Во понеделник без вода дел од Ново Лисиче, Аеродром, Припор, Сопиште, Ракотинци и Добри Дол

Реконструкција на водоводна линија на дел од водоводната цевка со пречник од 400 милиметри во делот од булеварот „Србија“ во Кисела Вода, од „Енерго систем“ до пред кружниот тек за влез во Цементарница Усје АД Скопје во должина од 450 метри, која беше најавена од директорот на ЈП Водовод и канализација – Скопје, г-дин Душко Весковски успешно заврши.„Со поставувањето на оваа нова линија ќе се реши проблемот со водоснабдувањето во високата зона во Аеродром и ќе се намали бројот на дефекти кои во минатото се појавуваа доста често на овој потег. Вкупната инвестиција изнесува шест милиони денари, кои ги инвестира ЈП Водовод и канализација – Скопје. Поради преповрзување од старата на нова мрежа која постепено ќе се става во функција, на ден 12.11.2018 (понеделник) без вода за пиење од 9 часот до завршување на активностите ќе бидат корисниците од населбите Аеродром и Ново Лисиче (висока зона - стамбените објекти над  5ти кат), Припор, Сопиште, Ракотинци и Добри Дол. Ова го правиме во интерес на граѓаните на посочените населени места се со цел во иднинда да не се соочуваме со досегашните проблеми“, велат од ЈП Водовод и КанализацијаИсто така оттаму информираат дека кај дел од корисниците во Кисела Вода може да има намален притисок додека траат активностите.   

Скопје | пред 7 години

Судот повторно го одби Груевски, тој мора во затвор

Кривичниот совет на одделението за организиран криминал и корупција при Основниот суд Скопје 1 – Скопје, постапувајќи по жалби истакнати од одбраната и обвинетиот во случајот „Тенк“.На седницата Кривичниот совет според фактите и доказите во жалбите, донел решение со кое ги одбил жалбите и го потврдил решението на судијата за извршување санкции. Решението е испратено до странките во постапката и истото е извршно веднаш по приемот од странките, Основниот суд Скопје 1 – Скопје.Ова значи дека откако Груевски ќе ја добие одлуката на рака, ќе треба да се пријави во затворот во Шуто Оризари.

Македонија | пред 7 години

Камчев и Мијалков биле прислушувани како осомничени во „Империја“?

Осомничените во најновата истрага на СЈО, „Империја“, биле под посебни истражни мерки, што значи дека најверојатно нивните телефонски комуникации биле прислушувани, но со наредба од судот, а за потребите на истрагата. Ова во своето соопштение го открива СЈО, по што може да се заклучи дека и обвинетиот за масовното нелегално прилушување, Сашо Мијалков, бил прислушуван, но на легален начин.-Во текот на предистражната постапка, со преземање на различни истражни дејствија како и со примена на посебни истражни мерки, се обезбедени доволно докази од кои произлезе основано сомнение дека во периодот од 2002 година до 2013 година осомничените ги сториле кривичните дела што им се ставаат на товар лично и преку правни лица кои биле или се во нивна сопственост, се наведува во соопштението на СЈО.Од Специјалното јавно обвинителство денеска информираа дека по спроведена опсежна предистражна постапка отворена е истрага под кодно име „Империја“ против Јордан Камчев, Сашо Мијалков, Ненад Јосифовиќ, Цветан Панделески, Ратка Куноска Камчева, Христина Камчева Стојческа, Зорица Арсовска, Лилјана Гајдовска, Владислав Стајковиќ, Тодор Мирчевски, Дејан Јанев, Ванче Мијалчев и Јованче Тасковски, поради постоење на основано сомнение за сторени кривични дела Злосторничко здружување, Оштетување или повластување на доверители, Злоупотреба на службената положба и овластување, Измама и Перење пари и други приноси од казниво дело.

