(Видео) Ѓорѓиевски: Шах-мат ќе направам на избори

Орце Ѓорѓиевски, кој е гостин во Претрес со Ландов е убеден дека ќе биде нов градиначалник на Град Скопје.„Шах-мат ќе направам на избори.Му требам на градот. Не гледам дека има подобар од мене.Со Перински сум пријател, но анкетите го кажаа своето”, рече Ѓорѓиевски.Прва работа која ќе ја направи е да ги тргне рампите околу град Скопје.Тоа вели, не е Пентагон.Освен состојбата која е спротивна на закон се ќе преземе за да се решат проблемите во Скопје.Вети нови автобуси и ќе го реши проблемот со градскиот превоз.„Над 80 проценти од одлуките во Кисела Вода, се едногласно донесени зошто биле образложени и договорени. Очекувам конструктивен нов советнички состав во Скопје. Мора да соработуваме.Ако опозицијата има добар предлог, ќе го реализираме”, рече Ѓорѓиевски и посочи дека ако не може да го реализира ветеното нема да го држи народот во голгота. Потсети дека како претседател на ЗЕЛС ја започнал идејата за сменливост на градоначалниците.Следете не на:

Македонија | пред 3 месеци

(Видео) Орце Ѓорѓиевски:Премиер не сакам да бидам, министер можеби, сега го живеам својот сон

Кандидатот за градоначалник на Град Скопје од редовите на ВМРО-ДПМНЕ, Орце Ѓорѓиевски е гостин во Претрес со Ландов.Тој е убеден дека по октомври ќе биде нов градоначалник на Град Скопје.„Јас го живеам сега својот сон. Ние имаме најдобар премиер. Јас не сакам да бидам по градоначалничкото место во Скопје премиер, министер можеби”, рече Ѓорѓиевски.Од работата има добиено шеќер и сака по се да се посвети на семејството.Во Претрес говореше за реализираното во Кисела Вода, тешко му е што се уште не е решен проблемот со Центарот за зависници, но задоволен е што салата во Припор почна да се реализира, има велосипедски патеки.Не секогаш бил задоволен од неговиот тим, но вели дека е добар менаџер.„Јас бев прв кој се извини за Данела. Тоа ќе го поправам, ќе поправам за се што им направи на скопјани и тоа ми е дополнителен мотив.Данела и Каја не ми се таргет”, рече Ѓорѓиевски.Ја потенцираше идејата за Вардариште. Соодветен третман на Вардариште ќе има, ќе се засади трева и ќе има парк.Следете не на:

Скопје | пред 3 месеци

Петровска: Секое непостапување во случајот Росица мора да биде казнето!

„Росица месеци барала помош. Пријавувала закани, насилство, палење на автомобил. Повторувала повици до институциите да ја заштитат. Наместо заштита добила игнорирање. Наместо санкција насилникот останал слободен. Резултатот? Убиена е Росица. Убиен е и нејзиниот татко“, напиша пратеничката од СДСМ Славјанка Петровска на социјалните мрежи.Петровска која го изрази револтот по вчерашното свирепо убиство на 21 млада девојка од Велес и нејзиниот татко пишува дека тие не се жртви само на еден убиц туку на сите кои не постапиле по пријавите за малтретирање и насилство.„Убиецот е тој што го изврши злосторството но тој не е единствениот виновен. Виновни се и сите што премолчеле, одбиле да реагираат или свртеле глава. Тие се соучесници“, пишува пратеничката Петровска.Таа пишува дека ова убиство не е изолиран инцидент туку повторување на трагичен образец во кој не потфрла системот, туку луѓето кои избирале да не го спроведуваат.„Додека вината ја префрламе на системот, поединци од системот ќе продолжат да убиваат со своето молчење и непостапување. Избираат да не помогнат. Да не заштитат. И со тоа избираат да бидат дел од проблемот“, оценува Петровска.Пратеничката Петровска исто така пишува дека солзите на Росица и нејзиниот татко засекогаш ќе ги следат оние коишто земале плата за работните задачи кои не ги извршиле. За нив таа бара лична одговорност.„Секое непостапување има име и презиме и мора да биде казнето. Доста е со изговори. Време е за лична одговорност“, напиша Петровска.

