Шукова: Скопје за сите одржливо, паметно, солидарно, се бориме за нашиот дом со реални проекти и знаење

Кандидатката за градоначалничка на Скопје од СДСМ Каја Шукова ја презентираше својата конкретна програма и приоритети за подобрување на животот во градот.Шукова, ја претстави својата визија заСкопје за сите – одржливо, паметно, солидарно. Потенцираше дека преку знаење и реални проекти:,,Се бориме за нашиот дом со реални проекти и знаење".Во својот говор, Шукова нагласи дека Скопје мора да биде град со чист воздух, уредени улици, функционален јавен превоз, зелени површини и современо управување со отпадот. Таа истакна дека не ветува чуда, туку чесна и посветена работа, со транспарентна и отчетна власт.„Скопје не е експеримент. Граѓаните не се тука за некој да ‘проба’ уште еднаш. Јас нема да бидам градоначалник на партијата, ќе бидам градоначалник на граѓаните“, рече Шукова.Кандидатката презентираше дел од проекти кои вклучуваат:Воведување на 100 нови еколошки автобуси и БРТ систем за јавен превоз;Изградба на 15 нови паркови и засадување на 10.000 нови дрвја;Модернизација на комуналната хигиена, воведување подземни контејнери и редовно собирање отпад;Технолошки парк на Град Скопје место каде стартапите, иноваторите и претприемачите ќе најдат сè што им треба на едноместо: канцеларии, лаборатории, менторска поддршкаи пристап до инвеститори;Изградба на нови училишта и младински центри;Поддршка на културни настани и уметнички фестивали;Воведување отворен буџет и дигитални услуги за транспарентно управување со јавните средства.Шукова истакна дека нејзиниот тим се состои од експерти за урбанизам, сообраќај, екологија, економија, култура и спорт, младин кои ќе ја спроведуваат визијата за подобрување на животот во Скопје.,,Јас не барам поддршка ‘против некого’, туку поддршка за вас, за вашите семејства, за вашите деца. Ајде заедно да го изградиме Скопје како модерен, европски, зелен и хуман град“, заклучи Шукова.

Скопје | пред 2 месеци

Филипче: Каја е чесна и работлива, глас за неа е глас за чисто Скопје

Претседателот на СДСМ, Венко Филипче, кој денеска беше на промоција на изборната програма на кандидатката за градоначалничка на Град Скопје, Каја Шукова, и порача таа да остане чесна и работлива затоа што зад неа стои визија за поинакво и поубаво Скопје.„Остани чесна, работлива, отворена, искрена, како што си, среди ги улиците, исчисти ги депониите. Осветли ги и направи ги побезбедни за децата да можат спокојно да одат до училиште. Среди ги и паркинзите да има повеќе паркинзи, среди ги најпотребните раскрсници. Сите знаеме кои се тие. Среди го кејот, да не личи на некоја запуштена џунгла. Кеј на кој што сите ќе одиме и на кој ќе може да спортуваме. Едноставно врати му ја душата на Скопје“, и порача Филипче на кандидатката за градонаалничка Каја Шукова.Притоа тој истакна дека нејзината програма не е само политички документ туку план за чист град и достоинствени граѓани правен на база на анализа од тим  на есперти кои се залагаат за вистинска грижа за градот.„Програмата на Каја не е само политички документ. Ова е резултат на работа, на анализа, на вистинска грижа за град. И Каја не е сама,  со неа се искучителни кандидати за Советот на град Скопје, експерти, активисти, луѓе што знаат, можат и умеат. Се бориш со луѓе и против кандидати во споредба со кои мислам дека имаш инает и многу легитимитет и кредибилитет да излезеш пред граѓаните и да бараш довербата. Ние ќе покажаме дека може поинаку. Ќе покажаме дека постои политика што не почнува и не завршува со прес конференција. Политика што не се плаши од работа. Каја Шукова има јасна визија за Скопје и да ја ќе ја спроведе. А ние сме тука да ја подржиме, не со зборови. Туку со цел тим, со цела платформа и со целата одговорност“, рече Филипче на промоција на исборната програма.На крајот, тој испрати апел до граѓаните на 19 октомври да излезат и гласаат и да не дозволат некој друг да одлучи за судбината на градот.„Гласот за Каја Шукова е глас за модерно, чисто и функционално Скопје“, заврши тој.

Скопје | пред 2 месеци

Трајковски алармира: Од ОХИС се шири неподнослив мирис, граѓаните стравуваат од линданот

Кандидатот за градоначалник на Кисела Вода од редовите на СДСМ, Горан Трајковски, предупреди дека во околината на фабриката ОХИС се шири силен и непријатен мирис, кој предизвикува страв кај граѓаните дека може да е поврзан со токсичниот линдан складиран таму.„Мирисот е толку интензивен, особено во вечерните часови, што населението од Пинтија, Усје и Градинар информира дека наликува како да живеат во самиот круг на фабриката. Сосема оправдано стравуваат дека причинител на ова може да е линданот“, напиша Трајковски на својот профил на Фејсбук.Тој побара од надлежните институции веднаш да реагираат со: • итна инспекција и мерења на загаденоста на терен, • јавно информирање за изворот на мирисот и утврдување дали е поврзан со линданот, • привремени мерки за заштита на локалното население, доколку мерењата покажат токсичност.„Здравјето на нашите сограѓани е во прашање – неопходно е веднаш да се реагира“, нагласи Трајковски, додавајќи дека доколку биде избран за градоначалник, ќе преземе сè што е во негова надлежност за заштита на здравјето на граѓаните.Линданот во ОХИС со години претставува една од најголемите еколошки закани во земјава. Дел од залихите се уште не се безбедно отстранети, а стручната јавност повеќепати предупредувала дека секое нарушување на складираните депонии може да има сериозни последици по здравјето на населението и животната средина.

