На 18.11.2018 година во 11.50 часот во Секторот за внатрешни работи Скопје, К.Ц.(59) пријавил дека неколку дена не го видел неговиот сосед С.Џ.(77).По добиената пријава полициски службеници отишле во станот на С.Џ. и го пронашле починат.По наредба на Јавен обвинител, телото на починатиот било предадено за обдукција во Институт за судска медицина.
Скопје | пред 7 години
Иако на пошироката публика и се претстави неодамна, младиот пејач Тони Андреев веќе мака мачи со обожавателките. Тони пред извесно време ја промовираше дебитантската „До мене, а толку далечна“, но тој одамна се бави со музика и настапува по ноќните клубови каде врие од девојки на кои им е особено атрактивен заради изгледот. Некои после некоја чашка се ослободуваат, па вели, не само што му се доближуваат туку има и непристојни предлози.„Има се, но засега одлично се снаоѓам и не можам да се пожалам. Ретко сакам да зборувам за мојот приватен живот во јавноста или да споделувам детали по социјалните мрежи, па затоа дел од девојките, кои мислат дека сум слободен дечко, знаат да искоментираат интересни работи, па дури и додека пеам. Неколкупати се случило да имам и непристојни понуди со идеи што да се прави после настап, но тоа не го гледам никако негативно, а и знам дека алкохолот си го прави своето“, вели Тони, и уште додава дека на почетокот по премиерата на неговата песна малку бил збунет и најмалку што очекувал било публиката да ја пее со него песната.„На почетокот искрено бев малку збунет кога на моите настапи ја слушав публиката како заедно со мене ја пеат песната на која максимално и се посветив, и тоа навистина ме радува“, вели Тони.
Магазин | пред 7 години
Професорката, Мирјана Најчевска, на својот Фејсбук профил го искоментира вчерашниот протест кој се одржа пред Собранието против уставните измени. Организаторите на протестот и демонстрантите ги нарекува сеачи на национализам и омраза.„Не ми се верува, џганот кој го испоплука социјализмот, кој направи хорор музеј за комунизмот, џганот кој се откажа од историјата на мојот татко и неговите соборци, одеднаш се сети за АСНОМ и застана во негова одбрана.Мрш бре кретенчиња неписмени кои сеете национализам и омраза и продуцирате насилство, кои ја вративте државата во 16 век и не закопавте во фекалии од кои не можеме да се извлечеме.Таткоми умре со револуционерните песни на своите загинати соборци и со подигната тупаница за одбрана на овој народец од џганот како вас.И јас немам намера да дозволам националистичко-фашистичката багра на чело на лумпен пролетаријатот кој истиот овој џган го создаде да не влече надоле“, напиша Најчевска.
Македонија | пред 7 години
Јане Ченто, еден од обвинетите во случајот за “27 април” пред малку на јавна седница во Апелациониот суд ја образложи својата жалба со која бара укинување на притворот.Ченто истакна дека притворот му бил одредуван со копирани решенија на судовите, без аргументи. Тој посочи дека неговото решение било копија од друг обвинет, односно пишувало дека има болно бебе , и дека дал гаранција од 600.000 евра, што не е точно.Ченто не успеа да ја доврши реченицата, бидејќи судиите го ограничуваа неговиот говор, па по кратка расправа, Ченто рече:-Повеќе од 11 месеци сум во притвор. Не барам куќен притвор или слобода, моите браќа се во Шутка. Знам дека жалбата ќе ми ја одбиете и за тоа сум свесен! Вратете ме во Шутка. Во вакво време чест е да бидете во затвор или убиен, рече Ченто.Извор: Фокус
Македонија | пред 7 години
На 16 ноември 2018 година, Царинската управа го прифати Новиот систем за обработка на царински декларации и акцизни документи (СОЦДАД) кој ќе ја замени досегашната АСИКУДА, истиот беше подготвуван во изминатите 5 години и претставува почеток на Дигиталната ера на Царинската управа.„Новиот Систем има за цел да ги замени царинските постапки што се базираат на хартија со електронски постапки. На тој начин ќе се создаде поефикасна и модерна царинска околина во согласност со глобалниот развој. Со него треба да се поврзат сите постоечки дигитални системи во една интегрална целина и воведување на електронска царинска декларација за сите царински постапки во увозот и извозот, како и електронско поднесување и обработка на акцизни документи. Исто така, со овој систем ќе обезбедиме намалени трошоци за трговските трансакции, олеснето спроведување на договорите за слободна трговија, подобро управување и контрола.Новиот Систем претставува предуслов за понатамошно развивање на дигиталните решенија и услуги, правејќи го животот полесен за учесниците во царинската и надворешно-трговската постапка, за другите гранични агенции што се присутни на граница, како и за царинските службеници.Примената на Новиот систем за обработка на царински декларации и акцизни документи ќе започне во првиот квартал од 2019 година преку Пилот царински испостави, а негово целосно ставање во функција се очекува во средината на 2019 година.Ова меѓу другото ќе резултира и во поуспешна наплата на приходи, порационално искористување на ресурсите и поефикасна меѓународна трговска размена во која трговците електронски ќе разменуваат информации со Царината и останатите агенции учесници во царинската постапка“, стои во соопштението.
