Во организација на Олдтајмер Kлуб Класик АВЈ – Скопје, утре во периодот од 9 до 17 часот, на улицата „Михаил Цоков“, до општината Центар ќе се одржи меѓународна изложба на олдтајмери „Олдтајмер Ревија Скопје-Центар 2018“.Поради изложбата Одделението за безбедност на патниот сообраќај при СВР Скопје ќе превземе мерки за посебен режим на сообраќајот, во близина на оваа сообраќајница.
Скопје | пред 7 години
Раѓање на тројка се случува навистина ретко, а уште поретко е да се родат во водењак, односно во амниотска кеса. Можеби веќе сте имале прилика да видите снимка во која бебето родено во водењак прв пат земало воздух и како лекарите ја отстрануваат амниотската кеса од него, но ова видео е сосема поинакво. За време на пораѓај на тројка, д-р Родриго да Роса Филхо, доживеал вистинско изненадување. Две од три бебиња биле во водењакот, но лекарите наместо веднаш да ја отворат амниотската кеса, одлучиле да почекаат бебето прво да се разбуди. Третото бебе, малата Адели се вртела и спиела во својата кеса, цели седум минути, пред лекарите да ја извадат.Гледајќи го ова видео, можете да го доживеете животот на бебето во стомакот."Вчера на свет дојдое тројка! Јоаким е роден во водењакот. Бевме воодушевени. Но, потоа дојде таа... Исто така е родена во водењакот и нѐ остави да ѝ се восхитуваме додека цврсто спиеше. Така поминавме седум минути, гледајќи го нејзиното однесување како уште да е во стомак. Тоа е магијата на животот", напишале лекарите под видеото.[embed]https://www.instagram.com/p/BnbPPIJD8wz/?utm_source=ig_embed&utm_campaign=embed_video_watch_again[/embed]
Свет | пред 7 години
Маж и жена кои што летувале на руското црноморско приморје едвај извлекле жива глава кога нивниот падобран налета на електрични кабли.„Парасејлингот“ е популарен во многу туристички места, па мажот и жената одлучиле да се забавуваат во Џубга, меѓутоа поради силниот ветер, за малку забавата ќе завршела фатално за нив.Ветерот го однел падобранот директно во електричните кабли, откако, како што откриваат истражителите, возачот на глисерот кој го влече падобранот премногу се доближил до брегот.Кога падобранот тргна да се враќа назад кон морето следуваше вистински хорор за мажот и жената. Само што падобранот ги допре електричните кабли, се слушна струен удар, еден од каблите се скина, а мажот и жената неконтролирано започнаа да се вртат во воздух.Сето тоа се случуваше пред шокираните туристи, а на снимката може да се слушнат и нивните вресоци. Падобранот потоа се спушти на песокот, па останатите туристи веднаш истрчаа за да пружат помош.[embed][/embed][embed][/embed]
Свет | пред 7 години
„Жива сум и здрава и планирам да продожам со својата работа“, изјави Мекел во интервјуто за „Аугсбургер алгемајне“.Таа повторно ги отфрли барањата на опозицијата за изгласување на недоверба и најави дека повторно ќе се кандидра за лидер на партијата во декември.Меркел, која е канцеларка од 2005 година, последните неделу е под голем притисок поради смената на шефот на германската разузнавачка служба Ханс Георг Масен.Таа упати јавно извинување на почетокот на неделата признавајќи дека во тој случај направила грешка.Истовремено, поразот на нејзиниот ологгодишен сојузник Вокер Каудер, кој не помина на тајното гласање за шеф на парламентарната група во која е и партијата на Меркел , ги шокира политичките кругови во германската престолнина.
