(Видео) Со „летање орли“, извици „УЧК“, без македонско знаме од каде се бараат права, а знамиња од САД – се бара правосуден на албански

На протестот во Скопје, на кој се бара правосудниот испит да може да се полага и на албански јазик, беа истакнати повеќе транспаренти со политички и националистички пораки. Иако барањата се упатени до македонската Влада, сепак, се носеа само албански знамиња, како и знамиња на ЕУ и САД. На протестот немаше ниту еден македонски симбол.Дел од демонстрантите беа дојдени од Приштина, а за време на протестот се извикуваше и „УЧК“.Меѓу пораките на транспарентите беа:„Студентите не се предаваат“„Овој јазик има маченици зад себе“„Не ми ја допирајте иднината“„Струга зборува албански“„Знаењето нема забранет јазик“„Политиката го зароби Уставниот суд“Протестот се одржува во центарот на Скопје, а беа присутни од најмлади до највозрасни. Пораките беа насочени кон институциите и одлуките поврзани со употребата на албанскиот јазик.

Скопје | пред 2 дена

Путин и Си ќе разговараат за гасот, нафтата и „Силата на Сибир 2“

Енергетската соработка меѓу Русија и Кина ќе биде една од главните теми на разговорите меѓу Владимир Путин и Си Џинпинг за време на претстојната посета на Путин на Пекинг.Ова денеска го изјави помошникот на Кремљ за надворешна политика, Јуриј Ушаков.Според него, детално ќе се разговара за соработката во секторот на јаглеводороди, испораките на гас и проектот за гасоводот „Сила на Сибир 2“.Ушаков изјави дека руските испораки на нафта во Кина во првиот квартал од годинава пораснале за повеќе од 35 проценти и достигнале 31 милион тони.Тој додаде дека Русија останува еден од најголемите извозници на природен и течен гас во Кина.„Енергетската соработка е локомотива на економските односи меѓу Русија и Кина“, рече Ушаков, додавајќи дека трговската размена меѓу двете земји во 2023 година достигнала речиси 240 милијарди долари.Според него, плаќањата во национални валути помогнале билатералната трговија да биде заштитена од надворешни притисоци и нестабилност на глобалните пазари.Ушаков најави и дека Путин ќе учествува на самитите на БРИКС и Шангајската организација за соработка подоцна годинава.

Свет | пред 2 дена

Убиецот од Дрниш и во затвор правел проблеми: Напаѓал затвореници и им се заканувал на чуварите

Нови детали за минатото на Кристијан Алексиќ, осомничен за убиството на 19-годишниот доставувач во Дрниш, откриваат дека тој и претходно правел сериозни проблеми додека ја издржувал затворската казна за убиство извршено во 1994 година.Според информации од хрватскиот правосуден систем, Алексиќ бил запаметен по агресивно однесување, закани кон затвореници и правосудни полицајци, како и по низа инциденти во повеќе казнено-поправни установи.Извори тврдат дека поради неговото однесување бил ставен под посебен режим и на прошетки одел сам.Хрватските медиуми потсетуваат и на инцидент од 2007 година во затворот во Лепоглава, кога Алексиќ нападнал друг затвореник со дрвена даска и нож.Поради нападот добил дополнителна затворска казна од една година и четири месеци, како и мерка за задолжително психијатриско лекување.Во својата одбрана тогаш тврдеше дека бил провоциран од другиот затвореник и дека „му се стемнило пред очи“ за време на нападот.Вештачењето тогаш покажало дека нема душевна болест, туку нарушување на личноста и значително намалена способност за контрола на постапките во моментот на нападот.Алексиќ претходно бил осудуван и за кражби, а сега е осомничен за убиството на 19-годишниот Лука М. во Дрниш.