Македонија | пред 3 месеци

Претрес во скопско, пронајдени стебла канабис, приведено едно лице

На 16.09.2025 околу 12:30 часот во с.Ајватовци, скопско, полициски службеници Единицата за интервентна полиција при СВР Скопје го лишија од слобода Д.С.(47) од с.Ајватовци поради сомнение за сторено кривично дело по член 215 од Кривичниот законик. Имено, по претходно добиени оперативни сознанија, полициските службеници го затекнаа лицето во близина на полуотворена фолија за одгледување на растенија во која се гледаа насадени повеке стебла од канабис.Местото беше обезбедено и подоцна, со судска наредба, полициски службеници од Единицата за недозволена трговија при СВР Скопје извршија претрес, при што пронајдоа и одземаа повеќе стебла од растението канабис. Д.С. е задржан во полициска станица и по целосно документирање на случајот, против него ќе биде поднесена соодветна пријава.

Скопје | пред 3 месеци

Крвав злостор во Велес: Убиени ќерка и татко, почина и напаѓачот

Денеска околу 15:30 часот на улицата „Кочо Рацин“ во Велес е пронајдено женско лице со повреди од остар предмет. Станува збор за 31-годишната Р.К. од Велес, која итната медицинска помош ја пренела во болницата, но лекарите констатирале смрт.Веднаш потоа, во домот на нејзиниот татко на истата улица, бил пронајден мртов и нејзиниот татко К.К. (68), исто така со повреди од остар предмет.Во истиот дом со повреди од остар предмет бил затекнат и И.С. (39) од Скопје, поранешен партнер на Р.К. Според првичните информации, токму тој ги нападнал ќерката и таткото, по што сам си нанел повреди. И.С. бил пренесен во болницата во Велес, каде што лекарите исто така констатирале смрт.Увид на местото на трагедијата врши јавен обвинител во содејство со увидна екипа на СВР Велес. Се преземаат мерки за целосно расчистување на случајот, информираат од Министерството за внатрешни работи.

Македонија | пред 3 месеци

Meџити: По завршувањето на подземните работи, следува асфалтирање и ново јавно осветлување на улица 157

Кандидатот за градоначалник на Општина Чаир, Изет Меџити, денеска беше на терен на улица 157 во населба Гази Баба во Чаир, каде што одблиску ја следеше динамиката на работите што се изведуваат на оваа улица.„Атмосферската канализација е речиси завршена и многу скоро ќе се поврзе со главната цевка на булеварот. Паралелно, се одвиваат и работите за водоводната мрежа, кои се движат според планот. Овој проект ќе ги подобри условите за живот на околу 90 семејства, жители на маалото“, изјави Меџити.Како што беше ветено, додаде тој, по завршувањето на подземните работи, проектот ќе продолжи со асфалтирање на улицата и поставување на ново јавно осветлување.Меџити им упати апел на жителите за разбирање, потенцирајќи декавременските услови се поволни и дека се очекува работите да завршат вонајкраток можен рок.

Скопје | пред 3 месеци

Кузеска: Имаме циркузантска влада која прави театар додека горат депонии и фабрики, одговорност мора да има

Портпаролката на СДСМ, Богданка Кузеска на денешната прес-конференција предупреди дека пожарот во Трубарево отвора многу прашања на кои институциите мора да одговорат, граѓаните мора да бидат информирани за загаденоста на воздухот и повика на одговорност за еколошката катастрофа.Како што кажа Кузеска, остануваат отворени прашањата за тоа колкаво количество токсичен отпад изгоре вчера, колкава беше концентрацијата на отровни, корозивни и опасни материи за здравјето на луѓето кои се шират низ воздухот.„Дали денеска воздухот во Скопје во кој се уште се чувствува мирис на изгорена пластика содржи отровни и канцерогени честички? Дали е целосно безбедно да се биде на отворено во одредени делови на Скопје и околината, за деца, бремени жени, возрасни, болни?“, изјави Кузеска.Таа посочи дека ова што се случува со пожарите во Трубарево, Дрисла и Вардариште е врв на неодговорност и незаинтересираност, а клучните луѓе во државата наместо да преземат одговорност и решенија измислуваат изговори и се обидуваат својата неспособност да ја префрлат на други.„Премиерот Мицкоски вели дека „воздухот во Скопје само изгледа загаден ама не е алармантен“. Стојанче Ангелов зборува за хибриден напад, како да сме во шпионски филм, а не во реална еколошка катастрофа. Панче Тошковски е целосно загубен помеѓу измислените приказни и префрлање на одговорноста на некој друг и исто како да не постои.Орце Ѓорѓиевски не гледа чад, туку „политички пожари за политички поени“. Граѓаните се гушат а не гледаат институционален одговор на оваа еколошка катастрофа“, рече Кузеска додавајќи дека нема ниту еден институционален план, ниту една мерка, ниту едно решение.На прес-конференцијата Кузеска потенцираше дека целата состојба е резултат на некадарност, безобразие и криминална рамнодушност. Затоа како што кажа Кузеска, СДСМ бара итна и темелна истрага за сите овие случаи и одговорност.„Политичка и кривична одговорност за сите што го прекршиле законот но и за оние од институциите кои не постапиле навреме а имале обврска да го сторат тоа. Одговорност за овој екоцид мора да има. Наместо држава, имаме шатор на циркузантска влада која прави шоу додека горат депонии и фабрики“, изјави портпаролката на СДСМ, Богданка Кузеска.