Скопје | пред 2 месеци

Потрага на Водно: Исчезнат полски државјанин, ангажирани полицијата, Црвениот крст и ДЗС

Голема потрага е во тек на падините на планината Водно по машко лице, државјанин на Полска, чие исчезнување било пријавено на бројот за итни повици 112. Центарот за управување со кризи (ЦУК) веднаш ги координирал сите надлежни служби за спасување. Според информациите од ЦУК, по добиената пријава, веднаш биле известени Министерството за внатрешни работи, со насока да формира специјален тим за пребарување, како и Црвениот крст. Потрагата по лицето веќе е започната, а тим за заштита и спасување од Дирекцијата за заштита и спасување (ДЗС) е упатен на локацијата каде што последно е пријавено дека е видено или изгубено лицето.Во моментов нема детали за идентитетот на исчезнатиот, ниту за околностите под кои исчезнал. Се очекуваат повеќе информации од надлежните служби во текот на вечерта.

Скопје | пред 2 месеци

Меџити: Улицата „Максут Садик“ пред завршување, значајна инвестиција за Чаир

Денес, првиот Заменик премиер и воедно кандидат на коалицијата ВЛЕН заградоначалник на општина Чаир, Изет Меџити ги следеше работите зареконструкција на улицата “Максут Садик“ во Чаир, значаенинфраструктурен проект кој го поврзува овој дел на општината собулеварот „Никола Карев“ и со Универзитетот „Мајка Тереза“, каде штонаскоро ќе се изгради современ универзитетски кампус.Станува збор за инвестиција од околу 220.000 евра, која се реализира соподдршка на Владата во рамки на Програмата за инфраструктурни проекти воопштините за 2025 година.„Денес сум тука заедно со вас за да го следиме напредокот нареконструкцијата на улицата ‘Максут Садик’. Оваа улица не е само обичнасообраќајница, туку важна артерија која го поврзува овој дел на Чаир собулеварот ‘Никола Карев’, со Универзитетот ‘Мајка Тереза’, каде штомногу скоро ќе никне модерен универзитетски кампус. Ова е инвестиција одоколу 220.000 евра, која се реализира со поддршка на Владата во рамки наПрограмата за инфраструктурни проекти во општините за 2025 година“,изјави Меџити.Работите, како што тој истакна, се одвиваат со брзо темпо и проектот сеочекува да заврши за две недели.“Ова значи дека жителите од ова населба, а особено ромската заедница,која со години чекала подобри услови за движење, конечно ќе добијатинфраструктура каква што заслужуваат“.Меџити додаде дека овој проект не се однесува само на асфалтирање, тукуи на конкретна посветеност кон заедницата.“За мене ова е повеќе од асфалт и нова улица. Ова е потврда дека когаВладата и општината ќе застанат заедно, резултатите стигнуваат долуѓето. Ова е пример за тоа како конкретни дела ја менуваатсекојдневната реалност“, нагласи тој.Меџити уште еднаш го потенцираше своето лично залагање за развојот наопштината.“Како човек кој целиот свој живот го поминал во Чаир, добро ја знамсекоја улица и секој проблем. Мојата посветеност е јасна: да обезбедименови инвестиции, нови услови и нова енергија за Чаир. Ова е самопочеток. Чаир има потенцијал, има сила и ќе го има развојот што гозаслужува“, оцени Меџити.

Македонија | пред 2 месеци

Костовски: Мега проект во општина Бутел, потпишан договор за нова модерна поликлиника

Во просториите на Министерството за здравство денес беше потпишан договорот за спроведување на групна набавка за изградба на нова, модерна поликлиника во општина Бутел.Договорот го потпишаа министерот за здравство Азир Алиу и градоначалникот на општина Бутел, Дарко Костовски. По повод потпишувањето, Костовски преку објава на социјалните мрежи информираше дека ова е „историски миг за граѓаните на општина Бутел“ и дека поликлиниката ќе ги исполни највисоките стандарди за безбедност и квалитет.„Ви ветив и ќе остварам! Со овој проект нашите жители конечно ќе добијат современ здравствен центар. Благодарност до премиерот Христијан Мицкоски кој стои зад овој мега проект,“ напиша Костовски.Тој најави дека новата поликлиника ќе нуди широк спектар на здравствени услуги и ќе биде лоцирана на местото на старата амбуланта, согласно деталниот урбанистички план. Изградбата треба да започне наскоро.„Со нетрпение го очекувам денот кога ќе го поставиме камен-темелникот,“ додаде градоначалникот во објавата, оценувајќи дека проектот претставува значаен чекор за општината.

Скопје | пред 2 месеци

ЦИВИЛ: Злоупотребата на деца во изборните кампањи мора да престане

Во пресрет на локалните избори, чија официјална кампања ќе започне за неколку дена, Мониторинг тимот на ЦИВИЛ регистрира повеќе случаи на злоупотреба на деца и малолетници во политичките активности.Политичката злоупотреба на деца е строго забранета со закон! Член 12, став 4 од Законот за заштита на децата јасно утврдува: „Се забранува злоупотреба на децата поради политичко или верско организирање и дејствување“.ЦИВИЛ потсетува дека секое дете има право на достоинствено и безгрижно детство, ослободено од дневнополитички битки. Местото на децата е надвор од политиката! Наместо злоупотреба, политичките партии и нивните поддржувачи мора да придонесат за заштита на најмладите.Државата и институциите се должни да обезбедат услови за здрав, нормален и достоинствен развој на децата – физички, ментален, духовен и социјален.ЦИВИЛ повторно апелира до институциите, партиите, медиумите и родителите: веднаш да престане вовлекувањето на децата во политиката. Институциите мора да реагираат со решителни санкции против сите кои ќе се обидат да ги користат децата за свои политички цели.Заштитата на децата е законска обврска, а злоупотребата мора да престане – веднаш!

