фактичката состојба на улицата не одговара на амбициите за модерен и развиен Прилеп. Затоа решивме да пристапиме кон целосна промена, која ќе донесе големи придобивки за бизнис секторот и стопанството што се развиваат на оваа страна од градот“, изјави Проданоски.Реконструкцијата ќе се реализира во две фази: првата ќе ги опфати 1200 метри од крстосницата кај Чумовчани до ресторанот „Анита“, додека втората ќе се протега на 3200 метри, од „Анита“ до Ново Лагово. Проектот предвидува не само обновување на коловозот, туку и доградување на постојниот профил, изградба на тротоари од двете страни и поставување на современи велосипедски патеки, со што се обезбедува безбедност и за пешаците и за велосипедистите.„Оваа реконструкција ќе опфати и целосна замена на водоводната и канализационата мрежа, нови рабници и сливници, како и воведување на самонивелирачки капаци на шахтите – иновација која гарантира квалитет, трајност и безбедност“, посочи Проданоски.Посебен акцент во проектот е и изградбата на нов кружен тек кај „Димо Наредникот“, кој ќе овозможи побрз, побезбеден и поефикасен проток на сообраќајот, елиминирајќи застои и гужви.„Со оваа инвестиција, секој ќе има своја улога: пешаците ќе добијат безбедни тротоари, велосипедистите модерни патеки, а возачите широка и уредена улица. Ова е симбол на новиот, модерен и европски Прилеп, град кој се развива и има инфраструктура која служи на сите граѓани“, заклучи Проданоски.Оваа амбициозна реконструкција го поставува Прилеп на патот кон модерна урбана средина, со инфраструктурни решенија кои ги следат највисоките стандарди.

Македонија | пред 2 месеци

Филипче: Резолуцијата ги јакне нашите позиции, таа е државен консензус за црвени линии

Денеска од Кисела Вода претседателот на СДСМ Венко Филипче одговарајќи на новинарско прашање порача дека СДСМ не ги урнало националните интереси на државата, ниту пак гледа дека нешто вратило ВМРО-ДПМНЕ. Но рече дека има документ со кој може да се потврдат црвените линии и заедничката позиција со национален консензус.„Станува збор за потврдување на нашите црвени линии, потврдување на нашата заедничка позиција со национален консензус за првпат. Значи не станува збор за уривање туку за зајакнување. Ајде еднаш да сите заедно 120 пратеници како што тоа го прават сите држави вклучувајќи ја и Бугарија коишто имаат сите пратеници заеднички декларации во собранието бугарско за нивните национални интереси, ајде тоа да го направиме ние. Да конечно јасно и сите да потпишеме што е тоа што е наше национален интерес кои се нашите црвени илини и дека за тоа едноставно не преговараме.“, рече Филипче.Тој истакна дека токму тоа стои во предлог резолуцијата која точно е утврдено дека за јазикот, идентитетот, културата, историјата ниту една влада повеќе нема да преговара.Но повика за тоа да се зборува по изборите со цел овој период фокусот да биде ставен на локалните кампањи и презентација на програмите.

Македонија | пред 2 месеци

Трајановски: Аеродром ќе добие младински совет, фонд и стратегија за млади

Александар Трајановски, кандидат за градоначалник од СДСМ, најави силна посветеност кон младите во општина Аеродром, потенцирајќи дека тие ќе бидат во центарот на неговите политики. „Младите се двигател на општеството и затоа ќе создадеме мерки кои директно ќе го подобрат нивниот живот и ќе им отворат нови можности“, рече Трајановски.Во рамките на својата програма, тој најави креирање Фонд за млади кој ќе обезбедува финансиска поддршка за младите претприемачи и младинските организации, формирање Локален младински совет кој ќе биде гласот на младите во општината, како и изработка на Младинска стратегија и акциски план со јасно дефинирани приоритети.Дополнително, програмата предвидува поддршка и промоција на младите таленти, развој на услуги за кариерно насочување и преквалификации, модернизација и дигитализација на училиштата, организација на редовни превентивни здравствени прегледи, како и поттикнување културни и спортски настани.„Драги средношколци, студенти и млади, јас ќе бидам вашиот партнер во креирањето на младинските политики и заедно ќе ги градиме условите за ваш развој и успешна иднина во Аеродром“, порача Трајановски.Тој нагласи дека со овие мерки младите ќе имаат шанса да ги остварат своите потенцијали и да го градат својот дом токму во својата општина. „Заедно со вас, младите, ќе се избориме за нашиот дом, за нашиот Аеродром!“, заклучи Трајановски.

