Нема фотографија

(ВИДЕО) Заев од Делчево: Од 1 јануари, пензиите ќе растат заедно со растот на цените

„ Сакам да објавам дека од 1 јануари пензиите ќе растат согласно растот на цените на мало и согласно растот на просечните плати, односно секој 1 јануари и секој 1 јули ќе имаме видлив пораст раст на пензиите, истакна Заев.Тој нагласи дека досега пензиите растеа само согласно растот на цените на мало.„ Секаде во Европа, во државите кои направиле економска сигурност на својот пензиски фонд и на својот буџет е вграден и вториот механизам, а тоа е порастот на просечните плати, рече Заев.Тој додаде дека кај нас просечните плати кај нас растеа 10 пати повеќе во проценти од растот на цените на мало.„ Тоа ќе значи и видлив пораст на пензиите, рече Заев.Ние градиме фер општество да им помогнеме на највозрасните граѓани на земјата, затоа што тие им помагаат на своите деца и внуци, парите ги трошат, а овие пари ќе бидат благодет за развој на севкупната економија во земјата, порача претседателот на СДСМ Зоран Заев, од Делчево.[embed]

Македонија | пред 4 години

Нема фотографија

Приведен криминалец на автопатот Велес-Градско, баран со потерница

На 01.10.2021 во 22.40 часот во близина на наплатна станица на автопат Велес - Градско од полициски службеници од СВР Велес е приведен Ј.Р.(44) од Гостивар, кој се барал со потерница од Основен суд Гостивар за издржување на казна затвор од две години за извршено кривично дело „тешка кражба“ казниво по чл.236 ст.1 од Кривичен законик.Лицето ќе биде предадено на казнено поправна установа.

Македонија | пред 4 години

Заев објави колку пари се вложени во општините

550 милиони вложивме за локални проекти, без општините да имаат обврска да ги враќаат парите, прво со 50 милиони ги раздолживме, а уште со 500 милиони евра ги помогнавме финансиски, порача претседателот Зоран Заев на денешната трибина во Делчево.„10 милиони евра ваши, народни пари преку централниот буџет ги вложивме овде во Делчево, преку финансирање на проект за Делчево и за овој регион. При тоа, да не заборавиме дека ја качиввме минималната плата од 9.000 на 15.277 денари и тоа фвежно затоа што ја отвори спиралата на раст на сите плати, затоа денеска имаме просечна плата повисока за над 6.000 денари отколку пред четири години“ посочи Заев.Претседателот Заев истакна дека за разлика од владеењето на ВМРО-ДПМНЕ, СДСМ парите ги насочува кон граѓаните и нивните потреби.„Наместо во барок, во споменици и палми, вложуваме во училишта, градинки, патишта, здравствени установи и социјални згради. Сето она што значи унапредување на квалитетот на живот на граѓаните. Нашите кандидати за градоначалници и советници се понуда за модерните развојни текови, нивната се излитени кадри кои биле дел од централната или локалната власт во времето на режимот на Груевски.Ние градиме темелно, тие со промашени проекти. Ние планираме капитални проекти за долгорочен развој, тие мачкаат очи со стиропорни фасади кои се распаѓаат. Ова е очигледна разлика и таа разлика треба да ја потврдите на 17 октомври преку глас за бројот 12 глас за Горан Трајковски, глас за СДСМ!“ порача Заев.

Македонија | пред 4 години

(ВИДЕО) Скопје си има свој Чернобил: Кој го убива местото кое скопјани го изградија со свои пари