Свет | пред 7 години
Претседателот на Турција, Реџеп Тајип Ердоган лично ќе се заложи за зголемување на бројот на земји кои би го признале Косово, како и во процесот на зачленување на Приштина во меѓународните организации, изјави косовскиот претседател, Хашим Тачи по средбата со Ердоган во Њујорк.На состанокот, на кој присуствуваше и министерот за надворешни работи на Косово, Беџет Пацоли, била разгледана можноста за продлабочување на билатералната соработка, трговската размена и соработката во други области од заеднички интерес.„Тачи доби поддршка од Ердоган за процесот за прием на Косово во „Интерпол“, а го информираше дека во завршна фаза е дијалогот за нормализација на односите со Србија, како и за потребата да постигне правно обврзувачки договор“, пренесе РТК2.
Свет | пред 7 години
Приватен авион од типот „Фалкон 50“ се сруши во американската сојузна држава Јужна Каролина, а пилотот и копилотот го загубиле својот живот. При падот, авионот буквално се преполовил.Како што пренесуваат американските медиуми, во авионот имало четири лица, а од двајцата загинати, едниот бил прогласен за мртов на лице место, додека другиот им подлегнал на повредите подоцна во болница.Авионот ја промашил пистата и се срушил на патот покрај аеродромот во Гринвил, а засега не е познато кои се причините за несреќата.[embed][/embed]
Свет | пред 7 години
Јавниот долг расте, a економијата е пред колапс. Економскиот тим на Зоран Заев ја носи државата во економска пропаст, се наведува во соопштение на опозициската ВМРО-ДПМНЕ.Оттаму додаваат дека македонската економија тоне, а граѓаните се се посиромашни.„Јавниот долг вртоглаво расте. Вкупниот јавен долг на Македонија на крајот на вториот квартал од 2018 година изнесува 48,8% од БДП, што претставува зголемување за 0,6 процентни поени во однос на претходниот квартал, покажуваат најновите податоци на Народната банка. Промената во најголем дел произлегува од зголемувањето кај надворешниот долг, но раст и на внатрешниот долг“, стои во партиското соопштение.Од ВМРО-ДПМНЕ додаваат дека вкупниот државен долг и долгот на јавните претпријатија во вториот квартал се зголемиле за 0,3 процентни поени.„Министерството за финансии објави проспекти за ново задолжување од 32 милиони евра за наредната недела додека само пред неполни две недели ги задолжи граѓаните за дополнителни 57 милиони евра. Милионите задолжување се редат, а во реалноста не гледаме каде завршуваат парите. Нема проекти. Капиталните инвестиции се на децениско најниско ниво од 21.33% за првите 7 месеци од годината. Никој во државата не знае на што се трошат милионите позајмени, за кои годишно плаќаме огромни камати“, велат од опозициската партија.Оттаму констатираат дека граѓаните на Македонија заслужуваат подобро, а како виновници за актуелната неповолна ситуација ги посочуваат СДСМ и Зоран Заев, кои според нив, мора да заминат со цел Македонија да победи.
Македонија | пред 7 години
„Долни Сарај“, една од најубавите и најрепрезентативни сцени во Охрид ќе добие нов, функционален и модерен изглед со реконструкцијата што следува во текот на наредниот период.За таа цел, директорката на Националната установа „Охридско лето“, Наташа Поповиќ изврши увид на моменталната состојба на оваа локација, а како што најави, градежните активности ќе започнат веднаш штом ќе завршат законските рокови околу тендерската постапка.-„ Долни Сарај“ која е една од најубавите сцени во градот ќе го добие заслужениот лик и ќе претставува најсоодветното место за настапите на уметниците од целиот свет кои учествуваат на најреномираниот музичко-сценски фестивал во Македонија, „Охридско лето“. Од друга страна, таа ќе биде и удобно катче за публиката. Планирано е, градежните активности да завршат во декември, вели Поповиќ.Според директорката, сцената ќе претпрпи комплетна и темелна санација со нивелирање и зголемување на површината за 10 проценти, како и вградување полиуретански под за подобрување на перформансот и заради заштита од атмосферски влијанија.Што се однесува до гледалиштата на „Долни Сарај“, ќе биде извршена комплетна санација на постоечките, а ќе се постават и ново западно и ново централно гледалиште, со што, капацитетот наменет за публиката ќе се зголеми за околу 40 отсто. Исто така, проектот предвидува и проширување на пристапниот влез за товарни возила до самата сцена.Комплетно санирана ќе биде и терасата на „Долни Сарај“ која лежи над самото Охридско Езеро. Таму ќе се реновира подот, како и постоечката бетонска ограда. Проектната документација предвидува и комплетно реновирање и проширување на пристапните скали кон терасата.Предвидено е и некоклукратно зголемување на капицитетот на електричната моќност, а целиот простор ќе добие и ново хортикултурно уредување.Целокупниот проект за реконструкција и санација на сцената „Долни Сарај“ вреди 2,3 милиони денари, од кои 1,4 милиони денари ги обезбеди Министерството за култура на Република Македонија преку програмата за култура за 2018 година, а останатите средства, фестивалот ги обезбеди претходно со цел сцената да добие модерен изглед според сите светски стандарди.