Скопје | пред 2 месеци

Филипче: Скандал, ДПМНЕ склучи договор со ИРД за надзор, фирмата која беше за нив криминална

Претседателот на СДСМ, Венко Филипче, одговарајќи на новинарско прашање за најавите на кандидатот за градоначалник од ВМРО-ДПМНЕ Орце Георгиевски дека во Скопје ќе има воз, оцени дека станува збор за уште лага од низата нереални и лажни ветувања.„За жал сметам дека е тоа уште едно во низата лажни ветувања. Таква пруга ниту има каде да се направи ниту имаат траси, едноставно е ветување дадено од рака. Меѓутоа има едно многу други интересно прашање е што пред две или три недели,  Јавното претпријатие Македонски железници и инфраструктура потпишала договор за надзор за изведба на санација на одредени делници на пруга со италијанската компанија ИРД којашто е надзор на автопатите Бехтел и Енка и истата таа компанија за коешто многу претставници на ВМРО-ДПМНЕ меѓу кои и вицепремиерот Николовски обвинуваа дека се криминални зделки склучени од претходната влада. Обвинуваа дека фирмата работела само во Македонија и Молдавија, а не во Италија иако италијанска. Обвинуваа дека, поставуваа сомнеж како тоа да еден од директорите одговорен за Македонија претходно бил вработен во министерството за транспорти врски и сега после сите тие обвинувања после повиците до ОЈО да ги истражи тие таканаречени зделки сомнителни итн, тие потпишуваат договор со истата компанија“, изјави Филипче.Притоа Филипче констатираше дека нема крај на лицемерието на ВМРО-ДПМНЕ кое дојде на власт со лажна изјави, лажна кампања и лажни ветувања пред граѓаните.„Па има ли поголем доказ од тоа дека сè што кажуваа е невистина и дека нивната кампања беше изградена на лаги и манипулации?“ рече претседателот на СДСМ Венко Филипче.

Скопје | пред 2 месеци

Филипче: Каја и Горан имаат конкретни програми со решенија за Скопје и Кисела Вода

Претседателот на СДСМ Венко Филипче заедно со кандидатите за градоначалници за Скопје и Кисела Вода беа во посета на паркот во Кисела Vода од каде испратија пораки дека со конкретна програма и работа на терен резултатите ќе дојдат и во Кисела Вода.„Мислам дека ова е еден добар пример како треба да се однесува градот кога се планираат содржини за сите категории на граѓани конкретно овој парк којшто направен во времето на претходниот градоначалник Петре Шилегов за жал е не одржуван, е запуштен ,нечист со едноставно никакви до содржини и развој после неговиот мандат. Имаме конкретни програми, имаме конкретни планови, направени врз основа на вистинските потреби на граѓаните. И Горан и Каја се луѓе коишто работат инклузивно кои имаат отворен пристап за потребите на граѓаните“, рече Филипче.Тој исто така потенцираше дека Горан и Каја, нема да бидат затворени во своите канцеларии туку низ населбите каде ќе ги лоцитаат проблемите и ќе работата на нивно решавање.„Едноставно гласајќи за нив граѓаните треба да знаат дека гласаат за подобри места за живеење“, рече Филпче.

Скопје | пред 2 месеци

Саракинов: Кандидатот на СДС, Филипче и Заев - Стевчо Јакимовски ветуваше зеленило, а го бетонизираше Тафталиџе со десетканици

Христо Саракинов од ВМРО-ДПМНЕ ја критикува поддршката што СДС, Филипче и Заев му ја даваат на Стевчо Јакимовски, кој во 2021 година ветуваше 250.000.000 м2 нови зелени површини во Карпош.„Четири години подоцна, наместо зеленило, во Тафталиџе има десеткатници, а зелените површини се уништени и занемарени. Ова е резултат од тајната коалиција меѓу СДС, Филипче, Заев и Јакимовски, која го пушта низ вода нашиот град“, рече Саракинов.Тој предупреди дека гласот за Јакимовски значи повеќе бетонизација и уништување на зеленилото, за профит на урбаната мафија.

Скопје | пред 2 месеци

(Видео) Зеленски: Дивјачки руски напад врз цивили, погоден воз полн со патници

Најмалку 30 луѓе се повредени во руски напад со дрон врз железничка станица во украинскиот град Шостка во Сумската област, потврди претседателот Володимир Зеленски.Украинскиот претседател објави на социјалната мрежа X: „Дивјачки руски напад со дрон врз железничка станица во Шостка, Сумска област.“ „Сите итни служби веќе се на терен и почнаа да помагаат на луѓето. Сите информации за повредените се утврдуваат“, додаде тој. „Досега знаеме за најмалку 30 жртви. Прелиминарните извештаи покажуваат дека на местото на нападот имало и персонал и патници.“ „Русите не можеле да не знаат дека го гаѓаат цивилите. Ова е тероризам кој светот нема право да го игнорира“, напиша Зеленски.Регионалниот гувернер Олег Григоров изјави дека погоден е воз кој се движел кон Киев и дека на местото на настанот се лекари и спасувачи. И Зеленски и гувернерот објавија фотографии од местото на настанот кои прикажуваат патнички вагон во пламен.Раководителката на локалната окружна администрација, Оксана Тарасиук, изјави за украинската јавна телевизија дека во нападот се повредени околу 30 луѓе.Зголемени напади врз инфраструктурата Москва во последните месеци ја засили својата кампања на воздушни напади врз украинската железничка инфраструктура, гаѓајќи ја речиси секојдневно. Главниот помошник на Зеленски, Андриј Јермак, ја обвини Русија за намерно гаѓање на станиците и возовите, велејќи дека води „војна против цивилите“.Овој инцидент се случи само еден ден по нападите кои властите ги опишаа како најголем удар врз украинските постројки за природен гас од почетокот на целосната инвазија во февруари 2022 година.