Македонија | пред 2 месеци

Утре затворен за сообраќај дел од ул. „Димитар Влахов“

Поради неодложни активности кои се однесуваат  на фекалната канализација,  утре – 27. 09 2025г.  дел од улицата „Димитар Влахов“ од пред зградата на Општина Охрид до пресекот со улица „Македонски Просветители“ ќе биде затворена за сообраќај.Се замолуваат охриѓани да ги почитуваат времените сообраќајни правила и мерки. Градежните активности ќе ги реализираат надлежните служби на ЈП „Нискоградба“.

ОО | пред 2 месеци

Нов асфалт на „Дејан Војвода“, „Сатеска“ и „Петар Поп Арсов“

Со финансиска поддршка на Општина Охрид , денеска се асфалтираа околу 1 700 м2 од улица „Дејан Војвода“.Во текот на утрешниот ден нов асфалт ќе биде поставен и на делови од улиците „Сатеска“ и „Петар поп Арсов“.Овие активности се дел од годишната програма за уредување на градежно земјиште на Секторот за комунални дејности, сообраќај и улици при Општина Охрид.

ОО | пред 3 месеци

Тошковски: Стабилна безбедносна состојба во Дебар – ГП „Блато“ станува мост на поврзување со Албанија

Министерот за внатрешни работи Панче Тошковски денеска оствари работна посета на ОВР Дебар при што го посети и Граничниот премин „Блато“ кој се наоѓа во близината на Дебар.Министерот Тошковски со раководството на ОВР Дебар беше информиран дека безбедносната состојба во целиот регион е стабилна со значително подобрени резултати во справувањето со насилниот криминал, имотните деликти и унапредување на сообраќајната безбедност. На средбата раководството го информираше министерот дека веќе активно се преземаат оперативни активности во насока на обезбедување мирен, безбеден и демократски изборен процес.„Што се однесува до Граничниот премин „Блато“ евидентиран е значително поголем број на патници од минатата и претходните години. Преминот станува вистинска мост на поврзување за граѓаните кои одат на одмор во соседна Албанија и туристите кои доаѓаат на одмор, бањско лекување, викенд престој, роднинските посети, домашни веселби, како и шопинг. Со тоа, нашата соработка со албанските колеги е насочена кон имплементација на системот „One Stop“, кој преку дополнителни инфраструктурни решенија ќе обезбеди трајно намалување на гужвите и поефикасен проток на патници и возила како во текот на целата година а посебно за периодите на зголемен туристички сообраќај“, истакна министерот Тошковски.

Македонија | пред 3 месеци

(Видео) Шукова: Не се пазарам за лични интереси, Каја нема да биде кандидат за пратеник

Каја Шукова, кандидатка за градоначалник на Скопје и потпретседателка на СДСМ, вечерва е гостин во Претрес со Ландов.Шукова се залага за достапност и транспарентност во работата на функционерите.Јавноста вели, има право да биде информирана.Шукова ја доби довербата од СДСМ да биде кандидат за градоначалник на Скопје, откако во јавноста се појавија имињата на Мишко Ралев и Ѓорѓи Галетановски.,,Не би рекла дека станува збор за нивно извисување. Јас се самокандитирав за градоначалник и поднесов програма.Јас не лажам, кога не знам прашувам. Никој во животот не може се да знае”, вели Каја Шукова на која повеќе и се допаѓа Скопје од пред 20 или 30 години кога немало толку многу високи згради.Подобрување на квалитетот на воздухот, вели, започна во времето на Петре Шилегов за потоа повторно да се врати старата состојба.Таа говореше за состојбата со несреќата во Трубарево. Дозволата за работа е обновена во 2021, но се бара мислење од општината. Управата за животна средина ја потпишува дозволата.Нагласи дека била министер за животна средина година и четири месеци.,,Имам доволно искуство за оваа работа.Не треба да се бега кога е тешко заради лични интереси.Нема пазар дали ако загубам на изборите ќе бидам кандидат за пратеник. Каја нема да биде кандидат за пратеник”, вели Шукова.

Скопје | пред 3 месеци

Ласовска: Ако СДС има соломонско решение како да се реши проблемот со правосудството нека го каже, а не да ги блокира реформите

На телевизија Канал 5 во емисијата „Само Вистина“, вечерва гостуваше пратеничката од редовите на ВМРО-ДПМНЕ Благица Ласовска, која дискутираше на повеќе теми како правосудство, и актуелни политички случувања, меѓу кои беше и темата за случувањата околу пожарите и притоа потенцираше дека овие настани не се во корист на Владата, а за тоа доказ се директорите на Дрисла и комунална хигиена кои се токму од опозициската ДУИ.„Очигледно е дека она што го гледаме и со депониите и со ѓубрето дека потребни се казни, мора и казни да постојат за некој којшто го уништува јавното добро. Во времето кога беше СДС на власт, јас се сеќавам дека Законот за прекршоци се смени и законските казни се многу мали, мораме да интервенираме во Законот за прекршоци да се направат високи казни за вакви нешта. Не може владејачка партија да креира паника, која е апсолутен фаворит на овие избори , и јас кога слушав дента дека има три пожари,  и верувајте не само јас. Еве една анкета да направиме ќе ви кажат дека овие пожари не се случајни. Директор на Дрисла е ДУИ, директор на комунална хигиена е ДУИ. Е сега да видиме на кого му одговара да крева паника кај граѓаните? Се разбира на ДУИ“, објасни Ласовска.Пратеничката Ласовска му реплицираше на пратеникот Снопче кој исто така беше дел од дебатата и гостин во емисијата, при што потенцираше:„Која е потребата колега Снопче да го браните ДУИ кога до вчера бевте со нас во Владата?  Колегата спомна дека добра реакција имаше во моментите кога министер за здравство беше вашиот сопартиец Таравари тоа ние не го спориме, и сега вие наместо тоа да го кажете вие го браните ДУИ“.Ласовска се осврна и на темата за правосудството во земјава, и потенцираше дека по завршувањето на локалните избори кои следат потребно е да се изнајде решение за проблемите со правосудството во Македонија, при што во реплика на пратеничката од опозициската СДС, Сања Лукаревска, истакна:„Ако вие имате соломонско решение како да го решиме проблемот со јавното обвинителство и со судството кажете. Кога излегуваме на избори втор пилар наш беше борба против корупција и криминал и владеење на правото“.