Скопје | пред 3 месеци

Шукова: Црн чад над Скопје граѓаните бараат одговорност, а не молк

Кандидатката за градоначалник на Град Скопје, Каја Шукова остро реагирашеза големиот пожар што попладнево изби во селото Трубарево и беше проследен со серија експлозии.„Скопје повторно под црн чад!Граѓаните пак вдишуваат отров наместо чист воздух. Кој ќе сноси одговорност за труењето на граѓаните?Наместо молк, граѓаните бараат одговори и одговорност. Четири години под раководство на ВМРО-ДПМНЕ во општините сѐ е импровизација. Отпадите и депониите работат без соодветни стандарди за заштита на животната средина и без контрола.ВМРО-ДПМНЕ и нивните градоначалници им должат одговори на граѓаните и тоа веднаш!Жителите на Скопје имаат право на здрав живот и чист воздух, а не на постојани пожари, чад и труење.Доста е со импровизации и молк. Време е за реални решенија и вистинска грижа за граѓаните"-напиша Шукова на Фејсбук.

Скопје | пред 3 месеци

Промовирана фотомонографијата „Свето таинство“ на Зоран Вељаноски Летра

Денес точно напладне, во охридскиот лапидариум, беше промовирана фотомоногрфијата „Свето таинство“ од охридскиот уметник и фотограф, Зоран Вељаноски Летра. Во ова уникатно дело се поместени 90 уметнички фотографии, проследени со 9 текста на еминенти уметници и професори. Промотор на книгата беше прославениот охридски поет Славе Ѓорго Димоски, кој во оваа пригода истакна:– Фотозаписите на Зоран Летра се далеку од едноставно (от)сликување на она што е пред (или при) очи, фаќање мигови и физичко пренесување; овде се претставува еден посебен концепт во кој се огледуваат автопоетичките точки на едно фотоистражување на Охрид од повеќе аспекти. Мислам дека тој прави вонреден напор фотографијата сама да се избори за да стане модел на стварноста, природата непосредно да му позира и да му наметнува своја содржина, а тој само да ја надградува со своите знаења и вештина.   Во име на локалната самоуправа, која е издавач на книгата, се обрати заменик градоначалникот Ана Крстеска.– Чест и задоволство ми е што овој убав септемвриски ден, тука во срцето на Охрид, имам можност да бидам дел од промоцијата на книгата „Свето Таинство“ од уметникот и фотограф Зоран Вељаноски-Летра.„Свето Таинство“ е издание кое ја слави убавината и не повикува на почит и одговорност, затоа што Охрид е богатство што ни е доверено, а нашата задача е да го чуваме и да го пренесуваме на идните генерации.Општина Охрид со гордост го поддржа овој проект, затоа што секое вложување во уметноста е поддршка за иднината. Со ова издание, локалната самоуправа уште еднаш ја потврдува својата посветеност кон уметниците, но и кон зачувување и промоција на нашата културна ризница.Почитувани, со оваа промоција, не славиме само едно уметничко дело, славиме една визија за Охрид како вечна инспирација, како место каде што уметноста и духовноста секогаш се прегрнуваат.Во мое лично име и во името на градоначалникот Кирил Пецаков, упатувам искрени честитки до Зоран Летра за ова големо остварување и му посакувам уште многу вакви изданија и уметнички дела, кои секогаш ќе не потсетуваат дека живееме во град кој е самиот по себе – Свето таинство.Заблагодарувајќи се на присуството на настанот и на сите кои учествувале во креирањето на „Светото таинство“, авторот истакна дека ова е само еден циклус од неговото творештво и изрази уверување дека во иднина заедно со неговите сродни уметнички души ќе ни подари уште многу нови уметнички дела.