Свет | пред 2 дена

Голем удар за Барселона и Шпанија: Фермин Лопез го пропушта Светското првенство

Фудбалерот на ФК Барселона, Фермин Лопез, ќе го пропушти претстојното Светско првенство поради тешка повреда.Младиот шпански репрезентативец скршил метатарзална коска во стапалото и ќе мора да оди на операција, по што го очекува повеќемесечна пауза.Од Барселона потврдија дека Лопез се повредил на натпреварот против Реал Бетис и дека му е скршена петтата метатарзална коска на десното стапало.Повредата доаѓа во момент кога Лопез беше блиску до место во составот на шпанската репрезентација за Мундијалот.Фермин Лопез сезонава се наметна како еден од клучните играчи на Барселона, со 13 голови и 17 асистенции.Со својата енергија и офанзивен придонес, тој стана важен дел од тимот на тренерот Ханси Флик.

Спорт | пред 2 дена

МВР апелира: Граѓаните навреме да ги подигнат готовите лични документи

Министерството за внатрешни работи апелираше до граѓаните навремено да ги подигнат своите готови лични документи, со цел да се избегнат гужви во пресрет на летниот период.Од МВР информираат дека управните служби моментално работат со зголемена ефикасност и ажурност, благодарение на реорганизацијата и зголемените капацитети.„Процесот е целосно оптимизиран и овозможува брзо и едноставно закажување термини за фотографирање, минимално време на чекање и експресно изготвување на документите“, велат од МВР.Оттаму посочуваат дека во периодот пред годишните одмори традиционално се зголемува бројот на граѓани во управните служби, особено поради доаѓањето на иселениците од дијаспората.МВР ги повика граѓаните да ја проверат важноста на своите документи и, доколку веќе се фотографирале, што поскоро да ги подигнат готовите документи.„Навремената реакција е во интерес на сите нас“, порачуваат од Министерството за внатрешни работи.

Македонија | пред 2 дена

(Видео) Ѓорѓиевски: Темелно се чисти коритото на Вардар

Градоначалникот на Град Скопје, Орце Ѓорѓиевски, информираше дека е во тек голема акција за расчистување на коритото на реката Вардар и просторот долж кејот во Скопје.Според него, акцијата опфаќа чистење на коритото на Вардар, како и пешачките и велосипедските патеки покрај реката.„Она што со години беше занемарувано и ја нарушуваше сликата за нашиот град, заминува во минатото“, напиша Ѓорѓиевски.Тој порача дека Вардар е симбол на Скопје и простор што им припаѓа на сите граѓани.Ѓорѓиевски нагласи дека не станува збор за еднократна акција, туку за трајна практика и редовно одржување на кејот.Во објавата, тој апелираше граѓаните да ги чуваат јавните простори, парковите и реките.„Вардар повторно ќе блесне со сјајот што му доликува на Скопје“, порача Ѓорѓиевски.

Скопје | пред 2 дена

Кубанскиот претседател: Не сме закана, но ќе се браниме ако бидеме нападнати

Кубанскиот претседател Мигел Дијаз-Канел денеска изјави дека Куба има „апсолутно и легитимно право“ да се брани од евентуална воена агресија од САД.„Заканите за воена агресија против Куба од страна на најголемата светска сила се добро познати. Самата закана веќе претставува меѓународен злостор“, напиша Дијаз-Канел на социјалната мрежа X.Тој порача дека Куба не претставува закана за ниту една држава и нема агресивни планови кон САД или која било друга земја.Изјавите на кубанскиот претседател доаѓаат откако американскиот портал Axios објави дека Куба наводно набавила повеќе од 300 воени дронови и разгледувала можни сценарија за нивна употреба против американски цели.Според извештајот, меѓу потенцијалните цели биле американската база Гвантанамо, воени бродови и делови од Флорида.Куба ги отфрли овие тврдења, обвинувајќи го порталот за ширење дезинформации.Министерот за надворешни работи Бруно Родригез оцени дека американската администрација создава „лажен случај“ за да оправда економски и евентуален воен притисок врз Куба.Во меѓувреме, Куба се соочува со сериозна енергетска криза, рестрикции на струја и недостиг од храна и гориво.