Македонија | пред 3 месеци

Велјановски: ДУИ секогаш кога губи прибегнува кон потпалување на меѓуетнички односи

Пратеникот Александар Велјановски од ВМРО-ДПМНЕ остро ја осуди изјавата на поранешниот министер за економија Крешник Бектеши, дадена за време на промоцијата на кандидатот на ДУИ за градоначалник на Тетово, Бајрам Реџепи, оценувајќи ја како опасна и штетна по меѓуетничките односи во државата.„Секогаш кога ДУИ губи, секогаш кога граѓаните ќе ги прочитаат нивните вистински коруптивни намери, тие прибегнуваат кон потпалување на меѓуетничките односи и загрозување на соживотот“, изјави Велјановски.Тој додаде дека ДУИ нема политички аргументи и визија, туку, според него, единствената нивна стратегија е деструктивноста и нарушувањето на соживотот меѓу граѓаните.Велјановски најостро ја осуди, како што ја нарече, „срамна и опасна“ изјава на Бектеши, во која тој, како што рече, „велича оружје и отворено ја оправдува војната од 2001 година, претставувајќи ја како политички капитал“. Според него, тоа претставува „скандал од невидени размери и директен удар врз меѓуетничките односи“.„Ова е класичен говор на омраза кој ја враќа Македонија во најтешките времиња. Наместо да зборуваме за иднината, некој повторно сака граѓаните да слушаат етнички провокации и поттикнување на поделби“, истакна Велјановски.Во своето обраќање, тој потсети на значењето на Македонците за Тетово, нагласувајќи дека „со векови наназад тие се дел од неговата историја, култура и идентитет“, и изрази уверување дека на претстојните избори, Македонците со својот „единствен и сплотен глас“ ќе одлучат за иднината на градот.ВМРО-ДПМНЕ побара од СДСМ јавно и веднаш да се огради од изјавите на Бектеши и да ја преиспита соработката со коалицискиот партнер ДУИ. „Секое молчење е соучесништво“, порача Велјановски, додавајќи дека „СДСМ со години е нем и покорен партнер на ДУИ, а секој нивен денешен молк значи дека станале партнери и во омразата“.Тој упати апел и до сите политички партии, организации и институции да го осудат, како што рече, „отворениот говор на омраза“, посочувајќи дека „во Македонија нема место за политичари кои својата кампања ја градат на закани, омраза и величање оружје“.„Нашата обврска е да ја изградиме Македонија како силна, праведна и европска држава – земја на мир и стабилност, а не на поделби и закани. Народот очекува јасна позиција, а ние ќе продолжиме да ја браниме Македонија од сите што сакаат да ја претворат во заложник на криминални и етнички поделби“, заклучи Велјановски.

Македонија | пред 3 месеци

Нов асфалт на неколку улици во градов

Согласно годишната програма за уредување на градежно земјиште на Секторот за комунални дејности, сообраќај и улици при Општина Охрид, деновиве  се работи на неколку локации во градов .Нов асфалт е поставен на  крак  од улицата „Гоце Делчев“ со површина од околу  1 600м2.Надлежните служби на општината работат и во населба Воска, се асфалтираат три краци од улицата „Васил Стевоски“.

ОО | пред 3 месеци

Израел смисли „брутална одмазда“ за масовното признавање на Палестина: „Анексија“