Беда. Вака со еден збор може да се опише состојбата на езерото Треска. Комплексот изграден од самопридонес од граѓаните, денес е запуштено и руинирано место, со висока вегетација. Кога ќе прошетате низ него, прво што ќе ви текне е дека наликува на Чернобил по нуклеарната катастрофа. Но се чини, дека катастрофата за ова скопско место чија површина изнесува 186.000м² под зеленило и 130.000м² под водена површина, допрва доаѓа. Ветувањето дека местото ќе се врати на скопјани пропадна во вода, откако беше донесена одлука таму да се градат хотелски комплекс, викенд населба и спортско-рекреативен центар. Од езерото, има само празна дупка.Изминативе месеци, од Треска е однесено се што можело да се однесе. Ги нема канделабрите за светло, откорнати се жиците, уништени се клупите. Шут, стар расфрлан мебел, купишта отпад, тоалет школки, санитарии. Ваква е сликата која можете да ја затекнете ако се решите да го посетите комплексот. Од вода, нема ниту „в“, освен ако не падне дожд.На местото, екипата на „Скопје1“ затекна неколку скопјани кои одвреме-навреме го поминуваат времето тука за да се потсетат на добрите стари денови. Тие потсетуваат дека плажите биле преполни, имало полно капачи, изобилувало со камп приколки и меѓусебна почит меѓу сите кои доаѓале. Носталгијата постои. Нема трага од добрите стари времиња, велат неколкуте посетители.Од ветувањата дека Треска ќе е на скопјани, останаа само празни зборови.Во 2017 година, актуелниот градоначалник на Скопје, Петре Шилегов вети пречистителна станица за водата на Треска да биде чиста, но и безбедна за капење. По ова, во јуни 2019, стигнаа најавите за комплекси, што би значело приватизација на езерото кое никогаш повеќе нема да биде на скопјани. Па така, на 2 октомври 2017 година, одекна вест: „Шилегов вети враќање на стариот сјај на езерото Треска“.„Денеска сме на СРЦ „Езерце Треска“, дојдовме овде за граѓаните преку камерите со свои очи да ја видат состојбата на овој капитален објект. Запуштен, фрлен на забот на времето, заборавен, градот Скопје никогаш не најде ниту сила, ниту средства, ниту волја ова богатство што го имаме на неколку километри од центарот на Скопје да биде ставено во полна функција. Новата администрација на Градот Скопје и јас како градоначалник ќе го ставиме во функција, во полн капацитет, овој капитален објект. Тоа е нашиот приод, поинакво планирање, градба на инфраструктура и одржување на инфраструктурата. Веројатно, некому му беше полесно и поедноставно да гради отколку да одржува нешто што скопјани многу одамна го имаат платено со своите средства. На ова место ќе го вратиме животот во Скопје, живот во Скопје за сите“, најави Петре Шилегов во 2017 година, како кандидат за градоначалник на град Скопје.Езерото ќе живее, ама комплексот нема да е на скопјани туку на инвеститориРушењето на Треска покажа дека никој не планира ревитализација на местото, туку приватизација. Тоа би значело дека скопјани нема да можат слободно да се шетаат, сончаат, да прават пикник, туку да одат да јадат во ресторани, спијат во хотели, плаќаат за влез во спортско-туристичкиот центар. Како што објавија медиумите, ДУП ќе биде поделен во четири блока, во нив ќе има простор за спорт и рекреација, а ќе се изградат и објекти за сместување. Камп приколките кои беа околу 500, тоалетите, заедно со останатиот имот на скопјани, веќе го нема. Веќе е извесно дека нема место за камперите во новиот план. Каква ќе е иднината на ова место полно со спомени на скопјани, никој не кажува јасно и гласно. Туку, се слушаат само гласини.Езерото Треска со одлука на Владата предводена од ВМРО-ДПМНЕ во 2013 година е предадено на Општина Сарај.

Скопје | пред 4 години

Се соблекуваше по реалити шоуа, па пееше, за сега да учествува на локалните избори и да биде политичар

Дарко -Спејко некогашниот победник од „Големиот брат“, медиумска ѕвезда, машки топ модел, моден блогер, инфлуенсер и рапер, сега влегува во политиката.Тој е кандидат за член на Совет на Општина Куманово на независната листа чиј носител е Ивана Ѓорѓиевска.-Во Куманово ме знаат како голем поборник за напредок во спортот, и токму тоа беше главниот мотив да се кандидирам, со поддршка од актуелниот и независен кандидат за градоначалник, Максим Димитриевски. Ниту на една, ниту на друга страна, туку на независна листа, бидејќи сум подготвен да се борам на свој начин за да донесам промени и напредок на полето на спортот – вели Дарко, кој работи како професор по физичко воспитување во основно училиште во Куманово, вели Спејко во интервју за „Фокус“Тој во Куманово имаше своја кошаркарска школа „Ball for life“, а исто така Спејко е спортски директор на Кошаркарскиот клуб Куманово.„Завршувам со шоу бизнисот, не сакам да им го земам лебот на музичарите, а стекнатата популарност сакам да ја искористам на еден поинаков начин. Имам премногу идеи и конкретни проекти со кои спортот би одел напред, и Куманово ќе испише убава приказна. Влегувам сериозно во политика, подразбирлива беше и промената на имиџот. Мојот пат кон популарноста беше доста тежок, но како што се изборив за свое место во шоу бизнисот, верувам дека истото ќе го сторам и во политиката, – раскажува Дарко.Целото интервју можете да го прочитате тука