Македонија | пред 7 години

Камчев соопшти дека е подготвен на соработка со СЈО

Компанијата „Орка холдинг“, чиј сопственик е Орце Камчев , во негово име соопшти дека е подготвена да соработува со СЈО.„Би сакал да ја информирам јавноста дека како сопственик на повеќе компании во Македонија, кои вработуваат над 3000 лица, максимално сме отворени и транспарентни за секој инспекциски надзор. Компаниите во кои сум сопственик, под целосна одговорност,  изјавувам дека ги почитуваат позитивните законски прописи во Македонија и токму поради тоа верувам дека многу брзо ќе се отстрани секаков сомнеж околу нивното работење. Отворени сме за соработка со СЈО, како и со сите други државни институции во земјава, а пред сè во интерес на одржување на квалитетна бизнис-клима и економските проспиритет во земјава“, стои во пишаната изјава која е испратена како соопштение во име на Орце Камчев.

Македонија | пред 7 години

НАЈНОВА ВЕСТ : Уапсен е бизнисменот Орце Камчев

Бизнисменот Орце Камчев е еден од приведените по истрагата на СЈО наречена „Империја“, поврзана со перење пари, злоупотреба на службата и повластување на доверители.Специјалното јавно обвинителство соопшти дека по спроведена опсежна предистражна постапка, во која се преземени десетина предмети кои се воделе пред надлежни обвинителства и врз кои воспоставена е надлежност на ова Јавно обвинителство, денеска е отворена истрага под кодно име „Империја“ против Јордан Камчев, Сашо Мијалков, Ненад Јосифовиќ, Цветан Панделески, Ратка Куноска Камчева, Христина Камчева Стојческа, Зорица Арсовска, Лилјана Гајдовска, Владислав Стајковиќ, Тодор Мирчевски, Дејан Јанев, Ванче Мијалчев и Јованче Тасковски, поради постоење на основано сомнение за сторени кривични дела злосторничко здружување, оштетување или повластување на доверители, злоупотреба на службената положба и овластување, измама и перење пари и други приноси од казниво дело.-Во текот на предистражната постапка, со преземање на различни истражни дејствија како и со примена на посебни истражни мерки, се обезбедени доволно докази од кои произлезе основано сомнение дека во периодот од 2002 година до 2013 година осомничените ги сториле кривичните дела што им се ставаат на товар лично и преку правни лица кои биле или се во нивна сопственост. Во текот на денешниот ден од страна на ова Јавно обвинителство, во соработка со МВР, беа извршени 12 претреси и лишени се од слобода пет осомничени лица, кои во текот на денот ќе бидат изведени пред судија на претходна постапка и за кои ќе бидат побарани мерки за обезбедување присуство, се вели во соопштението.Од СЈО истакнуваат дека Во скоро време се очекува и проширување на истрагата кон нови лица и за нови кривични дела, а во насока на обезбедување на имотно – правните барања од оштетените лица и обезбедување на предметите кои потекнуваат од кривичните дела ќе бидат побарани и мерки за привремено обезбедување на имот.

Македонија | пред 7 години

СЈО ги сомничи Камчев и Мијалков за „Империја“

Специјалното јавно обвинителство соопшти дека по спроведена опсежна предистражна постапка, во која се преземени десетина предмети кои се воделе пред надлежни обвинителства и врз кои воспоставена е надлежност на ова Јавно обвинителство, денеска е отворена истрага под кодно име „Империја“ против Јордан Камчев, Сашо Мијалков, Ненад Јосифовиќ, Цветан Панделески, Ратка Куноска Камчева, Христина Камчева Стојческа, Зорица Арсовска, Лилјана Гајдовска, Владислав Стајковиќ, Тодор Мирчевски, Дејан Јанев, Ванче Мијалчев и Јованче Тасковски, поради постоење на основано сомнение за сторени кривични дела злосторничко здружување, оштетување или повластување на доверители, злоупотреба на службената положба и овластување, измама и перење пари и други приноси од казниво дело.-Во текот на предистражната постапка, со преземање на различни истражни дејствија како и со примена на посебни истражни мерки, се обезбедени доволно докази од кои произлезе основано сомнение дека во периодот од 2002 година до 2013 година осомничените ги сториле кривичните дела што им се ставаат на товар лично и преку правни лица кои биле или се во нивна сопственост. Во текот на денешниот ден од страна на ова Јавно обвинителство, во соработка со МВР, беа извршени 12 претреси и лишени се од слобода пет осомничени лица, кои во текот на денот ќе бидат изведени пред судија на претходна постапка и за кои ќе бидат побарани мерки за обезбедување присуство, се вели во соопштението.Од СЈО истакнуваат дека Во скоро време се очекува и проширување на истрагата кон нови лица и за нови кривични дела, а во насока на обезбедување на имотно – правните барања од оштетените лица и обезбедување на предметите кои потекнуваат од кривичните дела ќе бидат побарани и мерки за привремено обезбедување на имот.