Франција е последната во постојано растечкиот список на земји кои формално ја признаа Палестина. Претходно тоа го сторија Белгија, Монако, Андора, Малта и Луксембург на Генералното собрание на Обединетите нации, со што вкупниот број земји-членки што ја признаваат Палестина се искачи на три четвртини од ОН.Говорот на Емануел Макрон пред Собранието беше внимателно осмислен. Кој и да го напишал, вешто се погрижил да ги „покрие сите теми“ – повеќепати го спомна пријателството меѓу Израел и Франција, како и легитимното право на Тел Авив да се брани од непријателот кој стои зад најголемиот масакр врз Евреи по Втората светска војна (со цел да им го избие аргументот на оние што би го обвиниле за антисемитизам). Значителен дел од говорот посвети и на категорична осуда на бруталноста на Хамас – терористичка организација која, како што истакна, нема место во идната палестинска власт.Публиката реагираше со громогласен аплауз, а говорот беше проследен со позитивни реакции и од француските медиуми, кои му дадоа краткотрајна медиумска поддршка на сè поомразениот претседател на Петтата република. Очекувано, израелски претставници не беа присутни во салата.Исто така очекувано, израелскиот амбасадор при ОН, Дани Данон, ја исмеа седницата нарекувајќи ја „политички циркус“, по што Израел се закани со одмазда и анексија на Западниот Брег.Премиерот Бенјамин Нетанјаху го потсети својот француски колега дека има овластување да го затвори францускиот конзулат во Ерусалим, и дека сериозно ќе размисли за таков потег по, како што рече, „одлуката на Париз да го награди Хамас за терористичкиот напад од 7 октомври“.Шпанскиот премиер Педро Санчез, вообичаено, ги игнорираше обвинувањата од Израел и искористи прилика да апелира до ОН Палестина да биде примена како полноправна членка. Досега, таа беше само набљудувач без право на глас при донесување резолуции.Тензиите што се надвиснаа над ОН пред 80-годишнината од нивното основање ги обидуваше да ублажи генералниот секретар Антонио Гутереш:„Ништо не може да го оправда страшниот терористички напад на Хамас на 7 октомври, ниту киднапирањето на израелски заложници. Но, исто така, ништо не може да го оправда колективното казнување на палестинскиот народ за тоа злосторство“, рече тој, експлицитно повикувајќи се на ситуацијата во Западниот Брег, кој Израел се заканува да го анектира како одмазда за признавањето на Палестина.„Ништо не може да ги оправда случувањата на Западниот Брег, бидејќи ваквите еднострани потези претставуваат егзистенцијална закана за решението со две држави. Непрекинатото проширување на населбите и заканата со анексија, која полека се вовлекува, го зголемува насилството на доселениците – сето тоа мора итно да престане.“На тоа предупреди и германскиот министер за надворешни работи, Јохан Вадепфул, кој рече дека:„Секој чекор кон нелегална анексија на окупираната територија дополнително ја поткопува можноста за трајно решавање на конфликтот.“Да потсетиме, Германија сè уште не ја признала Палестина, бидејќи, поради (и повеќе од очигледни) историски причини, чувствува одговорност да обезбеди заштита за Евреите.Арапските земји, пак, веднаш го кренаа прстот на предупредување кон Израел за судбината на Западниот Брег. Најавија дека каков било потег на Израел во таа палестинска енклава покрај реката Јордан би можел да резултира со поништување на Аврамовите договори – преку кои, по години дипломатски напори, почнаа нормализацијата на односите меѓу Израел и земјите од Арапскиот Полуостров.И покрај желбата за остар одговор кон сè поголемиот број критичари на меѓународната сцена, и самиот Нетанјаху станува свесен дека меѓународната изолација на Израел се продлабочува, а дека бруталното израелско постапување кон палестинските цивили во Газа е главниот виновник за тоа.Дополнителен предизвик за него претставува и фактот што лидерите на арапските и муслимански земји се договорија да се сретнат со американскиот претседател Доналд Трамп на маргините на Генералното собрание на ОН, каде што ќе му го претстават својот мировен план за Газа. Трамп би требало да се сретне со лидерите на Турција, Обединетите Арапски Емирати, Египет, Катар и Саудиска Арабија.Иако Белата куќа и понатаму остро ги осудува сите нови држави што ја признаваат Палестина – обвинувајќи ги дека го наградуваат тероризмот на Хамас – неколку добро информирани извори за американските медиуми тврдат дека планот на муслиманските земји ќе предвиди соборување на Хамас од власт во Газа.Земјите од Заливот, всушност, имаат клучна улога во поддршката на Хамас. Со нивно повлекување, Хамас би го изгубил најважниот меѓународен сојузник. Преку ограничување на движењето на Хамас, земјите од Заливот би го ограничиле и влијанието на непријателски настроениот Иран.

Свет | пред 3 месеци

(Видео) Ова е моментот на страшниот напад врз Запорожје, врз градот се струполија нови и најопасни руски дронови

Русија во вторникот изведе неколку последователни напади со беспилотни летала врз украинскиот град Запорожје, во кои беа повредени најмалку 12 лица, а едно лице загина, соопштија локалните власти на Телеграм.Во нападот биле користени дронови од типот Shahed, а според снимките од социјалните мрежи, се работи за Geran-3 — руската верзија на Shahed-238 со турбомлазен погон, најопасниот дрон кој може да достигне брзина од речиси 375 km/h и потешко се пресретнува.Украина уште минатиот месец соопшти дека Русија користи млазни дронови од типот Geran-2 (руска верзија на Shahed-136), чиешто движење е со брзина од околу 185 km/h и имаат дострел од околу 1000 километри.Според информациите на Државната служба за итни случаи (ДСИС), руските сили пет пати го гаѓале Запорожје во рок од 20 минути, а при еден од нападите била погодена локална фирма. Според претходно објавените извештаи, во гранатирањето загинал свештеник.Киев тврди дека веќе располага со пресретнувачки дронови кои можат да уништат Shahed со млазен погон. Павло Палица, заменик шеф на претседателскиот кабинет, изјави за локалниот медиум Novine Live дека Украина ги модифицира своите дронови паралелно со Русите.– Имаме одговори и заштита од нивните млазни мотори во нашите FPV-дронови. Тие можат да придонесат за оптимален систем на противвоздушна одбрана кој покрива различни височини и далечини – рече Палица.Спротивставувањето на Geran-3 би можело да претставува нов голем предизвик за Украина, која веќе се соочува со тешкотии во борбата против Geran-2, бидејќи Русија истовремено лансира стотици борбени дронови и мамки со цел да ја пробие противвоздушната одбрана.