Македонија | пред 4 години

Заев: Ниту една Влада нема издвоено толку висок буџет за земјоделците како оваа

Претседателот на Владата на Република Северна Македонија Зоран Заев денеска присуствуваше на дел од програмата на манифестацијата „Денови на кочанскиот ориз“ која оваа година по 30-ти, јубилеен пат, се одржува во Кочани.Премиерот Заев на манифестацијата „Денови на кочанскиот ориз“ беше заедно со министерката за образование и наука Мила Царовска, со заменик-министерот за земјоделство, шумарство и водостопанство Трајан Димковски и со градоначалникот на Општина Кочани Николчо Илијев.Во продолжение на ова соопштение ви го пренесуваме обраќањето на премиерот Заев во целост:„Ми претставува посебна чест да присуствувам на дел од програмата на манифестацијата „Денови на кочанскиот ориз“, чиј организатор е Општина Кочани.Нашата земја има повеќе нешта на кои може да се гордее. Нешта што се препознатливи, автентични и кои заслужуваат максимална поддршка и внимание.Едно од тие нешта е манифестацијата „Денови на кочанскиот ориз“, која оваа година по 30-ти пат го популаризира оризот – симболот на кочанскиот крај. Македонскиот бисер на трпезите.Во чест на овој значаен јубилеј, упатувам најискрени честитки до сите оризопроизводители и до Општина Кочани која како организатор на оваа манифестација нашироко во земјата и во регионот ја слави сезоната на собирањето на родот од кочанските полиња.Со својот меѓународен предзнак, оваа манифестација стана место за средби и пријателства меѓу домаќините и гостите од стопанските и културните делегации од повеќе држави.Кога станува збор за поддршката за земјоделството и за оризопроизводството посебно, дозволете ми да истакнам дека како никогаш досега,од постењето на нашата држава, ниту една Влада нема издвоено буџет за земјоделството и за земјоделците како што тоа го имаме направено во претходниот и во овој мандат.Во последниве години, со силни заложби на државата, направени се придвижувања кои го стимулираат оризопроизводството.Новата политика за субвенционирање со одвојувањето на оризот од останатите житни култури и зголемувањето на субвенциите кое го реализиравме минатата година, е потврда за искрените заложби на оваа Влада, да го развива производството на ориз.Субвенциите по обработлива површина со задолжително користење на сертифициран семенски материјал од 12.000 денари ги зголемивме за дупло и сега вредноста е 25.000 денари, а за оние производители на ориз без задолжителна употреба на сертифициран семенски материјал, субвенциите ги зголемивме тродупло односно од 6.000 на 18.000 денари.Оваа година, во подрачната единица на Министерството во Кочани, доставени се 1.020 картички за зелена нафта, со цел да помогнеме и во намалувањето на производствените трошоци за земјоделската механизација.Ги исплативме и субвенциите за полјоделски култури, од Програмата за финансиска поддршка во земјоделството во вредност од околу 640,5 милијарди денари, пари во кои влегуваат и субвенциите за оризопроизводителите кои се исплатени на сметките на над 2.000 субјекти.Од 2019 година, токму во Општина Кочани започнавме капитален проект а тоа е изградбата на браната „Речани“, каде течат активностите според динамиката на градба и покрај пандемиската економска и здравствена криза. Оваа капитална инвестиција треба да заврши до крајот на 2024 година и ќе овозможи снабдување со вода за пиење и стабилно наводнување на околу 1.500 хектари земјоделски површини, како и производство на електрична енергија преку изградба на две хидроцентрали.Кочанското поле има идеални услови за производство на прочуениот кочански ориз. Од жетвата оваа година се очекува да се добие вкупно производство на оризова арпа од 17.000 тони, од кои 2.500 тони оризова арпа кај земјоделските претпријатија и 14.500 тони оризова арпа кај индивидуалните земјоделски производители.Дозволете ми да завршам со тоа што ќе потенцирам дека редовно ја следиме реалната состојбата во земјоделството и тоа што е одлика на оваа Влада и на Министерството останува и понатаму, веднаш ги прифаќаме укажувањата и разговараме за унапредување на поддршката на земјоделците и на оризопроизводителите посебно.Тоа е наша должност бидејќи земјоделството е еден од носечките столбови на македонската економија. Токму затоа ставаме посебен акцент на развојните мерки и проекти и за нови инвестиции кои ќе придонесат кон забрзан раст на оваа стратешка економска гранка.“

Македонија | пред 4 години

Вложуваме во училишта, градинки, патишта, здравствени установи и социјални згради, вели Спасовски

Посветено, отчетно и транспарентно СДСМ инвестира во сегашноста и иднината на државата, вели Илија Спасовски, носител на советничка листа на СДСМ за Ѓорче Петров„Наместо во барок, во споменици и палми, вложуваме во училишта, градинки, патишта, здравствени установи и социјални згради. Сето она што значи унапредување на квалитетот на живот на граѓаните.За жал ДПМНЕ и на овие избори не понуди ништо ново, туку кандидат кој со својот потпис како претседател на Советот на Ѓорче даде амин да се уништи овој парк и да се изгради зграда среде зеленило, потписникот на одлуката за изградба на споменикот-Ѓорче Петров на коњ, и секако да не заборавиме, и секако да не заборавиме, како поранешен пратеник кој добро го знае распоредот на Собранието, учесник во толпата за настаните од 27 април.Нашите кандидати за градоначалници и советници се понуда за модерните развојни текови, нивната се излитени кадри кои биле дел од централната или локалната власт во времето на режимот.Ние градиме темелно, тие мачкаат очи со стиропорни фасади кои се распаѓаат.Во нашата програма нудиме стотина проекти, реални и остварливи, создадени со вас, заедно за подорбро и развојно Ѓорче.СДСМ гради едно општество за сите граѓани , ВМРО-ДПМНЕ на секој чекор прави раздор.Невработеноста од 42 проценти сега е намалена на 29. Растот на платите е зголемен за три пати.СДСМ веќе 3 годни се бори за започне изградбата на Клиничкиот Центар во Ѓорче Петров, но ДПМНЕ упорно го блокира целиот процес во Собрание. Истовремено организира антиваксерски протести, се исмејуваа со маските и вакцините, шират лажни вести и паника.ПОсле изборите ВМРО Дпмне очигледно сака да продолжи со режимот и потценување на граѓанинот за сметка на себе богатење.12 е бројот кој е на страната на граѓаните. Затоа одлучно 12 за победничко Ѓорче“, вели Спасовски.

