Ледени бури во САД- затворени училишта

Во повеќе американски сојузни држави, училиштата се затворени поради снегот и ледените бури што повторно го зафатија северозападниот дел на САД.Снежната покривка во сојузната држава Вашингтон изнесува 36 сантиметри. З само еден месец, оваа сојузна држава ја зафатија три снежни бури.Според метеоролозите се очекуваат снег да паѓа и во текот на денот.Северна Калифорнија односно округот Хумболт е погоден бура, откако повеќе од 15 години не паднал снег.

Свет | пред 7 години

Законот за пазари пред уставен?

Тезгаџиите ќе поднесат иницијатива до Уставниот суд за укинување на Законот за пазари. Тие се закануваат со генерален штрајк, ако целосно не се укине Законот за трговија на зелените пазари. Според нив тој мора целосно да се повлече.Пазарчиите излез од проблемот кој ги затекна, бараат сплотено. Пазарџиит од сите градови како ќе делуваат.По најавите дека ќе има генерален штрајк, Министерот Бектеши уверува дека Законот ќе биде променет, а за тоа има време од една година.Инаку Законот за пазари беше предмет и на препукувања меѓу партиите. Опозицијата бараше целосно укинување и носење нов закон, а власта одложување на постојниот.

Македонија | пред 7 години

Сепак имале срам - исчистена депонијата кај студенстксиот дом ,,Пелагонија“

Откако ЈП ,,Комунална хигиена“, ги засука ракавите, остана без работа. Исчистена депонијата во атарот на студенстксиот дом ,,Пелагонија“, во Кисела Вода.По силните реакции и критики во јавноста, некој ја исчисти депонијата зад домот.Да се надеваме дека студентите и раководството по критиките кои ги добија на социјалните мрежи, ја научија ГЛАВНАТА животна лекција.

Скопје | пред 7 години

Силјановска: Омбдусманот да започне ревизија на вработувањата на блиските на функционерите и да ја исправи неправдата

Гордана Силјановска Давкова, кандидат за претседател на државата за непотизмот реагираше на својот Фејсбук профил.„За вработувањата на синови, ќерки, сестри, и други блиски роднини на партиски и државни функционериАпелирам Народниот правобранител да покрене постапка за утврдување на прекршување на едно од основните права на граѓаните, правото на еднаквост при остварување на правото на работа.Стотици можеби илјадници луѓе се жртви на партиски инжинеринг во кој од процесот на пристап до вработување се елиминирани луѓе со високи квалитети.Високо едуцирани кандидати, вредни, искусни експерти, студенти, магистри, доктори на науки со највисоки оценки станаа жртви на системот за да се вработат блиски роднини на актуелни политичари во врвот на партиите и власта.Наспроти студенти со просек 10 во јавните претпријатија се вработуваат луѓе за кои воопшто не дознавме какви квалификации поседуваат.Не очекувам оваа власт да го спречи непотизмот на своите највисоки претставници.Но верувам дека Омбдусманот може по анализа на процедурите при вработување на децата и роднините на политичарите да започне ревизија на оваа дискриминација со која ќе биде исправена неправдата.Без обезбедување еднаквост за сите свесно се туркаат младите луѓе надвор и се зголемува недовербата на граѓаните кон владеење на правото и принципот на еднаквост кој е еден од темелите на нашиот уставен поредок.II. ОСНОВНИ СЛОБОДИ И ПРАВА НА ЧОВЕКОТ И ГРАЃАНИНОТ1. Граѓански и политички слободи и праваЧлен 9Граѓаните на Република Македонија се еднакви во слободите и правата независно од полот, расата, бојата на кожата, националното и социјалното потекло, политичкото и верското уверување, имотната и општествената положба.Граѓаните пред Уставот и законите се еднакви“, напиша Силјановска.

