Нема ниту еден починат од медицинскиот персонал, 10 лица се извадени живи од огнот

Македонската јавност вечерва е шокирана од веста дека во пожар целосно е уништена модуларната ковид болница во Тетово, при што е потврдено дека засега 10 лица ги загубија животите во трагедијата, пишува Слободен печат.Првиот повик дека има пожар во модуларната болница е добиен е во 21.02 часот во средата, по што противпожарната служба од Општина Тетово за три минути дошла на местото.Веднаш е започнато со гаснењето и повикани се уште пожарникари. Како што потврдија од тетовската противпожарна бригада, на терен излегле над 30 пожарникари со 7 противпожарни возила.Затекнале невиден пламен, а гаснењето траело меѓу 30 и 40 минути.„Слободен печат“ од свои добро упатени извори дознава дека меѓу настраданите кои се извлечени од огнот потоа, нема медицински персонал, а од запалената болница се извлечени живи десетина лица.Министерството за здравство потврди дека досега во пожарот во модуларната болница има 10 жртви, но можно е бројот на жртвите да биде меѓу 10 и 15 лица.На местото на ужасната трагедија се уште трае увидот, ангажирани се тројца обвинители од Тетово и двајца од скопското јавно обвинителство, а распоредени се и припадници на ЕБР кои ќе го обезбедуваат просторот до обезбедување на сите докази.Утре Советот на Општина Тетово ќе одржи вондредна седница на која се очекува да биде прогласен и Ден на жалост, а по утврдувањето на бројот на настраданите ќе следува и помош до нивните семејства.Целиот текст можете да го прочитате на Слободен печат

Македонија | пред 4 години

Пендаровски упати сочувство до семејствата и роднините на починатите

Претседателот на Република Македонија, Стево Пендаровски упати сочувство до семејствата и роднините на починатите.„Сочувство до семејствата и роднините на починатите во страшната трагедија во Ковид-центарот во Тетово. На повредените им посакувам успешно закрепнување“, стои во објавата на Фејсбук.

Македонија | пред 4 години

ГОБ „8-ми септември“ е подготвена да прими пациенти од Тетово

Болницата во Скопје „8-ми септември“ е подготвена да прими пациенти од Тетово, изјави во вестите на Телма, директорот на болницата д-р Христијан Костов.„Подготвени се десет кревети со централен довод на кислород. Пациентите кои ќе дојдат се очекува да имаат и други повреди, освен што се позитивни од ковид. Доколку се појави потреба да се донесат повеќе пациенти, можат да отворат уште еден оддел од 25 кревети, вели Костов.Според сознанијата на д-р Костов, бројот на жртвите е околу 15, а во тетовската болница лежеле 30 пациенти

Македонија | пред 4 години

Пет обвинители вршат увид во модуларната ковид болница во Тетово

Основното јавно обвинителство Тетово врши увид на лице место во модуларната ковид болница во Тетово каде вечерва избувна пожар во кој има жртви чиј број се утврдува.„Во увидот се вклучени тројца јавни обвинители од Основното јавно обвинителство Тетово, на кои им се придружија уште двајца јавни обвинители од скопското јавно обвинителство. Тимот од петмина обвинители, заедно со екипи од надлежните институции, ги преземаат сите дејствија во насока на утврдување на причините за настанатиот пожар.“, информираат од ОЈО.