Скопје | пред 4 години

Стојковски: Ќе го решиме деценискиот проблем којшто го имаат жителите на „Даме Груев“

Почитувани соседи, еден од најсериозните проблеми за кои постојани ни укажуваат жителите на општината Ѓорче Петров е сообраќајниот хаос, вели Александар Стојкоски кандидат за градоначалник на Ѓорче Петров.„Во моментов се наоѓам во населбата „Даме Груев“ на крајот од улицата „Лука Геров“. Во мојата изборна програма во соработка со Градот Скопје, предвидено е решение за деценискиот проблем којшто го имаат жителите на овој дел од општината.Предвидено е продолжување на улицата „Лука Геров“, од населбата „Даме Груев“ кон Стопански двор, со што ќе се избегне сообраќајниот хаос, што во моментов го трпат жителите на населените места „Ново Село“ и „Кисела Јабука“.Во урбаниот дел од општината предвидена е изградба на два нови кружни текови. Од којшто првиот на влезот од општината Ѓорче Петров, односно на влезот во градот Скопје, и вториот кружен тек помеѓу булеварот „Македонска војска“ и улицата „Ѓорче Петров“, вели тој.

Актуелно | пред 4 години

Уште една анкета за изборите: Кој каде ќе победи?

Анкетата нарачана од „Макфакс“ во агенцијата Стратум Р&Д, покажа дека 24,9% од граѓаните би гласале за листите на СДСМ на локалните избори, а 22,8% за листите на ВМРО-ДПМНЕ.На прашањето: Да претпоставиме дека утре ќе се одржуваат локални избори за која советничка листа би гласале на изборите, по СДСМ и ВМРО-ДПМНЕ следи Независна листа со 12,9 %, а нема да излезат на гласање 12% од граѓаните. За ДУИ се определиле 10%, за Алијанса на Албанците 9,3% и други 1,7%.На прашањето: Да претпоставиме дека утре ќе се одржуваат локални избори за која советничка листа би гласале на изборите?Од оние кои изјавиле дека ќе гласаат, за СДСМ се определиле 28,2%, за ВМРО-ДПМНЕ 25,9 %, за Независна листа 14,7%, ДУИ 11,4%, Алијанса за Албанците 10,6 %, Левица 7,3%, Други 1,9%.На прашањето: Според вас која политичка партија на овие избори нуди најдобра понуда?За СДСМ се определиле 27,1%, за ВМРО-ДПМНЕ 24,7%, за Независна листа 13,4%, за ДУИ 11%, за Алијанса на Албанците 10%, за Левица 6,5%, Други 4,7%, за ДОМ 2,6%.Испитаниците се изјаснија дека најголем проблем кој треба да се решава е екологијата и чистиот воздух.На прашањето: Дали може да неведете ургентни проблеми кои треба да се решат во општината за екологија, чистиот воздух и паркови се изјасниле 42,6%.-Отворање нови работни места 40,3%-Отворање градинки и училишта 37%-Средување на паркинзи 35,4%-Патна инфраструктура 33%                                                                                                                  -решавање на проблем со кучиња скитници 25%-Средување на сообраќаен хаос 20%-Разубавување на фасади 9%-Отворање здравствени центри во рурални средини 8%-Домови за стари лица 6%-Друго 4%Одлучувачки според анкетата за гласање за кандидатите на локалните избори најмногу ќе биде припадноста на политичка партија.На прашањето: Kои се клучни критериуми според кои одлучувате на кому ќе го дадете гласот, 28,2% истакнале дека е припадноста на политичката партија која го кандидира.Како втор критериум се одредиле за професионалните достигнувања, односно 20,7%. Потоа следуваат:-Придонес кон заедницата 11,4%-Повторен мандат (искуство како градоначалник) 10,8%-Успешно спроведени проекти 8,7%-Лични преференци 6,3%-Етничка припадност 5,4%-Без политички багаж, нов во политиката 5,1%-Коалиција на централно ниво (државно ниво) 3,3%-Друго 0,1%Испитаниците во најголем број се одредени да не го дадат својот глас доколку нема ниту еден успешен проект.На прашањето: Кои се клучни критериуми според кои одлучувате на кому нема да му го дадете вашиот глас, тие одговориле:-Нема ниеден успешно спорведен проект 20,5%-Нема значајни професионални достигнувања 20,5%-Повторен мандат (искуство како градоначалник) 13,9%-Припадност на политичка партија 9,9%-Не покажал придонес кон заедницата 9,6%-Лични преференци 8,4%-Нов во политиката (без искуство) 8,4%-Етничка припадност 4,8%-Коалиција на Централно ниво (државно ниво) 3,9%На прашањето како би ја оцениле работата на актуелниот градоначалник во решавање на проблемите, со најниска оценка 2 се оценети активности за заштита на животната средина, социјалната заштита (инклузија на ранливи групи), култура, склучување на приватно јавни партнерства, менаџмент на отпад (ѓубре).Образованието е со оценка 2,40, организација на сообраќајот 2,50 , Организација на паркинзи 2,70, Водовод и Канализација и Организација на јавен превоз со 3,10, изградба на патна мрежа во рурални средини и изградба на патна инфраструктура со оценка 3,40.Во одредување на профилот на испитаниците, на прашањето дали се симпатизери на некоја политичка партија, 26,2 % одговориле дека се симпатизери на СДСМ.Потоа следуваат:Не сум на ниедна партија 24,7%ВМРО-ДПМНЕ 24,1%Независни 12%Левица 11,7%Од испитаниците, најголем број не се членови на политичка партија. На прашањето дали сте член на политичка партија:49,15 % одговориле дека не се членови на ниту една политичка партија19,9 % одговориле дека се членови на СДСМ18,7% дека се членови на ВМРО-ДПМНЕ5,7% друга5,4% дека се членови на Левица0,6% дека се членови на Алијанса на Албанците0,6% дека се членови на ДУИАнкетата е направена телефонски, на примерок од 1000 испитаници во периодот од 25 до 30 септември.