Македонија | пред 7 години

Груевски ќе остане пратеник

Собранието денес одлучуваше за одземањето на пратеничкиот мандат на Никола Груевски. Пратениците со 58 гласа „за“ и 29 „против“ не изгласаа одземање на мандатот. Пратеникот Груевски не беше присутен на расправата.Претходно, Комисијата за мандатно-имунитетни прашања даде предлог мандатот да му биде оземен.За Груевски да во врати мандатот, потребно беше потврдно да гласаат 80 пратеници односно 2/3 од вкупниот број.

Македонија | пред 7 години

Нема фотографија

Богојески: На ВМРО-ДПМНЕ ѝ требаат итни мерки за санација на последиците

Се грижам за иднината на ВМРО-ДПМНЕ и не сакам да се реализираат последиците кои ги најавија европските партнери, вели членот на партијата Петар Богојески по средбите со функционери на ЕПП.Петар Богојески, неодамна разрешениот заменик-генерален секретар на ВМРО-ДПМНЕ, заедно со експресно исклучените членови на партијата - пратеничката Емилија Александрова и поранешниот партиски функционер Никола Тодоров, присуствуваа на Конгресот на Европската народна партија (ЕПП) во Хелсинки, на лична покана од нејзиниот претседател Жозеф Дол. Токму на оваа втора партиска постава ѝ беше посветено исклучително внимание, за што сведочеа голем број нивни средби со претставници на ЕПП. Богојески за ДВ ги сподели впечатоците и пораките од соговорниците, но и нивната загриженост за насоката во која се движи најголемата македонска опозициска партија ВМРО-ДПМНЕ. Но избегна поконкретно да ги коментира наводите што неофицијално доаѓаат од кругови на ЕПП, дека ако партијата не се демократизира, може да биде исклучена од ова семејство, целосно да ја загуби поддршката, да биде прогласена за антизападна структура што шири евроскептицизам...

Македонија | пред 7 години

Нема фотографија

Закажано „оставање на третите деца пред Влада“, откако е укинат додатокот

Неформална ФБ група започна кампања за ,,масовно оставање на трето дете пред Влада“.,,Оставањето“ е закажано за 11 ноември од 11 часот до 16 попладне.,,Поради укинување на мерката додаток за трето дете, настанот е организиран со цел да им се помогне на оние кои не можат да се снајдат со проблемот ,,каде да го остават своето трето дете“-стои во ироничната покана на овој настан закажан на ФБ.Во ироничен продолжуваат:*НАПОМЕНА*-Без лажење, знаеме кое ви е второ дете и прво-Без манипулации, да го донесете на комшијата иако личи на вас-Без лажни вести околу овој настанОваа иронична реакција на социјалните мрежи осамна по најавата на владата дека ќе се укине додатокот за трето дете.Министерката за труд и социјална политика, Мила Царовска, објасни дека по направените анализи, утврдено е дека мерката не ја остварила својата цел, а додатокот во принцип го добиваат и семејствата кои немаат финансиски проблеми, па поради тоа средствата не се распределни праведно на социјално загрозените кои имаат потреба од ваква помош.Висината на правото на родителски додаток за дете (за трето дете) за 2018 година е во износ од 8.362,00 денари.На овој линк може да ги прочитате условите за стекнување на право за оваа помош.