Свет | пред 3 месеци

Потврдено постоење на огромни лавини тунели на Венера

Веќе некое време е познато дека растопената карпа создала огромни тунели под површината на Земјата, Месечината и Марс, пишува Futurism. Сега, истражувачите потврдија дека лавини тунели постојат и на Венера – нашиот најблизок планетарен сосед. Изненадувачки е тоа што овие подземни тунели имаат повеќе сличности со оние на Месечината отколку со земјините.Откритие што ѝ пркоси на гравитацијатаОва е неочекувано откритие, бидејќи масата и гравитацијата на Венера се многу послични на оние на Земјата отколку на Месечината. Научниците претходно утврдиле дека лавините тунели обично се поголеми таму каде што гравитацијата е послаба, бидејќи ѕидовите на тунелите имаат помала веројатност да се срушат.„Земјините лавини тунели имаат помал волумен, марсовите се нешто поголеми, а месечевите уште поголеми“, изјави истражувачката од Универзитетот во Падова, Барбара Де Тофоли, на научниот конгрес Europlanet. „А потоа доаѓа Венера, која целосно го нарушува тој тренд, покажувајќи тунели со многу, многу голем волумен.“„Само тоа веќе зборува дека на Венера веројатно постои уште нешто што игра значајна улога“, додаде таа.Првите убедливи доказиАстрономите со години набљудувале дупки и големи јами на површината на Венера, што упатувало на можноста за постоење на лавини тунели. Сепак, досега не можеа со сигурност да исклучат други геолошки процеси како причина.Сега, како што е детално опишано во ново научно истражување, Де Тофоли и нејзиниот тим ги презентираа „првите убедливи докази за постоење на лавини тунели на Венера“. Тие открија дека јамите не само што се наоѓаат во близина на големи вулкани, туку и се „развиваат во насока што е усогласена со наклонот на теренот каде што се набљудувани“, што е во согласност со хипотезата дека се создадени од лава што тече по стрмен терен.Тимот направил моделирање на овие шуплини и утврдил дека совршено се совпаѓаат со процесот на формирање при кој „горниот слој на лавата се зацврстува, додека растопената лава под него продолжува да тече, оставајќи зад себе шуплив канал“.Најголемите шуплини во Сончевиот систем?Екстремно жешката околина на Венера со висок притисок може да биде клучен фактор за формирање на овие лавини тунели со големи димензии – и покрај посилната гравитација отколку на Месечината. Потенцијалниот волумен на овие тунели ги изненадил и самите истражувачи.„Карактеристиките на набљудуваните лавини тунели на Венера, особено нивната големина, сугерираат дека Венера можеби крие некои од најобемните подземни шуплини во Сончевиот систем“, напишаа во својата студија.Тие заклучуваат дека ова откритие би можело да ни помогне подобро да ја разбереме „термалната и тектонската еволуција на Венера“, како и да отвори возбудливи можности за разбирање на минатите и сегашните услови на оваа планета.Тимот сега повикува на подетални истражувања со помош на инструментот Subsurface Radar Sounder (SRS) во претстојната мисија EnVision на Европската вселенска агенција. Сондата треба да биде лансирана кон Венера кон крајот на 2031 година, со цел – според агенцијата – да се разбере зошто најблискиот сосед на Земјата е „толку различен“.

Свет | пред 3 месеци

Израел го затвора единствениот граничен премин меѓу Западниот Брег и Јордан

Израел на неопределено време ќе го затвори единствениот граничен премин меѓу Западниот Брег и Јордан, само неколку дена откако беше повторно отворен по пукање во кое беа убиени двајца израелски војници.Портпарол на израелските власти кои го надгледуваат преминот Аленби изјави дека преминот ќе биде затворен од среда наутро „по налог на политичкото раководство“. Причините за затворањето не се објавени. Палестинските и јорданските власти во вторникот изјавија дека Израел ќе го затвори граничниот премин во среда.За многу Палестинци од Западниот Брег, овој премин е главен излез кон странство и се користи и за транспорт на стоки меѓу Западниот Брег и Јордан.Канцеларијата на израелскиот премиер Бенјамин Нетанјаху не одговори на барањето за коментар.Преминот беше повторно отворен во понеделник, четири дена откако јордански камионџија уби двајца израелски војници, по што властите го затворија.Нетанјаху во неделата порача дека ќе „одговори“ на земјите кои ја признаваат Палестина, откако ќе се врати од посетата на САД.Франција, Канада, Британија и Австралија се некои од земјите кои ја признаа или најавија дека ќе ја признаат Палестина оваа недела, со цел да го поддржат решението за две држави. Некои десничарски членови на израелската влада сметаат дека Израел треба да го анектира Западниот Брег како одговор на признавањето на Палестина.

Свет | пред 3 месеци

Бразилскиот претседател: Нападите врз институциите на мојата земја се неприфатливи

Бразилскиот претседател Луис Инасио Лула да Силва денеска пред Генералното собрание на ОН изјави дека неодамнешните „еднострани напади“ врз институциите и економијата на неговата земја се неприфатливи, што претставува остра критика на американската надворешна политика.Коментарите на Лула се одраз на неговата постојана критика кон поранешниот американски претседател Доналд Трамп за воведувањето царини, ограничувања во врска со визи и финансиски санкции како одговор на судењето и осудата на поранешниот бразилски претседател Жаир Болсонаро за планирање државен удар откако ги загуби изборите во 2022 година.„Нападите врз суверенитетот, произволните санкции и едностраните интервенции стануваат правило“, рече Лула без директно да го спомене Трамп. „Нема оправдување за еднострани и произволни мерки против нашите институции и нашата економија“, додаде тој.„Нашата демократија не е предмет на преговарање“Вчера Вашингтон воведе санкции против сопругата на судијата кој претседаваше со судењето на Болсонаро во Врховниот суд, што Трамп го нарече „лов на вештерки“, и им ги укина визите на шестмина високи бразилски функционери.Администрацијата на Трамп претходно го санкционираше судијата на Врховниот суд, Александре де Мораеш, согласно Законот Магнитски и воведе 50% царини на увозот на бројни бразилски производи во САД. Лула во исто време застана во одбрана на истрагата и правичната постапка која доведе до осудата на Болсонаро, кој беше осуден на 27 години затвор поради обид за пуч за да остане на власт.„Имаше полно право на одбрана“, изјави Лула. „Пред очите на светот, Бразил испрати порака до сите амбициозни автократи и нивните приврзаници: нашата демократија и нашиот суверенитет не се предмет на преговарање“, порача тој.