ОО | пред 3 месеци

Ѓорѓиевски ја поднесе кандидатурата за градоначалник на Скопје

Орце Ѓорѓиевски, кандидат за градоначалник на Скопје од редовите на ВМРО-ДПМНЕ, денеска официјално ја поднесе својата кандидатура пред Државната изборна комисија.„Со голема чест и уште поголема одговорност, ја поднесов мојата кандидатура за градоначалник на Скопје пред ДИК. Овој ден е нашата заедничка борба за Скопје какво што сите го сакаме: достоинствено, модерно, чисто и полно со живот,“ изјави Ѓорѓиевски.Тој им се заблагодари на својата матична партија и на претседателот Христијан Мицкоски за поддршката, како и на граѓаните кои, како што нагласи, веруваат дека Скопје може и мора да биде подобро.„Подавам рака на сите кои Скопје го сакаат како свој град. Подавам рака да го направиме Скопје симпатично, пристојно и убаво место за живеење. Подавам рака за Скопје на сите негови граѓани,“ порача кандидатот.Ѓорѓиевски најави дека ќе ја води кампањата со енергија, визија и решителност, со цел, како што рече, „да изградиме град кој ќе биде гордост и дом за сите генерации“.

Скопје | пред 3 месеци

Марковски: Скопје доживува клиничка смрт, потребни се експерти и трајни решенија

Независниот кандидат за градоначалник на Скопје, Горан Марковски, остро реагираше на состојбата со загадувањето и депониите во главниот град, оценувајќи дека градот се наоѓа во „клиничка смрт“.„После вчерашната поддршка на граѓаните од населбите Аеродром и Ново Лисиче кои, заедно со сите нас, систематски се трујат во гасната комора на неодговорноста, можам само уште еднаш да констатирам дека нашето Скопје доживува клиничка смрт од која можат да го спасат единствено докажани независни експерти во своите области,“ напиша Марковски.Тој предупреди дека политиканството може само дополнително да го уништи градот, споредувајќи го со „инекција за еутаназија“.„Потребни се итни, конкретни мерки за трајно решавање на проблемот со новото и постојното ѓубре – болни, но современи и долгорочни решенија без манипулативен популизам. Нема лесни и ефикасни решенија за долготрајно наталожени проблеми,“ порача независниот кандидат.

Скопје | пред 3 месеци

Нема фотографија

Манасиевски: Над 700 илјади денари Апасиев ставил во неговиот џеб од парите на партијата Левица, пари кои ги добива од граѓаните преку Буџетот на државата

„Над 700 илјади денари Апасиев ставил во неговиот џеб од парите на партијата Левица, пари кои ги добива од граѓаните преку Буџетот на државата“, вели Валентин Манасиевски и додава:Димитар Апасиев, кој пред јавноста се претставува како чесен и скромен човек, земал над 700 илјади денари од касата на партијата Левица, за свои приватни потреби.Лицемерието на Апасиев и Левица е огромно, од една страна не земаат патни трошоци како пратеници и глумат скромни пред камера, меѓутоа позади камерaте, ја молзат и цицаат партијата, правејќи стотици трансакции и земајќи стотици илјади денари за свои лични потреби.Имено, на ден 17.03.2023 година, Апасиев земал 52.000 денари нето, од партиската каса за приватни цели, можеби ја реновирал кујната. На 14.04.2022 година, земал 25.480 денари, потоа на 12.07.2022 година, земал 27.300 денари, па на 19.08 истата година – 24.050 денари, и така натаму и така натаму, за да Апасиев достигне до сума над 700 илјади денари средства земени во неговиот џеб од сопствената партија.Почитувани, крајно лицемерно е Апасиев да глуми жртва и скромност пред јавноста, додека во позадина краде од Буџетот на неговата партија. Пари кои граѓаните ги донираат на таа партија, Апасиев си ги користи за свои приватни цели. Замислете ваков човек како Апасиев да добие можност да води општина, град или пак Влада. Буџетот ќе се потроши за рекордно брзо време.