Македонија | пред 7 години

Макрадули во одбрaна на Манчевски: Прашајте паталец дека ни знаење, ни искуство не помагаше за вработување

Заменик-министерот за животна средина и просторно планирање, Јани Макрадули на својот Фејсбук профил застана во одбрана на министерот за информатичко општество и администрација, Дамјан Манчевски, кој изјави дека „10 години членовите на СДСМ беа најдискриминирани граѓани во државата“.„За изјавата на министерот Манчевски, спремен сум да дебатирам со сите оние кои го негираат неговиот став. Се разбира ако имаат време.Како паталец со примери дека ниту искуство, ниту знаење нити просек, а не пак SCi трудови помагаат.Секако не сум бил единствен, некои поминале многу полошо и подолго, ама мора да повториме една лекција: солидарноста е одлика на социјалдемократите. Не за вработување, за Поддршка зборувам. Тоа преведено во претстојните избори значи: единствен кандидат за едноставна победа“, напиша Макрадули.

Македонија | пред 7 години

Нема фотографија

Комисијата за заразни болести со нови препораки за справување со епидемијата на морбили

На состанокот на Комисијата за заразни болести при Министерство за здравство донесени се нови дополнителни мерки за заштита на населението од епидемијата на морбили.„- Сите родители кои имаат деца со наполнети 6 месеци, а живеат на територијата на градот Скопје, од утре треба да се јават во најблискиот вакцинален пункт за да ги вакцинираат своите деца со МРП вакцината.Родителите пак, кои имаат деца на училишна возраст, а не се ревакцинирани или воопшто не примиле МРП вакцина, да ги вакцинираат децата, и ова се однесува за сите деца кои живеат во Македонија. Комисијата му предложи на Министерството да се почне со теренска вакцинација.- Родителите кои ќе се посомневаат дека нивните деца се заразиле со морбили, или имаат висока температура или пак веќе имаат осип на кожата прво да се јават на преглед во пунктови во Здравствените домови и по проценка на лекар од пунктовите, само со упат да се насочуваат кон Клиниката за инфективни болести и фебрилни состојби.- За да се намали притисокот од пациенти на Клиниката за детски болести и Клиниката за Инфективни болести и фебрилни состојби, граѓаните се упатуваат во трите пунктови во поликлиниките „Јане Сандански“, „Бит-пазар“ и „Ѓорче Петров“. Во овие пунктови има дежурни лекари кои работат секој работен ден од 19.30 часот до 7.30 наутро, а за викендите се на располагање 24 часа во текот на денот.- Во работните денови, родителите треба децата прво да ги однесат на матичен лекар. На овие три места ќе се вршат комплетни прегледи со лабораторија на децата чии родители ќе се посомневаат дека можеби се заболени од морбили (мали сипаници). Доколку лекарите утврдат дека е потребно, пациентите ќе ги упатуваат на Клиниката за инфективни болести и фебрилни состојби. Апелираме до сите родители, кои ќе забележат или ќе се посомневаат на првите знаци на болеста, висока температура, децата прво да ги однесат на овие три пунктови.На средбата беше констатирано дека вакцините кои се аплицираат во сите здравствени домови се со проверен квалитет, од европски производител и имаат добар рок на траење. Комисијата укажа дека само со колективен имунитет, или 95 отсто вакцинирано население со МРП вакцината, ќе може да ја спречиме епидемијата и смртноста кај населението, кај најранливата категорија, децата кои воопшто не примиле вакцина поради возраста или поради некои други хронични заболувања. Сите предходни мерки кои ги донесе Комисијата сѐ уште се на сила.Тоа значи дека децата кои не се вакцинирани со МРП нема да се примаат во градинките, се апелира за интензивна и неодложна вакцинација на децата кои се во добро здравје за да се подигне колективниот имунитет. Да се вакцинираат сите здравствени работници кои имаат непосреден контакт со пациенти заболени од морбили. Најстрого се забранува и посета на болни во сите здравствени установи.Потсетуваме, морбилите се високо заразно заболување кое лесно се пренесува по капков пат. Едно лице со морбили (мали сипаници) може да зарази 9 од 10 лица околу него кои не се вакцинирани.Досега се вакцинирани 6.276 деца само во Скопје, а пред прогласувањето на епидемијата во населбата Радишани, на 19 декември годинава, беа регистрирани околу 15 илјади невакцинирани деца со МРП вакцина. Родителите треба многу сериозно да ги сфатат насоките и од Комисијата за заразни болести и да ги почитуваат препораките на Министерството за здравство.Потсетуваме дека покрај вакцинацијата, не постои друг лек во светски рамки кој е познат на медицината базирана на докази. Со апстиненција од вакцинација, родителите го доведуваат своето дете во огромен ризик. МРП вакцината е со одличен квалитет, од европски производител, има добар рок на траење и поседува два сертификати за квалитет. Апел до родителите да ги вакцинираат децата, само така ќе ја спречиме епидемијата и ќе заштитиме некое друго дете од зараза и смрт поради компликации од морбилите“, се вели во соопштението.