Македонија | пред 4 години

Заев не даде изјава за медиумите за да не шпекулирал

Премиерот Зоран Заев замина по состанокот на Кризниот штаб во Тетово, но не даде изјава за случувањата, односно за бројот на жртви во пожарот во Ковид центарот, ниту пак причината за неговото настанување.Заев на поминување рече дека не сака да шпекулира, а официјалните информации ќе остави да ги соопштат надлежните институции.Градоначалничката на Тетово не даде информации како е настанат пожарот.„Нема да има изјави се додека не се дадат официјални информации за причините како настанал пожарот и за бројот на жртвите. Нормално дека ова е голема трагедија. Информациите ќе ги чекаме кога обвинителите ќе ја завршат својата работа. Поради фактот дека немаме точни информации договорено е да не се даваат изјави“, изјави Теута Арифи.Претходно премиерот Зоран Заев на својот Фејсубк профил објави статус во кој изрази сочуство до семејствата на загинатите.„Огромна трагедија се случи во тетовскиот КОВИД-19 центар. Експлозија предизвикала пожар. Пожарот е изгаснат, но згаснаа и многу животи. Борбата за живот трае сѐ уште, a сите служби реагираа пожртвувано и спасуваат луѓе.Изразувам најдлабоко сочувство до семејствата и блиските на починатите и посакувам брзо закрепнување на повредените.Причините за пожарот ќе бидат утврдени, за што правосудните органи се веќе на терен.Ова е навистина трагичен настан и можам да ве уверам дека целиот државен врв е посветен на брзо разрешување на оваа ситуација. Во моментов трае кризниот штаб во Општина Тетово“, напиша тој. 

Македонија | пред 4 години

До сега потврдени 10 загинати во пожарот во Тетово

Најмалку 10 жртви во пожарот во модуларната ковид болница во тетово, потврди министерот за здравство, Филипче. Веста ја соопшти на Твитер. Лекарите се борат за животите на повредените, дополни Филипче.Се уште нема информации дали починатите се пациенти или меѓу нив имало и здравствени работници.Во Тетово се случи несреќа која однесе повеќе човечки жртви. До моментов се потврдени десет загинати во пожарот, но бројката може да порасне. Ова е многу тажен ден, изразувам најдлабоко сочуство до семејствата, напиша на твитер министерот Венко Филипче, кој веќе е во тетово и во секој момент се очекува да соопшти детали за пожарот.-. Пожарот е веќе изгаснат и сите тимови од болницата се мобилизирани да дадат помош на повредените. Тие итно се траснспортираат во Скопје за да им се даде соодветна нега, тимовите на Клиника се мобилизирани. Наскоро ќе излеземе со нови информации, наведе Филипче на твитер.Според него, лекарите се борат за животите на повредените.-Да им посакаме среќа и да останеме со мислите со нашите сограѓани вечерва. Апелирам до медиумите и граѓаните да не се шпекулира со бројките. Сите потврдени информации навреме ќе ги споделиме, напиша Филипче.

Македонија | пред 4 години

Премиерот Заев вечерва на итен кризен штаб во Тетово

Итен кризен штаб вечерва ќе се оддржи во Општина Тетово, каде што премиерот Зоран Заев ќе го води итниот состанок.Тука се и Артан Груби, министрите Венко Филипче, Љупчо Николовски, Аријант Хоџа, Оливер Спасовски и други.Како што рекоа, прво ќе биде свикан Кризниот штаб, по што ќе бидат дадени поконкретни информации во врска со трагедијата

Македонија | пред 4 години

(ВИДЕО) Вадевме жртви додека се гасеше пожарот, сведочи командирот на пожарна

Заменик командирот на противпожарната бригада во изјава за телевизиј Алсат потврди дека има жртви во пожарот, но не се знае точната бројка. Пожарот е гасен со 7 возила и над 30 пожарникари.„Во 21 и 2 минути е пријавено дека гори модуларната болница во Тетово. Екипите за 3-4 минути пристигнаа со 7 возила и над 30 пожарникари. Кога пристигнаа екипите целата болница беше во пламен. Додека се гасеше пожарот се вадеа и жртви. Не знаеме колку точно жртви имаше. Не можеме да кажеме од што настанал пожарот“, вели заменик командирот на противпожарната бригада.