Магазин | пред 7 години

Како заработуваат Вилијам, Кејт, Хари и Меган

Британското кралско семејство е едно од најбогатите во светот, а кралицата Елизабета е во врвот на најбогатите монарси на нашето време. Нејзините потомци и роднини исто така имаат многу пари, но, спротивно на верувањето на многумина, принцовите и принцезите кои не се директни потомци на круната, сепак, треба да работат.На пример, иако се внуки на кралицата, принцезите Беатрис и Евгенија се ангажирани на вообичаени работни места. Принцезата Беатрис работи во софтверска фирма неодамна промовирана во Лисабон, каде што се дружеше со Јелена Ѓоковиќ. Принцезата Евгенија е директор на уметничка галерија.Принцовите Чарлс, Вилијам, Хари и нивните жени се вработени во кралската палата и нивната работа е да го промовираат кралството. Од страна на кралицата Елизабета доделени им се бројни задачи, па така одат на хуманитарни настани, отвораат училишта, болници, се грижат за фондации и го посетуваат целото кралство за да им се доближат на обичните смртници.Нивните патувања, облека и други трошоци делумно се покриени од страна на даночните обврзници, а исто така имаат и приватна сопственост, како и наследство од принцот Чарлс. Вилијам и Хари го имаат наследството на нивната покојна мајка Дајана.Од ноември минатата година, дел од нив е и Меган Маркл. Поранешната актерка, освен од даночните обврзници, сè уште заработува сопствени пари. Иако таа ја напушти актерската кариера, нејзините сцени сè уште се појавуваат и парите се слеваат на нејзината сметка. Пред да се омажи ја продаде куќата во Канада, па затоа на нејзината сметка има 1,6 милиони долари.Иако многумина ги нарекуваат паразити, британските принцови и принцези навистина остваруваат добивка во својата земја. Некои истражувања покажуваат дека кралското семејство е еден од најважните брендови на Велика Британија и има огромно влијание врз туризмот. На пример, свадбата на Хари и Меган на Велика Британија и донесе приход од 500 милиони фунти.

Магазин | пред 7 години

Прегазено 5-годишно дете

Вчера околу 15.00 часот на улица „11-ти Октомври“ во Ресен, Н.Ј.(20) од село Царев Двор, управувајќи патничко возило „JEEP LIBERY“, удрила во петгодишно девојче од Ресен.Од ударот детето се здобило со тешки телесни повреди и било пренесено во Клиничката болница Битола.Увид на местото нa настанот извршила екипа од Полициската станица Ресен.

Македонија | пред 7 години

Нема фотографија

Четири лица полесно повредени во сообраќајки во Скопје

Во текот на изминатиот ден на подрачјето на Скопје се случиле вкупно девет сообраќајни незгоди од кои четири сообраќaјни незгоди со телесни повреди и пет со материјална штета.„Во сообраќајните незгоди четири лица се здобиле со телесни повреди. Од преземените мерки и активности констатирано е дека 20 возачи управувале возила со брзина поголема од дозволената. Од сообраќај се исклучени девет возачи од кои: осум возачи затоа што управувале возила без да се стекнат со право за управување на моторно возило и еден возач бил возач-почетник. Исто така исклучени од сообраќај се и 15 возила бидејќи биле нерегистрирани. Санкционирани се 11 возачи поради поминување на крстосница на црвено светло, тројца возачи поради недавање првенство на минување на пешаци и тројца поради неправилно престројување. Во однос на пешаците санкциониран е еден пешак поради поминување на коловоз вон пешачки премин и седум пешаци затоа што поминале коловоз на црвено светло. Во текот на изминатиот ден издадени се 97 мандатни платни налози и 69 возила се подигнати со специјално возило "пајак"“, информираат од МВР