Свет | пред 2 дена

За втор автомобил во Центар ќе се плаќаат 500 денари, а за трет 1.500

Општина Центар и ЈП ПОЦ воведуваат нов систем за паркирање со цел пофер распределба на паркинг местата и поефикасно користење на ограничениот јавен простор.Со новите правила, повластените паркинг-карти повеќе нема да се издаваат по жител, туку по станбена единица, односно по адреса.Од ЈП ПОЦ велат дека досегашниот модел овозможувал едно домаќинство со повеќе пријавени лица да регистрира и повеќе возила под повластени услови, што дополнително го оптоварувало паркинг-просторот.„Паркинг просторот во Центар е ограничен ресурс. Не е реално ниту фер јавниот простор неограничено да се користи од едно домаќинство, додека други жители секојдневно се соочуваат со недостиг од слободни места“, соопштија од претпријатието.Според новиот систем, првото возило за едно домаќинство ќе има бесплатно повластено паркирање, за второто ќе се плаќаат 500 денари месечно, а за третото 1.500 денари.Од ПОЦ објаснуваат дека целта не е ограничување, туку воведување баланс и одржливост во користењето на јавниот простор.Новите мерки треба да помогнат во намалување на сообраќајниот метеж, непрописното паркирање и притисокот врз паркинг-капацитетите, особено во Дебар Маало, Капиштец, Буњаковец и централното градско подрачје.ЈП ПОЦ најави и инвестиции во нови паркинг места, модернизација и дигитализација на услугите, како и подобрување на контролата и наплатата.

Скопје | пред 2 дена

(Видео) „Приштина не молчи“ - студенти од Косово протестираат за правосуден на албански во Скопје

Студенти и граѓани од Косово денеска се приклучија на протестот во Скопје поврзан со барањата правосудниот испит да може да се полага и на албански јазик, јавува „Порталалб“.Протестот се одржува кај Камениот мост, а учесниците носат албански знамиња и транспаренти со пораки „Prishtina nuk hesht“ („Приштина не молчи“), „Shqipja nuk hesht“ и „Kosova është me ju“. Од снимките, и на вториов протест нема македонски симболи, иако правата се бараат во Македонија.На дел од транспарентите имаше и пораки поврзани со албанскиот јазик и правата, меѓу кои „Член 7“, „Еднаквост“ и „Права“.Во објавите поврзани со протестот се наведува и дека полицијата запрела пет автобуси со студенти и граѓани кои тргнале од Куманово кон Скопје.„Полицијата запре пет автобуси со студенти и граѓани кои тргнале од Куманово на протестот во Скопје. Образложението е банално“, објавија организаторите и студентите на социјалните мрежи, пренесе „Порталалб“.Засега нема официјално соопштение од МВР во врска со тврдењата дека автобусите биле запрени.

Македонија | пред 2 дена

Уапсен осомничениот за убиството на 19-годишниот доставувач на храна во Дрниш

Полицијата во Шибеник-Книн објави детали за апсењето на 50-годишниот Кристијан Алексиќ, осомничен за убиството на 19-годишниот доставувач на храна Лука М. во Дрниш.Според полицијата, Алексиќ бил забележан околу 2:30 часот наутро на пристапот кон Дрниш, по што полицајците брзо реагирале и го совладале со употреба на физичка сила и средства за врзување.При претресот кај него биле пронајдени огнено оружје и нож со сечило долго 20 сантиметри.По апсењето, осомничениот бил пренесен во полициска станица, каде што продолжила кривичната истрага.Во потрагата по Алексиќ учествувале голем број полицајци, службени кучиња трагачи, хеликоптер и беспилотни летала.Според хрватските медиуми, Алексиќ бил лоциран со дрон во близина на неговата куќа, а при апсењето не пружил отпор.Тој е осомничен дека во саботата вечерта на терасата од својата семејна куќа го убил 19-годишниот Лука М., кој доставувал храна.По злосторството, Дрниш бил под силни полициски мерки, а граѓаните биле повикани да не ги напуштаат своите домови.