Свет | пред 2 месеци

Мицкоски: СДСМ настапува со слоганот „се бориме за нашиот дом“, а заборавија дека до пред година дена управуваа со домот кому му ги уништија темелите

Претседателот на ВМРО-ДПМНЕ, Христијан Мицкоски на митингот во Битола во рамки на кампањата за локалните избори на 19 октомври која е под слоганот Вистинскиот избор! Твојот човек! Твоето место! Твојата иднина! се осврна на слоганот на опозициската СДСМ.Мицкоски посочи дека е фино што на СДСМ им текна да излезат со таков слоган „се бориме за нашиот дом“, но заборавиле дека до пред година и некој месец тие управуваа со домот, односно Македонија и државата ја оставија не со нарушени, туку со уништени темели, вработени без исплатени плати, земјоделци без исплатени субвенции, пола милион граѓани со по 150 денари на ден, двоцифрена инфлација.Претседателот истакна дека, од моментот на преземањето на одговорноста да ја води Владата, секој ден во владата доаѓаше по некој кој сведочеше за аванси, провизии кои му ги барале во време на власт на СДСМ, за да му завршат работа.„СДСМ на овие избори настапуваат со слоганот „се бориме за нашиот дом“. И сè е тоа фино, ама забораваат дека пред година и три месеци тие управуваа со домот. И она што го затекнавме не беа нарушени туку уништени темели. Кога ќе се сетам дека првите одлуки кои ги донесов како премиер беа да враќаме плати кои тие не ги исплатиле и дека делевме субвенции кои тие со години не ги исплаќаа. Секој ден во владата ми доаѓаше по некој кој сведочеше за аванси, провизии кои му ги барале за да му завршат работа. Немаше темел кој не беше руиниран од домот кој тие ни го водеа. Се сеќавате дека 500 илјади наши сограѓани, поточно секој трет човек во државата живееше со 150 денари на ден. Дека имаше двоцифрена инфлација, дека го руинираа животниот стандард на чие кревање напорно и постепено работиме“, рече Мицкоски.Од друга страна, додаде Мицкоски, ДУИ беа господарите кои одлучуваа за целата економија, за тендерите, купуваа трговски центри, бензински пумпи и што уште не.„Се сеќавате ли на Артановци кога во државните канцеларии, онака, лаконски и мирно си играа фудбалче и даваа кошеви, додека народот страдаше за корка леб? Ете, така тие се грижеа за домот. Сега нивната борба е за враќање на ова време кое народот веќе еднаш го порази. Тоа време на народот не му носи ништо добро“, заклучи Мицкоски.

Македонија | пред 2 месеци

Физичка пресметка на бензинска пумпа во Карпош, приведено едно лице

Утрово околу 05:00 часот на бензинска пумпа на подрачјето на Карпош во Скопје бил нарушен јавниот ред и мир со физичка пресметка меѓу пет лица.Според информациите на МВР, во инцидентот учествувале А.М. (23), Ј.Б. (22) и Т.Н. (24) од една страна, и Х.Ш. (19) заедно со 17-годишен малолетник, од друга страна, сите од Скопје.Полицијата го привела А.М. (23), а по целосно документирање на случајот ќе следува соодветен поднесок.

Скопје | пред 2 месеци

Починат 47-годишен српски државјанин пронајден во Катланово

Вчера околу 16:25 часот во селото Катланово бил пријавен смртен случај. Според информациите на МВР, починал М.П. (47) од Република Србија. Лекар од Итната медицинска помош констатирал смрт без траги на насилство.На местото бил извршен увид, а по наредба на јавен обвинител телото на починатиот е предадено на обдукција.

Македонија | пред 2 месеци

Тепачка во автобус на ЈСП во Чаир

Вчера околу 17:30 часот во автобус на Јавното сообраќајно претпријатие, на подрачјето на Чаир во Скопје, дошло до нарушување на јавниот ред и мир поради физичка пресметка меѓу две лица.Како што информираат од МВР, по претходна расправија се судриле Ш.Ф. (36) од скопско и З.А. (55) од Скопје.Од полицијата велат дека по целосно документирање на случајот ќе биде поднесен соодветен поднесок.

Скопје | пред 2 месеци

Тешка сообраќајна несреќа на булевар „Србија“ во Скопје – повредени две лица

Вчера околу 18:40 часот на крстосницата меѓу булеварите „Србија“, „Јане Сандански“ и „Видое Смилевски – Бато“ во Скопје се случила тешка сообраќајна несреќа во која учествувале четири возила.Според информациите од МВР, во несреќата учествувале „БМВ“ управувано од О.К. (59) од Скопје, „Пежо“ управувано од М.К. (32) од Скопје, „Цитроен“ управуван од И.С. (25) од селото Текија и „Опел“ со кој управувал Д.Ј. (78) од Скопје.Во судирот со тешки телесни повреди се здобила сопатничката во возилото „Пежо“, Ј.Д. (31) од Скопје, додека возачот М.К. се здобил со полесни повреди. Повредените се пренесени во Градската општа болница „Св. Наум Охридски“, каде им била укажана лекарска помош.Од МВР информираат дека на местото на несреќата бил извршен увид од увидна екипа на СВР Скопје.