Македонија | пред 4 години

Комбинирање на вакцините против Ковид-19 дава подобар имунолошки одговор, тврди Лекарска комора

Вакцините за заштита од Ковид-19 и по појава на Делта сојот обезбедуваат висока заштита од вирусот, ја намалуваат потребата од хоспитализација и компликации од болеста, a нивната комбинирана употреба може да создаде поширок имунолошки одговор, истакна проф. д-р Александра Грозданова, Национален координатор за имунизација во неделната онлајн дискусија организирана во Лекарска комора на РСМ. Проф. д-р Грозданова пред големиот број на присутни доктори на медицина даде осврт кон развојот на вакцините за заштита од Ковид 19 кои се користат во светот и презентираше преглед на најрелевантните научни студии за ефикасноста на вакцините пред појава на Делта сојот и потоа. Претседателот на Лекарска комора, проф. д-р Гривчева ја истакна важноста на овие настани за размена на сознанија и искуства кои се организираат со цел да се олесни секојдневното практикување на медицината.„Според студиите објавени во стручни списанија со голем импакт фактор „Lanset“ и „The new England journal of medicine“ пред појавата на Делта сојот, Фајзер и Модерна покажуваат од 87% до 100% заштита од симптоматски Ковид -19 и од 80% до 93% заштита од асимптоматска инфекција. Астра Зенека во студии во Велика Британија покажала ефикасност од 60% во заштита од симптоматска инфекција и 70,4% заштитата од симптоматска инфекција од британскиот сој. Спутник во студии направени во Русија покажува 97,6% заштитата од инфекција, додека Синофарм според студии во ОАЕ и Бахреин покажува ефективност од над 90% “, истакна проф. д-р Грозданова.Во светот се уште постои голем интерес за производство на вакцини кои штитат од Ковид 19. Во моментов има 185 вакцини кои се во пред клиничка фаза, 40 се во различни фази на клиничко испитување, 21 вакцина се достапни во светот од кои само 8 имаат добиено одобрение за пуштање во употреба.„Вакцините се ефективни во спречување на хоспитализација и тешка форма на болест и по појавата на Делта сојот, но може да бидат помалку ефикасни во спречување на инфекција или развивање на поблаги симптоматски заболувања. Причините за помала ефикасност најверојатно вклучуваат опаѓање на имунитет со текот на времето, појавата на Делта варијанта и различниот одговор за повозрасната популација и имуно-компромитираните пациенти. Несаканите сериозни реакции се навистина ретки, според податоците кои кај нас ги прибира МАЛМЕД не сме имале ниту еден случај на животно-загрозувачка реакција како последица на овие вакцини. Бројот на несакани реакции е далеку помал од ризикот кој го носи болеста, така што бенефитот од вакцинацијата против Ковид-19 е на високо ниво“, истакна проф. д-р Грозданова.Заради падот на ефективноста на вакцините се даваат препораки за бустирање на имунолошкиот одговор со трета доза на вакцина. Националната комисија за имунизација препорача вакцинација со трета доза на вакцина кај ризични групи: здравствени работници, независно од возраста, пациенти на дијализа, трансплантирани пациенти и имунокомпромитирани, лица над 60 години. Вакцинацијата со трета доза ќе се спроведува со вакцините на Фајзер, после поминати 6 месеци од примањето на втората доза.„Во однос на комбинирање на вакцините кое се јавува како прашање и од аспект на безбедност и на ефикасност, давањето на различна прва во однос на втора доза или различна буст доза дава можен поширок имунолошки одговор и појак бустер ефект. Студии направени во Велика Британија и во Шпанија покажаа одличен ефект од комбинација на Астра Зенека и Фајзер, комбинирање на Астра Зенека со Спутник, како и комбинација на Фајзер со Џонсон и Џонсон. Вакви искуства веќе имаат и Канада, Франција, Данска, Норвешка, Данска, Шведска кои заради забраната за давање на Астра Зенека на помлади, по примена прва доза од оваа вакцина како втора даваа Фајзер или Модерна“, истакна проф. д-р Грозданова.Таа упати порака за важноста на вакцинацијата на трудници, бидејќи на тој начин прво се заштитува мајката, а потоа преку пасивниот имунитет и новороденчето. Во однос на комбинирањето на вакцината за заштита од Ковид-19 и онаа за заштита од сезонски грип, проф. д-р Грозданова даде препорака дека може двете да се примат во ист ден, или на временско растојание од две недели.Лекарската комора со цел да ја подобри комуникацијата меѓу докторите од сите ниво на здравствениот систем досега организираше 16 онлајн дискусии на теми поврзани со дијагностика, третман и превенција на Ковид -19.

Македонија | пред 4 години

Младинскиот Форум на Алијанса за Албанците ги “расцути“ дупките  по улиците на Тетово!

Младите на Алијанса за Албанците, синоќа во една преземена активност,  ги покрија дупките низ улиците на Тетово, ставајќи цвеќиња во нив.Овој гест од ФРАШ го привлече вниманието на граѓаните.  Со оваа акција ФРАШ испраќа порака до Градоначалничката на Општина Тетово, воедно и кандидат за градоначалничка на општина Тетово, Госпоѓа Теута Арифи, за длабоките дупки по улиците на градот во коишто може да се засадат и цвеќиња. Оваа преземена акција од страна на ФРАШ е истотака и со намера да се иронизира со зелената агенда на ДУИ коишто ја промовираат како агенда за локалните избори.  Но, граѓаните во сите општини се сведоци за тоа како управувале градоначалниците на ДУИ по општините,оставајќи ги улиците со отпадоци, со дупки и без ниедна зелена површина или парк за децата.