Свет | пред 2 дена

Украинските напади ја погодија руската нафтена индустрија, тврди Зеленски

Украинскиот претседател Володимир Зеленски денеска изјави дека руските нафтени капацитети се значително погодени од украинските далекусежни напади и санкциите.Според Зеленски, Русија била принудена да го намали бројот на активни нафтени извори и капацитетите за преработка на нафта.„Поради специфичностите на руското производство на нафта, ова се сериозни загуби, бидејќи повторното активирање на нафтените извори во Русија е многу потешко отколку во другите земји производители“, изјави Зеленски.Тој тврди дека само една руска нафтена компанија затворила околу 400 нафтени извори, иако не станува збор за најголемата компанија во секторот.Украинскиот претседател додаде дека руската преработка на нафта паднала за најмалку 10 проценти во првите месеци од годинава.Зеленски предупреди и на, како што наведе, знаци на растечка банкарска криза во Русија и зголемен дефицит на федералниот буџет.Според него, дефицитот на рускиот буџет до мај достигнал речиси 80 милијарди долари, додека многу регионални буџети се соочуваат со ризик од банкрот.Тој исто така обвини дека Русија се обидува да извезува жито од анектираниот Крим и да привлече инвестиции и технологии од западни земји во арктичките нафтени и гасни проекти.

Свет | пред 2 дена

Шпанските пратеници го осудија израелскиот напад врз хуманитарната мисија за Газа

Шпански пратеници денеска го осудија неодамнешниот израелски напад врз хуманитарната мисија „Сумуд“, која пловела кон Газа во меѓународни води.Лидерката на шпанската партија „Подемос“, Ионе Белара, на социјалната мрежа Икс напиша дека Израел ја нападнал и пресретнал мисијата среде Средоземното Море.„Израел ја напаѓа и киднапира хуманитарната мисија ‘Сумуд’ среде Средоземното Море. Тоа го прави целосно неказнето, додека Европа продолжува да соработува со извршителите на геноцид“, напиша Белара.И европратеничката Ирене Монтеро го осуди нападот, оценувајќи дека европските влади и Европската комисија сносат одговорност затоа што не реагираат.Според организаторите, израелската војска привела околу 100 активисти додека хуманитарната мисија се обидувала да ја пробие израелската блокада на Газа.Мисијата, составена од повеќе од 50 бродови, испловила од турскиот град Мармарис, а во неа учествувале 426 лица од 40 држави.Организаторите наведуваат дека меѓу учесниците имало активисти од Германија, САД, Франција, Шпанија, Италија, Велика Британија и други земји.

Свет | пред 2 дена

Адвокат за убиството во Дрниш: „Системот не може да ги спречи сите вакви трагедии“

Адвокатот Љубо Павасовиќ Висковиќ изјави дека трагедијата во Дрниш, во која беше убиен млад доставувач на пица, тешко можела да биде спречена, оценувајќи дека хрватскиот правен систем нема механизми за трајно задржување на лица како осомничениот Кристијан Алексиќ.Алексиќ, кој пред повеќе од 30 години брутално убил девојка, сега е осомничен дека со нелегално оружје го убил 19-годишниот доставувач во Дрниш.„Правниот систем нема механизми со кои вакви лица трајно би се задржале во затвор ако не постојат формални законски услови за тоа“, изјави Павасовиќ Висковиќ за „Тпортал“.Тој посочи дека и во случајот од 2023 година, кога Алексиќ бил пријавен за нелегално поседување оружје, најверојатно би добил условна или делумно условна казна.Адвокатот нагласи дека, по издржувањето на казната и по истекот на одреден период, настапува рехабилитација и лицето формално повторно се смета за неосудувано.Според него, во Хрватска има илјадници лица со сличен профил и ниту еден систем не може целосно да ги спречи ваквите трагедии.Полицијата претходно потврди дека повеќепати постапувала против Алексиќ, а особено проблематичен бил случајот од 2023 година поврзан со нелегално оружје, за кој до денес не било одржано ниту првото рочиште.