Скопје | пред 7 години

„Војводи“ против „Балисти“ – Инцидентите на пауза, омразата продолжува

Инцидентите помеѓу навивачките групи на Тетовските фудбалски клубови „Шкендија“ и „Тетекс“ – „Балисти“ и „Војводи“ престанаа, и од минатата недела до денес, не се регистрирани нови случаи. Сепак, омразата и нетрпеливоста помеѓу овие две навивачки групи продолжува и понатаму, и е далеку од надминување. По средбата со МВР, двете групи истапија со свои ставови за настанатата ситуација, пишува Цивил Медиа.„Војводите“ реагираа први, со соопштение на нивната страница, и остри реакции кон порталите кои известиле дека „Војводите“ им пружиле рака на помирување на „Балистите“. Тие бараат од сите медиуми да го објават нивното соопштение во кое меѓу другото, се вели: „На некои порталите и медиуми како и претходниве денови така и вчера се раширија тешки дезинформации, невистини и поради таа причина сакаме да ве информираме дека ние како навивачка група ВОЈВОДИ, НЕ СМЕ поддале рака на навивачите на Шкендија за помирување и за смирување на целата ситуација.“ Како една од причините за непомирување со „Балистите“, навивачката група на Тетекс го наведува името на навивачката група на „Шкендија“ – „Балисти“ за кое велат дека е навредливо за секој Македонец, бидејќи е поврзано но нивната историја и поттикнува ораза и нетрпеливост.„ Трета причина за која нема да подадеме рака е името на таа навивачка група кое треба да се забрани затоа што кога сме веќе кај поттикнување на меѓуетничка нетрпеливост тоа нивно име поттикнува омраза и револт кај секој Македонец бидејќи имаат име поврзано со нашата историја, кое е не достојно и провокативно, а потоа и на секој нивни натпревар сме сведоци на понижување на македонскиот народ, македонското девојче и држава и како и во неделата така и секој друг натпревар се скандираа и вадат пароли за “Голема Албанија” за кои полицијата секогаш е слепа и глува и никогаш не интервенирала дури и во случаи и кога се палело македонското знаме.“- се вели во дел од соопштението на Војводите.Од навивачката група на фудбалскиот клуб „Шкендија“, во изјава за ЦИВИЛ Медиа и Дрејт по инцидентите од минатата недела, велат дека немаат намера да се занимаваат со нив. Сепак, водачот на навивачката група, Исак Лума, изјави дека сака да испрати две пораки до членовите од „Војводи“.

Македонија | пред 7 години

ЗАМСТАС бараат превземање на соодветни мерки за случајот на КАРИЛ

Унијата на ЗМСТАС предводени од Здружението на медицински сестри, техничари, акушерки и стоматолошки сестри – ЗА НАС најостро ги осудува насилствата во здравството акцентирајќи го и последниот  немил настан на Клиниката за анестезија, реанимација и интензивно лекување (КАРИЛ).„Апсолутно е недозволиво една хумана професија каква што е сестринската да биде жртва на вакви насилства. Физичкиот напад над медицинската сестра, која била на своето работно место е атакт и на целата фела.Зарем покрај сите голготи со кои се соочуваме изминативе години и со кои се обидуваме да се избориме за нашите права, сега сме во ситуација кога треба да се плашиме и за својот живот?!Аларманта е состојбата во нашето здравство бидејќи безбедноста при работа е една од основните начела која треба да ја има секоја професија. Главното прашање е зошто ни се случува сето ова? Што е тоа што го пропуштаме и зошто вакви ситуации ни се случуваат само во јавните здравствени установи? Постои ли виновник за направениот пропуст и загрозениот живот на медицинската сестра?Како и до сега, Унијата транспарентно, јавно и гласно ќе зборува за неправдите и работите кои мора да се променат. Осудувањето на овој чин од страна на Министерството за здравство е нивна морална обврска но, истотака и превземањето на соодветни мерки.Во последните изјави на МЗ се вели дека во соработка со Министерството за внатрешни работи ќе се вклучат дежурства на полицијата. Прашањето е зошто и до сега не беа истите вклучени, знаејќи дека ова не е прв ваков случај? Дали е ова единствениот начин и што е тоа што треба да го промениме внатре во здравствените институции како не би се случувале вакви инциденти и во иднина?Од името на над 5000-то членство на Унијата апелираме до сите надлежни институции сериозно да ги прифатат нашите критики и да превземат соодветни мерки.“ – изјави сестра Горданка Бешлиовска, претседател на Унијата.

Македонија | пред 7 години

Нова изложба на дизајнерката Јованка Јанкоска

Третата самостојна изложба на дизајнерката Јованка Јанкоска, насловена „Хексагон„ ќе биде отворена на 10 ноември, со почеток во 19 часот, галерија Eville Soe во Софија.„Хексагон„ е новиот инспиративен предизвик на Јованка Јанкоска, филигрански осмислен и на оваа третата самостојна и прва меѓународна изложба.Со сребрената жица како медиум Јанкоска ги синтетизира традиционалните и модерни креативни тенденции така што хексагонот, што е во основата на формата, низ оплеменување со филигранот во техниката и методите на создавањето, добиваат универзални уметнички димензии.Накитот создаден со уникатна и впечатлива естетика, како оригинално, единствено надополнување на убавината на жената, едновремено е и впечатлив изложбен експонат на Хексагон.Изложбата традиционално е со продажен карактер и ќе трае до 09 декември.