Македонија | пред 7 години
Квалитетот на сегашниот возен парк на јавното сообраќајно претпријатие воопшто не ги задоволува потребите на граѓаните, кои секојдневно мака мачат да стигнат до која било дестинација. Само седум години по набавката на новите украински и кинески автобуси, состојбата со возилата е очајна. Уште поочајни се патниците, кои сега мораат да се возат во старите зглобни и единечни автобуси, на кои веќе имаа заборавено. Од ЈСП не кријат дека нископодните автобуси набавени од Украина се во многу лоша состојба, додека, пак, постои проблем и со кинеските двокатни, пред сѐ поради непостоење на нивен овластен застапник, па автоматски не постои можност за сервисна и техничка поддршка во секое време.Од таа причина на линиите каде што тие ќе застанат, се пуштаат старите зглобни и единечни возила. За да се обезбеди подобар квалитет на јавниот градски превоз веќе се најавува набавка на нови автобуси, на кои, пак, ќе имало дури и држачи за велосипеди. Во една своја изјава за алтернативен транспорт, градоначалникот на Скопје, Петре Шилегов, напомена дека во постапката за набавка на новите автобуси предвидуваат автобусите да имаат и држачи за велосипеди. Граѓаните се шегуваат дека некои од возачите на ЈСП и сега ги оставаат патниците и им ги затвораат вратите пред нос, а не пак да ги чекаат да ги закачат своите велосипеди. Додаваат дека и нископодните автобуси кога се купуваа се зборуваше дека ќе имаат коси рампи, кои одлично ќе им дојдат на инвалидизираните лица, па со количка лесно ќе можат да влегуваат во автобус. Некои граѓани што со години користат јавен градски превоз велат дека досега не виделе некој од возачите да притисне на копчето за спуштање на косата рампа и којзнае зошто не се користат.