Македонија | пред 7 години

Роман за предвоените Евреи на македонски јазик

Романот „Романса во малото гратче“, своевиден реквием за предвоените Евреи, деновиве излезе од печат во издание на „Прозарт Медиа“.Автобиорафскиот роман, сметан за ремек-дело на авторот, е сместен во мало местенце во Литванија во пресрет на Втората светска војна, родно место на писателот Григориј Канович, познат како еден од најважните еврејски автори на нашето време.Воден од споменот на неговата сакана мајка, маестралниот раскажувач нè шета низ средината на својот семеен свет, рекреирајќи го минатото кое е неповратно уништено. Канович живо се сеќава на неговото родно место, на политичката криза од 1930-тите, на богатите трговци и чистачи на чевли, луѓето, озборувањата… Секако, тој го следи и растечкиот страв од нацистите, руската инвазија, политичкиот прогон и апсењата и прогонетите, што ја обликуваа нацијата.„Романса во малото гратче“ e роман полн со нежна наклоност, мека иронија и остри забелешки.Преводот од руски јазик е на Обухова Елена Сергеевна и Никола ШукановПисателот Канович го преживеал холокаустот речиси по чудо. Сега, тој е познат и ценет како чувар на колективното сеќавање на генерациите литвански Евреи и врвен прозен мајстор.

Магазин | пред 7 години

Нема фотографија

Променливо облачно време со локален снег

Денес времето ќе биде променливо облачно и постудено со повремен локален снеr, особено на запад и претежно претпладне. Ќе дува засилен северен ветер најизразен долж Повардарието и на југозапад. Температурата ќе се движи од 0 до 9 степени.Во Скопје променливо облачно време со сончеви периоди и температура од 2 до 5 степени.Утре врмето ќе биде променливо облачно со локални слаби врнежи од снег претежно на северозапад. Ќе дува засилен северен ветер.

Македонија | пред 7 години

Снег во Маврово, Крушево, Ѓавато и Плетвар

Сообраќајот на државните патишта се одвива по влажни коловози, на некои повисоки места во западните делови од државата има остатоци на кашест снег на коловозот по интервенција на дежурните екипи на ЈП Македонија Пат. Врнежи од снег со среден интензитет се бележат во Крушево, Маврово, Струга и на планинските премини Ѓавато и Плетвар, а со послаб интензитет на планинските премини Стража, Пресека, во Дебар и Кичево.ГП Виадукт трејд ДООЕЛ-Гостивар известува дека градежни активности ќе се изведуваат на обиколница , односно на делот од Хиподрм до Стенковец во времетраење од понеделник 11.02.2019 до 13.02.2019 (среда).Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони

Македонија | пред 7 години

Сообраќајот се одвива по влажни коловози, снег на Стража, Буково и Попова Шапка

Сообраќајот на државните патишта се одвива по влажни коловози. Врнежи од снег со среден интензитет се бележат на Попова Шапка, каде наместа има остатоци од кашест снег на коловозот по интервенција на дежурните екипи на ЈП Македонија Пат, а со слаб интензитет на планинските премини Стража и Буково. Во Крушево врнежите се од дожд и снег.ГП Виадукт трејд ДООЕЛ-Гостивар известува дека градежни активности ќе се изведуваат на обиколница , односно на делот од Хиподром до Стенковец во времетраење од денес понеделник 11.02.2019 до 13.02.2019 (среда).Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони

Македонија | пред 7 години

Премиерот Заев на средба со членовите на ДИК

Претседателот на Владата на Република Македонија Зоран Заев, придружуван од Генералниот секретар на Владата, Драги Рашковски, денеска, се сретна со членовите на Државната изборна комисија (ДИК), предводени од нејзиниот претседател Оливер Деркоски.На средбата, се разговараше за тековни прашања поврзани со подготовките на сите потребни услови за успешна реализација на претстојните претседателски избори и предвремени локални избори во трите општини, Дебар, Охрид и Ново Село.„Владата дава принципиелна поддршка, согласно законските овластувања, да обезбеди реализација на законските потреби на Државната изборна комисија, затоа што организирани слободни и фер избори се врвна демократска придобивка, се јакне демократијата и се отстрануваат сомнежи за какви било нерегуларности“, рече премиерот Зоран Заев на средбата со членовите на ДИК.Претседателот на ДИК, Деркоски и членовите на Комисијата посочија дека таа работи професионално и го информираа премиерот Заев за преземени активности, меѓу кои активна и ефикасна едукација на членовите на Избирачките одбори, како и на Општинските изборни комисии со цел навремено, достоинствено и целосно да одговорат на законските обврски пред граѓаните.„Максимално сме посветени, со зголемен интензитет на ангажирање на луѓе и логистика, согласно законските прописи, да ги оствариме приоритетите и целите за реализација на фер и демократски избори“, нагласи претседателот на ДИК, Деркоски.На работната средба, сите учесници се согласија дека одржувањето на избори е тест за политичката зрелост на државата и изразија подготвеност и посветеност за максимална транспарентност, почит и кредибилитет на претстојните претседателски избори и локални избори во три града во државата.

Македонија | пред 7 години

(ФОТО) Кран пред Владата, вечерва ќе се поставува таблата „Влада на Северна Македонија“

Владата на Северна Македонија, по теркот на Владата на Груевски, отстранува, но и става табли во доцните вечерни саати. Така вечерва по дождливо време градежна мехаизација - кран пред Владата, се чека знак да се постави таблата „ Влада на Северна Македонија“.Инаку во текот на денот на платото пред зградата на Владата се извршуваат подготовки за церемонија за подигање на знамето на НАТО, коешто ќе има свое место пред Владата.Официјалното прво подигање на знамето ќе се изврши во текот на утрешниот ден. Денеска се поставуваа столици за гостите што ќе присуствуваат на свеченоста, а припадници на Гардата на АРМ ги вежбаа активностите што ќе треба да ги изведат.Натписот „Влада на Република Северна Република Македонија“, ќе биде поставен на македонски и на албански јазик.

Македонија | пред 7 години

„100 години Требениште" дел од неа и златните маски - од март до крајот на август ќе бидат изложени во Скопје

Петте златни маски, како и останатите над 400 предмети пронајдени на локалитетот Требениште кај Охрид, на почетокот на март ќе бидат изложени пред јавноста во рамките на изложбата што во Археолошкиот музеј во Скопје, се организира заедно со Охридскиот музеј и музеите од Софија и Белград.Изложбата ќе биде под наслов: „100 години требениште“ . Трите матични археолошки музејски институции од Македонија, Србија и Бугарија со овој проект ја одбележат стогодишнината од откривањето на локалитетот Требениште кај Охрид. „Тоа се наодите откриени при археолошките истражувања на бугарски, српски и македонски археолози.Ова е првпат по сто години од откривањето на првата златна маска во 2018, сите артефакти од овој локалитет да бидат претставени на едно место што според Горан Санев, директор на Археолошкиот музеј е најочекуваната и најзначајната изожба за македонската, балканската и европската археологија. Вчера во музејот беше промовиран и каталогот за изложбата подготвено од 26 автори на 408 страни.За „100 години требениште“ интерес веќе пројавиле археолошките музеи од Париз, Берлин, Виена и Загреб. Изложбата ќе може да се види шест месеци, од март до крајот на август 2019

Македонија | пред 7 години

(ФОТО) Една година од смртта на Калина и Александар, планинарите ја искачија Клепа