Магазин | пред 7 години

Исчезнатата Викторија се врати дома

Петнаесетгодишната Викторија која пред една недела беше пријавена за исчезната, вчера се вратила во куќата на нејзините родители. Како што соопштуваат од МВР, нејзината мајка ја известила полицијата дека малолетничката се вратила дома во село Суводол.За сега не е познато што се крие во позадина на исчезнувањето на девојчето, но од полицијата соопштуваат дека се испитуваат деталите за нејзиното исчезнување.

Македонија | пред 7 години

СЈО во 6 часот утрово влезе во сите фирми на Орце Камчев

Обвинители од Специјалното јавно обвинителство утринава во 6 часот влегле во сите фирми на бизнисменот Орце Камчев !Информацијата предмалку за Скопје1.мк ја потврдија и од СЈО.Според првите информации СЈО од 6 часот утрово врши претрес во седиштето на „Орка холдинг“ и во други фирми надвор од Скопје, врз основа на судска наредба.Акцијата е со асистенција на Одделот за сузбивање на организиран криминал и корупција на МВР, велат неофицијално од СЈО, но не кажуваат за какви сомневања станува збор, односно какви кривични дела истражуваат со инспекторите од организиран криминал од МВР.Нема информации во моментов додека трае претресот ни дали се врши заплена, а ни дали е некој уапсен.

Македонија | пред 7 години

Холанѓанец сака да ја промени годината на раѓање бидејќи „трансродовите луѓе можат да го променат полот“

Еден Холанѓанец смета дека треба да има право законски да ја промени својата година на раѓање бидејќи „трансродовите луѓе можат да го променат полот”, пишува УНИЛАД.69-годишниот Емил Рателбан сака официјално да има 49 години бидејќи на тој начин може да се врати на работа и да добие шанса да го видат повеќе жени на „Тиндер“.Емил, кој е гуру за самопомош, тврди дека неговите лекари му кажале дека има тело на 45-годишен маж, па затоа поднел барање во документите да му го променат датумот на раѓање на 11 март 1969 година, иако бил роден на 11 март 1949 година.Локалните власти го одбија неговото барање поради што тој ги тужеше повикувајќи се на тоа дека „трансродовите луѓе можат да го променат полот, па и тој би требало да може да ја промени возраста”.

Свет | пред 7 години

Апокалиптични сцени од Калифорнија: Десетина илјади луѓе евакуирани поради пожар

 Десетина илјади луѓе се евакуирани на северот на Калифорнија поради голем шумски пожар. Загрозени се неколку населби, а засега не е познато дали има жртви или повредени.Полицијата соопшти дека евакуацијата важи за целиот град Парадајз кој има 27 000 жители и се наоѓа на околу 300 километри од Сан ФранцискоПожарот се шири брзо поради силниот ветер, сувата трева и ниската влага во воздухот. Над Парадајз се издигнал густ црн чад кој можел да се види од оддалеченост од неколку километри.Затворен е и автопатот во тој тел, а националната метеоролошка сллужба издаде црвен аларм за опасност од пожарите во повеќе делови на Калифорнија.

