Уапсен 19-годишник осомничен за серија кражби од над 11.000 евра во Полска

Полициските службеници од Осиек завршија криминалистичка истрага против 19-годишник од подрачјето на Барања, кој е осомничен дека годинава извршил серија кривични дела во Осиек.Како што соопшти Полициската управа осечко-барањска, младиот човек се товари за кражби, оштетување имот, неовластено користење возила и тешки кражби со провалување, а вкупната штета надминува 11.000 евра.Според полицијата, 19-годишникот украл три велосипеди и двапати провалил во разладна витрина на пекара.Исто така, се сомничи дека украл два автомобили со кои се возел, а возилата подоцна биле пронајдени на други локации.На товар му се става и оштетување на еден автомобил, како и оштетување на фасадите на повеќе станбени згради во улицата „Кашиќева“ во Осиек.По завршувањето на истрагата, што ја спровеле службеници од Првата полициска станица Осиек со испоставата Чепин и Втората полициска станица Осиек, против осомничениот ќе биде поднесен посебен извештај до Општинското државно обвинителство во Осиек.

Свет | пред 1 ден

(Видео) Дронови нападнаа големо нафтено постројување во Русија

Дронови рано утрово нападнале големо нафтено постројување во руската Јарославска област, а локалните власти потврдија дека е погоден индустриски објект.Според официјалните информации, нема жртви.Гувернерот на Јарославската област, Михаил Евраев, на Телеграм објави дека регионот бил цел на „непријателски напад со украински беспилотни летала“.Од безбедносни причини, привремено бил ограничен и сообраќајот на патот што го поврзува Јарослављ со Москва.Евраев подоцна соопшти дека поголемиот дел од дроновите биле соборени, но потврди дека е погоден еден индустриски објект.На терен интервенираат итните служби, кои го гаснат пожарот, а според досегашните информации нема повредени лица.Гувернерот ги предупреди жителите да внимаваат на можни остатоци од беспилотните летала, додавајќи дека фрагментите се собираат за потребите на истрагата.Локални канали на Телеграм објавија дека можна цел на нападот била рафинеријата „Славнефт-ЈАНОС“, шестата најголема рафинерија во Русија, со годишен капацитет за преработка од околу 15 милиони тони нафта.Во меѓувреме, руското Министерство за одбрана соопшти дека системите за противвоздушна одбрана во текот на ноќта пресретнале 315 украински дронови, вклучително и над Јарославската област.Украина засега не го коментираше нападот.Додека Јарослављ се справува со последиците од нападот, во градот Перм свештеници на Руската православна црква организирале молитви и литија за заштита на градот од беспилотни летала.Како што е наведено, процесијата била организирана по неодамнешните напади врз локалната нафтена инфраструктура.Весникот „Комсомолска правда“ објави дека литијата била одржана на 12 мај и поминала низ „клучни точки“ во градот, а ја предводел митрополитот Методиј.„Нашиот град неодамна неколкупати беше цел на најавени напади со дронови. За да нè заштити од оваа закана, поглаварот на Пермската митрополија одржа молитва“, се наведува во соопштението на епархијата.Перм, кој се наоѓа на повеќе од 1.500 километри од украинската граница, во последниот период беше погоден од неколку напади врз енергетската инфраструктура.На 29 април била погодена производствено-диспечерска станица поврзана со системот „Транснефт“, што предизвикало голем пожар.Веќе следниот ден била нападната и рафинеријата „Перм“ во сопственост на „Лукоил“.Според извештаите, нападите го нарушиле работењето на постројките, а дел од производствените единици биле исклучени.Ројтерс наведува дека клучните капацитети за примарна преработка биле оштетени или запрени и дека поправките би можеле да траат со недели.Украинската Служба за безбедност подоцна потврдила вмешаност во нападите врз нафтената инфраструктура во Пермската област.Од украинската служба порачаа дека ваквите операции ги намалуваат резервите на гориво за руската армија и ја принудуваат Москва да пренасочува ресурси кон поправки наместо кон воени операции.

Свет | пред 1 ден

Европската Унија подготвува нови правила за набавка на критични минерали

Европската Унија планира да воведе нови правила со кои компаниите во блокот ќе бидат обврзани клучните компоненти и суровини да ги набавуваат од најмалку три различни добавувачи, со цел да се намали зависноста од Кина, објави „Фајненшл тајмс“.Новите мерки ќе влијаат врз компании од повеќе стратешки сектори, вклучително и хемиската индустрија и производството на индустриски машини, наведува весникот, повикувајќи се на двајца претставници на Европската Унија запознаени со планот.Според предлогот, компаниите ќе можат да набавуваат најмногу 30 до 40 проценти од клучните компоненти од еден добавувач, додека остатокот ќе мора да го обезбедат од најмалку три компании од различни земји.Новите правила доаѓаат во време кога Кина ја користи својата доминација во преработката на голем број критични минерали како средство за политичко и економско влијание.Пекинг во неколку наврати го ограничуваше извозот на одредени суровини, ги намалуваше цените и ја отежнуваше можноста другите држави да ги диверзифицираат изворите на материјали што се користат за производство на полупроводници, електрични возила и напредно оружје.Европскиот комесар за трговија Марош Шефчович подготвува и пакет казнени царини за кинеските хемикалии и машини, во обид да се намали дневниот трговски дефицит на Европската Унија од околу една милијарда евра и да се заштитат европските компании од, како што се наведува, кинеска „трговска војна“.Шефчович и американскиот државен секретар Марко Рубио во април потпишаа меморандум за разбирање со кој официјално се воспоставува партнерство во производството и снабдувањето со критични минерали, како дел од напорите за намалување на влијанието на Кина.Европската комисија засега не одговорила на барањето на Ројтерс за коментар во врска со овие планови.Според „Фајненшл тајмс“, предлозите ќе бидат разгледани на состанок на Европската комисија посветен на Кина, закажан за 29 мај, а лидерите на Европската Унија би можеле да ги одобрат до крајот на јуни.

Свет | пред 1 ден

Илон Маск го загуби судскиот спор против ОpenAI

Поротата во американската сојузна држава Калифорнија едногласно ја отфрли тужбата на милијардерот Илон Маск против компанијата ОpenAI, оценувајќи дека компанијата не е одговорна за наводното отстапување од првичната мисија за развој на вештачка интелигенција во корист на човештвото.Со одлуката е ставен крај на судскиот процес што започна на 28 април и траеше 11 дена.Случајот привлекол големо внимание во јавноста бидејќи се смета за важен за иднината на развојот и регулирањето на вештачката интелигенција, особено во однос на тоа кој има корист од технологијата и како таа се применува.Во текот на судењето, и Илон Маск и извршниот директор на OpenAI, Сем Алтман, беа изложени на критики во врска со нивниот кредибилитет, додека двете страни меѓусебно се обвинуваа дека процесот го водат од финансиски интереси, а не во јавен интерес.Маск во тужбата тврдеше дека ОpenAI неправедно се обидува да ги збогати инвеститорите и внатрешните структури на компанијата на сметка на нејзината првична непрофитна мисија, како и дека ги занемарува безбедносните аспекти при развојот на вештачката интелигенција.Од друга страна, ОpenAI тврдеше дека и самиот Маск е мотивиран од профит и дека предоцна ја поднел тужбата за наводното прекршување на основачкиот договор.Илон Маск и Сем Алтман беа меѓу основачите на ОpenAI во 2015 година, но подоцна се разделија поради несогласувања околу насоката во која треба да се развива компанијата.Спорот се фокусираше на тврдењата на Маск дека ОpenAI и нејзините раководители, вклучително и Грег Брокман, го прекршиле првичниот договор организацијата да остане непрофитна, пренесува Си-ен-би-си.

Свет | пред 1 ден

МВР приведе 52-годишник од гостиварско, ќе издржува затворска казна

Полициски службеници од Полициското одделение Галате го привеле 52-годишниот В.А. од село Неготино, гостиварско, кој бил баран со судска наредба за издржување затворска казна.Како што соопшти МВР, приведувањето било извршено на 18 мај околу 21:10 часот во селото Неготино.„Тој бил баран со наредба од Основен суд Гостивар за издржување на затворска казна во траење од една година и шест месеци“, велат од МВР.Според полицијата, лицето е осудено за кривично дело „неовластено производство и пуштање во промет на наркотични дроги, психотропни супстанци и прекурзори“, казниво по член 215 од Кривичниот законик.„Тој е спроведен во Казнено-поправната установа Затвор Идризово за издржување на казната“, информираат од МВР.

Македонија | пред 1 ден

Иран испрати нов мировен предлог до САД

Најновиот мировен предлог што Техеран му го доставил на Вашингтон предвидува прекин на конфликтите на сите фронтови, вклучително и во Либан, повлекување на американските сили од областите во близина на Иран, како и надомест на штетата предизвикана од американско-израелската воена кампања, објавија иранските државни медиуми.Заменик-министерот за надворешни работи на Иран, Казем Гарибабади, изјави дека Техеран побарал и укинување на санкциите, ослободување на замрзнатите средства и прекин на американската поморска блокада, пренесува агенцијата ИРНА.Според Ројтерс, условите во новиот предлог не се значително различни од претходната понуда на Иран, која американскиот претседател Доналд Трамп минатата недела ја нарече „ѓубре“.Трамп вчера изјави дека го одложил планираниот напад врз Иран откако Техеран испратил нов мировен предлог до Вашингтон и оцени дека постојат „многу добри изгледи“ за постигнување договор за ограничување на иранската нуклеарна програма.Под притисок да се постигне договор што повторно би го отворил Ормутскиот теснец – клучна рута за транспорт на светската нафта и гас – Трамп претходно изрази надеж дека крајот на војната е близу, но и се закани со жестоки напади врз Иран доколку Техеран не се согласи на договор.Во објава на социјалните мрежи, Трамп наведе дека лидерите на Катар, Саудиска Арабија и Обединетите Арапски Емирати побарале од него да го одложи нападот затоа што „ќе се постигне договор што ќе биде прифатлив за САД и за сите земји на Блискиот Исток“.„Изгледа дека постојат многу добри шанси да постигнат договор. Ако можеме тоа да го направиме без да ги бомбардираме, ќе бидам многу среќен“, изјави Трамп пред новинарите.Според пакистански извор, Исламабад играл улога на посредник и ги пренесувал пораките меѓу двете страни откако минатиот месец бил домаќин на единствениот круг мировни разговори.„Страните постојано ги менуваат своите цели“, изјавил изворот, додавајќи дека „нема многу време“.Иако ниту една страна јавно не најавила конкретни отстапки, висок ирански функционер навести дека Вашингтон можеби ги ублажува дел од своите барања.Според истиот извор, САД се согласиле да ослободат четвртина од замрзнатите ирански средства во странски банки, во вредност од повеќе десетици милијарди долари.Иран, пак, бара целосно ослободување на своите средства.Изворот додал и дека Вашингтон покажал поголема флексибилност во однос на иранската цивилна нуклеарна програма под надзор на Меѓународната агенција за атомска енергија.Американски функционер, кој сакал да остане анонимен, ги негирал извештаите на иранската агенција „Тасним“ дека Вашингтон се согласил привремено да ги укине санкциите за иранската нафта додека траат преговорите.Во американско-израелските напади врз Иран загинале илјадници луѓе пред прекинот на огнот на почетокот на април.Израел, исто така, убил илјадници лица и предизвикал масовно раселување во Либан, каде што спровел копнена операција против проиранското движење Хезболах.Во иранските напади врз Израел и земјите од Персискиот Залив загинале повеќе десетици лица.И покрај примирјето, неодамна од Ирак биле лансирани беспилотни летала кон заливските земји, вклучително и Саудиска Арабија и Кувајт, а според претпоставките зад нападите стојат Иран и неговите сојузници.Трамп и израелскиот премиер Бенјамин Нетанјаху тврдат дека војната била започната со цел да се ограничи иранската поддршка за вооружените групи во регионот, да се уништи нуклеарната програма на Техеран и да се создадат услови за промена на власта во Иран.Сепак, според Ројтерс, Иран и натаму располага со резерви на збогатен ураниум, балистички ракети, беспилотни летала и влијание преку сојузничките милиции во регионот.И покрај големите протести во земјата на почетокот од годината, иранското верско раководство засега останува стабилно и нема знаци за организирана опозиција.

Свет | пред 1 ден

(Фото) Златна плочка вредна 4,5 милиони денари ја сокрил во чевел, за да ја шверцува од Гостивар до Истанбул

Царинската управа заплени златна плочка вредна околу 4,5 милиони денари на граничниот премин Богородица, при контрола на автобус што сообраќал на релација Гостивар–Истанбул.Како што соопштија од Царината, случајот бил откриен откако автобусот бил издвоен за детална контрола, а потоа бил извршен претрес на патник – македонски државјанин„При претресот, во едниот негов чевел е пронајдена златна плочка тешка 848 грама, обвиткана во бела хартија“, информираат од Царинската управа.Според нив, патникот првично ја чувал плочката во сакото, но непосредно пред контролата ја сокрил во чевелот.„Со умисла за криумчарење, сторителот, кој ја чувал плочката во сакото, непосредно пред контролата ја скрил во чевелот“, наведуваат од Царината.Против него е поднесена кривична пријава до Основното јавно обвинителство во Гевгелија за кривично дело „криумчарење“.„Против сторителот, од страна на Одделението за истраги при Секторот за контрола и истраги, до ОЈО Гевгелија е поднесена кривична пријава за сторено кривично дело ‘криумчарење’“, стои во соопштението.Од Царинската управа велат дека продолжуваат со активности за спречување нелегална трговија и криумчарење вредна стока.

Македонија | пред 1 ден

Демократски сојуз: Правосудството не смее да стане поле за етнички конфронтации

Демократски сојуз на Павле Трајанов остро реагираше по протестите поврзани со барањето правосудниот испит да се полага и на албански јазик, обвинувајќи ја ДУИ дека стои зад, како што наведуваат, обид за создавање политичка и етничка криза.Од партијата тврдат дека по губењето на власта, ДУИ преку националистичка реторика и етнички тензии се обидува да предизвика дестабилизација на државата и да обезбеди политички поени.„Очигледно е дека зад овие активности стои политичката агенда на ДУИ, која по губењето на власта се обидува преку националистичка реторика, етнички тензии и вештачки кризи да предизвика дестабилизација на државата“, наведуваат од Демократски сојуз.Од партијата како особено загрижувачко го посочуваат присуството на граѓани од Косово и Албанија на протестите, оценувајќи дека станува збор за недозволиво надворешно влијание врз внатрешните прашања на државата.Во реакцијата се нагласува дека употребата на албанскиот јазик треба да се почитува согласно Уставот, Охридски рамковен договор и законите, но истовремено, според партијата, мора да се зачува единствен и функционален правосуден систем.„Недозволиво е правосудството да стане поле за политички и етнички конфронтации или за создавање паралелни системи кои би ја нарушиле правната сигурност и единството на институциите“, стои во реакцијата.Демократски сојуз ја повика Владата да не подлегнува на притисоци и радикални барања, туку преку дијалог и стручна дебата да се дојде до, како што наведуваат, европско и одржливо решение.Партијата предлага целосно почитување на јазичните права на сите заедници, задолжително познавање на македонскиот јазик за носителите на правосудни функции и зачувување на унитарниот карактер на државата.

Македонија | пред 1 ден

„Додека ДПМНЕ пропагира многудетни семејства, секое трето дете живее во сиромаштија“, велат од Левица

Од Левица преку соопштение обвинија дека државата не обезбедува доволна грижа за детскиот стандард, и покрај, како што велат, честите повици од власта за зголемување на наталитетот и поддршка на многудетните семејства.Од партијата посочуваат дека според достапните податоци секое трето дете во Македонија живее во сиромаштија, а најпогодени се повеќедетните семејства, децата на самохрани родители и децата во социјален ризик.Во соопштението се наведува дека иако постојат мерки како детски додаток, надоместок за трето дете и стипендии, тие не даваат доволни резултати.Според Левица, износите на социјалните надоместоци се ниски и не се усогласувани со растот на трошоците за живот, додека критериумите за добивање помош се премногу строги.„Неретко деца од социјален ризик се одбивани, само затоа што еден од родителите имал нива или возило“, наведуваат од партијата.Од Левица оценуваат дека детскиот додаток, кој изнесува од 1.800 до 3.000 денари, не може да ги покрие основните месечни потреби на децата, особено поради растот на цените на храната и основните производи.Партијата ја обвини власта и за, како што наведуваат, лицемерен однос кон социјално ранливите категории.„Наместо поддршка, сиромашните родители добиваат понижување, чекање по шалтери и бескрајни проверки, додека децата плаќаат цена за туѓата неспособност и негрижа“, се наведува во реакцијата на Левица.

Македонија | пред 1 ден

(Видео) Разорни поплави во Кина: Возила носени од вода и урнати мостови, загинаа најмалку десет лица

Силните дождови што ја погодија јужна и централна Кина предизвикаа големи поплави во кои загинаа најмалку десет лица, додека во повеќе провинции беа затворени училишта и компании, а нарушени се сообраќајот и снабдувањето со електрична енергија.Според кинеските медиуми, најмалку шест лица загинале откако пикап-возило со 15 патници било однесено во надојдена река во југозападниот регион Гуангси.Во одделни инциденти, три лица загинале во поројни поплави во село во провинцијата Хубеи, додека уште едно лице го загубило животот во јужната провинција Хунан.Кинеската метеоролошка агенција предупреди дека областите во Џјангси, Анхуеј, Хунан, Хубеи, Гуиџоу, Гуангси, Гуангдунг и Хаинан се соочуваат со висок ризик од поројни поплави и свлечишта.Во делови од централните провинции Хубеи и Хунан е во тек евакуација на населението од поплавените подрачја.Во градот Џингџоу бил урнат историски рекорд по количината врнежи, откако метеоролошката станица започнала со работа во 1953 година.Противпожарно-спасувачките служби на Хубеи испратиле повеќе од 1.410 пожарникари, над 90 спасувачки возила, повеќе од 1.500 парчиња опрема и залихи, како и 100 чамци во Џингџоу, соопштија локалните власти, пренесува „Чајна дејли“.Во погодените подрачја е запрен јавниот превоз, вклучително и градските автобуси, такси-превозот и меѓуградскиот транспорт.Властите ги повикаа жителите да избегнуваат непотребни патувања.

Свет | пред 1 ден

Николоски: Хрватска усвои закон за долгорочни визи за професионални возачи

Вицепремиерот и министер за транспорт Александар Николоски соопшти дека во Хрватска е усвоен закон со кој професионалните возачи ќе можат да добиваат долгорочни визи.Според Николоски, станува збор за важен чекор во решавањето на проблемите што се појавија по воведувањето на системот EES во Шенген-зоната.„Овој закон многу ќе им помогне на македонските професионални возачи“, напиша Николоски.Тој посочи дека ова е реализација на договорот постигнат со хрватскиот вицепремиер и министер Олег Бутковиќ во јануари годинава.Николоски додаде дека и Швајцарија веќе издава долгорочни визи за професионални возачи и изрази очекување дека и други европски држави ќе се приклучат на ваквиот модел.„Продолжуваме кон конструктивни решенија за нашите професионални возачи“, порача Николоски.

Македонија | пред 1 ден

Експерти предупредуваат на можен трет бран зарази со хантавирус

Денешниот ден, 19 мај, би можел да биде критичен во развојот на епидемијата на хантавирус поврзана со крузерот „Хондиус“, пишува британскиот „Телеграф“.Луксузниот брод, кој пловел под холандско знаме, превезувал околу 150 патници и членови на екипажот од 23 држави кога избувнала заразата.Досега починале три лица – постар брачен пар од Холандија и еден германски државјанин. Светската здравствена организација подоцна потврдила десет случаи на инфекција со хантавирус.Крузерот во меѓувреме пристигнал во Ротердам, а патниците и поголемиот дел од екипажот претходно го напуштиле бродот. Тие, како и лицата што биле во контакт со нив, се ставени во карантин во повеќе земји низ светот.Поради долгиот период на инкубација, засега не е можно да се утврди дали патниците што го напуштиле бродот на 24 април ја пренеле болеста на други лица.Американскиот научник Стивен Квеј пресметал дека на лицата од таканаречената втора генерација заразени – луѓе кои развиле симптоми по контакт со „нултиот пациент“ – во просек им биле потребни 22 дена за да заболат.Како „нулт пациент“ е идентификуван 70-годишниот Лео Шилперорд.Квеј проценува дека случаите од трета генерација, односно лица заразени од патниците на крузерот, би можеле да почнат да се појавуваат околу 19 мај, доколку се потврди истиот инкубациски период.Во претходни епидемии на андскиот сој на хантавирус во Аргентина, симптомите најчесто се појавувале меѓу 22 и 28 дена по изложувањето.„Сега имаме десет случаи на хантавирус, еден очигледен нулти пациент и девет случаи на пренос од човек на човек од втора генерација. Важен датум за следење е 19 мај. Ако по тој датум продолжат да се појавуваат случаи, тогаш веројатно ќе станува збор за пренос од втора во трета генерација“, изјавил Квеј.Околу 30 патници го напуштиле крузерот на островот Света Елена пред да биде откриено избувнувањето на заразата.Меѓу нив била и Миријам Шилперорд, сопругата на Лео Шилперорд, како и еден швајцарски патник кој моментално е хоспитализиран.Миријам Шилперорд била во толку тешка состојба по пристигнувањето во Јужна Африка што авиокомпанијата КЛМ одбила да ја качи на лет. Подоцна починала од вирусот.Се сомнева дека заразен е и британски државјанин кој го напуштил бродот на островот Тристан да Куња во јужниот Атлантик.Според „Телеграф“, сè повеќе докази укажуваат дека вирусот може да се пренесува од човек на човек преку телесни течности што содржат инфективни честички.Експертите нагласуваат дека ризикот за пошироката јавност е низок, бидејќи за пренос е потребен близок контакт.Сепак, постојат сомневања дека андскиот сој можеби е позаразен отколку што претходно се сметало.Професорот Џозеф Ален од Харвард изјавил дека разговарал со лекар од „Хондиус“, кој изразил загриженост затоа што дел од заразените, наводно, немале близок контакт со нултиот пациент, туку само се разминувале со него во трпезаријата или други простории.Доколку тоа се покаже како точно, би можело да значи дека андскиот сој можеби се пренесува и по воздушен пат.Во текстот се наведува и дека за време на претходна епидемија во аргентинската покраина Чубут, едно лице се заразило само откако накратко поздравило заразено лице на роденденска прослава.Оваа недела позитивни на вирусот биле тестирани и еден француски и еден американски државјанин, евакуирани од крузерот, со што бројот на сомнителни случаи пораснал на десет.Доколку сите биле заразени од нултиот пациент, тогаш стапката на репродукција на вирусот би изнесувала девет, што е споредливо со сојот омикрон на коронавирусот.„Телеграф“ наведува дека, ако денешниот ден и следните неколку дена поминат без случаи на трета генерација заразени, следниот клучен датум ќе биде 21 јуни.Дотогаш би истекол максималниот инкубациски период и повеќе не би постоела можност за нови инфекции поврзани со првичното жариште.Само доколку до тој датум нема нови случаи, епидемијата ќе може да се смета за завршена.

Свет | пред 1 ден

Повисоки трошоци за студентите во реновираните домови

Собранието ги усвои измените на Законот за студентски стандард по скратена постапка, по предлог на група пратенички од ВМРО-ДПМНЕ.Со новите законски решенија се воведуваат измени во финансирањето на студентското сместување и распределбата на државните стипендии.Законот предвидува категоризација на студентските домови во два типа – енергетски ефикасни и реконструирани домови, како и постојни, односно нереновирани домови.Според измените, за домовите од тип 1 државата ќе покрива до 40 проценти од трошоците за сместување и исхрана, наместо досегашните 50 проценти. За домовите од тип 2, државната партиципација останува до 50 проценти.Тоа значи дека студентите сместени во реновираните домови ќе плаќаат повисоки цени, кои ќе се утврдуваат според реалните трошоци.Во јавноста веќе се појавија критики дека со ваквиот модел може да се создаде „двокласен систем“, во кој подобрите услови ќе бидат достапни за студентите со поголеми финансиски можности.Измените го менуваат и начинот на распределба на државните стипендии.Според новите правила, 40 проценти од стипендиите ќе бидат наменети за студенти од социјални категории, при што во оваа група се вклучени и студенти со ретки болести и попреченост.Дополнително, 35 проценти од стипендиите ќе бидат за студиски програми од стратешки интерес, а 25 проценти за студенти со особен успех во учењето.Со измените се укинуваат и одредбите донесени за време на ковид-кризата, со кои студентите што нема да добијат место во студентски дом имаа право на месечен надоместок до 6.000 денари за приватно сместување или меѓуградски превоз.Иако во образложението на законот се наведува дека нема дополнителни фискални импликации врз Буџетот, дел од критиките се дека државата постепено ја намалува поддршката за студентите и го префрла товарот врз нивните семејства.

Македонија | пред 1 ден

Уште 12 дена до рокот за реформите кои Мицкоски нема да ги исполни, велат од СДСМ

Од СДСМ преку соопштение денеска порачаа дека остануваат уште 12 дена до рокот што, според нив, самиот Христијан Мицкоски го поставил за исполнување на реформите и европските обврски на државата.Од партијата оценуваат дека без уставни измени и внесување на малцинствата во Уставот нема да има продолжување на евроинтегративниот процес и отворање на следната фаза од преговорите со Европската Унија.„Без измени на Уставот и внесување на малцинствата, нема продолжување на ЕУ интеграциите, нема помрднување од мртва точка“, наведуваат од СДСМ.Во реакцијата се посочува дека Мицкоски претходно тврдeл дека има апсолутно мнозинство и дека ја укинал техничката влада без консензус.Од СДСМ велат дека нема да бидат алиби за, како што тврдат, неисполнување на реформите.„Нека ги заврши реформите што ги вети, нека ги исполни обврските до 1 јуни“, порачуваат од партијата.Во соопштението се наведува и дека Владата треба да покаже дали навистина сака продолжување на европскиот пат на државата.„Или конечно нека им признае на граѓаните дека не сака ЕУ затоа што се плаши од европски стандарди, од реформи, од независно правосудство и од одговорност“, наведуваат од СДСМ.

Македонија | пред 1 ден

Русија и Белорусија започнуваат со нуклеарни вежби со 64 илјади војници

Русија денеска започна тридневни нуклеарни воени вежби што вклучуваат лансирање балистички и крстосувачки ракети, соопшти руското Министерство за одбрана.Во маневрите учествува и Белорусија, а во вежбите се вклучени подморници, авијација и копнени сили, пренесува Ројтерс.Според соопштението на министерството, во вежбите учествуваат околу 64.000 војници и се користат 7.800 единици воена опрема.Целта е увежбување на „подготовка и употреба на нуклеарните сили во случај на агресија“.Министерството наведе дека во вежбите се вклучени руските ракетни сили, Северната и Пацифичката флота, далекусежната авијација, како и единици од Ленинградскиот и Централниот воен округ.Ангажирани се повеќе од 200 ракетни лансери, 140 авиони, 73 воени бродови и 13 подморници, од кои осум се стратешки нуклеарни подморници.Руското Министерство за одбрана додаде дека вежбите ќе опфатат и обука за користење на руското тактичко нуклеарно оружје распоредено во Белорусија.

Свет | пред 1 ден

(Видео) Голем пожар во близина на Лос Анџелес: Илјадници луѓе се евакуираат

Пожар што избувна во грмушеста област во Сими Вали, недалеку од Лос Анџелес, се прошири кон блиска населба, пренесуваат американските медиуми.Пожарот во Сими Вали, кој се наоѓа на околу 64 километри северозападно од центарот на Лос Анџелес, започнал непосредно пред 11 часот и првично зафатил околу 80 хектари.До вечерта огнената стихија се проширила на повеќе од 530 хектари, соопшти Калифорниското одделение за шумарство и заштита од пожари.Властите наредија евакуација на повеќе од 29.000 жители, додека уште 11.664 лица се под предупредување, додека пожарникарите се обидуваат да го стават пожарот под контрола.Досега е уништена најмалку една куќа, но пожарот претставува закана за илјадници станбени објекти.Околу 500 пожарникари учествуваат во гаснењето на огнот, а густ столб од чад се издига над ридовите во близина на автопатот.Во акцијата се вклучени копнени екипи, три противпожарни авиони цистерни и шест хеликоптери.Пожарот гори во близина на неколку училишта во Сими Вали, поради што властите ги откажале активностите на отворено, а учениците биле задржани во училниците поради лошиот квалитет на воздухот.Најмалку две основни училишта – „Крествју“ и „Маунтин Вју“ – ги евакуирале учениците и вработените во средното училиште „Сими Вали“, соопшти Канцеларијата на шерифот на округот Вентура.

Свет | пред 1 ден

Британските дата-центри сè повеќе се свртуваат кон природен гас поради недостиг од струја

Повеќе од 100 нови дата-центри во Велика Британија планираат да користат природен гас за производство на електрична енергија, а дел од нив и трајно, поради долгото чекање за приклучување на националната електроенергетска мрежа.Британските претставници предупредуваат дека ситуацијата отвора сериозни прашања околу климатските цели на земјата.Стјуарт Окин, директор за сајбер-регулација и вештачка интелигенција во регулаторната агенција Офгем, изјави на конференцијата „Ол-енерџи“ во Глазгов дека околу 100 гигавати проекти за дата-центри чекаат приклучување на мрежата.„Јасно е дека не сите ќе можат да се приклучат на мрежата. Ако проектот не добие приклучок, ќе мора да најде алтернативно решение“, рече Окин.На конференцијата, според извештаите, бил забележан значителен пресврт во подготвеноста на британските инвеститори и власти да ја разгледуваат употребата на фосилни горива за поддршка на амбициите во областа на вештачката интелигенција.Силвија Сајмон, директорка за истражување во компанијата „Фјучр енерџи нетворкс“, која ги претставува британските снабдувачи со природен гас, изјави дека во последните две години добиле повеќе од 100 барања за приклучување на гасна мрежа од оператори на дата-центри.Според неа, вкупната побарувачка за енергија од овие проекти надминува 15 терават-часови годишно, што е доволно за снабдување на Лондон со електрична енергија во период од околу четири и пол месеци.„Гледаме огромен интерес кај инвеститорите во дата-центри за приклучување на гасната мрежа. Тие не бараат приклучок само поради сигурност на снабдувањето, туку и како примарен извор на енергија“, изјави Сајмон.Во Соединетите Американски Држави, голем дел од проектите поврзани со вештачка интелигенција веќе се потпираат на производство на енергија од гас.Како пример се наведува компанијата „ИксАИ“ на Илон Маск, која во Тенеси се соочи со критики и протести поради користење генератори на метан.Во меѓувреме, според процените, 11 американски дата-центри изградени за компании како „Мета“, „ОпенАИ“, „Мајкрософт“ и „ИксАИ“ би можеле да произведуваат повеќе јаглеродни емисии од целокупните емисии на Мароко.Енергетски експерти предупредуваат дека слично сценарио сега може да се случи и во Велика Британија.Еден британски енергетски консултант изјавил дека сè поголем број дата-центри планираат трајно да користат гасна енергија, а не само како привремено решение.„Употребата на гас претходно се избегнуваше поради емисиите на јаглерод, дозволите и зафаќањето простор, но сега инвеститорите сè повеќе се свртуваат кон фосилни горива“, посочил тој.Џулијан Лесли, директор за стратешко планирање во Националниот оператор на енергетскиот систем на Велика Британија, предупреди дека ваквиот тренд може сериозно да ги загрози климатските цели на земјата.„Целта беше помалку од пет проценти од електричната енергија во системот да доаѓа од гас. Но ако дата-центрите директно се напојуваат со гас наместо преку електричната мрежа, тогаш се поставува прашањето што тоа значи за целта ‘Чиста енергија 2030’“, рече Лесли.Од Офгем соопштија дека работат на реформи за побрзо приклучување на одржливи проекти на електроенергетската мрежа.Од друга страна, еколошките активисти остро реагираат.Кет Џоунс, директорка на организацијата „Акција за заштита на руралните подрачја на Шкотска“, изјави дека поддржувачите на масовната изградба на дата-центри ја игнорираат климатската наука.„Изгледа како оние што бараат итна изградба на огромни центри за вештачка интелигенција да живеат во паралелна реалност во која последните 50 години климатски истражувања никогаш не се случиле“, изјави Џоунс.Таа додаде дека на конференцијата станало јасно дека реализацијата на овие енергетски интензивни проекти ќе бара производство на гасна енергија на самото место, бидејќи електричната мрежа веќе е преоптоварена.

Свет | пред 1 ден

САД го продолжуваат изземањето од санкции за руската нафта

Министерството за финансии на Соединетите Американски Држави ќе го продолжи за дополнителни 30 дена изземањето од санкции за руската нафта што се транспортира по морски пат.Според извор запознаен со одлуката, продолжувањето било одобрено откако повеќе држави побарале дополнително време за набавка на овој енергенс.Агенцијата наведува дека барањето го поднеле посиромашни и енергетски загрозени земји, кои останале без испораки на нафта од Персискиот Залив поради конфликтот меѓу Соединетите Американски Држави и Иран, како и затворањето на Ормутскиот теснец.Американското Министерство за финансии првпат го воведе ова изземање во март, со цел да се ублажат нарушувањата на пазарот и растот на цените на нафтата предизвикани од кризата на Блискиот Исток, овозможувајќи пласман на руската нафта што била блокирана поради санкциите.Ројтерс наведува дека мерката не довела до значително намалување на цената на нафтата, но им помогнала на земји како Индија, која претходно беше меѓу најголемите купувачи на руска нафта.Цената на суровата нафта од типот „брент“ денеска порасна за околу 1,5 проценти и достигна приближно 111 долари за барел, поради стравувањата за глобалното снабдување.

Свет | пред 1 ден

Новиот комплет за прва помош за патување во Грција ќе биде задолжителен од 2027 година

Правилото за задолжително поседување нов комплет за прва помош за возачите кои патуваат во Грција е одложено и ќе почне да важи од 1 јануари 2027 година.Одлуката е објавена во Службениот весник на Грција.Претходно беше најавено дека мерката ќе стапи во сила на 18 јуни оваа година, но грчките власти го поместија рокот за нејзина примена.Според правилото, возачите ќе треба да поседуваат нов тип комплет за прва помош кој содржи 16 специфични предмети:изотермална спасувачка прекривкалеплива лента за фиксирањесет самолепливи фластери во различни големинистерилен индивидуален завој, малстерилен индивидуален завој, среденстерилен индивидуален завој, големстерилна газа или преврска за изгореницикомпреси за раниеластичен завој, тесенеластичен завој, широктриаголен завој за имобилизација или потпораножици за прва помошмедицински ракавици за еднократна употребавлажни марамчиња за чистење кожамедицински маски за лицеупатство за прва помош со илустрацииЗа непоседување на комплетот е предвидена казна од 30 евра.

Балкан | пред 1 ден

Луфтханза ја укинува директната линија Франкфурт – Скопје

Луфтханза ја укинува авиолинијата меѓу Франкфурт и Скопје, која беше активна повеќе од три години.Во резервациониот систем на компанијата веќе нема достапни летови ниту за летната, ниту за зимската сезона, што започнува на 25 октомври.Наместо директна линија, патниците ќе можат да патуваат до Скопје преку Виена со „Австриан ерлајнс“, која е дел од групацијата Луфтханза.Германската авиокомпанија ја воведе рутата во април 2023 година, кога доби и државни субвенции за нејзино отворање. Во различни периоди имаше меѓу седум и десет летови неделно, но во текот на зимската сезона бројот беше намален на три ротации.Укинувањето на линијата доаѓа во период кога групацијата Луфтханза спроведува поширока реорганизација на европската мрежа, со фокус на намалување на трошоците и задржување на поисплатливите рути.Во последните месеци компанијата се соочуваше и со повеќе предизвици, меѓу кои штрајкови на персоналот, затворање на подружницата „Ситилајн“ и приземјување на дел од флотата.Дополнителен притисок врз работењето создава и неизвесноста околу цените на горивото поради конфликтите на Блискиот Исток.Како дел од новите прилагодувања, Луфтханза ги намалила и фреквенциите кон повеќе градови во регионот, меѓу кои Белград и Љубљана, а скратени биле и стотици летови од базите во Франкфурт и Минхен.

Македонија | пред 1 ден

Коларевиќ и Абази се продолжена рака на коалицијата СДС и ДУИ, правосудството не смее да биде штит за криминалот на СДС и ДУИ, велат од ВМРО-ДПМНЕ

Од ВМРО-ДПМНЕ денеска преку соопштение повторно упатија обвинувања кон обвинителите Катерина Коларевиќ и Ислам Абази, тврдејќи дека тие дејствуваат како продолжена рака на коалицијата меѓу СДСМ и ДУИ.Во партиското соопштение се наведува дека случајот „Мазут“ е доказ дека, според ВМРО-ДПМНЕ, правосудниот систем бил користен за заштита на политички и партиски интереси.Од партијата тврдат дека обвинителите Коларевиќ и Абази го штителе криминалот поврзан со случајот „Мазут“, кој, според нив, е тежок 167 милиони евра.Во реакцијата ВМРО-ДПМНЕ се осврнува и на семејното потекло на обвинителката Катерина Коларевиќ, наведувајќи дека нејзините родители биле избрани на функции од влади предводени од СДСМ и ДУИ.За Абази, пак, се наведува дека бил близок до лидерот на ДУИ, Али Ахмети.„Коларевиќ и Абази застанаа цврсто во одбрана на криминалот на функционерите на СДС и ДУИ наречен „Мазут“ вреден 167 милиони евра“, се наведува во соопштението.Од ВМРО-ДПМНЕ прашуваат што стои зад запирањето на постапката и дали постои корупција или подмитување на обвинителите.Партијата го повика и Советот на јавни обвинители да се произнесе за случајот и за причините поради кои постапката била стопирана.„Потребна е итна, независна и целосна истрага за сите аспекти на случајот „Мазут“, како и одговорност за секој што евентуално ја злоупотребил својата функција“, наведуваат од ВМРО-ДПМНЕ.Од партијата додаваат дека граѓаните заслужуваат правда и транспарентност, а не, како што велат, „политички договори и институционален молк“.

Македонија | пред 1 ден

Ангела Меркел одби да посредува меѓу Украина и Русија

Поранешната германска канцеларка Ангела Меркел одби да биде главен посредник во мировните преговори меѓу Украина и Русија, оценувајќи дека само политичари кои моментално се на власт можат веродостојно да преговараат со рускиот претседател Владимир Путин.„Можевме да водиме такви преговори со претседателот Путин само затоа што имавме политичка моќ, затоа што бевме шефови на влади“, изјави Меркел, пренесува.„Потребна ви е таа моќ“, додаде таа.Името на поранешната германска канцеларка се појави откако рускиот претседател за таа улога го предложи Герхард Шредер, што лидерите на Европската Унија категорично го одбија поради неговите блиски врски со Путин.Меркел се сметаше за логичен избор за Брисел поради нејзините претходни разговори со Путин и украинскиот претседател Володимир Зеленски.Сепак, покрај тоа што ја одби улогата, Меркел ја критикуваше Европската Унија затоа што, според неа, не вложила доволно дипломатски напори за разговори со Русија.„Жалам што, според моето мислење, Европа не го користи доволно својот дипломатски потенцијал“, изјави Меркел во интервју за германската телевизија ВДР.„Не е доволно само Доналд Трамп да одржува контакт со Русија“, додаде таа.Меркел, која беше канцеларка на Германија од 2005 до 2021 година, изјави дека предложила воспоставување дипломатски формат меѓу Европската Унија и Русија за време на нејзиниот последен состанок на Европскиот совет во октомври 2021 година, четири месеци пред почетокот на војната во Украина.Таа посочи дека иницијативата пропаднала поради различните ставови во рамки на Европската Унија за тоа како треба да се постапува со Москва.„Мора да продолжите да работите на тоа сè додека не постигнете заеднички став“, изјави Меркел, осврнувајќи се на застојот во преговорите.„Дипломатијата секогаш била другата страна на медалот, па и за време на Студената војна“, порача поранешната германска канцеларка.

Свет | пред 1 ден

Врие бугарски пасоши во Владата на Мицкоски - ново признание на ВМРО-ОКГ, велат од СДСМ

Од СДСМ денеска преку соопштение повторно упатија обвинувања кон ВМРО-ДПМНЕ, тврдејќи дека во Владата предводена од Христијан Мицкоски има голем број функционери со бугарски државјанства.Во соопштението, СДСМ наведува дека ВМРО-ДПМНЕ го одбило предлог-законот со кој министрите, вицепремиерите и членовите на Владата не би можеле да имаат двојни државјанства.„Затоа што тогаш пола Влада на Мицкоски ќе требаше да си замине“, наведуваат од СДСМ.Партијата оценува дека власта води лицемерна политика во однос на прашањата поврзани со Бугарија и европските интеграции.Во соопштението се посочува дека ВМРО-ДПМНЕ со текот на времето го прифатило Преспански договор, како и членството во НАТО.„Со години ширеа хистерија и страв дека е загрозен македонскиот идентитет, токму тие кои се со бугарски пасоши во џебовите“, наведуваат од СДСМ.Од партијата тврдат дека голем број функционери од ВМРО-ДПМНЕ поседуваат бугарски пасоши, додека истовремено, според нив, ја блокираат европската интеграција на државата и создаваат конфликти со Бугарија.„Најгласни против Европа се токму оние кои одамна си ја обезбедиле Европа за себе“, се наведува во соопштението на СДСМ.

Македонија | пред 1 ден

Дел од мост се сруши на границата меѓу Хрватска и БиХ

Се урна дел од мостот кон граничниот премин Градишка на босанскохерцеговската страна од границата, поради што во моментов е затворен сообраќајот за сите возила кон граничниот премин.Хрватскиот автоклуб соопшти дека поради оштетување на мостот меѓу граничните премини Стара Градишка во Хрватска и Градишка во Босна и Херцеговина, сообраќајот е прекинат во двата правци.Според првичните неофицијални информации, нема повредени лица, а повеќе детали за инцидентот се очекуваат во текот на денот.Во моментов не е познато ниту како дошло до уривањето на дел од мостот.

Балкан | пред 1 ден

Путин пред посетата на Кина: Односите меѓу Москва и Пекинг достигнаа фантастично ниво

Рускиот претседател Владимир Путин, во пресрет на посетата на Кина, изјави дека односите меѓу Москва и Пекинг достигнале „фантастично ниво“ и претставуваат стратешко партнерство засновано врз доверба, рамноправност и заедничко залагање за глобална стабилност, мир и мултиполарен свет.„Редовните меѓусебни посети и одржувањето руско-кинески разговори на највисоко ниво се важен и неразделен дел од нашите заеднички напори за развој на целокупниот спектар односи меѓу двете земји и за отклучување на нивниот навистина неограничен потенцијал“, изјави Путин.Тој потсети дека пред 25 години Русија и Кина го потпишале Договорот за добрососедство, пријателство и соработка, со што, како што рече, бил поставен цврст темел за воспоставување вистинска стратешка соработка и сеопфатно партнерство во корист на двете држави и народи.„Денес руско-кинеските односи достигнаа навистина фантастично ниво. Нивниот посебен карактер се огледува во атмосферата на меѓусебно разбирање и доверба, подготвеноста за соработка врз заемно корисни и рамноправни основи, водење дијалог со почит и меѓусебна поддршка за прашања што се од суштински интерес за двете земји, вклучително и заштитата на суверенитетот и државното единство“, нагласи Путин.Официјалната посета на рускиот претседател на Пекинг ќе се одржи денеска и утре.Помошникот на рускиот претседател, Јуриј Ушаков, изјави дека лидерите ќе разговараат за најважните и најчувствителните прашања во билатералните односи, вклучително и детална дискусија за соработката во испораката на јаглеводороди.

Свет | пред 1 ден