Свет | пред 2 дена

Обвинителството: Не е затворен еколошкиот дел за мазутот во ТЕЦ Неготино

Обвинителството соопшти дека еколошкиот дел од предметот за набавката и составот на мазутот за ТЕЦ Неготино не е затворен, туку е издвоен во посебна постапка по која активно се работи.Реакцијата доаѓа откако, како што наведуваат, повеќе новинари побарале дополнителни информации за евентуалното влијание на мазутот врз животната средина.„Постапката за составот на мазутот и неговото евентуално влијание врз животната средина не е запрена, туку е издвоена и по неа активно се постапува“, велат од Обвинителството.Според нив, по добиеното вештачење од Србија, биле побарани експерти од повеќе високообразовни институции во државата за да дадат стручно толкување на наодите.„Обвинителството побара номинација на експерти од областа на заштита на животната средина од повеќе високообразовни институции со цел да го протолкуваат вештачењето во насока дали составот на мазутот за кој се добиени вештачења има влијание врз животната средина“, се наведува во соопштението.Оттаму додаваат дека дел од институциите веќе известиле оти немаат соодветен кадар за ваков тип анализа.„Дел од институциите веќе известија дека не располагаат со стручен кадар кој може да даде толкување на наодите од вештачењето“, информираат од ОЈО.Обвинителството посочува дека, доколку не се најде соодветен експерт во државата, ќе биде побарана помош од странство.

Македонија | пред 2 дена

СОС-линијата „Ало, Бушавко“ бележи загрижувачки случаи на самоубиствени мисли кај млади

Менталното здравје на децата и младите станува сè посериозен предизвик, покажува извештајот за работата на СОС-телефонот „Ало, Бушавко“ при Првата детска амбасада во светот „Меѓаши“ за 2025 година.Од организацијата информираат дека е забележан значителен пораст на деца и млади кои пријавуваат самоубиствени мисли или обиди за самоубиство, што укажува на потреба од итна и континуирана поддршка.Во рамки на категоријата ментално здравје, најчесто пријавувани биле „стравот и вознемиреноста“ и „самоубиствените мисли и обидите за самоубиство“, со по 19 евидентирани случаи за секоја поткатегорија.Во извештајот е опишан и случај на девојче кое се јавило на линијата откако нејзин пријател ѝ кажал дека планира да си го одземе животот. Иако момчето побарало никому да не кажува, девојчето сепак побарало помош преку „Ало, Бушавко“. По разговорот со операторката, случајот бил пријавен во полиција, која интервенирала и го заштитила момчето.Според податоците, од вкупно 284 јавувања на СОС-линијата, 83 биле поврзани со ментално здравје, што претставува 30 проценти од сите повици.Психологот Јорданка Черепналкова-Трајкоска предупредува дека менталното здравје и дигиталната безбедност на децата мора да бидат приоритет.„Секој пропуштен сигнал од едно дете може да прерасне во тивка криза, затоа нашата задача не е само да реагираме туку и да слушаме навреме“, вели Черепналкова-Трајкоска.Операторката на „Ало, Бушавко“, Мила Дамјановска, посочува дека е особено загрижувачки порастот на деца кои се јавуваат поради самоубиствени мисли.„Треба да се посветиме на тоа да не им е страв на децата да кажат кога не им е добро, родителите и училиштата да бидат тука за нив и да ги слушаат“, истакнува таа.Освен проблемите со менталното здравје, голем број повици биле поврзани и со семејни односи, повреди, проблеми со пристапност и училишната средина.Според податоците, најзасегнати биле децата на возраст од 10 до 12 години, а потоа младите од 13 до 15 години.В.д. оперативниот директор на „Меѓаши“, Жарко Змијанац, порача дека е време одговорноста за добросостојбата на децата да ја преземат сите клучни чинители во општеството.