Македонија | пред 4 години

Филипче потврди, има жртви во пожарот, точниот број не се знае

Министерот за здравство Венко Филипче итно се упати кон Тетово, по информацијата дека има има пожар во Ковид центарот.„Страотна несреќа се случи во Тетово каде има и жртви во пожарот кој го зафати Ковид центарот. Точниот број на лица кои го загубиле животот, повредените и нивната состојба се утврдува во моментов. Страотна несреќа се случи во Тетово каде има и жртви во пожарот кој го зафати Ковид центарот. Точниот број на лица кои го загубиле животот, повредените и нивната состојба се утврдува во моментов., напиша Филипче на Твитер.Подоцна тој напиша на Твитер „ Пожарот е веќе изгаснат и сите тимови од болницата се мобилизирани да дадат помош на повредените. Тие итно се траснспортираат во Скопје за да им се даде соодветна нега, тимовите на Клиника се мобилизирани. Наскоро ќе излеземе со нови информации.“Министерството за здравство информира дека вечерва страотна несреќа се случи во Тетово каде има и жртви во пожарот кој го зафати Ковид центарот. Точниот број на лица кои го загубиле животот, повредените и нивната состојба се утврдува во моментов. Пожарот е веќе изгаснат и сите тимови од болницата се мобилизирани да дадат помош на повредените. Тие итно се транспортираат во Скопје за да им се пружи соодветна нега, тимовите на Клиника се мобилизирани. Министерот за здравство д-р Венко Филипче е во Тетово. По завршениот увид ќе ја информираме јавноста за фактичката состојба, соопштуваат од Министерството.

Македонија | пред 4 години

ВИДЕО: Арифи за тоа како избувал пожарот во тетовската ковид болница

Пожарот во болницата избил со голема брзина, пред околу еден час, изјави вечерва градоначалничката на Тетово, Теута Арифи, која рече дека засега нема информации за жртви.„Информирана сум дека толку брзо се случило. Немам други информации за можни жртви, тоа официјално ќе бидеме информирани. Апсолутно жалам многу, болни луѓе тука биле на лекување“, вели Арифи.Таа вели дека за состојбата на пациентите и каде се евакуирани, исто така, дополнително ќе се добијат информации и од болницата и од полицијата.

Македонија | пред 4 години

Филипче: Се движам накај Тетово, апелирам за смиреност

Министерот за здравство Венко Филипче преку социјалните мрежи извести дека е на пат кон Тетово каде целосно изгоре модуларната болница. Во модуларната болница беа сместени лицата заразени со коронавирус.„Во моментов се движам накај Тетово каде, за жал, има пожар во Ковид центарот. Во најскоро време по увид на состојбата ќе споделиме официјални информации што точно се случува. Апелирам за смиреност додека ги чекаме деталите за несреќата“, напиша Филипче на твитер

Македонија | пред 4 години

(ВИДЕО) Во пожарот во Тетово има и жртви

Телевизија Алсат на својот фејсбук профил објави видео од пожарот во модуларната болница во Тетово, а во описот на истото стои дека има и жртви.„Според извори на Алсат, во пожарот во модуларната болница во Тетово има извештаи за жртви, како од пациентите така и од медицинскиот персонал.Модуларната болница целосно изгоре, а пожарот се уште е активен во дел од зградата. Се очекува во секој момент изјава од властите за билансот на жртвите.Противпожарната бригада е на местото на настанот, но има и бројни граѓани кои дошле да ја проверат состојбата на членовите на нивните семејства кои биле лекувани во оваа зграда“, стои во описот на видеото.

Македонија | пред 4 години

Алијанса за Албанците ги објави кандидатите за градоначалници на 13 општини

Денес во Гостивар се одржа следната седница на Централното Собрание на Алијанса за Албанците, во кое се усвоија имињата на кандидатите за градоначалници од страна на Алијанса за Албанците.„Централното Собрание одлучи за следните кандидати:Куманово - Беким СалиуАрачиново - Наим СинаниСарај - Ќерим МамутиЖелино - Махир ЗибериТеарце - Назим ТаипиБрвеница - Арѓенд ГураТетово - Вулнет МурселиБоговиње - Албон ЏемаилиГостивар - Арбен ТаравариВрапчиште - Исен ШабаниДебар - Беким ПоцестаСтруга - Идри ИстрефиЗа Општина Боговиње имаше тајно гласање каде членовите на Собранието требаше да изберат меѓу две кандидати, Албон Џемаили и Садик Сулејмани. Со мнозинство гласови, Собранието одлучи за Албон Џемаили да биде кандидат за Градоначалник на Општина Боговиње“, се вели во соопштението.

Македонија | пред 4 години

ВО ЖИВО: Гори Ковид-центарот во Тетово

Вистинска пеколна вечер се случува во тетовскиот ковид центар кој е зафатен од голем пожар. Пожарот е активен повеќе од половина час, а густ чад и пламен се шири наоколу.Според видеото кое беше објавено на социјалните мрежи болни и изгорени пациенти се изнесуваат од зградата во колички.На местотото интервенираат пожарните екипи, а засега не се познати причините за пожарот, ниту дали има жртви.

Македонија | пред 4 години

Денес се регистрирани 702 нови случаи на Ковид 19, 24 починати лица

Во последните 24 часа се направени 6.480 тестирања, а регистрирани се 702 нови случаи на КОВИД-19:Скопје – 280, Струмица – 49, Куманово – 47, Штип – 37, Гостивар – 33, Тетово – 28, Охрид – 26, Кичево – 19, Битола – 17, Прилеп, Велес и Кавадарци – по 16, Свети Николе –  14, Радовиш -13, Струга –  10, Ресен, Крива Паланка, Делчево, Виница и Пробиштип – по 9,  Дебар –  8,  Гевгелија и Берово – по 5, Кочани, Неготино и Кратово – по 4, Валандово и Демир Хисар – по 2, Македонска Каменица и Демир Капија – по 1.Регистрирани сe 1.119 оздравени пациенти од:  Скопје – 512, Струмица – 104, Гостивар – 102, Куманово – 79, Кичево  – 56, Велес – 25, Прилеп – 24, Штип – 23, Дебар – 22, Битола – 21, Кавадарци – 18, Кочани и Ресен – по 16, Радовиш 15, Свети Николе – 13, Гевгелија – 11, Картово – 10, Пробиштип – 8, Делчево – 7, Тетово – 6, Неготино, Богданци и Македонски Брод – по 5, Виница – 4, Берово – 3, Валандово - 2, Струга, Крива Паланка, Крушево, Демир Хисар, Демир Капија, Дојран и Македонска Каменица – по 1.Пријавени се 24 починати лица: 10 починати лица од Скопје (93г, 85г, 81г, 70г, 65г, 63г, 59г, 57г, 50г и 37г), 4 починати лица од Гостивар(86г, 75г, 63г, 51г), 2 починати лица од Прилеп (70г и 45г) и по едно починато лице од  Тетово (87г), Кавадарци (67г), Струмица (62г), Кичево (61г), Кочани (76г), Дебар (60г), Валандово (76г) и Богданци (62г).Од пријавените 21 е починат во болнички услови и 3 се починати во домашни услови.Направени се 6.480 тестови преку: ИЈЗ-368, ЦЈЗ Скопје-49, ЦЈЗ Битола-77, ЦЈЗ Прилеп-61, ЦЈЗ Тетово–122, ЦЈЗ Куманово–109, Клиника за инфективни болести и фебрилни состојби-0, Судска медицина-1, лабораторија болница Козле-0, УК Пулмологија со алергологија - 12 ГОБ 8-ми Септември-0, Институт за микробиологија–350, Жан Митрев (Филип Втори)-146, Авицена-336, Биотек-331, Систина-99, лабораторија Лаор-376, Синлаб-102, Ремедика-17, Плодност–79, Генеа -40, Никоб лаб-824, ВФВ Медикал-119, Ели Медика-132, Ројал Медика –68,  ЈЗУ и ПЗУ (рапид тест) – вкупно 2.662.Досега во земјата се направени вкупно 1.203.819 тестирање на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 181.620, бројката на оздравени пациенти е 161.515, на починати е 6.153, а бројот на активни случаи изнесува 13.952.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 78383, Активни 5947Тетово 10605, Активни 1456Куманово 10565, Активни 854Прилеп 8759, Активни 272Гостивар 7826, Активни 840Битола 6823, Активни 282Велес 5867, Активни 231Охрид 5656, Активни 544Кавадарци 5579, Активни 212Струмица 5393, Активни 583Штип 5393, Активни 229Кичево 3757, Активни 539Струга 3683, Активни 606Кочани 3038, Активни 100Гевгелија 2320, Активни 78Неготино 2271, Активни 59Свети Николе 1754, Активни 139Ресен 1446, Активни 115Дебар 1420, Активни 218Радовиш 1396, Активни 118Крива Паланка 1311, Активни 66Берово 1156, Активни 50Делчево 1087, Активни 84Виница 977, Активни 41Пробиштип 869, Активни 52Валандово 757, Активни 30Богданци 539, Активни 37Крушево 516, Активни 20Кратово 490, Активни 60Македонски Брод 443, Активни 43Демир Хисар 418, Активни 13Демир Капија 402, Активни 1Пехчево 301, Активни 5Македонска Каменица 282, Активни 25Дојран 138, Активни 3

Македонија | пред 4 години

(ФОТО) Празно на прославата за независноста

Денес во 17:15 часот започна церемонијата по повод 30 години од Денот на независноста на Република Македонија.На социјалните мрежи се појавија фотографии од настанот на кои може да се забележи дека посетеноста е многу мала. Столчињата кои се поставени пред собранието и пред градската болница „Св. Наум Охридски“, се полу празни.Од Владата претходно најавија дека настанот е со ограничен број публика поради пандемијата и здравствените протоколи, а оние кои ќе сакаат да присуствуваат на истата мораат претходно да се регристрираат.

Скопје | пред 4 години

Сите донирани вакцини од Бугарија ќе се искористат

Министерството за здравство информира дека согласно точните проекции за потребите за ревакцина со вакцината на „Фајзер“, како и големиот интерес за прва доза од овој производител, сите дози ќе бидат аплицирани далеку пред истекување на рокот на важност.„Вакцините од производителот „Фајзер“ кои треба да пристигнат како донација од Република Бугарија, ќе бидат аплицирани за 5 до 7 дена од нивната дистрибуција на пунктовите.Согласно договорот со Република Бугарија, вакцините ќе бидат достапни на 14 септември на нашите пунктови што значи дека има повеќе од доволно време да се искористат и ниедна да не биде уништена. Просекот на дневно аплицирани дози е околу 10.000 вакцини и најголем процент од нив се токму од производителот „Фајзер“.Оттаму граѓаните може да бидат спокојни дека сите вакцини ќе бидат безбедни и со важечки рок во моментот на вакцинирање. Министерството во оваа прилика изразува благодарност до Владата на Република Бугарија за донацијата.Апелираме граѓаните масовно да се вакцинираат како би се заштитиле од вирусот“, велат од Министерство за здравство

Македонија | пред 4 години

Познат последниот кандидат за градоначалник на СДСМ

Социјалдемократскиот сојуз на Македонија го предложи актуелниот градоначалник на Кочани, Николчо Илиев за нов мандат во оваа општина и со тоа владеачката партија ја комплетираме  понудата од 69 кандидати за градоначалници.„Актуелниот градоначалник на општина Кочани, Николчо Илиев е кандидатот на СДСМ и Коалицијата „Најдоброто за мојата општина“ за градоначалник за претстојните локални избори“, објави СДСМ.Претходно претседателот на СДСМ, премиеорт Зоран Заев, рече дека кандидатот ќе биде објавен на денот на самиот национален празник затоа што така сакало партиското членство во Кочани.

Македонија | пред 4 години

Бугарија ќе ни донира вакцини, рокот им истекува за 20 дена

Народното собрание на Бугарија со 146 гласови „за“ го ратификуваше договорот за донирање 51.480 дози на вакцина „Фајзер“ на Македонија со рок на траење до 30 септември 2021 година..Министерот за здравство Стојчо Кацаров посочи дека „Фајзер“ не дозволува продавање или донирање вакцини без ратификација од Народното собрание и апелираше до пратениците побргу да го сторат тоа за да не пропадне донацијата.Ова е прва донација на вакцини за Македонија. Требаше да се изврши во јуни, но поради наметнатите процедури во тоа не се успеа.– Сега сум многу благодарен на Народното собрание што ги прекина игрите, рече Кацаров.

Македонија | пред 4 години

ВИДЕО: Драма со попишувањето, уште малку па не го истепа

Видео од граѓанин кој брка попишувач од својот двор, денес се прошири на социјалните мрежи.Жителот го снима попишувачот и истовремено го обвинува дека сакал да го попишува без заштитна маска.Попишувачот иако сакаше да објасни дека ја ставил маската, беше обвинет и за тоа дека нема сертификат и дека не ги почитува протоколите.Видеото е снимено во Велес.

Македонија | пред 4 години

Кичеец може да биде истовремено и осуденик и притвореник, вели адвокатот Давидовиќ

Адвокатот Ѕвонко Давидовиќ во изјава за Канал 5 вели дека Зоран Милевски Кичеец може да биде истовремено и осуденик и притвореник, по сообраќајната несреќе која ја предизвика додека бил на отсуство со медицинска документација.Зоран Милевски Кичеец од попладнево е префрлен во затворот во Шуто Оризари откако Основниот суд во Гостивар му одреди 30 дневен притвор. Тој е осомничен дека ја предизвикал сообраќајната несреќа близу Стража во која загина 34 годишен гостиварец.Зоран Милески Кичеец имал одобрен прекин на издржувањето на затворската казна во рок од 30 дена, период кој нема да му се засметува во издржаната казна, соопштија вчера од Управата за извршување на санкции.Оретходно беше осуден за случајот „Рекет“ па јавноста беше во дилема како е можно за него Обвинителството од Гостивар да бара притвор кога веќе издржува затворска казна.- Казната се прекинува, се додека трае притворот, различни се статусите на затворено и притворено лице. На второто се внимава да не влијае на сведоци и да не избега. Додека пак како осудено лице има привилегии, што во првиот случај ги нема, изјави Давидовиќ за Телма.

Македонија | пред 4 години

Во живо пред Собрание: Започна прославата на 30-годишнината од Денот на независноста

Свечената програма по повод 30-годишнината од независноста денеска ќе започне пред Собранието на Република Македонија во 17:15 часот со премиерната изведба на симфонијата „Убави денови" од Живоин Глишиќ, специјално напишана во чест на овој значаен јубилеј.

Македонија | пред 4 години

Макрон со честитка за Денот на независноста: Имате мојата целосна поддршка за европската перспектива

Францускиот претседател Емануел Макрон преку писмо до претседателот Стево Пендаровски, ни го честита Денот на независноста.„По повод националниот празник на Република Северна Македонија, во име на Франција и во мое лично име, Ви ги упатувам моите најискрени честитки.Сакам и да Ви го пренесам моето воодушевување за патот кој го поминавте по потпишувањето на Охридскиот рамковен договор пред дваесет години. Вашиот успех и успехот на вашата земја за помирувањето, за кое сведочи и Преспанскиот договор, служи како пример во регионот и пошироко. Франција и Европската Унија остануваат на ваша страна за стабилноста и за просперитетот на Северна Македонија и на Западниот Балкан. Ние ги поддржуваме сите иницијативи кои се во таа насока, особено Преспа Форумот за дијалог.За време на посетата на вашиот Претседател на Владата, г. Зоран Заев на 10 јуни годинава, ја повторив мојата желба да продолжиме да ги зајакнуваме нашите билатерални односи. Северна Македонија е сојузник и суштински партнер на Франција во Западниот Балкан. Француската стратегија за Балканот предвидува засилена поддршка од Франција за економскиот и социјалниот развој на регионот, особено преку Француската агенција за развој, која по потпишувањето на меѓувладиниот договор помеѓу двете земји на 21 февруари 2021 година, набрзо ќе започне со своите активности во Северна Македонија во областа на одржливиот развој.Повторно ја искажувам мојата солидарност и солидарноста на францускиот народ кон населението од Северна Македонија во справувањето со предизвиците со кои се соочува вашата земја. Ангажирањето на експертските пожарникари за справувањето со шумските пожари се нејзин доказ. Но и во екот на пандемијата предизвикана од Ковид-19 со која се соочуваат нашите земји, посветеноста на Европската Унија е целосна за да може регионот да се справи со таа криза.Бидете убеден дека ја имате мојата целосна поддршка за европската перспектива на Северна Македонија. Франција е решена дека преговорите за членство треба да почнат следните месеци и ќе продолжи да спроведува напори за да се изнајде решение за билатералните спорови. Франција ќе биде внимателна за да преговарачката рамка, која ќе биде усвоена, ја одразува новата методологија за процесот за членство, која јас ја посакував, и ќе продолжи да ги унапредува и да ги поддржува суштинските реформи за европското приближување на Северна Македонија, особено во клучните области како што е владеењето на правото, кои се во сржта на европските вредности“, пишува Макрон во писмото.

Македонија | пред 4 години

Премиерна симфонија, визуелни и музички перформанси се дел од програмата пред Собранието за 30 години независност

Свечената програма по повод 30-годишнината од независноста денеска ќе започне пред Собранието на Република Северна Македонија во 17:15 часот со премиерната изведба на симфонијата „Убави денови" од Живоин Глишиќ, специјално напишана во чест на овој значаен јубилеј.Директен пренос во живо ќе се емитува на првиот канал на Националната телевизија и на Јутјуб и Фејсбук каналите на Владата на Северна Македонија.Симфонијата „Убави денови“ ќе ја изведе Филхармонијата на Северна Македонија под диригентската палка на Бисера Чадловска.Веднаш потоа ќе започне делот свечено дефиле пред Собранието на Република Северна Македонија кое ја отсликува нашата држава, нашата мултикултурна традиција и нашата европска определба, институциите на државата и граѓанскиот сектор, оружените сили, здравството, пожарникарите, земјоделието, индустријата, спортот и културата, како приказ на нашето општество денес, еднакво за сите граѓани.Церемонијалниот дел на програмата за одбележување на 30-годишнината од независноста (во 18:30 часот) ќе започне со изведба на уметнички акт на Филхармонијата на Република Северна Македонија сочинет од изведба на Бетовеновата „Ода на радоста“ со вокалните солисти од Националната опера и балет Ирена Кавкалевска - мецо сопран, Катерина Стојановска - сопран, Ѓорѓи Цуцковски - тенор и Кристијан Антовски – бас, со вклучена кореографија на учениците од балетскиот оддел при ДМБУЦ „Илија Николовски - Луј“.Овој дел од програмата ќе се затвори со изведбата на антологиската „Абер дојде Донке“ во изведба на Влатко Стефановски.Програмата по повод 30 години од независноста потоа продолжува со обраќањата на претседателот на Република Северна Македонија Стево Пендаровски, на претседателот на Собранието Талат Џафери (видео обраќање) и со обраќање на претседателот на Владата Зоран Заев.Веднаш потоа ќе започне музичката програма (19:30 часот) со изведба на  музички сплет од познати нумери специјално аранжиран за оваа пригода, отпеан на јазиците на седум етнички заедници кои живеат во Република Северна Македонија, во изведба на Вера Милошевска - Јосифовска, Јехона Шакири, Елеонора Мустафовска и Минела Богдановиќ, во продукција на Димитар Димовски.Во рамките на културно-уметничката програма потоа следува аудиовизуелниот перформанс реализиран врз зградата на Парламентот, со наслов „Минато, сегашност, иднина“ на Емил Петров, Петар Џон и Глигор Постоловски.Во завршниот дел на музичката програма е предвидена изведба на антологиски забавни песни што ќе ги исполнат Мики Јовановски Џафер, Никола Перевски Пере, Тамара Тодевска, Дешира Ахмети, Џон Илија Апелгрен, Ристо Вртев, Светлана Јовановска, во придружба на Филхармонијата на Северна Македонија како и инструменталната изведбата на албанската народна песна „Бареша“.Предвиден е и свечен огномет.

Македонија | пред 4 години

Уапсена гостиварка која крадела на автобуска

Полициски службеници на Секторот за внатрешни работи Тетово-Одделение за внатрешни работи Гостивар, денеска (8 септември) ја лишиле од слобода 28-годишната М.И.од гостиварски Вруток, поради сомнение за нејзина инволвираност во тешката кражба која била извршена на Меѓуградската автобуска станица во Гостивср, 6/7 септември, во периодот од 20 до 6 часот, кога според пријавеното биле одземени пари, мобилен телефон и клучеви од два автобуса.М.И.била задржана во Полициската станица Гостивар и по целосно документирање на случајот против неа ќе биде изготвен соодветен поднесок по член 236 од Кривичниот законик.

Македонија | пред 4 години