Македонија | пред 4 години

Сведоштво за велешанката која го уби сопругот, роднините бараат да ја ослободат

Пред неколку дена велешанка беше уапсена под сомнение дека го убила нејзиниот невенчан сопруг. Веднаш по овој немил настан, на веб страницата петицијаонлајн беше објавена петиција со наслов „Слобода за Пале Иловска. 23 годишна девојка од Велес која борејќи се за здив во самоодбрана извршува убиство“.На веб страницата стои и фотографија од младата девојка, како и текст за нејзиниот живот.„Млада девојка без грижа од родителите на 16-17 години пронаоѓа утеха во погрешна личност. Родители разведени, мајката болна, брат на мојот татко, нејзин татко сега веќе починат... сестра, со која не живее поради дотичниот, бидејќи после смртта на мојот чичко, сака целата куќа да биде префрлена на неговата девојка. Се влечат по судови, дотичниот ја напаѓа нејзината сестра со закани дека по секоја цена мора да ја препише куќата на сестрата, верувам за после тоа по секоја цена да и ја зема и да ја остави на патот. Поранешните жени имале каде да се вратат кај своите родители, а мојата братучетка останува сама заробена во сопствената куќа. Никогаш до сега се нема пожалено на никој дека е малтретирана, а притоа секогаш беше насмеана. Замислете со што се сама се справувала.. Не го поддржувам тоа што го направи, ама верувам дека секој човек би се борел за сопстевниот живот. Верувајте ми душата ме боли. Еве ви ја вистината и се надевам ќе се најдат добри луѓе кои би и помогнале, би се бореле за неа, до неа, да добие условна казна. Јас сум со неа, господ нека и е напомош, стои во објавата.Најдолу стои дека оваа петиција е организирана од страна на личност со назив Мими Беба, а според текстот станува збор за братучетка која е блиска до семејството.За потсетување, во судското досие на полицаецот кој со години живеел во вонбрачна врска со Пале Иловска нема затворски казни, ниту дела како семејно насилство или насилство. Но велешкиот полицаец може да се најде во судски списи на повеќе предмети. Во два кривични предмети е осуден, во неколку граѓански парници е гонет од осигурителна компанија поради неисплаќање на отштета, а има добиено и две парници против МВР после што наплатил пари од полицијата како бонус плата и за неисплатени прекувремени часови.

Македонија | пред 4 години

Ангеловска-Бежоска до студентите од Економски: Дигитализацијата ја обликува иднината на работните места

Новите технологии создаваат нови работни места и потреба за нови квалификации и вештини. Важно е во текот на студиите, младите професионалци да се стекнат со вештини коишто ќе им овозможат побрзо вклучување на пазарот на работна сила по нивното завршување. Ова на студентите од прва година на Економскиот факултет при Универзитетот „Св. Кирил и Методиј“ во Скопје, им го порача во своето обраќање гувернерката на Народната банка, Анита Ангеловска-Бежоска на настанот организиран од факултетот по повод отпочнувањето нова академска година. Таа посочи и дека тимот на Народната банка преку тематски предавања и пракса ќе им помогне во овој процес.„ Дигитализацијата ја обликува иднината на работните места. Новите технологии создаваат нови работни места во областа на вештачка интелегенција, анализа на податоци, дигитален маркетинг, развој на бизнис, како и технолошки иновации во финансискиот сектор. Сите овие аспекти се поврзани токму со студиите кои вие ги одбравте “ им порача Ангеловска-Бежоска.Гувернерката истакна дека во новото и динамично окружување се менуваат потребите за човечки ресурси на централните банки во согласност со промените во реалната економија и финансискиот сектор. Во овој контекст, како што рече, сѐ повеќе доаѓа до израз и потребата од теоретско и практично познавање на квантитативни методи и модели, како основа за правилно конципирање на политиките на централната банка и остварување на нејзините основни цели – стабилноста на цените и финансиската стабилност.„ Како и досега, тимот на централната банка активно ќе биде вклучен во надополнување на вашите вештини и знаења, преку тематските предавања кои ги одржува на вашиот факултет и практичната работа која ја организираме во рамките на Народната банка“ истакна Ангеловска-Бежоска.Народната банка и Економскиот факултет, во јуни годинава склучија меморандум со цел засилување на соработката со заеднички вложувања во истражувањата и креирање квалитетен кадар. Соработката се однесува и на конципирањето нови студиски програми, со активна вклученост на Народната банка во однос на знаењата и вештините во делот на монетарната и макроекономската политика и банкарскиот систем.На настанот на Економскиот факултет, покрај гувернерката на Народната банка, се обратија и ректорот на Универзитетот „Св. Кирил и Методиј“ во Скопје, проф.д-р Никола Јанкуловски, деканот на Економскиот факултет, проф.д-р Предраг Трпески и претседателката на Управниот одбор и извршна директорка на „ УНИ Банка“, Милка Тодорова.