Скопје | пред 7 години
Дел од општините Кисела Вода, Сопиште, Чучер Сандево и Аеродром денес во одреден период од денот ќе немаат струја.Како што соопшти РЦУК, од осум до 10 часот без електрична енергија ќе бидат корисниците од улицата „29“ во Сопиште, од 8:30 до 11:00 дел од корисниците од улиците „Виктор Ивановиќ – Григоровиќ“, „Кочанска“ и „Полог“ во општина Кисела Вода, од 8:30 до 11:30 корисниците од улиците „Драга Стојанова“ и „Дренак“ во Кисела Вода, од 9:00 до 15:00 дел од корисниците од улицата „Призренска 2“ во местото викано Куќине, Горни и Долни Ливади, Чешма и Џајкова Рупа во Чучер Сандево, додека од 10:00 до 15:00 корисниците од улиците „Михаил Глинка“ од бр.1 до бр.9 во Аеродром.Потсетуваме дека 600 000 домаќинставата до ноември треба да изберат од кого ќе купуваат струја следната година, кога почнува и целосната либерализацијата на пазарот на електрична енергија.Регулаторната комисија очекува понуди за домаќинствата да дадат осум компании кои активно работат и имаат лиценци за снабдување. Тие ќе ја одредат цената на струјата но и тоа дали ќе остане евтината тарифа од два часа на ден.Доколку домаќинстава не потпишат договор со никого, по автоматизам ќе се снабдуваат со струја од универзалниот снабдувач што допрвата треба да биде избран на јавен оглас.„Секое домаќинство, особено малите потрошувачи имаат право од регулираниот пазар да отидат на слобопдниот пазар и да се вратат назад. Рокот е 21 ден. Дали ќе има пшенали зависи од договорите кои ќе потпишат снабдувачите, досега праксата покажала дека за домаќинствата нема казнени пенали, туку се оставаат слободно да избираат.“ – изјави Марко Бислимоски, претседател на Регулаторна комисија.Бислимоски тврди дека правилата за снабдување, кои се направени според новиот Закон за енергетика, се во целосна заштита на потрошувачите. Посебен акцент ќе се стави на ранливите категории кои не смеат да бидат исклучени од струја во зимските месеци.„Очекувам дека покрај стандардните потрошувачи кои примаат одредена социјална помош, опфатот на ранливите клатегории на потрошувачи на кои нема да може да им се исклучува струјата ќе биде зголемен, зоштѕо имаме потрошувачи кои имаат проблем со наплаќањето на струја.“ – изјави Бислимоски.Во моментов 93 проценти од потрошувачите редовно си ги плаќаат сметките за струја.Дали и на слободниот пазар компаниите ќе ги исклучуваат домаќинствата за една неплатена сметка, дополнително ќе се одлучува.
Скопје | пред 7 години
На туристичките автобуси на Матка ќе им се наплаќа влезница, а штом ќе ги истоварат патниците автобусите ќе се пренасочат на паркинг каде што ќе ги чекаат патниците додека шетаат.Ова е една од опциите што Град Скопје заедно со Општина Сарај ја разгледуваат со цел да се реши сообраќајниот хаос во спортско-рекреативниот центар “Матка” присутен особено за време на викендите. Во моментов туристичките автобуси се паркираат на малиот простор над трибините за кајак и се создаваат големи гужви.-Мојата желба е влезот на автобусите да се наплаќа и после истоварањето на патниците, автобусите ќе треба да заминат на паркинг затоа треба да им обезбедиме паркинг. Не постојат такви бисери во светот каде може да влезете и да ги оставите автобусите. Може да влезете да ги оставите патниците и да заминете и потоа да се вратите. Тоа е основата на коцептот кој го работиме со општина Сарај за намалување на сообраќајот. Во непосредна близина ни е езеро Треска од друга страна има делови кои не се дел од Матка кои може да бидат уредени како паркинг простор.По имплементирање на овој систем во Матка влезот на автобусите ќе се наплаќа и нема да може да го користат овој паркинг автобусите туку ќе бидат насочувани кон други паркинг места , посочи скопскиот градоначалник Петре Шилегов.
Скопје | пред 7 години
Дваесетгодишник приредил несекојдневна сцена на аеродромот во Даблин. Случката која е можеби интересна за слушање, сепак значеше и интервенција на полицијата и притвор за главниот „актер“.Имено тој, откако сфатил дека доцни на летот, го поминал терминалот, излегол на пистата и почнал да трча кон авионот кој се подготвувал за полетување.Како што пренесуваат ирските медиуми, станува збор за 20-годишен ирски државјанин кој задоцнил на летот на „Рајанер“ за Амстердам.Најпрвин се обидел да ги убеди вработените на аеродромот да го пуштат, но гејтот бил затворен затоа што веќе авионот се подготвувал за полетување. Потоа тој започнал очајнички да удира по прозорот од терминалот и да му вика на пилотот да го сопре авионот.Со оглед на тоа што авионот продолжил со подготовките за полетување, Ирецот истрчал низ терминалот, ја отворил вратата и излетал на пистата извикувајќи „Чекајте“.Тој бил „решен“ да го стигне авионот, иако веројатно и немал план како би се качил дури и кога би го стигнал, а според изјавата на еден од сведоците, во рацете го носел и својот куфер. Тој пред да стигне до авионот веќе пристигнале два полициски автомобили и едно комби.Полицајците веднаш го фатиле и тој веќе се наоѓа во притвор од каде што ќе се соочи со кривична пријава.