Свет | пред 3 месеци

Филипче: Мицкоски e директно одговорен за состојбата во судството, неговата влада направи нула реформи

Претседателот на Социјалдемократскиот сојуз на Македонија, д-р Венко Филипче, во изјава за медиуми, посочи дека единствени кои што се разочарани и незадоволни од неспроведувањето на никакви реформи во правосудството, се само граѓаните.Филипче нагласи дека премиерот Мицкоски e директно одговорен за состојбата во судството и неспороведувањето на потребните реформи.„Сметам дека е апсолутно недозволиво премиерот да се однесува како независен аналитичар и да ги коментира само состојбите во правосудството, кога тој е директно одговорен за спроведување на реформите.Досега не се спроведени ниту една од предвидените реформи, преку носење на реформски закони во правосудството согласно Планот за раст, рече Филипче.Во изјавата Филипче укажа дека од предвидените во Собранието не е поднесен ниту еден.„За оваа година беа предвидени 12 закони од коишто седум  требаше да се донесат до јуни 2025 година. Во Собранието не е поднесен ниту еден, и дополнителни 5 кои од јуни до декември 2025 година требаше да се донесат согласно Планот за раст - нешто за што е врзан одреден буџет од Европската Унија, којшто секако веќе еден дел сме изгубиле. Од тие 5 закони од Министерството за правда не е донесен ниту еден“, рече Филипче.Како што кажа Филипче, Владата на ВМРО-ДПМНЕ има огромно мнозинство во Собранието, 58 пратеници ВМРО-ДПМНЕ скоро двотретинско мнозинство со владејачката коалиција, поради што нема ниту една причина за тоа што сега се случува со неспроведување на реформите во правосудниот систем.

Македонија | пред 3 месеци

Свикана шеесет и втората седница на Советот на Општина Охрид

Врз основа на член 39 од Законот за локалната самоуправа („Сл.весник на РМ“ бр.5/2002) и член 26 од Статутот на општина Охрид („Сл.гласник на општина Охрид“ бр.8/2007, 01/08, 10/10, 05/11, 09/14, 14/14, 10/19 и 15/20), претседателот на Советот донесува:Р Е Ш Е Н И ЕЗА СВИКУВАЊЕ НА ШЕЕСЕТ И ВТОРАТА СЕДНИЦАНА СОВЕТОТ НА ОПШТИНА ОХРИДЈА СВИКУВАМ шеесет и втората седница на Советот на општина Охрид на ден 29.09.2025 година (понеделник) со почеток во 09:00 часот.Седницата ќе се одржи во зградата на општина Охрид.За седницата го предлагам следниот:Д Н Е В Е Н   Р Е ДУсвојување на Записникот од 61-та седницаПредлог-oдлука за усвојување на Годишниот извештај за работата и материјално – финансиското работење на ОСУ„Св.Климент Охридски“ – Охрид за учебната 2024/2025 година.Предлог-одлука за усвојување на Годишниот извештај за работата и материјално – финансиското работење на СОСУ„Св.Кирил и Методиј“ – Охрид за учебната 2024/2025 година.Предлог-одлука за усвојување на Годишниот извештај за работата и материјално – финансиското работење на ОЕМУЦ „Св.Наум Охридски“ – Охрид за учебната 2024/2025 година.Предлог-одлука за усвојување на Годишната програма за работа на ОСУ„Св.Климент Охридски“ – Охрид за учебната 2025/2026 година.Предлог-одлука за усвојување на Годишната програма за работа на СОСУ„Св.Кирил и Методиј“ – Охрид за учебната 2025/2026 година.Предлог-одлука за усвојување на Годишната програма за работа на OЕМУЦ „Св.Наум Охридски“ – Охрид за учебната 2025/2026 година.Предлог-одлука за давање на времено користење недвижен имот – дел од деловен простор, сопственост на општина Охрид на Министерство за економија и труд – Државен инспекторат за труд.Предлог-одлука за прифаќање на иницијативата за експропријација на градежно земјиште на Кп.бр.4266/1 КО Охрид 4 и Кп.бр.4265/1 КО Охрид 4.Предлог-програма за измени и дополнувања на развојната програма за изработка на урбанистички планови на територијата на општина Охрид 2025 – 2027.Предлог-одлука за определување на крајбрежен појас на водотек река Сушица опфатена во Деталниот урбанистички план за УЗ 11, УБ 11.5 општина Охрид.Предлог-одлука за донесување Урбанистички проект со план за парцелација во ЛУПД за ГП бр.1 со основна класа на намена А4 – градби за времено сместување на КП.бр.2751/4 и КП.бр.2751/5 и други во КО Коњско, Општина Охрид.Предлог-одлука за донесување техничка исправка за ГП 1.5 и ГП 1.6 од ДУП Урбана Заедница 9, Урбан Блок 9.2 – Охрид, Општина Охрид.Предлог-одлука за донесување техничка исправка за ГП 1.7 во УПВНМ на дел од Туристички локалитет Горица – Св.Стефан – Метропол, опфат 3, плански период 2010 – 2020, општина Охрид.ОПШТИНА ОХРИДЛОКАЛНА САМОУПРАВАБрој 08-22.09.2025 год.О х р и д