Македонија | пред 4 години

Филиповски: Ќе изградиме најмалку 20 километри нови вело – патеки

Во претстојните четири години, ќе изградиме најмалку 20 километри нови вело – патеки по сервисните улици, кои ќе се надоврзуваат на велосипедските патеки во должина на булеварите. Дополнително, ќе продолжиме со субвенциите за купување на велосипеди, но и електрични тротинери, со цел поголема мобилност на нашите сограѓани“, посочи Александар Филиповски, кандидат за градоначалник на општина Аеродром од СДСМ икоалицијата, во денешната изјава за медиуми.Филиповски истакна дека урбанизацијата придонела за создавање и на други проблеми, во делот на екологијата, недостатокот на паркинг места, предучилишното и основното образование.- Затоа, при урбанистичкото планирање ќе имаме предвид за сите овие аспекти. Креирањето на подобра инфраструктура за возење на велосипед, значи и помал сообраќаен метеж, повеќе физичка активност и заштита на животната средина, истакна Филиповски.Кандидатот за градоначалник посочи дека Аеродром ќе овозможи и „СПОРТ БЕЗ ОГРАНИЧУВАЊА“. Тоа подразбира вклучување во спортските активности и на учениците со попреченост. Преку програмата „Спорт за развој“, ќе се овозможи сите ученици од основните училишта преку физичките активности да учат и на вредности, да бидат потолерантни граѓани, да работат во тим, да ги прифаќаат различностите и да се развиваат во одговорни жители кои придонесуваат во својата заедница.Филиповски заедно со кандидатите за советници на СДСМ и коалицијата денеска продолжува со средбите со граѓани, во реонот на Ново Лисиче, со цел презентација на програмата „Најдоброто за Аеродром“.

Скопје | пред 4 години

Град Скопје: Финансираме многу манифестации и проекти, но ние не ги организираме

Град Скопје обезбедува финансиска поддршка на многу манифестации и проекти од областа на образованието, социјалата, културата, спортот, но на никој начин не е вклучен во организацијата на тие проекти. По вчерашната објава и информации итно го прекинавме финансирањето на споменатиот извиднички одред, реагираат од Град Скопје на соопштението од ВМРО-ДПМНЕ.„Бараме од институциите на правдата да направат истрага бидејќи тоа е во нивна надлежност. Ваквите прес конференции на ВМРО-ДПМНЕ и поигрувањето со чувствата на загрозените ученици и родители, покажува само отсуство на почит и разбирање кон жртвите и во тешките моменти во коишто се наоѓаат, па уште и дополнително ги злоупотребуваат за дневен политички профит.Очигледно, ВМРО-ДПМНЕ нема никаква почит кон загрозените деца и родители и продолжува овој немил настан да го користи за дневни политички поени, затоа Град Скопје уште еднаш апелира да не се политизира овој случај да се покаже разбирање и почит кон загрозените ученици и родители, во овие тешки моменти во коишто се наоѓаат“, стои во реакцијата.

Скопје | пред 4 години

Нема фотографија

МВР приведе дилери

На 01.10.2021 во 22.40 часот во близина на трговски центар на подрачје на Центар од полициски службеници од Единицата за интервентана полиција, СВР Скопје се лишени од слобода К.И.(27) и М.Р.(26) двајцата од Скопје затоа што кај нив била пронајдена марихуана. По целосно документирање на случајот ќе бидат поднесени соодветни поднесоци.

Скопје | пред 4 години

Лазаров: Сите невакцинирани се коцкате скапо, ќе се покаете за грешката, но доцна

Доктор Ненад Лазаров н социјалите мрежи објави статус во кој вели дека сите оние кои не се вакцинирале и се разболеле, се покајале за грешката.„Сите што не се вакцинираа и разболеа особено во последниов бран, сите се покајаа за грешката, но доцна.Се манипулира со моментот дека и покрај вакцината можеш да се разболиш, можеш-неспорно е и гледаме,НО, со цело свое достоинство и интегритет ве уверувам дека неспоредливо полесно поминуваат вакцинирани пациенти,тоа го гледаме на дневна база!Вакцинирајте се веднаш, сите непрележани и невакцинирани, се коцкате скапо!Апсурдно е стравот од вакцини да го надвладее стравот од ковид, не дозволувајте лошиот менаџмент на целата криза и катастрофален PR да ве стави во неповолна позиција каде животот ви е директно загрозен, во светот се моли за вакцини на многу места“, стои во објавата на Фејсбук.

Коментари | пред 4 години

Казнети 66 лица, не носеле маска

Во текот на изминатото деноноќие (01.10/02.10.2021) на територијата на Република Северна Македонија, за мерката за носење лична заштита на лице, регистрирани се 66 прекршоци.

Македонија | пред 4 години

Се судрија Рено и Мерцедес, едно лице со тешки повреди

На 01.10.2021 во 19,40 часот на ул.Волковска во Скопје е пријавена сообраќајна несреќа помеѓу патничко моторно возило „рено лагуна“ со скопски регистарски ознаки, управувано од З.Г.(51) од Скопје, и патничко моторно возило „мерцедес“ со скопски регистарски ознаки, управувано од Ж.Ѓ.(31) од Скопје. Со повреди се здобиле возачот Ж.Ѓ. и малолетна сопатничка од Скопје, додека сопатничката С.Ѓ.(32) од Скопје се здобила со тешки телесни повреди констатирани во комплекс клиники „Мајка Тереза“ каде им била укажана лекарска помош. Увид на лице место извршила екипа од СВР Скопје.