Скопје | пред 2 месеци

Митовски: 50% субвенции за котизацијата на тезгите – поддршка за пазарџиите

Влатко Митовски кандидатот за градоначалник на општина Гази Баба од СДСМ денеска при посетата на пазарот во Автокоманда најави нова мерка – 50% субвенции за котизацијата на тезгите, со цел поддршка на пазарџиите и развој на локалната економија.„Со ова директно ќе им помогнеме на пазарџиите, но и ќе ги поттикнеме нерегистрираните препродавачи да се вклучат во легален и уреден систем,“ изјави Митовски.Тој нагласи дека пазарите се симбол на традицијата и економската живост, и оти општината ќе продолжи со мерки што создаваат фер и организирана пазарска средина за сите.

Скопје | пред 2 месеци

Герасимовски: Поставуваме две монтажни гаражи со 900 нови паркинг места

„И во наредните години ја ставаме животната средина и грижата за хигиената на прво место. Со набавка на две современи цистерни и пет нови метларки, значително го зголемуваме капацитетот за одржување на хигиената на територијата на општината. Повеќе нема да зависиме од градот и јавното комунално претпријатие“. Ова вчера го најави кандидатот за градоначалник и актуелен татко на Општина Центар Горан Герасимовски на отворањето на промотивниот изборен штаб во Центар.Тој, потенцираше дека инвестицијата во хигиената е уште еден чекор кон создавање здраво и уредено опкружување, кое е предуслов за квалитетен живот на центарци. Герасимовски, рече дека хигиеничарите се најголемите херои кои деноноќно го чистат сметот од улиците кадешто надлежност има градот.„Ги засукавме ракавите и самите го исчистивме сметот од улиците, хигиената ја подигнавме на едно повисоко ниво додека цело Скопје беше затрупано во смет. Пред две недели, изнајмивме и дополнителна механизација за да си ја исчистиме општината. Ете вака се работи за нашите центарци. Среќен сум што заедно со граѓаните ги креираме сите политики. Во новиот мандат предвидени се низа капитални проекти како изградба на дом за стари лица, административна зграда, градинка“, рече Герасимовски.Герасимовски, пред присутните сподели и дека се предвидени две монтажни гаражи кои ќе обезбедат 900 нови паркинг места.„Поставувањето на монтажни гаражи претставува директно решение за еден од најголемите проблеми во Центар. Ова значи помал хаос на улиците, значително намалување на непрописното паркирање, како и подобра урбана регулација - повеќе простор за пешаци и велосипеди, а помалку возила на јавните површини“, додаде Герасимовски.

Скопје | пред 2 месеци

Петрушевски: СДСМ не може да има црвени линии, тоа е уште една лага како жицата од гитарата на Заев во која се колнеше

Бране Петрушевски од ВМРО-ДПМНЕ жестоко ја критикуваше СДСМ и поранешниот министер за здравство Венко Филипче, обвинувајќи ги за, како што вели, лицемерна политика и заблудување на јавноста.„СДСМ не може да има црвени линии, тоа е уште една лага, како жицата од гитарата на Заев во која се колнеше“, изјави Петрушевски.Тој посочи дека или СДСМ и Филипче имаат „многу лош ПР“, или пак „мислат дека народот заборава кои се тие“.„СДСМ е партијата чиј претходен претседател и ментор на Филипче, Зоран Заев, ветуваше дека ако го смени името, ќе му се скине жицата. Го смени името, а од жицата – ништо. Сега и Филипче си најде своја жица – ја нарекува црвени линии, а всушност се бонбона-бизниси за Бугарија, државата од каде со Заев вртат милиони, од адреси каде фирма има и тој самиот“, додаде Петрушевски.Според него, Филипче со своите ставови испраќа порака до официјална Софија дека е „спремен на се“, што, како што тврди, народот го гледа и ќе знае да го санкционира.„Никој не очекува од СДСМ и Венко национална политика, сите знаеме што се крие зад тоа. Затоа и ќе бидат казнети на овие избори со историски најслабиот резултат“, рече Петрушевски.

Македонија | пред 2 месеци

Емил Николовски: 90% лаги на Орце, од 30 каптални ветувања нема остварено ниту едно