Македонија | пред 7 години
Градот Скопје викендов го почна 3Д мапирањето на критичните точки за загадувањето на воздухот во градот со беспилотно летало. Како прва локација беше избрана депонијата „Вардариште“, а мапирањето ќе продолжи и на други локации. Оваа активност е само една од мерките кои Градот Скопје ги презема за намалување на загадувањето на воздухот во Скопје.-Жителите на Аеродром и на Гази Баба веќе подолг период се задушуваат од непријатна миризба што се шири покрај кејот на Вардар. Мерните станици покажуваат најголема концентрација на ПМ10 честички токму во овие делови од градот. Сега, со 3Д мапирањето на „Вардариште“ ќе се добие целосна слика на опфатот на депонијата, односно во кои делови се пали отпад, особено ако тие делови се наоѓаат на приватни имоти. Инспекторатот на Град Скопје ќе добие прецизни податоци, со што полесно ќе може да ги извршува задачите. Убедени сме дека со вакви акции ќе ги елиминираме причинителите на загадувањето, еден по еден – рече портпаролот на Град Скопје, Ваљон Салиху.Салиху додаде дека Град Скопје интензивно работи во насока на намалување на загадувањето на воздухот и дека инспекторатот на Град Скопје минатиот месец изрече двојно повеќе казни во однос на октомври 2017 година.-Сите инсталации кои подлежат на Б интегрирана еколошка дозвола се проверени и редовно доставуваат мерења со кои се задолжени во самата дозвола. Активна е и кампањата за пријавување огнови на отворено на телефонскиот број 193. Во оваа пригода упатувам апел до сите граѓани огновите на отворено да ги пријавуваат на телефонскиот број 193, а не како што е вообичаената практика да ги пријавуваат на социјалните мрежи. Само заедно можеме да го спречиме палењето огнови на отворено, а со тоа да ја подобриме животната средина и квалитетот на амбиентниот воздух – нагласи Салиху.Раководителот на Секторот инспекторат на Град Скопје, Мирослав Богдановски, појасни дека „Вардариште“ е една од црните точки во градот кои во изминатиов период биле предмет на инспекција и каде што се откриени поголем број прекршители.-На оваа локација е забележано палење кабел и друг кабаст отпад. Со ова 3Д мапирање точно ќе ги лоцираме местата каде што тоа се случува – рече Богдановски.
Скопје | пред 7 години
СВР Битола поднесе кривична пријава против Б.К.(47) од Битола поради постоење основи на сомнение за сторено кривично дело „вршење јавен превоз без лиценца“.На 20.10.2018 година околу 15.00 часот во Битола, полициски службеници го затекнале пријавениот при истовар на огревни дрва од товарно возило, негова сопственост, при што било утврдено дека со возилото вршел јавен превоз на дрвни сортименти без соодветна лиценца издадена од Министерството за транспорт и врски.
Македонија | пред 7 години
На 18.11.2018 година во 07.00 часот на локалниот пат село Кадино-село Миладиновци, скопско, патничко возило „Мерцедес“ со скопски регистарски ознаки, управувано од Т.Т.(47) од Скопје излетало од коловозот и се превртело.Притоа, со тешки телесни повреди се здобил Т.Т. и со возило на Итна медицинска помош бил пренесен во комплексот клиники „Мајка Тереза“.Извршен бил увид на местото на настанот.