Фото: Лејла ИбраимоскаЕГ Грин Пауер и Планинарски предизвик „12 врвови„ изминатиов викенд организираа еднодневно традиционално зимско искачување на врвот Клепа(1150 мнв). Во акцијата како организатори се приклучија и градоначалниците на општините Градско и Росоман низ кои поминува патеката. За сите учесници беа обезбедени бесплатен ручек, пијалок и десерт во конаците на манастирот Св. Архангел во близина на село Горно Чичево.Поради стратешката местоположба, врвот Клепа долго време бил центар на воени бази и на фронтовската линија, така што на неговиот врв се наоѓаат остатоци од бункери, засолништа и археолошки наоѓалишта.ЦЕЛТА на акцијата беше да се промовира малку качуваниот врв Клепа, да се поттикне земјоделското(рурално) население) во овој реон за движење низ планина, како и да се манифестира соработка помеѓу планинарските клубови и друштва.Во чест на прерано заминатите Калина и Александар, на дел од патеката ќе се засадат садници обезбедени ЈП "Македонски Шуми".

Македонија | пред 7 години

ЈП „Комунална хигиена“ ќе го чисти отпадот во дворот на студентскиот дом „Пелагонија“

На 12.2.2019 (вторник) со почеток во 13 часот, ЈП „Комунална хигиена“ –Скопје ќе започне акција за чистење на енормната количина на насобран отпад во дворот на студентскиот дом „Пелагонија“, во општината Кисела Вода.И покрај фактот дека чистењето на ваквите површини не спаѓа во ингеренциите на ЈП „Комунална хигиена“ –Скопје, Претпријатието ќе ги спроведе овие активности, со цел да се спречи ширењето на зарази и да се заштити животната средина.Ве каниме да присуствувате на овој настан во студентскиот дом „Пелагонија“, во чиишто рамки директорот на ЈП „Комунална хигиена“ –Скопје, Абдусамед Шабани, градоначалникот на Градот Скопје, Петре Шилегов и градоначалникот на општината Кисела Вода, Филип Темелковски, ќе им се обратат на граѓаните со апел за совесно постапување со отпадот и штетноста од создавањето на дивите депонии коишто директно ја загрозуваат животната околина и претставуваат закана за здравјето на граѓаните, велат од ЈП „Комунална хигиена“ –Скопје.

Скопје | пред 7 години

Најчевска на ФБ: Прашање е зошто синот на пратеничка е избран? Ај сиктер бе апаши од сите партии

Фејсбук статус на професорката Мирјана Најчевска. Овој пат таа изреволтирана по објавата дека синот на пратеничката на СДСМ, Мира Стојчевска е вработен во ЕЛЕМ. Најчевска на ФБ пишува:Безобразни манипуланти.Воопшто не е прашањето дали синот на госпожата министрка, пардон пратеничка ги исполнувал условите дадени во конкурсот.Прашањето е зошто баш синот на госпожата министрка, пардон пратеничка е избран?Доколку имло еден единствен кандидат кој на еднакво ниво ги исполнувал условите, требало да биде избран тој друг кандидат, а доколку имало некој кој во нешто (Макар и најмало нешто) бил подобар, тогаш тој кандидат морал !!!!!!! да биде избран.Се разбравме?Или и понатаму ќе не прават будали на здрав разум.Ај сиктер бе сите апаши од сите партии. Симнете се од грбачата на граѓаните.Нема бре ни случајно да гласам на нарените избори, макар тоа да значи и враќање на Груевски, напиша професорката Најчевска на ФБ.

Македонија | пред 7 години

ГДУ: Пријатно не изненади Дамјан Манчевски со пораката „Да одиме по ѓаволите“

Пријатно сме изненадени од искреноста на министерот за информатичко општество и администрација, Дамјан Манчевски, кој отворено ни „укажа да одиме по ѓаволите“. Пораката е упатена до сите оние кои воопшто не беа воодушевени од политиките на „Пастирот”, но не покажуваат ентузијазам и кон политиките на „Духовниот реформатор”, реагира ГДУ.Во соопштението од ГДУ уште додаваат:– Без еуфемизми, кратко и јасно е укажано дека еднаш востановеното мото „Согласно Уставот и законите”, e мантра која со задоволство е прегрната и од овој „владин состав”. На јавноста и останува во иднина да биде особено внимателна какви „врски” воспоставува, затоа што лесно може да се случи резултатите од нив да се во спротивност со „кадровската политика” на власта. Овој „ударнички бран” на вработувања на „најдобрите” e одлична предигра на претстојните избори – какви и да се. Граѓанско Демократската Унија ги охрабрува и останатите членови од кабинетот на премиерот да го следат примерот на нивниот колега Манчевски и да ја поделат својата искреност со јавноста, се наведува во соопштението.