Со остра критика кон досегашното работење на градоначалникот на Кисела Вода, Орце Ѓорѓиевски, денеска се обрати Емил Николовски, обвинувајќи го за целосен неуспех во реализацијата на предизборните ветувања и за манипулација со јавноста.„Продолжуваме со разобличување на лагите на Орце Ѓорѓиевски – човекот кој четири години неуспешно управува со Кисела Вода, а сега сака да ја прошири својата неработа кон цело Скопје“, изјави Николовски на денешната прес-конференција.Тој ги демантираше тврдењата на Ѓорѓиевски за, како што вели, „90% реализација на програмата“, посочувајќи низа неисполнети проекти како доказ за неговата, според СДСМ, неспособност.„Орце ветуваше ‘Туристичко Драчево’, ревитализација на старата чаршија, пешачки зони и културна понуда. Четири години подоцна, таму нема ниту една реконструирана фасада, нема осветлување, нема сигнализација, нема туристичка понуда – само запуштеност и заборав“, рече Николовски.Тој посочи и дека ниту еден зелен покрив, иако ветен како дел од борбата против загадувањето, не е реализиран: „Не само што не постои ниту еден зелен покрив, туку не постои ниту еден јавен повик за нив. Една голема нула“, нагласи тој.Според податоците презентирани од СДСМ, од 30 капитални проекти влезени во програмата на Ѓорѓиевски, ниту еден не е реализиран – вклучително и ветувањата за велосипедски патеки, катни гаражи, базени и спортски сали, кои, како што велат од партијата, останале само на рендери и промотивни материјали.„Во меѓувреме, јавните пари се трошат на сомнителни тендери и скапи ПР кампањи, додека граѓаните живеат меѓу депонии, прашина и мрак. Кисела Вода е симбол на застој и корупција“, додаде Николовски.СДСМ порачува дека Скопје не смее да стане следната жртва на, како што ја нарекуваат, „празната ПР политика“ на Ѓорѓиевски.„Скопјани не се наивни. Главниот град не е експериментална зона за нови лаги. Скопје заслужува визија, реални проекти и луѓе што навистина работат за граѓаните“, заклучи Николовски.Партијата најави дека ќе продолжи со презентација на, како што велат, факти и аргументи што ја разоткриваат реалната слика зад ветувањата на актуелниот градоначалник на Кисела Вода и кандидат за Скопје.

Скопје | пред 2 месеци

Филипче: СДСМ е силата што ја враќа надежта и вербата во иднината на Македонија

Претседателот на Социјалдемократскиот сојуз на Македонија, д-р Венко Филипче, вечерва на граѓанската трибина во Охрид,  истакна дека СДСМ е државотворна партија со обврска пред предците да ја одбрани Македонија и да ја врати довербата на граѓаните.„За помалку од една година, актуелната власт донесе несигурност и страв кај граѓаните за тоа каде се движи нашата земја. Должни сме како СДСМ да истапиме, да ги збиеме редовите и да излеземе сите силно обединети на овие избори. Ова е наша должност, затоа што СДСМ е партијата која ги постави темелите на државата“, порача д-р Филипче.Тој нагласи дека мора социјалдемократите да се изборат за домот и дека борбата почнува од секое маало, од секоја улица и куќа. „Наша обврска е да ја вратиме надежта дека оваа власт не може да прави што сака. Да дигнеме глас дека нема да молчиме пред неправдите, ароганцијата и игнорирањето на потребите на луѓето. Не смееме да дозволиме државата да стане алатка за лични интереси“, додаде лидерот на СДСМ.Филипче ја критикуваше ВМРО-ДПМНЕ како неспособна и без капацитет да решава проблеми, потенцирајќи дека „докажаа дека знаат само да се одмаздуваат, да владеат со терор и да шиканираат“.„АСНОМ не ја создаде оваа држава за некој да ја приватизира за свои интереси.  Да ги руши стратешките позиции и цели кои ги зацртавме и кои се во интерес за сите граѓани. Ако сега не излеземе да се бориме, на секој ќе му биде тешко”, рече д-р Филипче.Тој повика на мобилизација и единство во вербата за подобра Македонија, бидејќи како што рече д-р Филипче ова не е промената што ја очекуваа граѓаните.„Наша задача да им ја вратиме вербата дека сме тука за нив. СДСМ е единствената реална опозиција и нашиот дом како социјалдемократи. Потребна ни е верба дека можеме да се избориме за подобра Македонија“, истакна д-р Филипче.Лидерот на СДСМ упати порака до сите што веруваат во идеологијата на СДСМ да се вклучат и застанат рамо до рамо за да ја заштитат иднината на државата. „Поделбите во опозицијата се во интерес на Мицкоски и ВМРО-ДПМНЕ. Силно верувам дека граѓаните гледаат и сфаќаат дека само единствена, организирана СДСМ може да ги одбрани нивните права и иднината на Македонија“, порача од Охрид претседателот на СДСМ, д-р  Филипче, на граѓанската трибина „Се бориме за нашиот дом”.