ОО | пред 3 месеци

Пренџов: ВМРО-ДПМНЕ убедливо води на сите анкети, очекувам огромна победа

Љупчо Пренџов, пратеник во Собранието од ВМРО-ДПМНЕ, беше гостин во емисијата 24 Анализа на телевизија 24. Тој зборуваше на актуелната тема за претстојните локални избори во земјава, и истакна дека коалицијата предводена од ВМРО-ДПМНЕ  води на сите истражувања на јавното мислење, а самиот тој очекува убедлива победа. Според него, градоначалничката трка за Град Скопје има посебна тежина, но сите општини добиваат внимание, а кандидатите активно ја претставуваат својата програма и својата визија.,, Она коешто го гледаме од анкетите е дека коалицијата предводена од ВМРО-ДПМНЕ  убедливо води на сите истражувања на јавното мислење и тоа не е од сега туку и изминатите години наназад“, кажа Пренџов и додаде:,,После претставувањето на целокупната програма секоја општина поединечно дека граѓаните ќе се определат за поддршката на градоначалниците предложени од страна на ВМРО-ДПМНЕ и коалицијата“.Според него, градоначалничкото место на Скопје како главен град е значајно, но и останатите општини во земјава воопшто не се запоставени. Како што рече тој, кандидатите за градоначалници и советници во сите општини работат активно да ја објаснат својата програма и визија, а иако медиумското внимание е поголемо во Скопје, сите општини добиваат внимание и поддршка за претстојните локални избори.,,Градоначалничкото место на Скопје е градоначалничко место на главниот град коешто обединува повеќе од 10 општини, коишто се навистина значајни со број на жители. Но, истовремено сакам да апострофирам дека не чувствувам, јас барем, дека се другите запоставени бидејќи сметам дека секој кандидат за градоначалник, секој кандидат за советник во било која општина и тоа како работи со своите жители, да им ја објасни програмата визијата и во она кое што го верува, она кое што го ветува пред овие локални избори“, истакна Пренџов.Пренџов додаде дека предизборната атмосфера е присутна низ целата држава, во секој град, во секое семејство. Според него, граѓаните активно дискутираат за кандидатите и размислуваат кому ќе ја дадат довербата.,,Очекувам една голема и убедлива победа за она  што значи проекти за она што значи развој и мислам дека кандидатите предложени од ВМРО-ДПМНЕ ги имаат тие квалитети“, заклучи Пренџов.

Скопје | пред 3 месеци

Филипче: Гази Баба бара промени, Влатко е чесен, отворен за сугестии и работи за граѓаните

Сите изборни ветувања на ВМРО ДПМНЕ се покажаа како лага, и на централно и на локално ниво - нема никаква разлика, изјави претседателот на Социјалдемократскиот сојуз на Македонија, д- р Венко Филипче, во општина Гази Баба.Филипче потенцираше дека се потребни промени, а тоа може да се постигне преку локалните избори, додавајќи дека жителите на општина Гази Баба заслужуваат локална самоуправа што ќе ги слуша нивните потреби и ќе реализира проекти за подобар живот и развој на општината.„Потребни се промени,  локалните избори се шанса да се испрати пораката дека граѓаните сакаат подобро, сакаат подобра Гази Баба. СДСМ на овие избори излегува со чесна понуда, остварливи програми и компетентни луѓе со интегритет“, рече Филипче.Во изјавата, Филипче додаде дека кандидатот за градоначалник од СДСМ за општина Гази Баба, Влатко Митовски, има реални и издржани проекти кои се одговор на потребите на жителите на оваа општина.„Влатко Митовски пред граѓаните излегува со издржани решенија во програмата, за надминување на проблемот со кучињата скитници, за нова спортска сала, затворен базен но и субвенции за пазарџиите. Потребите на граѓаните на Гази Баба буквално се преточени во соодветни решенија“, рече Филипче.На овие локални избори како што кажа Филипче, разликата е јасна - граѓаните ќе бираат помеѓу докажани луѓе кои стојат зад својот збор и луѓе кои бегаат како кукавици при првата криза.„Не ветуваме лесен пат, но ветуваме борба – борба со главата високо. Време е за мерка во политиката: компетентност и резултати наместо гол ПР, работа наместо парада, ред наместо партиски хајки. Ве повикувам на заедничка борба, за подобра Гази Баба, за вашето семејство, за вашата улица, за вашиот град, за нашиот дом“, изјави претседателот на СДСМ, Венко Филипче.

Скопје | пред 3 месеци

СДСМ: За хаосот во Скопје и ЈСП најголема вина имаат ВМРО-ДПМНЕ и Мицкоски

Скопје се наоѓа во тотален хаос и нефункционалност веќе четири години, предупредуваат од СДСМ, посочувајќи дека јавниот превоз е колабиран, а состојбата во ЈСП е катастрофално лоша. Според партијата, главна причина за ова е неспособноста на ВМРО-ДПМНЕ и нивните постојани кавги со градоначалничката Данела Арсовска.„Политичките пресметки се водат на грбот на граѓаните на Скопје. Затоа скопјани немаат превоз, немаат град“, соопштуваат од СДСМ.Од партијата потсетуваат дека ВМРО-ДПМНЕ има мнозинство во Советот на Град Скопје, но, како што велат, советниците често ги кочат важните одлуки, што оди на директна штета на граѓаните. Дополнително, посочуваат дека и Управниот одбор на ЈСП е составен од кадри на ВМРО-ДПМНЕ.„ВМРО-ДПМНЕ го остави Скопје без автобуси и создаде хаос во јавниот превоз. Нема ниту ‘М’ од модерно Скопје. Ги нема ветените 250 нови автобуси кои Мицкоски ги ветуваше пред скопјани, а го нема ниту бесплатниот превоз. Сето тоа само затоа што им пропаднаа бизнис зделките со Арсовска“, наведуваат од СДСМ.Партијата директно ја обвинува ВМРО-ДПМНЕ за, како што велат, катастрофата што му се случува на ЈСП и на целиот град, и порачаа дека токму тие се најголемите виновници за состојбата во која се наоѓа главниот град.

Скопје | пред 3 месеци

Пропаднаа пет кандидати за градоначалници: ДИК отфрли пријави во Скопје, Бутел, Центар

Државната изборна комисија (ДИК) соопшти дека досега се потврдени вкупно 303 листи за кандидати за градоначалници во општините и во Град Скопје, како и 558 листи за членови на општинските совети и Советот на Град Скопје.Во дел од општините – Куманово, Аеродром, Карпош и Град Скопје – постапката сè уште трае, бидејќи одредени кандидатури се враќаат на корекција поради утврдени неправилности. Во моментот, во процес на корекции се осум листи за градоначалници и 20 за советници.ДИК информира дека се отфрлени пет кандидатски листи за градоначалници – по една во општините Бутел, Центар, Куманово, Аеродром и Град Скопје.По комплетирањето на процесот ќе следи ждрепка за утврдување на редоследот на кандидатите на единствената листа, закажана за 25 септември 2025 година.

Скопје | пред 3 месеци