Скопје | пред 4 години

Притвор за тројца Срби, криумчареле мигранти

На 01.10.2021 во 05,50 часот во Гевгелија од полициски службеници од Полициска станица Гевгелија биле приведени и задржани E.M.(21), Г.Ш.(30) и A.Л.(22) сите од Р.Србија поради постоење основано сомнение за сторено кривично дело „криумчарење на мигранти“. Лицата се спроведени пред јавен обвинител каде од страна на судија на претходна постапка им е одредена мерка притвор во траење од 30 дена и се предадени во Истражен затвор – Скопје за понатамошна постапка.

Македонија | пред 4 години

Нема фотографија

Малолетник заврши на клиника со тешки повреди откако го удри автомобил

На 01.10.2021 во 16.00 чaсот во Скопје на ул.„Владимир Полежановски“ патничко моторно возило „хундаи“ со скопски регистарски ознаки, управувано од Д.М.(37) од Скопје, удрило во малолетен пешак од Скопје. Малолетничката била пренесена во комплекс клиники „Мајка Тереза“ каде и биле констатирани тешки телесни повреди. Увид на лице место извршила екипа од СВР Скопје.

Скопје | пред 4 години

Приведен криминалец баран со потерница за затворска казна од две години

На 01.10.2021 во 22.40 часот во близина на наплатна станица на автопат Велес - Градско од полициски службеници од СВР Велес е приведен Ј.Р.(44) од Гостивар, кој се барал со потерница од Основен суд Гостивар за издржување на казна затвор од две години за извршено кривично дело „тешка кражба“ казниво по чл.236 ст.1 од Кривичен законик. Лицето ќе биде предадено на казнено поправна установа.

Македонија | пред 4 години

Целодневен Skopje Vinyl Convention во МКЦ

Денес, со почеток од 13 часот во МКЦ ќе започне петтиот по ред „Skopje Vinyl Convention“, во организација на Funky Fresh.Настанот е инспириран од и посветен на сите колекционери и љубители на винили. Има примарна цел да ги сплоти сите љубители и колекционери, а воедно и да им даде простор на локалните диџеи да ги покажат своите плочи и умешноста стекната изминатиов период. Оваа година ќе има повеќе изложувачи и дилери и секако одлична музичка програма. Целодневната програма вклучува над 20 дилери на плочи од земјата и регионот, неколку премиери на нови винил изданија и настап на повеќе од 20 локални музичари.Влезот е слободен. Настанот ќе се реализира согласно актуелниот протокол за организирање  настани на отворен простор.

Магазин | пред 4 години

Шилегов финансира здруженија кои се сомничат за педофилија, обвинува Митева

Денес уште еднаш ќе ја објавиме вистината која Шилегов се обидува да ја премолчи пред јавноста. Почитувани граѓани, скандалозниот камп кој бил организиран од првиот скопски извиднички одред e проект финансиран од Град Скопје и во 2021-та година, вели Марија Митева, портпарол на ВМРО-ДПМНЕ.„Ова е документ, информација испратена до директорите на средните училишта на Град Скопје за тоа кој проекти се избрани на јавен повик и финански и поддржани од Град Скопје. Во овој документ јасно е наведено дека проектите се насочени кон остварување на програмските цели на Град Скопје во областа на образованието. (Слика во прилог).Залудно се трудеше Шилегов да ја одбегне одговорноста, скандалозниот камп и настаните кои се случиле се финансирани од Град Скопје и тоа јасно се гледа од овој документ кој ќе го доставиме до медиумите и јавноста.Ова е доволен показател дека Шилегов е еден од одговорните чинители во овој процес. Застрашувачки е фактот што Шилегов неколку дена наназад се обидуваше да се огради, ја лажеше јавноста велејќи дека не бил запознаен со спорната активноста.Дополнително, Шилегов тврдеше дека учесниците не биле организирани од средните училишта. Шилегов манипулираше со јавноста, но пред се со загрижените родители кога тврдеше дека настанот го шокирал и него, а од ова јасно се гледа дека тој знаел, го одобрил и финансирал проектот со скандалозна содржина.Дополнително, овој проект е еден од програмските цели на градот Скопје. Шилегов тврдеше дека ја споделува загриженоста и осудата за настанот, обидувајќи се да ја одбегне одговорноста која ја има. Со раскинувањето на договорот Шилегов даде директно признание.Очекувано е градот Скопје да се грижи и да фининасира проекти кои ќе овозможат развој на младите во Скопје, но Шилегов финансира проекти чија содржина задира во целокупниот развој на младите средношколци.Почитувани граѓани,Работењето на Шилегов мора да биде предмет на ревизија. Одговорност за злоупотреба на парите на граѓаните мора да има“, додава таа.

Скопје | пред 4 години

Нема фотографија

Приведен криминалец од Батинци

Полициски службеници од САЕ Тигар во координација со АНБ на 02.10.2021 во 01.40 часот во месноста Лавчани на територија на Велес го приведоа З.Н. (30) од с. Батинци кој се барал со потерница поради основано сомнение за повеќе сторени кривични дела, меѓу кои две „обид за убиство“. Лицето ќе биде предадено на надлежното обвинителство.

Скопје | пред 4 години