Македонија | пред 2 месеци

Филипче: Со чесна и посветена работа Асен Шајн ќе го врати сјајот на Охрид

Претседателот на Социјалдемократскиот сојуз  на Македонија, д-р Венко Филипче на граѓанската трибина во Охрид, порача дека оваа општина заслужува посветена, чесна и одговорна локална власт, со Охрид повторно ќе биде бисер на Македонија.„Сега имаме можност заедно да го направиме Охрид повторно бисер на Македонија. За нас и за нашите поколенија. Сега е време за промени во Охрид, време е општината да добие градоначалник како д-р Шајн”, порача д-р Филипче.Лидерот на СДСМ го претстави кандидатот за градоначалник, д-р Асен Шајн, како човек со визија, искуство и посветеност кој ќе ги заврши проектите, ќе го врати редот и ќе се грижи за охриѓани со чесност и посветеност.„Тој е тука за да го врати редот, да ги заврши проектите и да го врати Охрид на граѓаните. Асен е вреден човек, чесен човек. Човек кој ќе работи во интерес на Охриѓани и ќе се грижи за нив исто како што се грижи за нивното здравје. Кај него нема ароганција, нема непристапност, тој ќе биде човек на народот”, посочи д-р Филипче.Тој се осврна на моменталната состојба во општина Охрид, посочувајќи дека реалноста покажува сериозни проблеми: непланско ширење на градот, зголемени цени на јавни услуги, недовршени капитални проекти и сообраќаен хаос, што го намалува квалитетот на животот на охриѓани.„Охрид стана симбол на урбанистички хаос, со рекорден број дозволи за градба и недовршени проекти како плоштадот „Крушевска Република“, велосипедската патека до Св. Стефан и катната гаража. Локалната власт е фокусирана на фамилијарни вработувања и тендери, додека граѓаните се соочуваат со секојдневни проблеми“, нагласи Филипче на граѓанската трибина на СДСМ и Коалицијата „Се бориме за нашиот дом”.На крајот од своето обраќање лидерот на СДСМ повика граѓаните на 19-ти октомври да излезат и да гласаат за бројот 5 и за кандидатската листа на СДСМ, за да се овозможи враќање на довербата, редот и развојот во Охрид.

Македонија | пред 2 месеци

Пецаков: Општинскиот долг го намаливме за над 10 милиони евра, работиме на нови сообраќајни решенија, како и ново училиште

Кандидатот за градоначалник на општина Охрид, Кирил Пецаков, во гостување на МТВ, говореше за големите предизвици со кои се соочил изминатите години откако седнал на градоначалничката функција. Тој истакна дека како еден од клучните моменти за него е намалувањето на долгот од 14,5 милиони евра на 3,5 милиони.Пецаков наброја голем дел на реализирани проекти како што се велосипедски патеки, реконструкција на плоштади, фотоволтаици, основно училиште, спортска сала во Лескоец и други. Во однос на тоа што да се очекува од него следните 4 години, Пецаков ги истакна неговите ветувања.„Уредување на булевар „Туристичка“ во пресек со улицата Стив Наумов до Јане Сандански, уредување на кејот Македонија, на кејот во Пештани, реконструкција на културните домови во Љубаништа, Кочишта и во Црногорци, продолжување на фекалната канализација, започнавме со проект за одобрение на втора катна гаража, но и уште еден проект за одобрение за уште едно училиште“, посочи Пецаков.Градоначалникот Пецаков најави и стратегија за туризмот во наредните 10 години и како што кажа во соработка со централната власт ќе работат на зголемување на туристите во Охрид.„Стратегијата која ќе биде направена за наредните 10 години, заедно со централната власт би можеле заеднички да ја спроведеме. Синергијата помеѓу локалната и централната власт, со добивањето на посебно Министерство за култура и туризам, сметам дека ќе даде добри резултати, не само по однос на зголемување на бројот на туристи, што е основен императив за еден туристички центар, туку и во квалитетот на туризмот во иднина“, потенцираше Пецаков.

Македонија | пред 2 месеци

ВМРО-ДПМНЕ: Филипче да престане да работи за бугарските интереси поради неговите бонбона бизниси, туку да работи за македонските интереси

Венко Филипче, кандидат на СДСМ, преку новата резолуција се обидува да си отвори пат за нови „бонбона бизнис“ зделки заедно со неговиот политички ментор Зоран Заев – тврдат од ВМРО-ДПМНЕ, обвинувајќи го за штетни политики и работење спротивно на македонските национални интереси.„Филипче покажа и докажа дека му се важни само личните интереси, дури и по цена на понижување на македонскиот идентитет“, се вели во соопштението на партијата.Од ВМРО-ДПМНЕ потсетуваат дека Филипче основал фирма – Power i8 Ltd, регистрирана на иста адреса со компании поврзани со семејството Заеви, вклучително и фирмата „Гомасидра“, каде, според наводите, завршиле 9 милиони евра од тендерот за јаглен за РЕК Битола.„Ова криминално дуо, откако ги сврте 9-те милиони евра, отвори фирма и во Дојран за производство на фотоволтаици. Прав бонбона бизнис“, велат од ВМРО-ДПМНЕ.Според партијата, врската меѓу Филипче и Заев продолжува и преку заеднички интереси во Бугарија, каде, како што тврдат, се подготвува нова соработка на штета на македонските граѓани.„Наместо да работи за бугарските интереси, Филипче треба конечно да почне да работи за македонските“, порачуваат од опозициската партија.„Бонбона бизнисите не се вредни за Филипче да го предаде македонскиот народ и неговиот идентитет“, стои во соопштението.Од ВМРО-ДПМНЕ уверуваат дека граѓаните ќе знаат да препознаат кому да ја дадат довербата на претстојните избори:„Граѓаните се мудри и не ги поддржуваат ваквите политики. Затоа, на овие избори, ќе го направат вистинскиот избор – заокружување на бројот 9, за горда Македонија.“