Македонија | пред 3 месеци

Герасимовски: Денеска поставуваме фотоволтаични панели во училиштето „Св. Кирил и Методиј“

Денес започна поставувањето на фотоволтаични панели во Основното општинско училиште „Св. Кирил и Методиј“. Градоначалникот Горан Герасимовски утрово го посети ова центарско училиште и им посака успешна работа на екипите задолжени за инсталацијата.„Денеска сме во училиштето „Св. Кирил и Методиј“ каде што ги поставуваме фотоволтаичните панели на нашите кровови. По завршување на поставување на фотоволтаични панели на училиштето „Киро Глигоров“ сега продолжуваме и во другите училишта. Општина Центар е енергетски независна општина, општина којашто е прва и има основано претпријатие за производство и продажба на електрична енергија „Енергија Центар“. Продолжуваме да го користиме сонцето и преку обновливи извори на енергија да ги задоволуваме потребите за струја во нашите училишта и со тоа ги намалуваме сметките на самите училишта“, рече Герасимовски.Со поставувањето на фотоволтаични панели во училиштата се обезбедуваат подобри услови за наставниот процес, се поттикнува еколошката свест кај младите генерации и се создава пример којшто може да го следат и други институции.

Скопје | пред 3 месеци

Стаменкоска Трајкоска: Сета енергија и сиот фокус ќе ги ставам во насока на подобра Кисела Вода

Бети Стаменкоска Трајкоска, кандидатка за градоначалничка од ВМРО-ДПМНЕ на општина Кисела Вода, беше гостинка во емисијата ,,За или против“ на телевизија Алфа. Стаменкоска Трајкоска зборуваше за нејзината кандидатура, што според неа да се биде градоначалник значи голема пожртвуваност, фокус, енергија и посветеност.„Со сегашниот градоначалник и идниот градоначалник на Град Скопје, Орце Ѓорѓиевски, имавме многу тесна соработка. Ние мораме да знаеме со какви проблеми е општината или делот од каде што живееме, бидејќи тоа е микросредина која што на нас ни е многу битна. Тоа е нашиот дом“, рече Стаменкоска Трајкоска.Таа истакна дека да се биде градоначалник значи пожртвуваност, енергија, фокус и посветеност.„Како таа енергија те храни за да издржуваш во тие тешки моменти, а секако многу тешка функција од аспект на тоа што бара навистина пожртвуваност, бара многу енергија, бара многу фокус посветеност и ред други работи“, кажа Стаменкоска Трајкоска и додаде:„Кога се разговарало пак за темата Град Скопје, јас секогаш сум знаела да кажам, Кисела Вода не ја оставам и склопот на сите околности. Во еден момент морам да признаам, предизвикот заради тоа што сум жена ми даде еден мотив да кажам од една страна, да навистина почнам да размислувам во тоа што значи да се биде градоначалник на една општина. Општина Кисела Вода е општина која што навистина заслужува многу треба многу треба многу за општина кисела вода ќе се прави“.

Скопје | пред 3 месеци

(ВО ЖИВО) Џамбазов: Груевски ме носеше на ушка

Игор Џамбазов во Прегрес со Ландов, се потсети дека со експремиерот Никола Груевски настапувал во „Чија си” и во „Грев или шприцер”. Тој, вели Џамбазов, уживаше во тоа.„Беше вљубеник во театар.Имаше сцена во Грев или шприцер, во која Груевски ме носеше на ушка кога ме испраќаа во војска.Не знам дали сега оди во театар, чуден е јазикот таму”, рече Џамбазов.Не верува дека ќе дочека да настапи во реновираната Универзална сала во која има најмногу настапувано.„Не требаше таа да се урива, таа се замозапали”, вели Џамбазов чија голема желба е повторно да заживее Универзална сала.Тој говори и за неговиот неуспешен обид да влезе во политиката, иако вели дека имал освоено повеќе гласови од Павле Трајанов и Тупурковски заедно.Да влезел во Парламентот немаше да дозволи министер да не знае да го говори македонскиот јазик.„Унковски е најдобар режисер, но најлош министер за култура. Љутков е неподготвен”, рече Џамбазов.Следете не на линкот:

Скопје | пред 3 месеци

(ВО ЖИВО) Џамбазов: Уметникот не треба да се занимава со политика

Познатиот глумец, шоумен, пејач и писател, Игор Џамбазов е гостин во првиот Претрес со Ландов во третата сезона. Тој говори за неговиот живот, кариера, политиката, семејството.„Сакам спомените за се, да ми останат убави. Петнаесет години во Драмски не сум бил. Избегнувам да одам на гробишта.Драмски заслужува нова зграда.Истото важи и за МНТ. Театар без бифе не го бива”, вели Џамбазов.Сегашниот министер за култура доаѓа од актерската фела, но вели Џамбазов, уметникот не треба да се занимава со политика.Следете не на линкот:

Скопје | пред 3 месеци

Ѓорѓиевски: Ќе победиме силно, затоа што граѓаните нé препознаваат по работа и резултати

„Ќе победиме силно!“ , вели Орце Ѓеорѓиевски и додаде:Вечерва сме во Ѓорче Петров, помеѓу својот народ, на завршниот настан од караванот за идеи и предлози.Со моите драги пријатели и силна поддршка уште од самиот почеток - сегашниот и иден градоначалник Александар Стојкоски и Бојан Стојаноски, заедно со нивниот одличен тим, убеден сум дека тука во Ѓорче ќе оствариме историска победа.Она што го видов вечерва, масовноста, енергијата и искрената поддршка е најголем доказ дека сме на вистинскиот пат.Ќе победиме секаде, а најсилно во Скопје, затоа што ние нудиме работа, а не празни флоскули.Ќе победиме силно, затоа што граѓаните нѐ препознаваат по работа и резултати!Оваа победа ќе биде победа на народот, на чесноста и на вистинските вредности.Заедно ќе изградиме Скопје кое ќе биде симбол на развој и гордост.Секој од нас е дел од оваа приказна, секој од нас е сила за најдоброто што доаѓа!

Скопје | пред 3 месеци

Нема фотографија

Андонов: Ново матично одделение е отворено во Василево, го слушаме гласот на граѓаните и им го олеснивме пристапот до ваквите услуги

Славе Андонов, актуелен и кандидат за градоначалник на општина Василево од ВМРО-ДПМНЕ, беше гостин во емисијата За или против на телевизија Алфа. Андонов зборуваше за отворање на ново матично одделение во општина Василево, и истакна дека претходно тоа било проблем за жителите на општина Василево. Тој додаде и дека направил се во рамки на неговите надлежности како градоначалник.,,Ова беше навистина голем проблем за граѓаните на нашата општина. Меѓутоа и за граѓаните на две други населени места од општина Струмица бидејќи ова матично одделение, матична канцеларија во општина Василево опфаќаше покрај сите населени места во нашата општина и две населени места од општина Струмица. Со тоа се кажува и значењето на оваа канцеларија“, рече Андонов.Андонов истакна дека како градоначалник на општина Василево, во рамки на неговите надлежности, успеал да издејствува кај Управата за водење на матични книги.,,Како градоначалник ја гледав таа потреба, го слушав гласот на граѓаните, и направив се што е во мои можности и рамки како градоначалник да издејствувам кај Управата за водење на матични книги, повторно да се отвори канцеларијата во општина Василево, поточно во зградата на Културниот дом во Василево, и таму граѓаните да поднесуваат барања и истите да ги подигаат изводите од било која област“, кажа Андонов.Според него, ова ќе ги олесни услугите за граѓаните при вадење на документи: ,,Со тоа го олеснивме пристапот до овие услуги и мислам дека и тоа е интенцијата и на мене како градоначалник, но и на нашата администрација. Администрацијата да биде поблиску до граѓаните, а не далеку од нив“.Андонов додаде дека вработените во општината во Василево, допринесоа општината да биде финансиски стабилна.,,Со домаќинско работење, со чесно работење, со алоцирање на средствата таму каде што се најпотребни за граѓаните. Со работа и труд докажавме дека можеме и да го надминеме и не само тоа, општина Василево имајќи во предвид ваквиот долг успеа енормно задолжена општина да стане едно големо градилиште каде што се градат големи капитални објекти“, заклучи Андонов.