Македонија | пред 7 години

ЕЛЕМ: Синот на Мира Стојчевска ги исполнувал сите критериуми во огласот

Откако ВМРО-ДПМНЕ денеска истакна дека синот на пратеничката Мира Стојчевска е вработен во ЕЛЕМ, реакција од компанијата.  реакција.Како што истакнаа, тој ги исполнувал сите критериуми за работното место во ЕЛЕМ.„АД Државни електрани на Македонија ја известува јавноста дека лицето Виктор Стојчевски е примен во редовен работен однос во компанијата по претходно објавен оглас за вработување. За работното место за кое конкурирал, наведениот ги исполнувал сите критериуми наведени во огласот. Комисијата одлучила почитувајќи ги сите законски одредби“, додаваат оттаму.

Македонија | пред 7 години

Нема фотографија

Филипче: Погубните политики на ВМРО-ДПМНЕ допринесоа да имаме жртви од морбили

Министерот за здравство, Венко Филипче, во вестите на 1 ТВ ја обвини претходната власт на ВМРО-ДПМНЕ за тоа што денеска епидемијата на мали сипаници ја зема третата жртва, откако почина 13-месечно детенце.-За жал веќе има три смртни случаи, морам да кажам дека ми е жал, но до тука не доведоа погубните политики на ВМРО-ДПМНЕ. Токму таа погубна политика на претходната партија на власт не доведе до тука, како и на силните антивакцинални кампањи – рече министерот во краткото гостување во вестите на 1ТВ.Како што рече Филипче, две од починатите дечиња не можеле да се вакцинираат, едно поради здравствена состојба, а другото затоа што било премало.Филипче вели дека дневно има 4 до 5 нови случаи на заразени од морбили.  Тој додава дека комисијата за заразни болести, која заседавала денеска во Министерството, одлучила од утре да се повикаат родителите да ги вакцинираат и своите 6-месечни бебиња кои не се вакцинирани.

Македонија | пред 7 години

Пијан скопјанец ги истепал, сопругата, синот, ќерката и момчето од ќерката

Пијан скопјанец ги истепал сите членови на своето семејство, па и момчето на неговата ќерка, информираше МВР.Според полицијата, инцидентот се случил вчера околу 22 часот во скопската населба Ѓорче Петров.Насилството го пријавила 50 годишна жена, според која, нејзиниот 54-годишен сопруг пијан дошол дома и почнал да се расправа со неа. Тој не се задоволил со расправијата, па почнал да ја тепа сопругата, а потоа се нафрлил и на ќерката. Во нивна одбрана застанало момчето на ќерката, како и синот на насилникот, но и нив ги нападнал.Полицијата работи на расчистување на случајот.

Скопје | пред 7 години

(ВИДЕО) Мицкоски побара оставка од Филипче: Неспособноста од власта одзема животи

Неспособноста на Заев и Филипче се плаќа со животите на граѓаните, оставка веднаш, вели лидерот на ВМРО ДПМНЕ Христијан Мицкоски. Тој преку видео порака ја критикува состојбата во здравството во земјава.https://www.facebook.com/MickoskiHristijan/videos/605176119934544/ 

Македонија | пред 7 години

Отвора ли власта пат за истополови бракови?

Здружението на граѓани „Традиционално семејство“ бара пратениците да не ги усвојат измените на постоечкиот Закон за спречување и заштита од дискриминација, пренесува Алфа. Според „Традиционално семејство“ предложените измени ќе овозможат склучување на истополови бракови, со што директно се врши упад во институцијата брак како единствена заедница помегу еден маж и една жена.Во новиот Предлог-закон не се опфатени седум точки, мегу кои и точката 6, со која нема да се смета за дискриминација уредувањето на бракот исклучиво како заедница на спротивни полови.Алфа го пренесува апелот на здружението апелираат пратениците да го не го гласаат законот бидејќи, само на тој начин ќе можат да го спречат разнебитувањето на македонското семејството.