Македонија | пред 2 дена

Петровска со критики до ВМРО-ДПМНЕ за гласањата во Собранието: Ова не е патриотизам, туку лицемерие

Пратеничката на СДСМ и поранешна министерка за одбрана, Славјанка Петровска, упати критики кон ВМРО-ДПМНЕ поради гласањата во Собранието.Во објава на социјалните мрежи, Петровска наведе дека ВМРО-ДПМНЕ гласало против предлози што се однесуваат на ограничување на двојните државјанства за членовите на Владата, поддршка за ученици кои се натпреваруваат на меѓународни натпревари, како и мерки за подобра здравствена поддршка за деца со попреченост и лица со ретки болести.Таа посочи дека владејачката партија гласала и против мерки за помош на ранливите категории граѓани и олеснувања за паркирање за лица со попреченост, аутизам и нивните семејства.Од друга страна, според Петровска, ВМРО-ДПМНЕ поддржало ново задолжување од 260 милиони евра.„Кога треба да се покаже патриотизам на дело — молчат. Кога треба да се расчисти кој со какво државјанство ја води државата — гласаат против. Кога треба нов долг — тогаш се први“, напиша Петровска.Таа оцени дека ваквото однесување не претставува патриотизам, туку лицемерие, додавајќи дека граѓаните заслужуваат власт што ќе ги брани нивните интереси.

Македонија | пред 2 дена

Санкционирани 104 мотоциклисти во акциска контрола на СВР Битола

Во акциска контрола спроведена на 15 и 17 мај на подрачјето на СВР Битола биле санкционирани вкупно 104 мотоциклисти поради различни сообраќајни прекршоци.Од полицијата информираат дека 53 прекршоци биле регистрирани на подрачјето на Битола, 47 во Прилеп и четири во Македонски Брод.Најголем дел од прекршоците се однесувале на некористење заштитна кацига, при што биле изречени 47 санкции.Дополнително, биле констатирани 28 случаи на управување мотоцикл без возачка дозвола, девет прекршоци за нерегистрирани мотоцикли и мопеди, како и четири прекршоци поради истечена осигурителна полиса.Полицијата регистрирала и два случаи на управување под дејство на алкохол, како и уште 12 останати прекршоци.Од СВР Битола најавуваат дека засилените сообраќајни контроли ќе продолжат и во наредниот период.„Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, соопштија од полицијата.

Македонија | пред 2 дена

Неочекуван гостин покрај пруга во Белгија: Кенгур предизвика прекин на сообраќајот

Кенгур денеска бил забележан покрај железничка пруга во близина на белгискиот град Зингем во Фландрија, поради што накратко бил нарушен железничкиот сообраќај на таа линија.„Пријавата ја добивме околу 9 часот“, изјави за Франс прес Фредерик Сакре, портпарол на „Инфрабел“, управителот на белгиската железничка мрежа.„Кенгурот ненадејно се појави покрај пругата“, изјави Сакре, додавајќи дека нема прецизни информации од каде дошло животното.Сообраќајот на железничката линија бил прекинат околу еден час.„Полицијата се обиде да го фати животното, но не успеа, па беше повикан ветеринар“, рече тој.„Ветеринарот беше многу поснаодлив и поуспешен.“Портпаролот на „Инфрабел“ изјави дека ситуацијата била прилично необична, додавајќи дека вакви прекини најчесто ги предизвикуваат говеда или овци.„Пред неколку години имавме сличен случај со алпака“, додаде Сакре.