Македонија | пред 3 месеци

Прекинат сообраќајот на патот Мавровска крстосница-Гостивар поради сообраќајна несреќа, возилата се пренасочуваат по споредните патишта

Денеска (08.09.2025) во ОВР Гостивар во 15:56 часот пријавена е сообраќајна несреќа на магистралниот пат од Мавровска крстосница кон Гостивар, во која учествувале четири мотоцикли и четири патнички возила.До сега се пријавени пет повредени лица. Сообраќајот на овој магистрален пат е во прекин, а од страна на полициски службеници од ОВР Гостивар сообраќајот се пренасочува по споредни локални патишта (Прогрес каменолом и Панорама кај Вруток).

Македонија | пред 3 месеци

Истражителите чекаат – нецелосно изгаснатиот пожар во „Винчини“ го блокира увидот

Увидот во фабриката за кондиторски производи „Макпрогрес“ во Виница сè уште не може да започне, бидејќи пожарот што избувна вчеравечер не е целосно изгаснат. Според информациите од Државното јавно обвинителство, на терен е јавен обвинител од Основното јавно обвинителство – Кочани, кој издава наредби и насоки за преземање на други дејствија со цел целосно испитување на настанот.Повредени 18 лица, меѓу нив и пожарникари. Пожарот избувна околу 18 часот во магацинските и производствените погони на фабриката. Во гаснењето беа вклучени противпожарни екипи од Виница и од повеќе соседни општини. Според официјалните податоци, повредени се 18 лица, од кои 13 се хоспитализирани, но сите се во стабилна здравствена состојба.Осуммина вработени во фабриката добиле медицинска помош на Клиниката за токсикологија во Скопје. Четворица пожарникари биле примени во Општата болница во Кочани, а една пожарникарка е хоспитализирана во Клиничката болница во Штип.Формиран кризен штаб за справување со последиците. Стопанската комора на Северна Македонија, чија членка е „Макпрогрес“, најави формирање кризен штаб заедно со сопственикот на фабриката. Целта е целосно нормализирање на состојбата и координација на понатамошните чекори.„Екипа на Стопанската комора е присутна на местото на настанот од првиот момент и заедно со сопствениците ќе формира кризен штаб. Комората презема активности за целосно нормализирање на состојбите,“ информираа од таму.„Макпрогрес“, основана пред 35 години, е една од водечките домашни компании во прехранбената индустрија, а според официјалните податоци, околу 75 проценти од производството е наменето за извоз.

Македонија | пред 3 месеци

35 години работа уништени за неколку часа – менаџментот на „Макпрогрес“ најави експресна реконструкција

Изгорените производствени линии на фабриката за кондиторски производи „Макпрогрес Винчини“ од Виница експресно ќе бидат обновени, а сите вработени ќе се вратат на работа, соопшти менаџментот на компанијата. „Стихијата беше огромна и направи уште поголеми штети, но уште од денес работиме производството да се обнови итно. Дел од вработените ќе бидат ангажирани во преостанатите погони“, изјавија од „Макпрогрес Винчини“ за штипската ТВ Стар.Во катастрофалниот пожар синоќа до темел изгореа три производствени погони, два магацини полни со стока и административниот дел од фабриката, во која работат вкупно 500 лица. „Макпрогрес Винчини“ е најголемиот стопански објект во општина Виница, а уништувањето на фабриката ќе има последици и за соседните општини Кочани и Штип, бидејќи од таму доаѓаат не само вработени, туку и бројни кооперанти кои ја снабдуваат фабриката со суровини. Според ТВ Стар, сопствениците велат дека штетата е милионска, а точната сума ќе биде позната откако проценителите од осигурителните компании ќе излезат на терен. Стопанската комора најави формирање кризен штаб заедно со сопствениците.„Вчеравечер околу 19:20 часот, претседателот на Стопанската комора Бранко Азески беше известен од сопственикот на ‘Макпрогрес’ Виница, Глигор Цветанов, дека во фабриката има пожар. Веднаш беше алармирана Владата, премиерот, како и вицепремиерот и министерот за транспорт, кои ги дадоа потребните наредби за спасување на целокупната фабрика, но и покрај интензивните активности, мора да се констатира дека три клучни погони се целосно уништени. Комората презема активности за целосно нормализирање на состојбите“, се вели во соопштението.„Макпрогрес Винчини“ е основана пред 35 години и е водечки производител во кондиторско-пекарската индустрија во Македонија. Компанијата извезува 75% од своето производство во 55 држави, а лани остварила извоз во вредност од 35,8 милиони евра. „Макпрогрес“ има повеќе од 750 вработени и покрај „Винчини“ произведува уште пет брендови, меѓу кои „Сончева долина“, „Натура“, „Дониа“ и „Фантазија“.Вкупно 18 лица беа примени во кочанската Општа болница со повреди во пожарот, дел од нив се задржани таму, а дел беа препратени на скопските клиники. Сите се во стабилна состојба. При неколкучасовната интервенција на пожарникарите, дел од нив добиле изгореници на стапалата откако се заглавиле во стопена смола од шеќер во еден од погони. Министерството за здравство соопшти дека хоспитализирани се една пожарникарка во Клиничката болница во Штип, четири пожарникари во Кочани и осум вработени на Клиниката за токсикологија во Скопје, и сите се во стабилна здравствена состојба.