Свет | пред 7 години
Силен тајфун се движи кон најјужните јапонски острови, а метеролозите прогнозираат дека е можно тој да ја промени насоката и да се упати кон централниот дел на архипелагот.Поради тајфунот, кој го носи името Трами, се откажани стотици летови во Јапонија, а крајбрежните градови се подготвуваат за големи бранови, како и за опасноста од откорнати дрвја.Во жариштетот на тајфунот дуваат ветрови со брзина од 162 до 220 километри на час.Јапонија веќе беше погодена од неколку силни тајфуни во текот на годинава, а ова е 24-от тајфун во целата сезона. Во претходните бури и во поплавите што тие ги предизвикаа загинаа 220 лица.
Свет | пред 7 години
Патнички авион се урна во океанот откако не ја погодил пистата на малиот остров Вено во северозападниот дел на Папуа Нова Гвинеја.Авионот на Air Niugini кој летал од Микронезија кон Папуа Нова Гвинеја, не успеала да слета на пистата и слетал во водата, објавија локалните власти, цитирани од “Дејли Меил”. Чудно, ама преживеале сите 36 патници и 11члениот екипаж .Боингот 737 а бил целосно потопен под вода а само еден човек бил повреден. Локалните жители веднаш стигнале со своите чамци за да им помогнат и да ги извлечат патниците што го напуштиле авионот . Менаџер на аеродромот објаснил на медиумите дека авионот беше надвор од патеката за околу 160 метри. Сите во авионот биле однесени во болници каде што биле испитани, но немало сериозно повредени. Засега причината за несреќата не е јасна.
Свет | пред 7 години
Извршниот директор на МОСТ Дарко Алексов во интервју за МИА истакнува дека граѓанската асоцијација ќе го набљудува гласањето со околу 1.500 набљудувачи со што ќе бидат покриени околу 33 отсто од гласачките места во Република Македонија, како и 33 отсто на ниво на секоја општина.– Дополнително, во секоја општина ќе имаме мобилни набљудувачи кои ќе ја набљудуваат атмосферата надвор од гласачките места. Ќе бидат распоредени набљудувачи и во сите 80 општински изборни комисии, како и во Државната изборна комисија, вели Алексов.Извршниот директор на МОСТ потенцира дека никој не смее да го повредува правото на глас и да врши притисок граѓаните да не излезат да гласаат.
Македонија | пред 7 години
На Кејот на Вардар, во близина на Алпинистичката карпа, општина Карпош постави нов парк за миленици. Станува збор за голема површина, соодветно заградена и опремена со урбана опрема.На неформална средба градоначалникот на општина Карпош, Стефан Богоев со граѓани – сопственици на кучиња размени мислења за одржувањето на паркот, подигнувањето на свеста кај сите граѓани за односот кон животните, а беше изразена подготвеност и за заедничко организирање настани на оваа локација.На овој потег веќе е поставена фитнес зона, а целосниот изглед ќе се заокружи со изградбата на Адреналинскиот парк, проект подготвен од Секторот за развој при општина Карпош.
Скопје | пред 7 години
За референдумот на 30 септември за гласање се пријавени 1.859 болни и немоќни лица во 69 од 80 општини.Гласањето за нив ќе се спроведе на 29 септември, кога членови на избирачките одбори ќе ги посетат во нивните домови.Најмногу болни и изнемоштени за гласање се пријавиле во Демир Хисар – 145, во Прилеп – 143, во Струмица 107 и во Крива Паланка 100.На локалните избори во 2017 година за гласање биле пријавени над 5.400 болни и изнемоштени лица.