Свет | пред 7 години

Нема фотографија

Договорот за Брегзит ќе биде објавен во вторник

Договорот за Брегзит ќе биде објавен во вторник, откако ден претходно ќе го разгледа британската Влада, тврди уредникот на „Тајмс“ Сем Коутс, повикувајќи се на нацрт агенда за која е разговарано во Лондон.– Според еден нацрт од агендата за која е разговарано денеска во Вајтхол – „Кабинетот преферира в понеделник“ вели Коутс.Тој нагласува дека британскиот министер за Брегзит, Доминик Раб ќе има состанок со главниот преговарач од ЕУ Мишел Барние во вторник,  истиот ден кога ќе биде објавен целосниот договор за повлекувањето и дека ќе се разгледува политичка декларација. Според него, премиерката Тереза Меј ќе се обрати в среда во Долниот дом на Парламентот. Самитот на ЕУ би можело да биде одржан меѓу 23 и 25 ноември. Велика Британија треба да ја напушти ЕУ до 29 март.Договорот за Брегзит ќе биде објавен во вторник, откако ден претходно ќе го разгледа британската Влада, тврди уредникот на „Тајмс“ Сем Коутс, повикувајќи се на нацрт агенда за која е разговарано во Лондон.– Според еден нацрт од агендата за која е разговарано денеска во Вајтхол – „Кабинетот преферира в понеделник“ вели Коутс.Тој нагласува дека британскиот министер за Брегзит, Доминик Раб ќе има состанок со главниот преговарач од ЕУ Мишел Барние во вторник,  истиот ден кога ќе биде објавен целосниот договор за повлекувањето и дека ќе се разгледува политичка декларација. Според него, премиерката Тереза Меј ќе се обрати в среда во Долниот дом на Парламентот. Самитот на ЕУ би можело да биде одржан меѓу 23 и 25 ноември. Велика Британија треба да ја напушти ЕУ до 29 март.

Свет | пред 7 години

Нема фотографија

Во Хрватска поднесена прва пријава за ширење лажни вести

Хрватската полиција поднесе пријава против еден 34-годишен маж, кој измислил приказна дека бил нападнат од мигранти, што претставува прва тужба во Хрватска за ширење лажни вести.Мажот снимил видео на кое инсценирал дека бил нападнат од мигранти во местото Оточац, по што видео снимката и ја предал на една новинарка, раскажувајќи и ја приказната за измислениот напад.Смимката била објавена на една локална телевизија, по што реагирала полицијата по службена должност, при што открила дека мажот воопшто не бил нападнат, поради што против него покрена прекршочна пријава за ширење лажни вести.Согласно хрватскиот Закон за прекршоци против јавниот ред и мир, за ширење лажни вести е предвиена парична казна или казна затвор во траење до 30 дена.

Свет | пред 7 години

Нема фотографија

Ципрас вети нови 10 илјади работни места

Грчкиот премиер Алексис Ципрас вети дека во идната година, кога му истекува мандатот, ќе бидат отворени 10 илјади работни места во јавниот сектор и враќање на парите на илјадници јавни службеници оштетени со мерките за штедење. Тој во интервју за телевизијата Алфа рече дека тоа ќе биде можно поради договорот со Грчката црква на свештениците да им се одземе статусот на јавни службеници. Парламентот претходно усвои закон за враќање на околу 820 милиони евра одземени со намалување на платите на 280 илјади војници, полицајци, лекари, судии и професори. Грција во август излезе од програмата за помош, а догодина ја очекуваат парламентарни избори.

Свет | пред 7 години

Нема фотографија

Дијалогот меѓу Белград и Приштина заглавен поради данокот на српски стоки

Српскиот претседател Александар Вучиќ по состанокот во Брисел со шефицата на европската дипломатија Федерика Могерини, која посредува во дијалогот помеѓу Белград и Приштина и косовскиот претседател Хашим Тачи, изјави дека дијалогот ќе продолжи кога Приштина ќе ги повлече противправните мерки. „Изминатите денови, добивме одлуки од властите во Приштина, во кои тие противправно со ЦЕФТА договорот го зголемуваат за 10 насто данокот на стоки од централна Србија. Никој особено за ова не се возбуди во Европа. Тие зборуваат за формирање на косовска војска што е против бриселскиот договор. Се обидуваат да ја исфрлат Србија од северно Косово и тоа противправно. Не сакаат да ја слушнат нашата одлука“, изјави Вучиќ за РТС. Косовскиот претседател Хашим Тачи пак по разговорите ја обвини Србија дека била „агресивна и арогантна“. Тој додаде дека дијалогот не може да се води со ултиматуми, ниту со агресивен глас.„Останува да се види како работите ќе се движат во иднина“, рече тој, оценувајќи дека е момент за нов замав за да се искористи историската шанса Косово да дојде до признавање.