Скопје | пред 7 години
Вчера во 07.40 часот на улица „Јадранска магистрала“ во Скопје се случила сообраќајна незгода помеѓу патничко возило „Фолксваген голф“ со скопски регистарски ознаки, управувано од Р.Ј.(28) од село Сингелиќ, скопско и патничко возило „Хонда сивик“ со скопски регистарски ознаки, управувано од С.Ј.(35) од Скопје. Во незгодата со тешки телесни повреди се здобил возачот С.Ј..Со возило на Итна медицинска помош тој бил пренесен во Ургентен центар при комплексот клиники „Мајка Тереза“ Скопје и по укажаната лекарска помош бил задржан на понатамошно лекување.Увид на местото извршила екипа од СВР Скопје.
Скопје | пред 7 години
КК „Ангели“ од Кисела Вода убедливо ја победи екипата на „Спортисимо“ од Кавадарци, со резултат 117:51.Со оваа голема победа сениорите на „Ангели“ се искачија на првото место на табелата во втората кошаркарска лига.На натпреварот предводеше Христијан Ристов со постигнати 20 поени, додека Симеон Митров со 18, Стефан Миловски со 15, а најмладиот играч Марко Спасовски постигна 14 поени.Клубот од Кисела Вода следната недела ќе игра на гости во Тетово со КК „Тетекс“.
Спорт | пред 7 години
Со прогласувањето на наградените филмови и премиерата на филмот „Еј“ на Васил Христов во киното Милениум е затворен 17-от Меѓународен фестивал за европски филм „Cinedeys“.„Со задоволство ја спуштаме завесата на годинешниов „Cinedeys“, за прв пат како фестивал со акредитација од Меѓународната федерација на асоцијации на филмски продуценти (FIAPF), со која застануваме рамо до рамо со големите фестивали во Кан, Берлин, Сан Себастијан, Венеција и Торонто. FIAPF во „Cinedeys“ препозна фестивал кој има одлична селекција на филмови, квалитетни програми, полни кино сали, фестивалсска атмосфера со која се приближуваме на европскиот филмски шмек. Или во бројки, 17-тото издание го погледнаа повеќе од 18 000 гледачи, имавме 200 странски гости, а вестите за фестивалот покрај домашните новинари ги пренесуваа и десетина акредитирани новинари од регионот“ – изјави Русе Арсов директор на Младинскиот културен центар.Натпреварувачката програма на фестивалот ја следеше меѓународна жири комисија која ги додели следниве награди:Во официјална селекција, награда „Златна ѕвезда“ за најдобар филм ја доби „Само на мојата свадба“од Марта Бергман, БелгијаНаграда „Сребрана ѕвезда“ за најдобра режија за филмот „Кога дрвјата паѓаат“ во режија на Марисја Никитиук, УкраинаНаграда „Сина ѕвезда“ за најдобро сценарио е за Стефан Лукас, сценарист и режисер на филмот „Полицајци“ Австрија.Специјално признание за филмот „Ана преку ден“ на Андреа Хауриета, ШпанијаВо селекцијата СинеБалкан награда „Златно сонце“ за најдобар филм доби филмот „Брак“ во режија на Блерта Зекири, КосовоСпецијално признание за филмот „Мрзливец“ во режија на Алекса Стефан Радуловиќ, Црна ГораНаграда за Најдобра филмска критика на Вероника Камчевска за рецензијата на филмот „Не допирај ме“ од Адина ПинтилиеНаграда за Најдобар студентски филм за филмот „Возење. Поема за татко ми“ во режија на Ирена Гатеј од Универзитетот Нова Горица, СловенијаНаграда Young Cinema Award од жирито на Џифони филм фестивал за филмот „Арада“, на Му Тунч, Турција.„Со вечерашното завршување на фестивалот почнуваат подготовките за идното полнолетно издание на „Cinedeys“, кое ќе ја задржи тенденцијата да носи новитети на домашниот филмски пазар“ – дополни Арсов.Инаку филмот „Еј“ на Васил Христов од четврток е на редовен репертоар на кино Милениум.
Магазин | пред 7 години
Утре поради изведување на водоводен приклучок од ф100мм на ул.Теодосиј Синаитски 29 ( Жданец ), прекинато водоснабдување ќе имаат корисниците од Висока Зона на населбите Жданец, Трнодол и Нерези од 09:00 часот до завршување.
Скопје | пред 7 години
Повреди на постапката и на правата на обвинетите констатира Хелсиншкиот комитет во судењето за упадот во Собранието од 27 април. Како што стои во октомврискиот месечен извештај за човековите права на Хелсиншки комитет, е забележан нехумен третман кон притворените лица во овој предмет. Во првите неколку дена од судењето, велат од Хелсиншки, тие целосно биле оставени без храна и без вода.-По соодветните реакции на набљудувачите од граѓанските организации и бранителите на обвинетите во притвор, судот реагираше и на притворените им беше овозможена храна и вода. Следното прекршување кое беше нотирано се однесуваше на должината на траење на едно судско рочиште, имено имаше рочишта кои траеја и повеќе од 12 часа. Последното нотирано прекршување на основните начела на постапката беше повредата на начелото на јавност на постапката, кога, и покрај тоа што загрозениот сведок беше заштитен сведок и се испитуваше според одредбите за распит – членови 228, 229, 230 и 338 од ЗКП, судот на барање на Основното јавно обвинителство ја исклучи јавноста од рочиштата кои беа закажани за 16 и 17 октомври на кои се испитуваше заштитениот сведок- велат од Хелсиншки.Во октомврискиот месечен извештај за човековите права во Република Македонија нотирани се и дискриминација врз основа на физичка попреченост во пристап до работно место, како и случај на употреба на прекумерна сила и непрофесионално постапување на полициските службеници.Во извештајот се констатира дека жртвите на семејно и родово базирано насилство се обесхрабруваат од неефикасните механизми за заштита. Во однос на состојбата со работничките права, покрај случаи на мобинг и прекршени одредби од ЗРО, се наведува и случај на пријава за прекршени права со позитивен епилог.
Македонија | пред 7 години
Деветте комисии кои ќе одлучуваат за финансирање на националните проекти од културата по дејности, задутре ќе почнат да работат. За да не се повторат неправилностите и судирот на интереси при изборот на проекти од минатата година, што предизвика реакции и резултураше со повлекување на некои проекти, Министерството за култура назначи нови членови во речиси сите комисии и ги соопшти имињата на нивните претседатели. За да нема основани жалби, министрот Асаф Адеми ќе има и директен телефонски број на кој апликантите и секој заинтересиран ќе може да му се јави со сугестија или да укаже на некоја неправилност, пишува ФОКУС.Комисијата за издавачка дејност ќе ја предводи Бертон Сулејмани, за фолклор, музичка и сценска уметност – Плеурат Гаши, за драмска дејност – Петар Арсовски, за интердисциплинарни дејности – Суат Камбери, Трајче Блажевски е претседател на комисијата за визуелна уметност, за недвижно културно наследство – Анета Серафимова, за музејска дејност и нематеријално културно наследство – Мила Шурбановска, за библиотечна дејност – Вилдане Идризи и за инвестиции – Џеладин Локмани.Министерот Адеми на средба со новинарите денеска рече дека очекува добра соработка со претседателите и членовите на комисиите, верува во нивната стручност и дека ќе бидат чесни и ќе постапуваат по закон во одлучувањето кое, како што рече, ќе биде целосно транспарентно.– Јас се потпирам на предлозите што ќе ги добијам од комисиите. Јас не сум Супермен што може да разгледа пет илјади апликации. Затоа имаме девет комисии, некои се тричлени, а некои каде што има поголем број апликации имаат пет члена. Уверен сум дека сите членови се професионалци и работата ќе ја завршат чесно и успешно. Очекувам на 28 јануари да имам предлози за добри проекти, за кои нема јас да мора да одлучам кои проекти ќе бидат финансиски поддржани од Министерството за култура во 2019 година, истакна Адеми. Соопшти дека новина ќе биде неговата достапност на посебен телефонски број на кој ќе може да му се обратат апликантите и сите заинтересирани кои сметаат дека имаат корисни сугестии.Сите што ќе почувствуваат дека некој ги злоупотребува, ќе може да ми пишат мене директно. Бројот ќе биде специјално само за овој случај и наскоро ќе биде објавен за и да можат да ме контактираат, рече Адеми.Крајниот рок за објавување на предлозите што ќе добијат поддршка е 45 дена по донесувањето на Буџетот на РМ за 2019. Комисиите, рече, ќе работат од 21 ноември до 10 јануари, а од 11 јануари до 27 јануари да му достават предлог-решенија. Тие ќе бидат објавени на веб-страницата на Министерството. Заедно со името на проектот ќе биде објавено името на неговиот носител, финансиите што ги побарува апликантот и сумата со која Министерството одлучило да го поддржи.Буџетот предвиден во секторот култура за 2019. Министерството за култура ќе го соопшти идната недела.
Македонија | пред 7 години
Непознати лица утрово во 3:50 часот му ја запалиле колата на Кристијан Стефановски, сопственикот на „Прагма продукција“, која ги организираше концертите на Анстасија, Здравко Чолиќ, Лепа Брена, Жељко Јоксимовиќ, Саша Ковачевиќ, Марија Шерифовиќ и други.Кристијан за „Репортер“ потврди дека колата со бугарски таблички од марката „Бе-ем-ве“ во задниот дел е скоро целосно изгорена, и рече дека веднаш пријавил во полиција.„Ме разбуди силен звук на пукање, слушав како се топеше и пуцкаше пластиката од колата. Потоа дојде и сосетката да ми каже дека колата гори. Возилото е запалено со бензин, но тој не знам кој и зошто го направил тоа. Не се сомневам во никого, никој претходно не ми се заканувал“, изјави Кристијан.Тој верува дека палењето на колата е поврзано со неговата работа и се надева дека полицијата ќе ги најде виновниците.„Во близина на мојот дом има поставено камери, можеби преку нив ќе откријат кој ја полеа колата со бензин и ја запали. Јас не се плашам, но ова го потресе моето семејство“, додаде Кристијан.Запалена колата на сопственикот на „Прагма продукција“, организатор на повеќето концерти кај нас.
Скопје | пред 7 години
Три лица се здобиле со тешки телесни повреди во три од вкупно 43 сообраќајки што се случиле во текот на изминатите три дена во Скопје. Во 22 сообраќајки со полесни повреди се здобило 41 лице, а во 18 била причинета материјална штета.Од СВР Скопје информираат дека викендов сообраќајната полиција открила и санкционирала поголем број прекршоци. Сто и четири возачи се движеле со брзина поголема од дозволената, осум возачи поминале на крстосница на црвено светло, двајца возачи не дале првенство на минување на пешаците на обележан пешачки премин и двајца возачи за неправилно престројување.Од сообраќај биле исклучени вкупно 63 возачи, од кои 31 возач кои го управувале возилото под дејство на алкохол, 26 пред да се стекнат со право на управување и шест возачи почетници, како и две технички неисправни возила и 24 нерегистрирани возила.Затекнати биле 182 возила непрописно паркирани.Со помош на специјалното возило пајак, отстранети биле 110 возила.Денеска Одделението за превенција заедно со членовите на УСЕ од ООУ „Димитар Миладинов“ ќе преземат превентивни мерки од областа на сообраќајот пред, односно непосредна близина на истоименото училиште.
Скопје | пред 7 години
Вчера околу 14 часот на магистралниот пат Куманово – Крива Паланка, во село Псача, на место викано „Бунар“, се случила сообраќајна незгода помеѓу патничко возило „Фолксваген Пасат“ со бугарски регистарски ознаки, управувано од П.Н. (48) од Скопје и патничко возило „Мерцедес“ со албански регистарски ознаки, управувано од А.А. (46) од Република Албанија.Во незгодата со тешки телесни повреди се здобил П.Н., кој бил пренесен во комплексот клиники „Мајка Тереза“ – Скопје. Увид на местото извршила екипа од Полицската станица Крива Паланка.
Македонија | пред 7 години
Од утрово тони плашици угинуваат во каналот Студенчишта во Охрид како последица на нискиот водостој на Охридско Езеро.Неподнослива реа се шири низ воздухот околу каналот.Експертите повеќе денови предупредуваа дека ќе се случи оваа еколошка катастрофа, но ЕЛЕМ не го намали испустот на вода од Охридско Езеро, а нивото остана на ниско ниво и дојде до ова масовно угинување на рибата.
Македонија | пред 7 години
По бегството на поранешниот премиер Никола Груевски само со лична карта, власта ќе бара начин на обвинетите, освен пасошот да им биде одземен и овој документ, како мерка за обезбедување. Премиерот Зоран Заев вели дека правниот систем работи и бара начин како да се реши ова прашање, со оглед на тоа што личната карта е единствен документ за идентификација на обвинетите кои се слободни, односно кои не се во притвор, пишува Независен весник.„Судот не може повеќе да одзема само пасош, мора да одзема и лична карта поради тоа што имаме соседни земји каде што патуваме само со лична карта. Одземањето на пасошот, заради неможност да се премине граница, не е доволно. Но треба да се промени законот и таму да пишува дека не само патна исправа, туку да се одземе и лична карта. Правниот систем работи и бара начин“, вели Заев.Правните власти очигледно не предвиделе или не сакале да предвидат дека осомничените на кои им е одземен само пасошот можат да избегаат од Македонија само со лична карта, со оглед на меѓународните договори кои ги потпиша земјава во време на ВМРО-ДПМНЕ со соседните земји, како Србија, Црна Гора, Албанија, Косово.Груевски избега со лична карта и според неофицијалните информации овој документ не го искористил на македонско-албанската граница каде што поминал илегално, но личната карта најверојатно ја искористил при влезот во Црна Гора и Србија. Поранешните разузнавачи Горан Грујевски и Никола Бошкоски, на кои исто така им беа одземени личните карти, сепак избегаа со лажни пасоши, но и двата случаи ја покажаа нефункционалноста на институциите.Судијката Добрила Кацарска, која му одреди две години затвор на поранешниот премиер, вели дека во случајот со Груевски таа не можела да му одреди притвор.„Обвинителот во случајот ‘Тенк’, во кој беше осуден Груевски, не побара притвор за него. Јас не можам да одредам притвор доколку обвинителството не го побара тоа. За Ѓоко Поповски беше побаран притвор за случајот ‘Триста’ и му беше определен. Тој уште пред правосилноста на пресудата за случајот ‘Тенк’ почна со издржувањето на затворската казна на свое барање во затворот во ‘Идризово’“, вели Кацарска.Еден од најмоќните луѓе во земјава, поранешниот директорот на УБК, Сашо Мијалков, засега останува само без пасош и има обврска да се јавува во суд. Премиерот не сакаше да ја коментира оваа одлука со образложение дека Специјалното јавно обвинителство и судовите се независни институции и не знае зошто одлучиле да има вакви мерки за него, односно да не му биде одреден притвор.„Можеби некој е соработник на правдата, зборувам за сите обвинети, некоректно е јас да кажувам и да се мешам, ниту знам ниту сакам да знам“, вели Заев.Поранешните функционери Груевски и Мијалков, кои сега актуелната власт ги обвинува како главни креатори на криминалот и корупцијата во Македонија, засега не завршија во затвор. Заев вели Груевски ќе биде вратен, а Мијалков засега е слободен граѓанин.Во затвор заврши поранешниот помошник-министер во МВР, Ѓоко Поповски, кој ѝ стана познат во јавноста кога беа обвинети и поранешните функционери Миле Јанакиески и Кирил Божиновски, кои се во притвор во Шутка. Таму е и најбогатиот Македонец, Орце Камчев, кој е осуден во случајот „Империја“.
Македонија | пред 7 години
Сеизмолошката опсерваторија при Природно-математичкиот факултет во Скопје утрово во 5 часот и 47 минути регистрирше земјотрес со епицентар во Грција, 180 километри југоисточно од Скопјe.Рихтеровата магнитуда на земјотресот е 4,2, а бил почувствуван од населението во јужните делови од Македонија, со интензитет од 3 степени според Европската макросеизмичка скала.
Македонија | пред 7 години
Рускиот претседател Владимир Путин денеска ќе допатува во Турција за да учествува на церемонија по повод завршувањето на проектот за поставување на гасоводот Турски тек по морски пат, јави агенцијата Анадолија.На церемонијата ќе учествува и турскиот претседател Реџеп Тајип Ердоган.Гасоводот Турски тек ќе го транспортира рускиот гас во Турција, а од Турција во Европа. Турски тек се состои од две линии, од кои секоја одделно има годишен капацитет на транспорт на гас од 15,75 милијарди кубни метри, потсетува Анадолија.Се проценува дека втората линија на проектот би требало да испорачува гас преку Грција кон Италија или преку Бугарија кон Србија. Се планира идната година да започнaт работите на копнениот дел на втората линија.Рускиот министер за енергетика, Александар Новак, претходно имаше изјавено дека на 1 октомври 2020 година, можно е започнување на проектот за испорака на 31,5 милијарди кубни метри гас низ двете линии на гасоводот.
Свет | пред 7 години
Турската крајбрежна стража спасила 40 мигранти кои со пловило заглавиле кај брегот на турски западен остров, во обид да влезат на грчка територија.Турската крајбрежна стража испратила два хеликоптери и брод по повикот за помош што го упатиле мигрантите, пренесе новинската агенција „АП“.Националноста на мигрантите не е јавно соопштена.Турската крајбрежна стража годинава пресретна повеќе од 23.500 лица кои се обиделе да заминат за Грција, преку Турција.
Свет | пред 7 години
Ширум Бугарија продолжија протестите против превисоките цени на горивото, зголемените трошоци за живот, сиромаштијата и корупцијата.На плоштадот во центарот на Софија се собраа повеќе илјади луѓе. Демонстрантите извикуваа „оставки“ и „референдум“, носеа бугарски знамиња и транспаренти на кои пишува „Народот против партиите“ и „Мораме да ги спречиме демографскиот колапс и геноцид во Бугарија“.Организатор на протестите е граѓанскиот форум „Промена“ под мотото „Да го промениме системот“.Во Софија пристигнаа и луѓе од западниот дел на земјата, кои се пожалија дека полицијата им го попречила патот до главниот град.Собири се одржаа во уште 18 бугарски градови, а демонстрантите блокираа одделни патишта и гранични премини.Медиумите објавија дека се блокирани премините со Турција, Романија и Србија, па поради тоа биле создадени километарски колони од возила.
Свет | пред 7 години
Српските медиуми утрово пишуваат дека Брисел му упатил на српскиот претседател, Александар Вучиќ, по пат на дипломатски канали непристојна понуда, односно уцена – продолжување на дијалогот со Приштина, во замена за нови поглавја за членството на Србија во ЕУ. Белград категорично го отфрлил предлогот.„Скандалозно барање, проследено преку дипломатски канали, во кое за возврат на Србија и се нуди ЕУ да отвори три преговарачки поглавја“, наведува извор за „Телеграф“.„Новости“ пишуваат дека Белград нема да ги прифати уцените, макар цената да биде замрзнување на процесот за евроинтеграциите на подолго време.Министерката задолжена за ЕУ, Јадранка Јокимовиќ за „Новости“ вели дека Србија во однос на спроведените активности во областа на владеењето на правото, во поглавјата 23 и 24 реално заслужила отворање на најмалку три нови поглавја, од вкупно седум кои во целост ги подготвила.
Свет | пред 7 години
Македонските граѓани буквално се гушат поради неспособноста на локалната и централната власт да се справи со енормното аерозагадување. Илјадници граѓани секоја година ги губат своите живот поради загадениот воздух, обвинуваат од ВМРО-ДПМНЕ преку соопштение до јавноста.„Најновиот извештај на Светската здравствена организација покажува дека секоја година 3 илјади граѓани на Македонија починуваат како директен резултат на загадениот воздух.Нема ништо од предизборното ветување за почист воздух, ниту пак од ветувањето за ,,живот за сите’’. Животот во Македонија дојде единствено за оние малкумина кои се дел од криминалниот картел на власта на чело со аболицираниот Заев. Животот дојде за сите оние кои седна во своите фотелји, добија функции и по некој криминален тендер и грант. За жал овие луѓе заборавија на своите ветувања кон граѓаните.Срамен е фактот што за борба против загадувањето, односно за спас на илјадници човечки животи, владата планира наредната година да потроши само 1,6 милиони евра буџетски пари, додека за луксузни автомобили и мебел ќе потроши неверојатни 7 милиони евра.Дали удобството и хедонизмот на државните и партиските фунцкионери е поважно од здравјето на граѓаните?Дали илјадници човечки животи се поважни од тоа во какви автомобили ќе се возат партиските пајташи и во какви фотелји ќе седат?ВМРО-ДПМНЕ уште еднаш апелира, Владата да го слушне гласот на граѓаните, експертите и докторите и веднаш да ги прифати итните мерки кои ние ги предлагаме против загадувањето. Со прифаќањето на овие мерки власта може да спаси илјадници животи, овие мерки се мерки кои живот значат“, се вели во соопштението.
Македонија | пред 7 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