Македонија | пред 7 години
Времето во Македонија денеска ќе биде ведро и студено, а преку денот сончево со мала до умерена облачност. Утринската температура ќе се движи од минус три до шест, а дневната температура од 19 до 25 степени.Попладне облачноста ќе се зголеми, особено во јужните делови каде ќе има услови за локален краткотраен дожд и ќе дува слаб до умерен југоисточен ветер.Во Скопје времето ќе биде сончево со мала, а попладне со умерена облачност и со слаб до умерен југоисточен ветер. Температурата ќе се движи од еден степен во утринските часови до максимални 23 степени.Од сабота следува период на променливо облачно време со услови за локален дожд. Утринските температури поради наоблачувањето ќе се зголемат, додека дневните ќе бидат без поголеми промени.
Македонија | пред 7 години
По десет години лимузината на американскиот претседател наречена „Ѕвер“ заминува во заслужена пензија. Најновиот претседателски автомобил, исто така „кадилак“, Доналд Трамп веќе го претстави пред јавноста, пристигнувајќи со него во седиштето на Обединетите нации во Њујорк.Деталите за новата претседателска лимузина се оскудни бидејќи тајните служби ги кријат. Се знае само дека таа тежи меѓу седум и девет тони, додека другите карактеристики, од безбедносни причини, се држат во тајност.Експертите за безбедност наведуваат дека автомобилот има противпожарен систем, ноќни камери, посебен систем за одбрана од ракетен напад итн.Дизајнот на новиот „Ѕвер“ потсетува на претходниот модел, но безбедноста е крената на уште повисоко ниво, па лимузината има понапредни и непробојни стакла и некои додатоци што ги барал претседателот.Исто така, во лимузината има и резерви на крв кои одговараат на крвната група на Трамп за итни случаи, додека распоредот на седиштата 2+3+2 е идентичен како и во претходниот модел.
Свет | пред 7 години
Еден возач и еден пешак го загубија животот, две лица се здобиле со тешки телесни повреди, а други 12 со лесни, во вкупно 15 сообраќајки што се случиле вчера во Скопје.По преземените активности и мерки на подрачјето на СВР Скопје, информираат денеска од полицијата, исклучени од сообраќај се вкупно 13 возачи. Четворица од нив управувале возило под дејство на алкохол, седум биле без возачка дозвола, додека двајца биле возачи почетници. Исклучени од сообраќај се шест не регистрирани возила.Во текот на вчерашниот ден пајакот подигнал 40 возила.Одделението за превенција во текот на вчерашниот ден реализира посебна воспитна мерка сообраќајна поука, на која присуствуваа граѓани учесници во сообраќајот кои сториле прекршоци по разни основи во својство на возачи (мобилен, појас, престројување и брзина).
Скопје | пред 7 години
Вечерта на 25 септември, е извршена кражба во домот на познатата пејачка Ријана.Властите отвориле истрага откога било пријавено дека вила вредна 7 милиони долари е обиена, изјавил за USA Today Џеф Ли, службеник на полициската служба за информирање на јавноста во Лос Анџелес.„Пред да дојде полицијата забележани се три црни мажи кои ја напуштиле локацијата“, вели Џеф.Според светските медиуми, на полицијата се уште не и е познат идентитетот на крадците, ниту пак знаат што е украдено од луксузната вила.„Полицијата ќе провери дали може да се види нешто на сигурносните камери. Доколку на камерите се гледаат крадците снимките ке се објават со цел истите да се идентификуваат што е можно побрзо“, рече Ли.Во моментот кога крадците влегле во куќата познатата пејачка не била дома.Ова е втор пат оваа година полицијата поради кражба да дојде во вилата на Ријана. На 9 мај, Едуардо Леон поминал 12 часа во вилата,, откако се прекачил преку оградата, соопши тогаш полицијата.