Свет | пред 2 дена

Нова истрага за смртта на Џефри Епштајн: Клучно сведочење во Вашингтон

Поранешната затворска чуварка Това Ноел денеска ќе биде испрашувана во рамки на обновената истрага за смртта на осудениот сексуален престапник Џефри Епштајн, јавуваат американските медиуми.Ноел била на должност во Градскиот поправен центар во Њујорк кога Епштајн починал во 2019 година, а се смета и за последната личност што го видела жив.Испрашувањето е организирано поради повторното отворање на прашањата околу околностите на неговата смрт, пренесува Еј-би-си њуз.Претседателот на Надзорниот одбор, Џејмс Комер, изјави дека Ноел е повикана да сведочи бидејќи дел од конгресмените „не се сто проценти уверени дека смртта на Епштајн била самоубиство“.Според официјалните податоци, Епштајн извршил самоубиство со бесење, но бројни пропусти на затворските службеници поттикнаа теории на заговор околу случајот.Обвинителите во 2019 година ја обвинија Ноел и уште еден затворски чувар дека фалсификувале евиденција за да изгледа дека ги извршиле задолжителните проверки на затворениците, иако тоа не било направено. Подоцна двајцата постигнале договор со обвинителството и обвиненијата биле отфрлени.Конгресмените посочиле и дека Ноел примила повеќе готовински уплати меѓу април 2018 и јули 2019 година, во вкупен износ од 12.000 долари. Поголемиот дел од уплатите биле извршени пред апсењето на Епштајн, а последната непосредно пред неговата смрт.Документи објавени од американското Министерство за правда покажале дека Ноел пребарувала информации за Епштајн на интернет ноќта кога тој починал, вклучително и „најнови информации за Епштајн во затвор“.Во исказ даден под заклетва во 2021 година, Ноел негирала дека му дала дополнителна постелнина на Епштајн, која, според официјалната верзија, можела да биде искористена за изработка на јамката со која си го одзел животот.Во меѓувреме, париското обвинителство соопшти дека околу десет нови жртви се јавиле во рамки на истрагата поврзана со Џефри Епштајн.Париската обвинителка Лор Беко изјави дека ниту едно лице што би можело да биде опфатено со истрагата досега не било сослушано.Француското обвинителство отвори обемна истрага за трговија со луѓе, откако американските власти објавија илјадници документи поврзани со Епштајн.Целта на истрагата е да се утврди кој му помагал во Франција, вклучително и преку обезбедување жртви.На обвинителството му се обратиле околу 20 жртви, од кои десет претходно не биле познати за истражителите.Повеќето од нив биле поврзани со случаите против Жан-Лик Брунел, моден агент обвинет за силување малолетнички, кој изврши самоубиство во притвор во 2022 година, како и против Жерал Мари, поранешен директор на модната агенција „Елит“, кој преку својата адвокатка ги негирал обвинувањата.Обвинителката изјави дека дел од жртвите се наоѓаат во странство и моментално се сослушуваат.Таа додаде дека повторно се анализираат компјутерот, телефоните и адресарите на Епштајн, а ќе бидат испратени и барања за меѓународна правна помош.Во Париз се води истрага и против Даниел Сиад, кој се сомничи дека бил еден од регрутерите во мрежата на Епштајн.

Свет | пред 2 дена

Општина Карпош почна вонредна пролетна дератизација

Општина Карпош денеска ја започна втората пролетна, интервентна дератизација на својата територија, како дел од редовните активности за одржување на јавната хигиена и заштита на животната средина.Со акцијата ќе бидат опфатени околу 5.000 шахти, а ќе се спроведе и дезинфекција, дезинсекција и дератизација во сите основни училишта и детски градинки на подрачјето на општината.Од локалната самоуправа информираат дека ваквите активности се реализираат двапати годишно – во пролетниот и есенскиот период, со цел превенција од појава и ширење на штетни глодари и инсекти.„Општина Карпош ја презема оваа иницијатива секоја година на пролет и на есен, како превенција од штетните глодари и инсекти, во насока на одржување на здравата животна средина“, соопштија од Општината.

Скопје | пред 2 дена

Возач на „сеат“ и возач на камион приведени поради возење без дозвола

Полициски службеници од СВР Битола привеле две лица кои управувале возила без возачка дозвола за време на сообраќајни контроли во Битола.Првиот случај бил регистриран на 17 мај околу 16:45 часот на улицата „Никола Тесла“, каде што бил приведен 46-годишниот Б.М. од Битола.При контролата, полицијата сопрела автомобил „сеат“ со битолски регистарски ознаки, а било утврдено дека возачот управувал без да поседува возачка дозвола.Неколку часа подоцна, во 18:25 часот на улицата „Партизанска“ во Битола, бил приведен и 29-годишниот В.Н. од Битола.Тој управувал товарно возило „рено“ со битолски регистарски ознаки, а при контролата било констатирано дека немал важечка возачка дозвола.Од полицијата информираат дека по целосно документирање на случаите против двајцата ќе следуваат соодветни пријави.