Македонија | пред 3 месеци

Интерно и хирургија преполни со пациенти – пожарот во Виница остави сериозни последици

Бројот на повредени во големиот пожар што од вчера беснее во фабриката „Макпрогрес“ во Виница се искачи на вкупно 18 лица, покажуваат последните официјални информации. Поради сериозноста на повредите, 16 лица се хоспитализирани, а шестмина од нив се итно пренесени на Клиниката за токсикологија во Скопје.Според последниот извештај за состојбата на повредените, најголем дел од хоспитализираните се борат со последиците од вдишување на густиот чад и токсичните гасови што се ослободуваа од пожарот.Во болницата во Кочани, која го прими првичниот бран на пациенти, моментално се згрижени вкупно 10 лица. Од нив:Петмина се на интерното одделение поради инхалациони повреди.Петмина се на хируршкото одделение, од кои четворица се третираат за изгореници од прв и втор степен, а еден пациент исто така поради повреди од вдишување.Најсериозните случаи на труење со чад се препратени во Скопје, каде шест лица се наоѓаат под лекарски надзор на Клиниката за токсикологија.Пожарот во погоните на „Винчини“ избувна вчера во раните вечерни часови, а во неговото гаснење учествуваа противпожарни единици од повеќе градови.

Македонија | пред 3 месеци

Лишен од слобода малолетник во Скопје, кај него пронајдени пиштол и куршуми, се обидел да бега од полициските службеници но бил фатен

На 06.09.2025 во 18:10 часот во Скопје, во близина на гробиштата Бутел, полициски службеници од СВР Скопје лишиле од слобода 16-годишен малолетник од Скопје.При сообраќајна контрола во Скопје, полициските служебници дале знак за запирање на мотоцикл, кој го управувал малолетникот, но тој не застанал и се дал во бегство.По преземени мерки и активности од страна на полициските службеници, малолетникот е запрен и лишен од слобода, а при извршен преглед, кај него бил пронајден и одземен пиштол „Ц3“ и куршуми. По целосно документирање на случајот, ќе биде поднесен соодветен поднесок.

Скопје | пред 3 месеци

Земјотрес со јачина од 4,9 степени ја стресе Турција

Земјотрес со јачина од 4,9степени по Рихтер денеска го погоди западниот дел на Турција.Епицентарот бил на длабочина од 11 километри.Според податоците на Дирекцијата за управување со катастрофи и вонредни состојби (AFAD), епицентарот на земјотресот бил во Синдирги, а регистрираната јачина била 4,9 степени. Потресот бил регистриран и на 58 километри југ-југозападно од градот Баликесир.Засега нема информации за евентуални жртви или материјална штета.

Свет | пред 3 месеци

Подржувачите на Вучиќ вечерва на протест против блокадите

Подржувачите на Вучиќ, членовите на СНС, вечерва ќе протестираат против студентските блокади.Протести се најавени низ цела Србија. Според нив блокадите го нарушуваат секојдневното функционирање на државата и дека граѓаните сакаат да се вратат во нормалниот живот и работа.Српскиот претседател Александар Вучиќ најави дека денес ќе присуствува на митинг и дека тоа ќе биде семеен собир кој ќе биде мирен и ќе испрати порака за тоа каква Србија сакаат мнозинството нејзини граѓани.„Ќе учествувам а таму нема да има полиција. Тие ја напаѓаат полицијата затоа што знаат дека нашите полицајци се толерантни“, изјави Вучиќ вчера на гостување во ТВ Пинк.Најавени е дека граѓаните ќе се соберат од 18:00 часот и тоа во 120 градови и населени места, по што се планирани мирни маршеви против блокадите.

Свет | пред 3 месеци