Свет | пред 7 години

Продолжува расправата за вториот нацрт-амандман на Уставот

Комисијата за уставни прашања ја продолжи расправата за нацрт уставните амандмани, во рамки на втората фаза од постапката за менување на Уставот на Република Македонија. Таа вчера го усвои Првиот нацрт-амандман за промена на Уставот со десет гласови „за“ и пет проти, со кој се предлага замена на зборот Република Македонија со Република Северна Македонија секаде во Уставот освен во член 36 каде има историски аспект, а ја започна и расправата за вториот нацрт амандман со кој во Преамбулата на Уставот одлуките на АСНОМ се заменуваат со Прогласот од АСНОМ и се додава Охридскиот рамковен договор. И на вториот ден опозицијата и власта останаа на спротивни ставови.Опозицијата повторно обвини дека целиот процес за промена на името и Уставот се одвивал нетранспарентно и без консензус и оти не е испочитувана волјата на народот искажана на референдумот. Предложија со нацрт-амандман да се обезбеди заштита на сето она што значи менување на уставно име.На ова реплицираше заменик министерот за надворешни работи Андреј Жерновски кој ги отфрли обвинувањата дека процесот бил нетранспарентен и оти не била консултирана опозицијата. Посочи дека биле одрзани шест тет-а-тет средби за да се објасни целиот процес.За вториот Нацрт-амандман со кој во Преамбулата на Уставот одлуките на АСНОМ се заменуваат со прогласот од АСНОМ и се додава Охридскиот рамковен диговор. Опозицијата обвини дека со овој амандман и измените што се прават во Преамбулата се бришат деветте одлуки на АСНОМ, од кои, како што рекоа,  четири имаат државотворно значење. Заменувањето на одлуките со Прогласот, рече не смее да се прави, бидејќи Прогласот е само известување до граѓаните за донесените одлуки. Вметнувањето на Рамковниот договор, според пратениците од опозицијата, е дополнително проблематично и тоа отвора можности за федерализација и бинационална држава. Со ставањето на Рамковниот договор во Преамбулата, се отвора можност да се прогласи албанскиот јазик за службен на целата територија на државата.На ова реплицираше Жерновски, кој истакна дека тоа е апсолутна невистина и груба измама на граѓаните на Република Македонија.

Македонија | пред 7 години

Пратениците на пленарна ќе одлучуваат за мандатот на Груевски

Пратениците во Собранието на Република Македонија денеска на пленарна седница треба да одлучуваат за одземање на мандатот на пратеникот од ВМРО-ДПМНЕ, Никола Груевски. За да се оствари тоа потребно е двотретински мнозинство што се поизвесно е дека нема да биде овозможено, со оглед на тоа што независната пратеничка група на ВМРО-ДПМНЕ и „За заедничка Македонија“ се изјаснија дека нема да го поддржат предлогот на Комисија за деловнички и мандатно-имунитетни прашања.Собраниската Комисија со мнозинство гласови во средата го прифати барањето на судот да му се одземе пратеничкиот мандат на Груевски заради издржување на двегодишната затворска казна за набавката на луксузниот мерцедес во предметот „Тенк“ на Специјалното јавно обвинителство што пак одлуката на пратениците не го одложува извршувањето на казнатаБарањето за одземање на мандатот на Груевски е според членот 59 од Деловникот на Собранието на РМ. Со него се предвидува за пратеникот осуден за кривично или друго казниво дело што го прави недостоен за вршење на пратеничката функција, известување до претседателот на Собранието да достави судот кој ја изрекол казната.Со овој член од собранискиот Деловник е предвидено Предлог за одземање на мандатот на пратеник да поднесе Комисијата за деловнички и мандатно-имунитетни прашања, во рок од 15 дена од денот на добивањето на известувањето од претседателот на Собранието. По предлогот на Комисијата за деловнички и мандатно-имунитетни прашања за одземање на мандатот на пратеникот, Собранието води претрес на првата наредна седница, а претресот може да заврши со донесување одлука за одземање на мандатот на пратеникот или со заклучок дека нема елементи за одземање на мандатот на пратеникот. За да му биде одземен мандатот на Груевски на Собранието му е потребно двотретинско мнозинство.Груевски вчера требаше да се јави на издржување на затворската казна. Но тој и неговите адвокати поднесоа жалби против решението на судијата за извршување санкции кој постапува по предметот. Од судот информираат дека од денеска тече рокот од три дена во кои Кривчниот совет треба да донсе одлука по жалбите.

Македонија | пред 7 години