Македонија | пред 2 месеци

Димитров: Ќе го вратиме животот во културните центри изградени во социјализмот

„Општина Карпош има сериозен потенцијал, особено во делот на културата, спортот и младите, но тој потенцијал досега не е искористен. Нашата програма е заснована на реконструкција и репарирање на постојната инфраструктура на културните објекти, отколку на нови градби. Мислам дека е доволно изградено, во изминатите мандати се отиде многу јако со градење згради, претежно на државно земјиште“, истакна Антонио Димитров, кандидат за градоначалник на Левица за Општина Карпош во видеоинтервју за „Слободен печат“.Димитров објаснува дека програмата се фокусира на обновување на постојните културни центри. „Меѓутоа, нашата идеја изразена во програмата е да одиме повеќе кон некаква реконструкција на тоа што е изградено уште во социјализмот. Порано во секоја општина имало културен центар. Кино имало во Влае и во Ѓорче Петров, Гази Баба, Кисела Вода, Карпош. Сето тоа е или приватизирано или руинирано, зошто да не го вратиме тој концепт на културни центри во секоја општина, како што било замислено некогаш. Скопје е европски град на културата за две години отсега. Тоа е во технички термини утре.“Димитров истакнува дека враќањето на културните центри не значи само обновување на објектите, туку и обновување на културниот живот во општината, со достапност на културни активности за сите граѓани. „Нашата идеја е да одиме кон реконструкција на тоа што е изградено уште во социјализмот и да ги обновиме културните центри во секоја општина“, додава тој.Тој потенцира дека многу од старите културни објекти се приватизирани или во лоша состојба, па е неопходно повторно да се врати концептот на културни центри за граѓаните.Со наближувањето на статусот на Скопје како Европски град на културата, според Димитров, инвестирањето во културната инфраструктура станува уште поважна и стратегиска цел. „Скопје ќе биде Европски град на културата за две години, и тоа е дополнителен мотив да инвестираме во културната инфраструктура“, заклучува тој.

Скопје | пред 2 месеци

Крмов: Забраната за рекламирање на Левица е политичка цензура

На народниот собир во Велес, освен претседателот на партијата Димитар Апасиев, присуствуваше и пратеникот Борислав Крмов, кој е и координатор на Изборна единица 3. Крмов се обрати пред граѓаните и зборуваше за цензурата со медиумско рекламирање што ѝ се прави на Левица.„Претседателот Апасиев и јас, како пратеник од оваа Изборна единица, сме тука за да дадеме поддршка на нашите членови од советничката листа. За локалните проблеми тие зборуваа и тие најдобро ги познаваат. Јас сакам да се осврнам на главната вест – забраната за рекламирање на Левица,“ рече Крмов.Тој нагласи дека ова не е обична мерка, туку чекор карактеристичен за авторитарни режими:„Граѓаните треба да знаат дека ова е политичка цензура. Авторитарните режими прво удираат на својот најголем непријател, а тоа очигледно е Левица. Ако СДСМ беше најголем противник на ВМРО-ДПМНЕ, ваква забрана ќе им се случеше ним. Како може триесет години тоа да не се случи никому, а денес се случува токму на Левица?“Крмов предупреди дека ваквите процеси не застануваат само на партиите:„Ова се, за жал, профашистички тенденции на власта. Прво ќе тргнат со политичките партии што им пречат, а потоа тоа ќе се префрли и кај граѓаните – со цензура, апсења и репресија. Затоа ова мора веднаш да се спречи.“И покрај забраната, Левица најавува дека овој срамен чекор на власта ќе го претвори во предност:„Нашиот наводен хендикеп, што нема да нè има во медиумите, ќе го претвориме во сила. Со тоа што Левица е единствената партија на која ѝ се забранува рекламирање, нè издвојуваат како единствена сила надвор од мноштвото. Ја акцентираат Левица како единствената партија што му прави проблем на ВМРО-ДПМНЕ и на целиот систем, како страно тело кое тие сакаат да го исфрлат.“Крмов порача дека токму тоа е надежта на граѓаните:„Луѓето триесет години чекаат нова, вистинска опција. Тоа е Левица – фактички, единствената опција на овие избори.“

Македонија | пред 2 месеци

Герасимовски: Нова градинка кај Клинички центар и дом за стари лица на Водно, се грижиме за сите генерации

Кандидатот за втор мандат и актуелен градоначалник на Општина Центар, Горан Герасимовски, во гостувањето во „Тема на денот“ во вестите на ТВ Сител истакна дека фокусот во неговата програма е насочен кон најмладите и највозрасните жители.„За родителите и учениците, во новата програма предвидуваме мерки за значителна заштеда на семејниот буџет. Сите ученици од прво до четврто одделение ќе имаат бесплатен и здрав оброк, а учениците од петто до деветто одделение бесплатна екскурзија низ Македонија,“ рече Герасимовски.Тој потсети дека општината веќе обезбедила бесплатни ранци за првоодделенците и бесплатни униформи.,,Последните четири години вложивме многу и во нашите градинки. Денес условите се подобри и од приватните, а цената е само 1.490 денари. Сите градинки се реконструирани, а ја изградивме и модерната градинка „Пролет,“ која стана пример за сите останати.Во следниот мандат почнуваме со изградба на нова градинка кај Клиничкиот центар, со капацитет за 100 деца и 25 воспитувачки. Планираме воведување на двосменски престој во градинките, за да им излеземе во пресрет на родителите. Веќе имаме успешен пример во „Пепелашка,“ каде функционира двосменска група со ужина, одмор и воспитувач, рече градоначалникот.Посебен акцент Герасимовски стави и на грижата за пензионерите.„Локацијата за нов Дом за стари лица е веќе определена , на Водно, со алтернативна можност во Капиштец. Домот ќе биде изграден на два ката, со вкупна површина од 400 квадратни метри и земјиште од 2.000 квадратни метри. Првично е замислено да биде за 50 лица, но најверојатно оваа бројка ќе биде поголема. Престојот ќе биде со минимална партиципација од 12.000 денари месечно, значително пониска цена во споредба со приватните домови,“ рече Герасимовски.