Македонија | пред 2 дена

Прилепчанец приведен поради марихуана

Полициски службеници од ОВР Прилеп привеле 32-годишен жител на Прилеп кај кого била пронајдена марихуана.Од СВР Битола информираат дека приведувањето било извршено на 18 мај околу 00:20 часот на улицата „Кузман Јосифоски“ во Прилеп.Станува збор за Х.С. (32) од Прилеп, кај кого при контрола била пронајдена марихуана.По целосно документирање на случајот против него ќе следува соодветен поднесок.

Македонија | пред 2 дена

Двајца возачи приведени во Битола и Прилеп поради возење под дејство на алкохол

Полициски службеници од СВР Битола привеле двајца возачи од Прилеп кои управувале возила под дејство на алкохол.Првиот случај бил регистриран на 17 мај на улицата „Кузман Јосифоски“ во Битола, каде што бил приведен 52-годишниот Б.М. од Прилеп.При сообраќајна контрола, полицијата сопрела автомобил „бмв“ со прилепски регистарски ознаки, а по извршеното алкотестирање било утврдено дека возачот имал 1,61 промили алкохол во крвта.Истиот ден во 19:37 часот, на улицата „Генерал Васко Карангелески“ во Прилеп, бил приведен и 58-годишниот Т.Р. од Прилеп.Тој управувал автомобил „даеву“ со прилепски регистарски ознаки, а при контролата му биле измерени 1,55 промили алкохол во крвта.Од полицијата информираат дека по целосно документирање на случаите против двајцата ќе бидат поднесени соодветни пријави.

Македонија | пред 2 дена

Прилепчанец фатен при кражба во браварска работилница

Полициски службеници од ОВР Прилеп привеле 26-годишен прилепчанец кој бил затекнат при извршување кражба во браварска работилница во Прилеп.Од СВР Битола информираат дека настанот се случил на 17 мај околу 12:15 часот на улицата „Александар Македонски“, во кругот на работилницата.Приведен бил В.Ј. (26) од Прилеп, кој според полицијата бил фатен на дело при кражбата.Украдените предмети биле пронајдени и вратени на сопственикот, а по целосно документирање на случајот против осомничениот ќе биде поднесена соодветна пријава.

Македонија | пред 2 дена

Нов асфалт, тротоари и осветлување на делница долга 777 метри во Аеродром

Градоначалникот на Општина Аеродром, Дејан Митески, денеска изврши увид во градежните активности на сообраќајна делница во општината која, како што соопштија од локалната самоуправа, за првпат добива целосна реконструкција.Со проектот се обновува делница во должина од 777 метри, при што се поставуваат околу 6.000 квадратни метри нов асфалт и нови тротоари на површина од 1.500 квадратни метри.Од Општината посочуваат дека за првпат на оваа делница ќе биде поставено и улично осветлување, со што се очекува подобрување на безбедноста, видливоста и условите за одвивање на сообраќајот.Станува збор за фреквентен потег што секојдневно го користат и граѓаните и компаниите што функционираат во овој дел на Аеродром.Вредноста на инвестицијата изнесува 17 милиони и 908 илјади денари.Проектот е дел од поширокиот циклус за реконструкција на улици во Општина Аеродром, кој опфаќа вкупно 5,4 километри патна инфраструктура, со вкупна вредност од 138 милиони денари, средства обезбедени од Владата преку Министерството за транспорт и врски.„Продолжуваме посветено да инвестираме во модерна, безбедна и функционална инфраструктура за сите граѓани“, соопштија од Општина Аеродром.

Скопје | пред 2 дена