Македонија | пред 7 години

Родител на починатото едногодишно дете: 6 саати чекавме да не примат и му дадоа само парацетамол

Во средата отидовме на Инфективна клиника околу пладне. Детето беше изнемоштено, рекоа дека се морбили, а јас им кажав за болеста на детето го лечевме во Белград, сведочи родител на 13 месечното бебе што почина викендов, објави курир.мк.-Се им кажав за болеста на детето, а тие не пратија на Детска клиника на пулмологија. И оттука почнува префрлањето од Детска велат одете на Инфективна, тие пак не пратија на детска, вели родителот.Родителот, како што посочува, прво почнале да го префрлаат проблемот, а второ не сакале да преземат одговорност-Изгубив точно 6 саати додека го примат. Дури после 18 часот и толку шетање детето немаше примено никаква терапија, потоа му дадоа само парацетамол. Детето и потоа немаше примено антибиотик. Ние како родители алармиравме, а лекарите префрлаа од еден на друг, даваа некои површни објаснувања, вели родителот.Текстот во целост на курир.мк

Скопје | пред 7 години

Охридско лето: Задоволни сме од средствата кои ни ги додели Министерството

Според програмата на Министерството за култура од годишнитe конкурси за проекти од национален интерес во културата за 2019 година, за реализација на претстојното фестивалско издание на Охридско лето се издвоени 25 милиони денари, за разлика од лани кога Фестивалот доби 23 милиони денари. Од Охридско лето велат дека се задоволни од издвоените средства кои се повисоки за 2 милиони денари и додаваат дека ќе донесат врвни уметници на фестивалската сцена од 12 јули до 20 август.-Програмата на годинешново Охридско лето се подготвува. Летово ќе имаме прилика да видиме уметници од музичкиот и драмскиот свет кои се во самиот врв во светот. Изразуваме благодарност што Министерството имаше слух да ги зголеми средствата во споредба со минатогодишната распределба во рамките на конкурсот. Работиме напорно Фестивалот „Охридско лето“ како најголема манифестација под капата на Министерството за култура да реализира уште едно возвишено фестивалско издание со квалитетна, уникатна, атрактивна и возбудлива програма, велат од Охридско лето.Фестивалот Охридско лето покрај средствата од Министерството за култура обезбедува и сопствени средства од продажба на билети, како и спонзорски средства.-Кај спонзорите постои подготвеност за поголема финансиска поддршка се со цел на фестивалот летово да видиме врвни музички и драмски имиња од земјава и од странство, додаваат од Охридско лето.Од таму најавуваат дека „Охридско лето ќе ги оправда очекувањата на љубителите на уметноста, очекувањата на спонзорите, помагателите и пријателите. Тоа, како што велат, е потврда дека „Охридско лето “ успева да воспостави високи стандарди но и гаранција дека во наредните години ќе го продолжи континуираниот растеж, во секоја смисла.

Македонија | пред 7 години

Комити до власта: Знаеме дека барате начин да ги ослободите убијците на Саздо

Навивачката група ,,Комити” чиј член беше убиеното дете Никола Саздовски-Саздо побараа од властите да не си поигруваат со нивното трпение иид  не им ја вреѓаат интелегенцијата.„Металната кутија ќе ви се удри од глава еден ден... Млад човек го загуби животот од свирепо убиство, а вие барате алиби за да релативизирате или да ги ослободите убијците.Немојте да ни вреѓате интелигенција. Немојте да ни ја надразнувате болката. Немојте да ни газите на жуљ. Немојте да ја тестирате нашата решителност. Немојте да правите политички калкулации. Не прифаќаме ништо друго освен најстрога казна за убијците“, пишува на Фејсбук страната „Комити Скопје“.https://www.facebook.com/KomitiZapad87/photos/a.372824616105163/2045586165495658/?type=3&theater

Македонија | пред 7 години