Скопје | пред 2 месеци

Филипче: Со ВМРО-ДПМНЕ економијата е на колена, секој ден има нови негативни економски показатели

Не постои ниту еден економски податок со кој може ВМРО-ДПМНЕ  да се пофалат, но затоа немаат проблем да лажат дека сме биле трети, четврти  петти, први во Европа, истакна претседателот на СДСМ, д-р Венко Филипче, на граѓанската трибина „Се бориме за нашиот дом“, што се одржа во Кисела Вода.Филипче предупреди дека економијата тоне, и секој ден има поразителни економски податоци„Економијата е на колена. Денес повторно поразителни податоци, пад на вработените во индустријата. Паднаа странските инвестиции за повеќе од половина, три месеци по ред не се случило до сега да паѓа  просечната плата. Инфлацијата е меѓу највисоките во Европа. Минималната плата најниска во Европа“, рече Филипче.Говорејќи за економската состојба, Филипче посочи дека Владата на ВМРО-ДПМНЕ за година и пол не направи ништо за државата да напредува.„Нема ниеден сегмент во кој може да се пофалат дека нешто направиле добро за државата, тоа е вистината со Христијан Мицкоски и со неговите политики.Ова е реалноста. Лажат, манипулираат и трошат пари за себе. А граѓаните остануваат без иднина“, рече Филипче.Во обраќањето пред граѓаните, Филипче порача дека СДСМ  нема да дозволиме ваквата состојба да продолжи, СДСМ се бори и ќе се бори за држава што е дом за сите, а не за мала група луѓе.„Се бориме за нашиот дом, за достоинствени плати, за пензија што носи мир за пензионерите, за млади што остануваат, за општини што работат за луѓето, што се отворени, чесни и  сервис на граѓаните - едноставно дом за секој еден од нас“, рече претседателот на СДСМ, Венко Филипче.

Скопје | пред 2 месеци

Мицкоски: На раководството на СДСМ не му веруваат ниту традиционалните гласачи

Претседателот на ВМРО-ДПМНЕ, Христијан Мицкоски на денешниот народен митинг во Зрновци, меѓу другото, порача дека работите на политичката сцена во Македонија се јасни, дека опонентите преку измама сакаат да доберат до фотелјите, кои наместо за проекти и план, зборуваат со омраза и се служат со интриги.Мицкоски посочи дека претседателот на Социјалдемократскиот сојуз, Венко Филипче се служи со истите лаги со кои се служеше неговиот претходник, Зоран Заев кој на времето ветуваше живот за сите, а Филипче сега ветува среќен живот.„Ги слушам вчера изјавите на претседателот на СДСМ, каде ветува среќен живот. Тој пред него ветуваше живот, сега овој ветува среќен живот. Истите лаги, од исти луѓе. Уште едно ветување кое, исто така, го дадоа е подарокот кон нашиот источен сосед. Измислија нов подарок за ново предавство национално, кое сега го спакуваа во еден документ наводно патриотски предлог, наречен Резолуција со црвени линии за решение со нашиот источен сосед“, рече Мицкоски.Мицкоски посочи дека е просто неверојатно е колку овие луѓе се забегани и мислат дека со истите финти ќе успеат, потценувајќи го народот да го прелажат.„Мора да бидат казнети затоа што сакаат повторно да направат измама на ист начин и буквално со истите финти. Не се променети и затоа мора и овој пат да бидат казнети, бидејќи, очигледно дека лекцијата од април, мај 2024 година не ја научија“, истакна Мицкоски.Претседателот Мицкоски посочи дека резултатите од спроведените анкети говорат дека рекордни 83% од граѓаните не им веруваат дека се искрени во тоа што го зборуваат, што покажува дека дури ни традиционални гласачи се свесни дека не ја говорат вистината.„Замислете што уште кажа претседателот на СДСМ. Тој рече, верувале или не, дека тие биле искрени. Ако правите анкета и ако ги прашате граѓаните дали мислат дека навистина овие од СДСМ се искрени и дали им веруваат за тоа што го зборуваат, рекордни 83 проценти ќе ви кажат „не“. И најголемиот дел од нив кога ќе ги потпрашате ќе ви кажат и брутално, а зинат лажат. Тоа е таа отсутност и обид да си кажат нешто, па ако им пројде – пројде. Дури и нивните традиционални гласачи се свесни дека не ја говорат вистината, што впрочем се гледа и од анкетите. И сега, тие продолжуваат бесрамно да зборуваат дека биле искрени. Човек просто не може да верува. Немам зборови“, порача Мицкоски.

Македонија | пред 2 месеци