Нема фотографија

Георгиески: Со поддршка на Министерството за здравство, конечно се преземени конкретни активности за изградба на нов објект на Здравствен дом

Долги години наназад просторните услови во примарниот здравствен сектор во Охрид се во многу лоша состојба. Објектите каде што се сместени службите за примарна здравствена медицина се многу амортизирани и веќе не ги задоволуваат основните стандарди кои треба да ги поседуваат објектите за ваква намена, истакна Кандидат за градоначалник од СДСМ Д-р Константин Георгиески.Здравствениот персонал е принуден да функционира во многу лоши работни услови, а пациентите не можат да го добијат потребното ниво на квалитетна здравствена услуга. Ова се однесува и на објектот на поранешната Маларична болница и на објеките во населбата Воска каде што е сместена управата на Здравствениот дом.Со поддршка на Министерството за здравство, конечно се преземени конкретни активности за изградба на нов објект на Здравствен дом на просторот во близина на охридската Општа болница. Ние како Локална самоуправа ќе ја дадеме потребната поддршка во однос на целокупната документација за градба и обезбедување на комуналната инфраструктура на просторот.Основната цел е овој објект да биде изграден по сите современи стандарди.Според изработениот проект, објектот ќе биде составен од две блоковски структури, приземје и кат и приземје и два ката, како и дел за администрацијата. Двата објекти ќе бидат поврзани хоризонтално со коридор, а вертикалната комуникација ќе биде со скали илифт.Во новиот современ здравствен дом ќе бидат сместени службата за итна медицинска помош, педијатри, одделение за инфузии, лабораторија, диспанзер за деца од предшколскаи школска возраст, трудова медицина, служба за рендген, патронажна служба, како и концесионери стоматолози и детска стоматологија.Со овие инвестиции покажуваме дека знаеме да определиме приоритетите, работиме посветено, одговорно и домаќински за доброто на сите граѓани.Нашата намера е искрена и препознаена, Охрид заслужува да оди напред, охриѓани заслужуваат повеќе! На 21-ви април одиме на уште една голема победа!Заедно Напред, За Охрид, истакна истакна Кандидат за градоначалник од СДСМ Д-р Константин Георгиески.

Македонија | пред 7 години

Заев на ТВ 21: Нема непотизам, така изгледа затоа што немаме доволно кадар во Македонија

Премиерот Зоран Заев, во гостувањето во дебатната емисија „Клик Плус„на тв21 на прашање поврзано со непотизмот во државата, за што опозицијата постојано ја обвинува Владата, рече дека тоа навидум изгледа така поради тоа што нема доволно кадар во Македонија, тој вели “ние мораме да направиме јасна дестинкција”.–Ако е така тоа ќе го преземеме како дејствие, значи не е така. Ако некој ви кажува пратеничката од Струмица Катерина Кузмановска има вработено свое дете додека она била пратеник, но тоа дете е лекар, на конкурс од 7 лекари двајца се кандидираа и едното беше тоа и двајцата ги примија. Ако имаше уште 5 ќе ги примеа и тие 5. Значи нема. Дали тоа дека тоа дете не треба да работи. Кажувам ние мора да направиме каде граѓаните се обесправени или каде имаат еднакво право и каде е тоа, ние мораме да направиме јасна дестинкција. Ако имало влијание и тоа точно сега го докажува антикорупциска, дали синот на пратеничка која што синот е вработен во ЕЛЕМ имала инструкции и влијанија и кој е при тоа обесправен, и ако се докаже тоа е завршена работа. Но таа не одлучувала за своето дете ниту па има докази дека влијаела.Премиерот додаде дека работни места се отворени и во катастар, но нема доволно кадар.

Македонија | пред 7 години

Нема фотографија

Тачи: Блерим Река може да има многу добри страни, но не е новата невеста на албанската политика

Претседателот на ДПА, Мендух Тачи, во неговото гостување во емисијата „Зона Б“ на „Клан Косово“, го кажа своето мислење за кандидатот за претседател, Блерим Река. Тој потенцирал дека Река бил амбасадор на ДУИ и дека е под влијание на петицијата анти-ДПА.„Блерим Река може да има многу добри страни, но тој не е новата невеста на албанската политика во Северна Македонија“, рече Тачи.

Македонија | пред 7 години

Општина Аеродром ќе реализираат акција за собирање кабаст отпад - еве ги пунктовите!

Општина Аеродром и ЈП „Комунална хигиена“ ќе реализираат акција за собирање кабаст отпад почнувајќи од петок, 19 април до среда, 24 април.Акцијата ќе ги опфати следниве локации:1. Паркот во Мичурин кај трафостаницата2. Улица „23 Октомври“ бр. 93. ТЦ „Три бисери“ спроти кафеана „Пајтон“4. Улица „Коста Новаковиќ“ бр. 485. Зад ТЦ „Бисер“ (зад зграда бр. 74)6. Улица „Јане Сандански“ бр. 657. Улица „АСНОМ“ бр. 68 и 72 (стара Стела)8. Ново Лисиче – парк „Нинберг“9. Ново Лисиче ‒ ул. „АСНОМ“ бр. 158 во близина на градинката „Буба Мара“10. Реонски центар „Аеродорм“ во близина на КАМ маркет11. Населба Лисиче – кај трговскиот центар12. Улица „Тодор Чангов“ – автобуска постојка бр. 17 (претпоследна) меѓу улиците 44 и 48 (кошаркарско игралиште) Под кабаст отпад се подразбира мебел и делови од мебел, бела техника, електрични апарати за домаќинство (шпорети, ладилници, машини за перење алишта и садови, бојлери и слични предмети), електронски апарати (компјутери, телевизори, музички системи и сл.), но не и градежен шут.Општина Аеродром ги повикува граѓаните да го остават кабастиот отпад пред своите домови доколку живеат во куќа, или до најблискиот контејнер, по што екипите ќе го соберат отпадот.

Скопје | пред 7 години

Милошевски најави нов плоштад кон Каналот и парк за миленици

Охрид мора да е убав, да функционира. Охрид не смее да биде заборавен, ниту запоставен. Разубавувањето на делот околу Охридското Езеро е наш приоритет. Охриѓани и туристите заслужуваат нови уредени катчиња за поубав и позелен лик на градот, истакна Митре Милошевски, кандидат на ВМРО-ДПМНЕ ОК Охрид.Изградба на нов плоштад Студенчишта Пешачко-рекреативните патеки од мостот кон Хотелот Парк и од Котва до Билјанини Извори наметнаа потреба да се изгради нов модерно хортикултурно- уреден парк на просторот од пресекот на улиците „Кеј Македонија-АСНОМ“ и ресторанот „Котва.На самиот плоштад, ќе има и парк за миленици кој ќе биде ново препознатливо место во градот, а додека сме тука да потенцирам дека состојбата со бездомни животни веднаш ќе биде решена.За убав град:Изградба на Кеј како модерно шеталиште за охриѓани и туристите, Реконструкција на плоштадот Крушевска република со кој се добива нов и модерен лик, Уредување на парковите на влезовите на Охрид, Доуредување на плоштад во Љубаништа.Партерно уредување, изградба на пешачки и велосипедски патеки. Преку добрите решенија директно даваме придонес за почиста и поздрава животна средина.Со напорна работа и максимална посветеност да придонесеме за подобра Локална самоуправа. Градот мора да се развива и да има успеси. За подобри улици, патишта, канализациони мрежи, учлишта, градинки, спортски сали, паркови, локални индустриски зони, и многу многу други проекти.Нашата работа ќе биде таа која носи поубав и подобар град, подобар живот и подобра иднина.Затоа на 21 април, бројот 5 е единствениот избор за убав Охрид.5 за убав град!Охрид повикува, истакна Митре Милошевски, кандидат на ВМРО-ДПМНЕ ОК Охрид.https://www.facebook.com/mitremilosevskimd/videos/796468527395636?sfns=mo

Македонија | пред 7 години

Експресна реакција на Владата за Нотр Дам, но кога и за Богородицата од Нерези?

Кога ќе се случи голема трагедија, како што тоа завчера им се случи на Париз и на Франција со пожарот во осумвековната црква Нотр Дам, тогаш е најчовечки да се помогне. И добро е што кај нас почнува да се нуди помош за обновата бидејќи ќе биде добро овој светски културен симбол да стане и симбол околу кој ќе се обедини европската и светската солидарност, објави skopskoeho.mk.Но, кога ќе се грижиме за нашето наследство како за светското?Порталот објави дека синодот на МПЦ, уште пред две години предупредил дека во манастирската црква „Свети Пантелејмон“ во Нерези протечува покривот и дека со тоа се загрозени најпознатите фрески, а меѓу нив и фреската „Оплакувањето на Христос“ која е насликана во 1164 година, само една година подоцна откако почнала да се гради Нотр дам. Значи, и ние имаме голема обврска да ја заштитиме Нашата дама од Нерези, Пресвета Богородица.Извор и фото: skopskoeho.mk

Македонија | пред 7 години

Трендафилов се сретна со жителите на Куратица

Синоќа во селото Куратица, кандидатот на ГДУ, Михаил Трендафилов- Нанче имаше средба со мештаните, на која се разговараше за проблемите со кои се соочуваат граѓаните од ова место, се вели во соопштението од ГДУ.Жителите на селото Куратица побараа да се вратат месните заедници и исто така како најголем проблем го истакнаа поврзувањето односно немањето на пат кој ќе ги поврзува Општина Охрид со Општина Дебарца. Невработеноста и наглото иселување на младите причинуваат голема загриженост на куратичани. Михаил Трендафилов- Нанче им кажа на мештаните дека не може со магично стапче да се решат сите проблеми, но им порача дека ако стане татко на градот со многу работа, чесно и домаќински, заедно ќе почнат да ги решаваат проблемите еден по еден.Средбата во селото Куратица помина во пријателска атмосфера во која сите присутни во отворен разговор можеа да ги претстават и да добијат одговор за своите проблеми.

Македонија | пред 7 години

Бизарна несреќа -Скопјанец загина, го прегазил неговиот камион

На 16.04.2019 година во 14.50 часот во СВР Скопје било пријавено дека на крстосница на булеварот „Борис Трајковски“ и улица „4“,Љ.А.(52) од с.Д.Лисиче, скопско, бил прегазен од товарно возило „Мерцедес“ со скопски регистарски ознаки, што претходно тој го управувал, по што починал на местото. Според пријавеното, Љ.А. го запрел возилото и со сопатникот С.К.(50) од Велес излегле од него да видат дали имало простор за да помине по улицата. Според пријавеното, во еден момент возилото се придвижило нанапред и со предните тркала го прегазило Љ.А.. Извршен бил увид од екипа од СВР Скопје и се преземаат мерки за расчистување на случајот.

Македонија | пред 7 години

Нема фотографија

Судар помеѓу „Форд фокус“ и мотоцикл, Мотоциклистот со тешки телесни повреди

На 16.04.2019 година во 18.55 часот на улица „Пере Тошев“ во Прилеп се случила сообраќајна незгода помеѓу патничко возило „Форд фокус“ со прилепски регистарски ознаки, управувано од Д.С.(33) од Прилеп и мотоцикл „Херк“ со прилепски регистарски таблици, управуван од П.Б.(53) од Прилеп. Мотоциклистот П.Б. се здобил со тешки телесни повреди и бил пренесен во Градската болница Прилеп, каде му била укажана помош.Извршен бил увид од екипа од Полициската станица Прилеп.

Македонија | пред 7 години

Сообраќајната полиција со полни раце работа во Скопје

Во текот на изминатиот ден (16.04.2019) на подрачјето на Секторот за внатрешни работи Скопје преземени се мерки и активности и констатирано е дека 54 возачи управувале возила со брзина поголема од дозволената. Од сообраќај се исклучени 27 возачи од кои: 21 возач затоа што управувале возила без да се стекнат со право за управување на моторно возило и шест возачи затоа што биле возачи-почетници.Исто така, исклучени од сообраќај се и 16 возила бидејќи 15 биле нерегистрирани, а едно возило било технички неисправно. Санкциониран е еден возач поради поминување на крстосница на црвено светло, тројца возачи поради недавање првенство на минување на пешаци, осум поради неправилно престројување, еден возач поради неправилно престигнување, тројца возачи на мотоцикли поради неносење заштитен шлем, 17 возачи поради неносење сигурносен појас за време на управување на моторно возило и 32 возачи поради користење на мобилен телефон при управување на возило.Во текот на изминатиот ден издадени се 117 мандатни платни налози и 76 возила се подигнати со специјално возило „пајак". Изминатиот ден се случиле две сообраќајни незгоди во кои едно лице го загубило животот, а едно лице се здобило со телесни повреди.

Скопје | пред 7 години

Нови случаи на напади од кучиња скитници - на Плоштад Македонија и во Кисела Вода

На 16.04.2019 година во 23.55 часот во Полициската станица Кисела Вода, И.П.(45) од Скопје пријавил дека истиот ден околу 21.00 часот на улица „Серска“ бил каснат од куче скитник во пределот на десната потколеница.На 16.04.2019 година во 15.15 часот во Полициската станица Центар, В.П.(49) од Скопје пријавил дека на 15.04.2019 година околу 12.00 часот на Плоштад „Македонија“ бил каснат од куче скитник во пределот на десната потколеница.

Скопје | пред 7 години

Лишен од слобода Турски државјанин поради фалсификување зелен картон

На 17.04.2019 година во 04.00 часот на Граничниот премин „Деве Баир“, поради постоење основано сомнение за сторено кривично дело „фалсификување на исправа“ (зелена карта), од слобода бил лишен А.К.(57) од Република Турција, кој управувал товарно возило „Даф“ и полуприколка со турски национални ознаки. Лицето било предадено на полициски службеници од Полициската станица Крива Паланка за понатамошна постапка.

Македонија | пред 7 години

Пронајден струмичанец кој избегал од затвор

На 16.04.2019 година во 12.00 часот во Полициската станица Струмица бил приведен Ј.А.(29) од Струмица за кого била распишана потерница по Наредба на основен суд Струмица порадо бегство од Затвор Струмица. Во 13.00 часот лицето било предадено на Основен суд Струмица.

пред 7 години

Дерковски: Го чекаме револтираниот гласач од Гостивар со пиштол

После заканата од револтиран гласач од Гостивар дека ќе дојде со пиштол во ДИК, претседателот на Државната изборна комисија Оливер Деркоски во изјава за „Слободен печат“ истакна дека е загрижувачко тоа што Стево Пендаровски го поддржува гласачот кој се заканува.„Што да кажам. Го чекаме да дојде револтираниот гласач со пиштол. Некако ова не е нормална реакција на гласач, без разлика на проблемот. Очекуваме МВР и Јавното обвинителство итно да постапат по овој случај. Ако добро го сфатив, Пендаровски му вели: оди, оди. Мора претседателските кандидати да внимаваат што зборуваат на митинзите“, изјави Деркоски за „Слободен Печат“.

Македонија | пред 7 години

(ВИДЕО) Граѓанин на трибина на Пендаровски се закани дека со пиштол ќе отиде во ДИК

На вечерашната трибина на Стево Пендаровски во Гостивар, граѓанин на Гостивар се закани дека вооружен ќе влезе во Државната изборна комисија поради тоа што според него, од таму го избришале од избирачкиот список.–Како може ДИК да избрише живи луѓе? Триесет години гласам, ме избришале мене, не можам поддршка да ви дадам. И не само јас има многу гостиварци се избришани. Ве молам да се преземе мерка, се обрати револтираниот граѓанин до кандидатот за Претседател од СДСМ, Пендаровски.Откако Пендаровски му рече дека треба да отиде во ДИК, граѓанинот се закани дека ќе отиде со пиштол.–Ќе им појдам со пиштол, рече тој.https://streamable.com/ggdjp

Македонија | пред 7 години

(ВИДЕО) Приказна која го расплака светот: Дете пишува домашна под светлината на бандера

Локалната полиција во градот Мочео во Перу кон крајот на крајот на март годинава ги прегледувала безбедносните камери на улиците и забележалa нешто невообичаено – среде ноќ, во темница, забележале момче кое седи на тротоарот.Дури откако ја зголемиле снимката, сфатиле дека момчето, всушност, пишува нешто во тетратката. Полицијата одлучила да го објави видеото на својата официјална страница на Фејсбук, а деталите за случајот кој наскоро испливале на површина расплакале многумина.Момчето на снимката е 12-годишниот Виктор Мартин Ангуло Кордова, а сиромаштија и живот без електрична енергија го натерало домашната работа да ја пишува на улицата, под светлината на уличната светилка.[embed][/embed] 

Свет | пред 7 години

Мицкоски: Ми пријде човек кој што ми кажа дека полнел кутии на денот на референдумот

Лидерот на ВМРО-ДПМНЕ, Христијан Мицкоски, во вечерашното гостување во емисијата Клик Плус на ТВ 21 објави скандал поврзан со гласањето на референдумот на 30-ти септември за промена на уставното име на Република Македонија.Тој вели дека на него лично човек му кажал дека за време на референдумот се полнеле кутиите, но како што рече Мицкоски Основното Јавно обвинителство знаело за случајот, но за жал се уште не реагирале.„Еве ќе ви кажам една неформална информација. Мене ми пријде човек кој што ми кажа дека полнел кутии тој ден. Не го кажувам името од објективни причини, но кога ќе има вистински реформи во судството и обвинителството подготвен е човекот да сведочи и кој го мотивирал и како го мотивирал“, вели Мицкоски.Мицкоски посочи дека доколку конечно се отвори истрага за овие предмети, тој е спремен да сведочи.

Македонија | пред 7 години

Пендаровски: Во јуни влегуваме во подотворената врата кон ЕУ

Нема друг да ни ја заврши работата, мора масовно да излеземе сите и да покажеме дека огромна бројка граѓани сакаат сите заедно да одиме напред, а не да се враќаме во лошото минато, порача вечерва во Гостивар заедничкиот кандидат за претседател на СДСМ и коалицијата Стево Пендаровски.Нагласи дека, додека претходната власт ги наполни куферите и избега со парите во странство, власта од која е тој дел, се залага да станеме дел од ЕУ и НАТО и да се стави крај на политиката на делби и државата да биде внатре сложна со убава меѓуетничка кохезија.„Во јуни влегуваме во подотворената врата кон ЕУ. Со тоа се отвораат огромни можности во делот на пристапните фондови, каде што ЕУ ќе ни дава европски пари да се развиеме во инфраструктура, во образование, во здравството … До 900 милиони евра на годишно ниво можеме да повлечеме, ако сме паметни, а имаме паметни деца кои може тоа да го направат“, рече Пендаровски.Посочи дека немаме резервна татковина и оти за тоа мора сите да се согласиме и власт и опозиција.„Ова е државата каде сме се родиле и сакаме да живееме и понатаму. Второ, оваа држава мора да биде демократска. Секој, независно од вера, нација и политичка припадност да ги има истите права и одговорности. Трето, најважно, кој и да е на власт,мора да работи за подобар економски развој и да имаме двапати, трипати поголем стандард на живеење од тоа што го имаме сега“, изјави Пендаровски.Во однос на Специјалното јавно обвинителство, Пендаровски рече дека тој закон ќе биде донесен во Собранието, затоа што таков закон мора да има.“Тоа беше општонароден грабеж невиден во историјата на оваа држава. Тоа не може туку така, собраа парите и заминаа. Ќе ги вратат парите и ќе лежат затвор, а од утре ќе важи и за мене“, порача Пендаровски.

Македонија | пред 7 години

Антикорупциска ќе одлучува по пријави за прекршување на Изборниот законик

Државната комисија за спречување на корупцијата денес ќе одржи седница, на која на дневен ред се повеќе приговори за прекршување на Изборниот законик и Законот за корупција и судир на интереси, од распишувањето на претседатеските избори.„Сите приговри се поднесени од опозициската ВМРО-ДПМНЕ, а се однесуваат на активности на Платежната агенција, како и против градоначалниците на општините Гази Баба и Штип, на Општината Штип, и вд градоначалникот на Ново Село, Струмичко“, се вели во соопштението.

Македонија | пред 7 години

(ВИДЕО) Мицкоски: За референдумот ги дадовме парите да се реновира школото во Тетово, шајка таму власта не закова

Минатата година ние за референдумот се откажавме од кампања за да се реновира гимназијата Кирил Пејчиновиќ, таму ништо уште не е направено, рече лидерот на ВМРО-ДПМНЕ, Христијан Мицкоски кој учествуваше на дебатата на телевизија 21 од која дел беа и неколку аналитичари и новинари кои поставуваа прашања.–Ние рековме дека ги донираме средствата за гимназијата Кирил Пејчиновиќ. Сте биле таму? Јас сега бев таму. И сакам да поставам прашање на градоначалничката вака се гради соживот. Не можеме да ги лажеме луѓето, државата ни се празни, граѓаните треба да ни веруваат, рече Мицкоски.https://www.facebook.com/tv21hd/videos/2291346187554561/

Македонија | пред 7 години

Силјановска: На Заев не му е местото во изборната кампања

Кандидатот за претседател на опозициската ВМРО-ДПМНЕ и коалицијата Гордана Силјановска Давкова вечерва на митинг во општина Аеродром побара поддршка за претседателската функција, истакнувајќи ја важноста на демократијата во општеството без која, како што рече, нема ниту Европска унија, ниту НАТО.Таа, меѓу останатото, истакна дека на премиерот не му е местото во изборната кампања, затоа што, посочи, тој мора да ја претставува државата и претпладне не смее да биде држава, а попладне партија.„Тоа важи и за сите министри. Тоа е проблем на демократски дефицит, значи дека во оваа земја нема демократија, а каде што нема демократија нема ниту ЕУ и НАТО. За ЕУ и НАТО треба да сте пристојно место за живеење. Ова место е далеку од ЕУ, уште еднаш ќе слушнете дека нема да почнеме преговори“, рече Силјановска.

Македонија | пред 7 години

Две сообраќајки во Скопје, едно лице загина

Едно лице загинало во една од вкупно две сообраќајки што се случиле изминатите 24 часа на подрачјето на Град Скопје. Во другата сообраќајка полесно е повредено едно лице.Според дневниот извештај на СВР Скопје, изминатото деноноќие се санкционирани 54 возачи кои возеле побрзо од дозволеното, а од сообраќај се исклучени 21 возач пред да се стекнат со правото на управување моторно возило и шест возачи почетници. Сообраќајната полиција исклучила од сообраќај и 15 нерегистрирани возила и едно технички неисправно возило.За користење мобилен телефон сакционирани се 32 возачи, а за неносење сигурносен појас 17 возачи. Санкционирани се и осум возачи за неправилно престројување, како и тројца возачи кои не дале првенство на минување на пешаци на обележан пешачки премин. Евидентирани се и тројца возачи на мотор, мопед или мотоцикл поради тоа што не носеле заштитен шлем.

Скопје | пред 7 години

Пендаровски: Разбирам дека Силјановска имаше неколку гафови, но бегање од интервјуа не е во ред

Кандидатот за претседател Стево Пендаровски вчера на Фејсбук објави дека е разочаран од постапката на неговата противкандидатка Гордана Силјановска Давкова да не се појави на дебатата „Жешко столче“ на телевизија Телма.-Навистина се разочарав кога слушнав дека мојата против кандидатка Силјановска не се појавила на дебатата „Жешко столче“ на телевизија Телма. Верував дека барем во однос на дебатите ќе покаже различна политичка култура од онаа ВМРО-ДПМНЕ, култура на бегање од јавни соочувања со критички настроени новинари.Разбирам дека во изминатите денови колешката имаше неколку незгодни ситуации и гафови, но бегање од интервјуа не е во ред. Јас од друга страна ја прифатив оваа дебата и може да го погледнете моето гостување. Ветувам дека и како претседател ќе бидам секогаш достапен за медиумите и граѓаните, напиша Пендаровски.

Македонија | пред 7 години

(ВИДЕО) Мицкоски: Никола Тодоров му е неформален советник на Филипче

Лидерот на ВМРО-ДПМНЕ, Христијан Мицкоски во вечерашното гостување во дебатниот магазин „Click Plus“ рече дека поранешен министер за здравство, сега е актуелен советник на актуелниот министер за здравство, Венко Филипче.

Македонија | пред 7 години

Без струја Илинден, Арачиново, Гази Баба, Студеничани и Центар

Од ЕВН Македонија информираат дека поради закажани технички зафати без електрична енергија ќе останат делови на Општина Илинден, Арачиново, Гази Баба, Студеничани и Центар.Без струја од 8:30 до 15 часот ќе бидат Нептун, ЈЦС Шпед и Градежен институт во Илинден (општина Илинден) и долниот дел од Арачиново (од ПС до средина на Арачиново) (општина Арачиново).Во време од 7:30 до 15:30 часот ул. 519 и околните споредни улици во населбата Керамидница (општина Гази Баба); од 9 до 17:30 часот дел од селото Долно Количани (општина Студеничани) и во време од 9 до 10:30 часот улицата Рузвелтова бр. 8 (општина Центар).

Скопје | пред 7 години