Магазин | пред 7 години
Познатата раперка Ники Минаж и возачот на Формула 1, Луис Хамилтон вчера заедно се забавуваа во Дубаи. Од таму објавија селфи со морот додека се возеле, па поради тоа многумина мислат дека тие се заедно.Истиот ден кога тие се забавувале во пустината, се видени како заедно го напуштаат хотелот. Ито така Хамилтон може да се забележи во одразот од огледалото додека ја снимал Ники во „Версаче“ креација.https://www.instagram.com/p/BoFmbPThp9j/?taken-by=nickiminajНекои се прашуваат што бара Хамилтон со Ники, поради тоа што тој е познат по врските со Никол Шерцингер, со манекенката Џиџи Хадид, манекенката Вини Харлоу, а се зборуваше и дека го освоил срцето на Ријана.
Магазин | пред 7 години
Пејачката Јелена Крлеуша е постојано на релација Србија – Кина, затоа што нејзиниот сопруг Душко Тошиќ потпиша милионси договор со тамошниот фудбалски клуб. Тие планираат да купат авион за патувањето да им биде полесно.Но, пејачката се потсети на својот почеток на кариерата кога немала пари. Таа не крие дека на првото гостување отишла без чорапи, затоа што немала пари за да ги купи.„Кога почнав во 1995 година за време на војната, она што јас сакав не можев да го носам, немав од каде да го купам, а немав ниту со што да го купам“, изјави Крлеуша.„Многу често немав пари да купам чорапи. Се сеќавам на моето прво појавување, имав огромна трема, а се појавив во фустан од сребро, од позајмен материјал, немав ниту чорапи. Бев премногу нашминкана за девојче од 16 години и изгледав 10 години постаро“, откри пејачката во една емисија.
Магазин | пред 7 години
Бискупот на Варшава-Прага, една од двете бискупии на полскиот главен град, Ромуалд Камински, се извини поради сексуалното вознемирување деца во полската католичка црква.„Ќе ги заштитиме децата и младите во секој момент и секаде“, рекол тој. „За мене тоа е приоритет. Сакам да се извинам и ќе направам сè за жртвите да можат сигурно да се вратат во црковната заедница и повторно да изградиме доверба во нив“, додал Камински.Тој рекол дека во неговата бискупија во последните 26 години се случиле 12 случаи на силување малолетници. Десет случаи се потврдени, од кои некои се однесуваат на деца на возраст меѓу 15 и 18 години. Во три случаи злоупотребувачите се предадени на правосудните органи. Двајца од нив се осудени.Полската црква пред четири години во Краков на литургија се покајаа поради педофилијата во нејзиното свештенство.Католичката црква доживува голема криза по бројните откритија на силување деца во повеќе земји. Во вторникот Германската црква се извини по објавениот извештај за полови напади врз повеќе од 3 600 малолетници во периодот од 1946 до 2014 година.Папата Франциск во вторникот во Талин рече дека младите со право се гневни на Црквата поради начинот на кој ги решава случаите со свештениците кои силуваат деца.
Свет | пред 7 години
На полноќ заврши јавната пропаганда и започна 48-часовниот молк пред референдумот што ќе се одржи в недела на 30 септември.Агенцијата за аудио и аудиовизуелни медиумски услуги вчера извести дека кампањата „Твој став, твое право“ на Државната изборна комисија, како кампања од јавен интерес не спаѓа во јавната пропаганда за референдумот и може да се емитува и во петок и во сабота иако веќе ќе биде молк пред референдумот.Според одлуката донесена од страна на Собранието на Република Македонија, прашањето за референдумот ќе гласи: „Дали сте за членство во ЕУ и НАТО, со прифаќање на договорот на Република Македонија и Република Грција?“Право на глас на плебисцитарното изјаснување в недела имаат 1.806.336 гласачи, запишани во Избирачки список. Гласачките места на 30 септември ќе бидат отворени од 7 часот до 19 часот.
Македонија | пред 7 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања