Ако сме богати како држава недела целосно да биде неработна, ако не - да се работи, вели Мицкоски

Премиерот Христијан Мицкоски смета дека мора да се отвори прашањето рече дека ќе се отвори дебата дали недела ќе остане секелтивно неработен ден.„Владиниот план е на следната седница на социо-економскиот совет да се отвори ова прашање. Јас имам лична дилема. И недела е работен ден, вие новинарите доаѓате кога имаме настани.. Значи не се сите еднакво вреднувани. Или никој нека не работи, се се затвора сабота навечер и се отвора и понеделник наутро. Ако сметаме дека сме толку богати како држава.. Или да се работи, ама работодавачите да даваат двојна-тројна дневница“, рече Мицкоски.Недела за неработен ден беше прогласен од Владата на СДСМ и ДУИ. Но сепак, можат да работат објекти зависно од квадратурата, трговски центри, бензиски, угостители.

Македонија | пред 1 година

Најладно утрово на Попова Шапка и Маврови Анови

Утрово најладно било на Попова Шапка и Маврови Анови, каде што се измерени -5 степени, -4 било во Крушево, -2 во Берово, -1 во Битола и Тетово, 0 во Куманово, Крива Паланка и Кавадарци, 1 во Скопје-Петровец, Охрид, Штип, Претор и Прилеп, 2 во Скопје-Зајчев Рид, Струмица, Демир Капија и Велес, 3 во Виница и Гевгелија.НАВРНАТ ВОДЕН ТАЛОГ за изминатите 24 часа до 07 часот (во l/m2)6 Попова Шапка, 5 Битола, 4 Демир Капија, 2 Маврови Анови, 1 Претор, Гевгелија, Кавадарци, Тетово, Крушево, Пожаране.ВИСИНА НА СНЕЖНА ПОКРИВКА во 07 часот (во сm)70 Попова Шапка, 56 Маврови Анови, 4 Тетово, 2 Гостивар.ВРЕМЕТО ВО ТЕКОТ НА НОЌТА И ИЗУТРИНАВАСе задржа претежно ведро со мала и само понекаде умерена облачност. Утринава е сончево и студено. Дува слаб до умерен северен до северозападен ветер кој засилува во регионот на Штип.ВРЕМЕТО ДЕНЕСКАПроменливо облачно и студено со сончеви периоди. Ќе дува умерен, а долж Повардарието повремено засилен ветер од северен правец со брзина над 60 km/h. Максималната температура ќе достигне од 2 до 9 степени.Во Скопје променливо облачно и студено. Ќе дува умерен, во делови од котлината повремено засилен ветер од северен правец. Максималната температура ќе достигне до 8 степени.

Македонија | пред 1 година

Новогодишната кошничка празна, џебовите на олигархијата полни - народот плаќа за мерките на Мицкоски, велат од Левица

Партиите на буржоазијата не смогнаа храброст барем еднаш да спроведат економска мерка согласно потребите на граѓаните. Повеќе од триесет години, СДС и ДПМНЕ се во трка за што поголемо удоволување на клептоманските апетити на домашната олигархија. Се додека стопанските комори ги пишуваат владините мерки, ваквата политика ќе остане непроменета, соопшти Левица.„Инфлацијата се зголемува, куповната моќ се намалува, платата на работничката класа стагнира, а социјалната раслоеност расте. Краткорочните мерки на Владата наместо да ја ублажат инфлацијата, тие долгорочно ги продлабочија џебовите на олигархијата. Инспекторатот и државните служби не покажаа карактер и уште еднаш потфрлија пред енормните профити на трговската мафија.Од 'сигурните решенија' на Владата, единствено е сигурно енормното поскапување на основните производи и рекордна сиромаштија. Уште по иронично е што довчерашната власт на СДС, чија што политика го иницираше поскапувањата и не знаеше како да ги ублажи, сега ја обвинува актуелната Влада за продлабочување на сиромаштијата.Оттука.Левица, како партија која вистински се залага за обичниот човек и работничката класа, предлага:1. Дефинирање дозволен профит – ограничување на профитот како разлика меѓу влезната фактура и излезната малопродажна цена;2. Привремено укинување на ДДВ на основните производи;3. Привремено укинување на царини – за одредени групи производи, со цел намалување на трошоците и стабилизирање на цените;4. Итна поддршка за домашното производство – преку програми за зголемување на конкурентноста на најдефицитарните производи, чии цени најмногу пораснале.Очигледно, секоја досегашна власт не само што не сака, туку и не знае како да го подобри животниот стандард на граѓаните. Милионскиот цех од новогодишната кошничка на Мицкоски го плаќаат граѓаните! Затоа, ја повикуваме Владата да не биде слуга на олигарсите и заложник на своите бизнис-партнери и итно и неодложно да ги спроведе, предлог мерките, посочени од Левица“, се додава во соопштението на партијата.

Македонија | пред 1 година

(Видео) Јаневска да го повлече спорниот Закон за основно образование, да не се враќаме еден век назад, рече Николова

„Законот за основно образование, ваков каков што е поднесен во моментов врши дискриминација на децата со попреченост, води кон враќање на специјалните училишта и го враќа стресот кај родителите околу достапноста на образовните асистенти“, рече Даниела Николова - пратеничка на СДСМ.„Затоа овој Закон мора да биде повлечен и доработен во насока на вистинска инклузија и развој на децата со попреченост. Козметички интервенции за да се прикаже инклузивност не е исто како и уважување на укажувањата на меѓународните организации и стручните тела.Оспорувањето на инклузијата на учениците со попреченост е неприфатливо. Комисијата за заштита од дискриминација посочи дека предложените измени се спротивни на концептот на инклузивно образование. Наместо унапредување, овие измени значат враќање кон специјалните училишта, со што се ограничуваат можностите за еднаков развој и учество на децата со попреченост.Владата не го прифати нашиот амандман за вработување на образовните асистенти на неопределено време, со што ќе се гарантираше континуитет и ќе се спречеше стресот за децата и родителите секоја година.Децата не смеат да бидат поделени по ниеден основ. Нашето општество не смее да се враќа назад. Сите деца се наши деца. Ниедно дете не смее да биде дискриминирано.Загрижува и одлуката да се избришат термините „род“, „родова еднаквост“ и „родов идентитет“ како дискриминаторски основи. Ова не само што е спротивно на Уставот и меѓународните обврски на државата, туку создава простор за насилство и дискриминација, особено во училиштата, кои треба да бидат најбезбедни за децата.Ја повикуваме министерката Весна Јаневска да го повлече предлог законот за основно образование и заедно со стручната фела да го подобриме текстот и да ги заштитиме сите деца. Ние сме спремни да се вклучиме во таков процес.Ја повикуваме и Претседателката Гордана Силјаноска Давкова како застапничка за еднаквост, родова рамноправност и недискриминација, да се вклучи и да се бори за правата на децата со попреченост и нивното право на образование.Да не се враќаме цел век, наназад. Образованието мора да биде инклузивно, праведно и безбедно за сите деца. Да ги заштитиме и да обезбедиме иднина која ќе биде подобра за сите“, изјави Даниела Николова - пратеничка на СДСМ.

Македонија | пред 1 година

„Повеќе од 3.800 луѓе годишно во Македонија ги губат своите животи“: В сабота протест за чист воздух

В сабота почнува протестнинот марш „За чист воздух“ кој од Министерство за животна средина ќе продолжи преку Собранието, Владата и ќе заврши пред зградата на Град Скопје.Зад протестот стојат „Шанса за Центар“ заедно со повеќе граѓански организации. Од таму велат дека надлежните се уште не одговориле на барањата за чист воздух, по протестот што се одржа на 10 декември.„Протестираме бидејќи секоја година повеќе од 3.800 луѓе во Македонија ги губат своите животи како директна последица на изложеноста на штетните честички PM2.5. Ова претставува 17,7 отсто од вкупната смртност во државата. Особено загрижувачки е фактот дека едно од девет починати деца под една година го губи животот поради загадениот воздух“, се вели во повикот.Бараме од надлежните институции итно и системско справување со загадувањето на воздухот преку имплементација на овие ефикасни мерки кои ќе го заштитат здравјето на граѓаните и драстично ќе го намалат аерозагадувањето, се додава во повикот.Протестот е поддржан и од „Зелен хуман град“, „Skopje Smog Alarm“, „Независни за Карпош“, „O2 Иницијатива“, „Зелените Од Гази Баба“, „Иницијатива за ослободување од еднократна пластика“, „НаТочак“, „Биди Зелен“ и „Слобода на Говорот“.

Скопје | пред 1 година

Цветков: Со кошничките власта дозволи граѓаните да бидат ограбени

Пратеникот на СДСМ Борче Цветков во емисијата „24 Анализа“ на телевизија 24 истакна дека владата предводена од ВМРО-ДПМНЕ за шест месеци нема ништо направено од ветувањата додека стандардот на граѓаните опаѓа постојано.-Има реализација на програмата од само 1%, со есенска потрошувачка кошничка фактите говорат дека граѓаните “заштедија“ 1 евро, а со предновогодишната се во минус 15 евра поради зголемените цени, нагласи Цветков.Тој истакна дека премиерот сега, 3 дена пред Нова година излегува и кажува дека ќе ги казнува трговците зошто не ги намалиле цените, што е само уште една манипулација, затоа што со амин на власта трговците ги зголемија цените.Наместо правда, гледаме дека процесите се враќаат назад кога партиски се диригираше се а власта се меша во судството, во обвинителството.-Се наоѓаме во ситуација општо да се враќаме наназад, кадија те тужи - кадија те суди. Се носат условно речено пресуди, пред истрагата. Власта треба да остави на органите на прогонот, на судот, на обвинителството да си ја тераат работата. Сегашната власт премногу се меша во судството, во моментот, и му прави притисок, истакна пратеникот на СДСМ Борче Цветков во емисијата „24 Анализа“.

Македонија | пред 1 година

Нема фотографија

Народна банка: Банкарскиот сектор и натаму е сигурен и стабилен, донесена е одлука за унапредување на регулативата за идентификување системски значајни банки

Советот на Народната банка го усвои Извештајот за ризиците во банкарскиот систем на Република Северна Македонија во третиот квартал од 2024 година. Исто така, Советот донесе нова Одлука за методологијата за идентификување системски значајни банки со која се унапредува постојната методологија врз основа на која Народната банкa ги идентификува системски значајните банки во земјава и за нив го утврдува заштитниот слој на капиталот. Ова претставува макропрудентен инструмент за јакнење на отпорноста на банкарскиот систем преку јакнење на солвентноста и стабилноста на системски значајните банки на неочекувани шокови или загуби коишто можат да настанат во текот на нивното работење. Измените на одлуката за системски значајни банки се прави и заради натамошно приближување кон Насоките од Европскиот банкарски орган (ЕБА) за идентификување на домашните системски значајни банки.Според Извештајот за ризиците во банкарскиот систем во текот на третиот квартал, показателите за изложеноста на ризиците на банкарскиот сектор и натаму се стабилни, а стрес-тестовите укажуваат на добар капацитет за справување со шокови. Стапката на адекватност на капиталот се задржа на нивото од 19%, коешто е највисоко во последните седумнаесет години, додека учеството на нефункционалните кредити во вкупните е на историски ниски 3%. Во третиот квартал од годината банките работеа во услови на позначително забавување на домашната инфлација и поволен девизен пазар, но ризиците од окружувањето сѐ уште постојат и е потребно нивно натамошно внимателно следење и претпазливост во водењето на политиките заради задржување на стабилноста на банкарскиот сектор и во следниот период.Растот на депозитите од граѓаните и фирмите забрза и овозможи одржување на кредитниот раст, но и зголемување на ликвидните средства на банките. Притоа, забрза годишниот раст на депозитите искачувајќи се до нивото од 7,9%, во кој преовладува долгорочното штедење, како и денарските депозити, поттикнато и од мерките на Народната банка за поддршка на денаризацијата и штедењето на подолг рок. Се забележува забрзување на годишниот раст кај кредитирањето до 7,5%, додека резултатите од Анкетата за кредитната активност во третиот квартал од 2024 година укажуваат на натамошно нето-олеснување на вкупните кредитни услови и нето-зголемување на кредитната побарувачка, и кај двата сектора − претпријатијата и домаќинствата.Советот усвои и измени на регулативата за сметководство и финансиско известување за банките и штедилниците заради спроведување на барањата на меѓународниот стандард за финансиско известување („МСФИ“) 16 „Наеми“ и усогласување со важечките МСФИ, објавени од Одборот за меѓународни сметководствени стандарди.Советот на Народната банка разгледа и повеќе други прашања поврзани со работењето и сегашните активности на централната банка, а ги донесе и Финансискиот план и Планот за инвестициите на Народната банка.

Македонија | пред 1 година

Нема фотографија

Ристески: Владата ги исполнува клучните ветувања дадени во предизборниот период, правда мора да има и ќе има

На вчерашното гостување на Телевизија 24 во емисијата „Анализа“ присуствуваше пратеникот од ВМРО-ДПМНЕ Петар Ристески кој дискутираше за бегството на поранешниот вицепремиер од ДУИ, Артан Груби.Ристески се осврна на тоа дека сите овие случувања кои ги гледаат граѓаните биле дел од предизборната кампања на ВМРО-ДПМНЕ и тие се одвиваат и спроведуваат токму така како што било ветено.„Најважно е она што се случува како Влада, она што Владата го спроведува, едно од клучните ветувања во предизборниот период на ВМРО-ДПМНЕ беше дека правда мора да има и ќе има, дека ќе објавиме војна на криминалот и корупцијата и тоа и се случува во моментот“, рече Ристески.Ристески објасни како дел од бившите владини функционери биле замешани во нелегални активности, и потенцираше дека не би било зачудувачки доколку листата на бивши функционери од претходната влада кои правеле криминал биде проширена.„Гледаме дека голем дел од бившите владини функционери и тоа како биле замешани во нелегални активности криминал, корупција и од државниот завод за ревизија можевте да видите голем број на пропусти на незаконско работење така да таму каде и да се чепне ќе има причини за поведување на кривични постапки и нема да да бидам изнендаден доколку и многу други владини функционери, директори, министри од минатата влада бидат изнесени пред лицето на правдата“, објасни Ристески.Пратеникот посочи дека граѓаните се задоволни од сето тоа што се случува со ловењето на криминалот и корупцијата и дека токму поради вакавото ветување тие добиле доверба од страна на народот.„Ова што сега се случува граѓаните гледаат и знаат и најновите анкети тоа и го покажуваат, онаа за што добивме доверба како политичка партија на изборите тоа и го спроведуваме“, рече Ристески.Ристески се обрати до пратеникот од Европскиот фронт, Демири, и повика да се врати Груби и да се соочи со лицето на правдата, исто така нагласи дека ВМРО-ДПМНЕ како политичка партија го започнала овој процес и дека тој ќе се одвива до крај.„Вашиот претседател на партијата Зијадин Села се огради и го повика Артан Груби да се врати, да си ја докаже невиноста во Република Македонија, јас очекувам и вие тоа да го направите а не да кажете дека немате доволно информации, ако е невин нема потреба да бега. Ние како политичка партија го отпочнавме овој процес и овој процес ќе го тераме до крај, Артан Груби е на потерница и на црна листа тоа значи кога и да е ќе дојде и ќе одговара за она што го правел во Република Македонија“, дециден е Ристески.

Македонија | пред 1 година

Додека ДУИ и Артан Груби се криеја зад Албанците и СДС го делеше македонското општество за да крадат, Албанците и Македонците масовно се иселуваа, велат од ВМРО-ДПМНЕ

„СДС и ДУИ се едно исто. И двете партии ги користат најчувствителните теми во општеството за ситни политички поени и за лично богатење на поединци“, велат од ВМРО-ДПМНЕ.„СДС долго време се криеше зад флоскулата „едно општество за сите“, за од друга страна да ги направи најголемите и најдлабоките поделби во македонското општество. Додека го делеше македонското општествено ткиво, лицата на чело на СДС, како Зоран Заев и Венко Филипче и нивните браќа, правеа милиони.Исто и ДУИ додека се повикуваше на Албанците и себеси се промовираше како нивен најголем и единствен заштитник, Албанците од Македонија масовно се иселуваа. Додека од уста не ги извадија правата на Албанците, раководството на ДУИ меѓу кои Артан Груби, си ги полнеа џебовите. Артан Груби и ДУИ единствено што направија за Албанците е што ги злоупотребија за тие да се богатат.Додека Артан Груби крадеше, ДУИ ги убедуваше сограѓаните Албанци дека се бори за нив. А, секој изминат ден на ДУИ на власт беше причина повеќе Албанците, исто како и Македонците, да си заминуваат од државата.Груби и ДУИ секогаш биле само и само за заштита на интересите и џебовите на поединци, а не за Албанците и најмалку за Македонците.СДС знаеја за криминалот на Груби, на кој прво му дадоа одврзани раце да краде, па потоа му се приклучија и заеднички се богатеа на грбот на народот. И уште една причина поради која СДС молчеше за криминалот на Груби, е затоа што така се држеа на власт.И се така седум години народот осиромашуваше, државата се пљачкаше, а челниците на СДС и ДУИ се богатеа. Коалицијата на СДС и ДУИ, беше криминална коалиција од интерес за ограбување на Македонија, а за лично богатење на нивните луѓе.Затоа и се поддржуваа седум години. Но, СДС и ден денес одработува за Груби, кои наместо да се дистанцираат од него и да го повикаат да се врати да се соочи со правдата, тие држат прес-конференции смислувајќи разно разни приказни.Наместо уште да му служат на Артан Груби, СДС да им се извини на македонските граѓани за сервилноста и грабежот на Македонија“, соопшти ВМРО-ДПМНЕ.

Македонија | пред 1 година

Писмен став на коалицијата ВЛЕН за рокот од шест месеци за уставните измени како чекор кон продолжување на патот кон ЕУ

Со оглед на шпекулациите и различните толкувања околу нашата позиција за рокот од шест месеци, коалицијата ВЛЕН го соопштува следното:„Новата Влада, во која коалицијата ВЛЕН е одговорен и активен партнер, е цврсто посветена на ЕУ агендата. Активно работи на достоинствено исполнување на условите за динамизирање на процесот кои водат кон полноправно членство во Европската Унија.Ние, министрите од ВЛЕН, отсекогаш сме демонстрирале највисока посветеност кон европските интеграции – не само со зборови, туку и со дела. Рокот од шест месеци не е само временска рамка, туку обврска која ја разбираме и почитуваме.Сепак, мора да постои политичка логика и реалност. Дали има 2/3 мнозинство во Собранието без пратениците на ВМРО-ДПМНЕ? Не, нема. И тука лежи суштината: процесот на интеграција бара соработка, зрелост и одговорност од сите политички субјекти. ВЛЕН не ги заборава обврските, но и потсетуваме дека решението не може да биде еднострано.Владата има јасен план, стратегија и акциски чекори кои се преземаат секојдневно. Нашата поддршка, не само сега, туку и во минатото, спасуваше клучни процеси. Со еден таков чекор обезбедивме старт на преговорите со ЕУ.Апелираме до сите општествени чинители, вклучувајќи ги политичките партии, да престанат со ситни политички манипулации на сметка на ЕУ интеграциите. Европската иднина е над политиката на дневни калкулации“.

Македонија | пред 1 година

Граѓаните се ограбени од големите трговци со амин на Мицкоски, велат од СДСМ

„Наместо намалување на цените и поефтини производи граѓаните се буквално ограбени од големите трговци и тоа со амин на Мицкоски, кој им дозволи дебело да профитираат врз грбот на народот“, соопшти СДСМ.„Според проценките на СДСМ неколку милиони евра вреди грабежот врз граѓаните од страна на големите трговци преку т.н. „кошнички“.Неколку милиони евра се извлечени од џебовите на граѓаните во изминатиот период, како резултат на оваа лоша политика на Мицкоски.Штета не може да се надомести, а многу семејства ќе се соочат со економски потешкотии токму во пресрет на новогодишните празници.Прашањето е што им должеше Мицкоски на трговците, за да им дозволи вака безобѕирно да ги пљачкаат граѓаните?За само шест месеци од оваа влада, животот на граѓаните се влоши повеќе отколку за време на најголемите економски кризи. Мицкоски се грижи за елитата и неговите бизнис партнери наместо за граѓаните“, се наведува во соопштението на СДСМ.

Македонија | пред 1 година

Исмаил: ДКСК ја урива довербата - постои корупција кај антикорупционерите

На седницата за пратенички прашања, пратеникот и потпретседател на Левица, Реџеп Исмаил, упати критики до претседателката на Државната комисија за спречување на корупција (ДКСК) за неактивноста и потфрлањето на институцијата, особено, во случајот со скандалозното назначување на Бојан Христовски за директор на АНБ.- Како може ДКСК да тврди дека Христовски не е партиски кадар, кога неговите јавни активности и поддршката за владејачката партија се очигледни? Згора на тоа, неговата диплома е од универзитет со спорна репутација, во сопственост на поранешен градоначалник од истата партија - посочи Исмаил.Пратеникот од Левица додаде дека назначувањето на Христовски за директор на АНБ било контроверзно по многу основи.- Значи, почнувајќи од неговата диплома која е прибавена од приватен универзитет каде што се штанцаат дипломи, каде што во програма од четири години се добива диплома за една година, до уште еден поскандалозен момент, а тоа е што тој универзитет е во сопственост на поранешен градоначалник на истата партија, која сега Бојан Христовски го назначува за директор на АНБ - рече потпретседателот на Левица.Исмаил ја осуди и одлуката на Комисијата да го предаде на истражување предметот за Христовски на член на Комисијата кој има деловни врски со истиот универзитет.- Да биде уште понелогична ситуацијата, вие назначувате член од вашата комисија да го истражи овој случај за неговата диплома во Универзитетот каде што тој ист член има деловна врска со истиот универзитет - додаде Исмаил.Пратеникот од Левица потенцираше дека ваквата партизираност на функцијата и пасивноста на ДКСК сериозно го нарушуваат кредибилитетот на институцијата.

Македонија | пред 1 година

Се појасно е дека Русите го собориле патничкиот авион: „Веројатноста е помеѓу 90 и 99%“

Воздухопловни експерти изјавија за АП синоќа дека руската противвоздушна одбрана најверојатно е одговорна за соборувањето на азербејџанскиот патнички авион над Казахстан еден ден претходно. Во падот загинаа 38 лица, а сите 29 преживеани беа повредени.Авионот Embraer 190 на Азербејџан ерлајнс бил на пат од главниот град на Азербејџан Баку кон рускиот град Грозни во Северен Кавказ кога излетал од патеката од сè уште неразјаснети причини и се урнал додека се обидувал да слета во Актау, Казахстан, откако летал на исток преку Каспиското Море.Авионот се урнал на околу 3 километри од Актау. Снимките од мобилните телефони кои кружат на интернет го покажаа леталото како стрмно се спушта пред да удри во земјата и да експлодира.Вчера Азербејџан тагуваше за жртвите од несреќата, а знамињата беа спуштени на половина копје. Сообраќајот беше запрен напладне, а од бродовите и возовите се огласија сирени додека се одржуваше едноминутно молчење низ целата земја.Говорејќи на прес-конференција еден ден претходно, азербејџанскиот претседател Илхам Алиев рече дека е премногу рано да се шпекулира за причината за несреќата, но рече дека временските услови го принудиле авионот да го промени планираниот курс.„Информациите што ги добив се дека авионот го променил курсот меѓу Баку и Грозни поради влошување на временските услови и се упатил кон аеродромот Актау, каде што се урнал по слетувањето“, рече тој.Руската управа за цивилно воздухопловство, Росавијација, соопшти дека прелиминарните информации укажуваат дека пилотите биле пренасочени во Актау откако авионот удрил во јато птици.После тоа, властите во Азербејџан, Казахстан и Русија беа цврсти за можната причина за несреќата, но еден парламентарец во Азербејџан ја обвини Москва. Расим Мусабеков изјави за азербејџанската новинска агенција Туран дека авионот бил пукано додека бил на небото над Грозни и ја повикал Русија официјално да се извини.„Оние кои го направија ова мора да одговараат со кривична пријава“, рече Мусабеков, додавајќи дека треба да им се плати и отштета на жртвите. „Ако тоа не се случи, тоа ќе влијае на односите.Запрашан за тврдењата дека во авионот било пукано од противвоздушна одбрана, портпаролот на Кремљ, Дмитриј Песков, им рече на новинарите дека „би било погрешно да се шпекулира пред истражителите да донесат заклучок“.Според казахстанските власти, во авионот се наоѓале 42 државјани на Азербејџан, 16 државјани на Русија, шест државјани на Казахстан и тројца државјани на Киргистан. Вчера руското Министерство за вонредни ситуации испрати девет преживеани Руси на лекување во Москва.

Свет | пред 1 година

Путин откри предлог на Бајден за влезот на Украина во НАТО: Што менува тоа за нас…

Рускиот претседател Владимир Путин синоќа изјави дека неговиот американски колега во заминување Џо Бајден му предложил одложување на пристапот на Украина во НАТО. Тоа го направи во 2021 година, пред почетокот на руската агресија врз Украина.„Знам дека претседателот Бајден зборуваше за тоа, не е тајна, уште во 2021 година. Тој само ми предложи да го одложам влезот на Украина во НАТО за 10 до 15 години, бидејќи таа сè уште не е подготвена“, им рече Путин на новинарите во прес-конференција во Санкт Петербург.Тој изјави дека се согласува со оценката на Бајден дека Украина не е подготвена.„Од историска перспектива, тоа е момент. За нас каква е разликата денес, утре или 10 години од сега“, додаде Путин.Тој понатаму рече дека во врска со тоа не е запознаен со изјавите на тимот на Трамп.„Не знам како понатаму ќе се развива оваа ситуација, какви ќе бидат инструкциите на новоизбраниот претседател до неговите колеги. Ќе видиме“, рече Путин.Тој додаде дека словачкиот премиер Роберт Фицо, за време на неговата посета на Москва во неделата, изразил подготвеност на неговата земја да обезбеди платформа за преговори меѓу Москва и Киев, а Путин се согласил со тоа.Русија го наведува проширувањето на НАТО кон нејзините граници како една од клучните причини за започнување на „специјална воена операција“ во Украина на 24 февруари 2022 година.

Свет | пред 1 година

Почина поранешниот индиски премиер кој извлече стотици милиони луѓе од сиромаштија

Поранешниот индиски премиер Манмохан Синг почина на 92-годишна возраст, се вели во соопштението на Индискиот институт за медицински науки (АИМС).Болницата соопшти дека тој ненадејно изгубил свест и бил пренесен во болница во Њу Делхи, каде што починал.Синг беше премиер на Индија од 2004 до 2014 година.Синг е заслужен за насочување на Индија кон огромен економски раст и извлекување на стотици милиони луѓе од длабока сиромаштија. Исто така порано како министер за финансии, Синг беше архитект на реформите што ја спасија индиската економија од сериозна криза.До крајот на неговиот втор мандат, достигнувањата на Синг беа засенети од корупциски скандали во неговата администрација. Синг никогаш не бил обвинет дека е корумпиран, но неговиот имиџ наишол на удар.Неколку месеци пред неговата смрт, Синг на прес-конференција рече дека направил најдобро што можел како премиер, пренесува Ројтерс. „Искрено верувам дека историјата ќе биде пољубезна кон мене од современите медиуми или, за таа работа, опозициските партии во парламентот“, рече тој, според Ројтерс.

Свет | пред 1 година

Хамас: Најмалку 50 загинати во израелските воздушни напади врз Газа

Најмалку 50 лица загинаа во израелски воздушен напад врз зграда во северниот дел на Појасот Газа, соопштија доцна синоќа здравствените власти под контрола на Хамас.Истиот извор објави дека меѓу жртвите има пет членови на персоналот на блиската клиника во Беит Лахиа: педијатар, лаборант, техничар и двајца болничари. Веста ја потврди директорот на болницата Камал Адван Хусам Абу Сафија.Информациите не беа независно проверени, а израелската армија не беше подготвена да ги коментира наводите.Во меѓувреме, Израелците објавија дека еден од нивните војници загинал за време на судирите во северниот дел на Појасот Газа. Претходно палестинските медиуми објавија дека најмалку девет Палестинци загинале, а неколку се ранети во израелски напад на северот на Појасот Газа.Во извештајот на новинската агенција ВАФА се наведува дека куќите во градот Газа биле погодени синоќа во воздушен напад. Цивилната заштита под контрола на Хамас соопшти дека најмалку 13 загинале и околу 40 се повредени. Израелската војска соопшти дека ќе го истражи извештајот.

Свет | пред 1 година

Русите силно го нападнаа украинскиот пограничен регион, убивајќи цивил

Еден цивил е убиен за време на силно гранатирање и напади со беспилотни летала на руските сили во украинскиот пограничен регион Суми, соопштија локалните власти рано утринава.Руските сили изведоа 169 напади врз пограничните области и населени места во регионот во текот на изминатиот ден, објави регионалната администрација на областа на својот канал Телеграм. Регистрирани се вкупно 311 експлозии.Жртвата е 59-годишен маж во населбата Краснопиља, кој се наоѓал во опожарената куќа при нападот, соопшти обвинителството. Во друга заедница во регионот Шуми, дополнителни куќи беа оштетени од гранатирање, изјавија официјални лица.Напади од руски беспилотни летала беа пријавени и во други делови на Украина, вклучително и во областа на главниот град, објави локалната воена администрација на Телеграм рано во петокот. Првичните извештаи укажуваа дека нема пријавена штета.

Свет | пред 1 година

(Фото) Украинците за првпат фатија севернокорејски војник

Припадниците на украинските специјални сили вчера заробија севернокорејски војник во битки со руските сили во областа Курск. Оваа информација доцна синоќа се прошири преку проукраинските канали на социјалните мрежи, а утринава ја потврди и јужнокорејската разузнавачка агенција.Се верува дека војникот е првиот севернокорејски воен затвореник заробен од декември, кога Пјонгјанг испрати свои војници во Русија за да помогнат во борбата против украинските војници во рускиот регион Курк.Потврдата од Јужна Кореја дојде откако на Телеграм беше објавена фотографија на која очигледно е ранет и заробен севернокорејски војник. Северна Кореја испратила повеќе од 10.000 војници да и помогнат на Русија, според Киев и Сеул, иако ниту Москва ниту Пјонгјанг ниту го потврдиле ниту го негирале нивното присуство.„Ова е прво заробување“, изјави за Би-Би-Си Јанг Ук, научен соработник во Азискиот институт за политички студии. За Украинците е покорисно да ги фатат овие севернокорејски војници и да се обидат да ги разменат со Русите за украински воени заробеници.Неодамнешните фотографии кои се појавија од руско-украинската војна ги потврдија шпекулациите дека „севернокорејските сили ќе ја испратат руската команда на фронтот во голем број“, додаде Јанг. Тој исто така додаде дека „ќе биде тешко да се докаже нивната севернокорејска националност“.Украинските сили велат дека на севернокорејските војници им биле издадени лажни руски лични карти, а украинскиот претседател Володимир Зеленски претходно овој месец тврдеше дека руски војници биле видени како ги палат лицата на севернокорејците кои загинале во битка, наводно за да го сокријат својот идентитет.Повеќе од 3.000 севернокорејски војници се убиени или ранети во борбите во руската област Курск, изјави Зеленски во понеделникот. Тој додаде дека соработката меѓу Москва и Пјонгјанг го зголемува „ризикот од дестабилизација“ околу Корејскиот полуостров.Русија започна сеопфатна инвазија на Украина во февруари 2022 година. Неодамнешното распоредување на севернокорејски трупи во Русија е знак за растечкиот сојуз меѓу двете држави.Развојот, кој доаѓа додека Северна Кореја ги ескалира тензиите со Јужна Кореја, ја зголеми загриженоста на Западот. Кина, долгогодишен сојузник на двете страни, исто така внимателно ја следи ситуацијата.

Свет | пред 1 година

Израелските напади врз Јемен се алармантни, велат од ОН

Портпаролот на генералниот секретар на Обединетите нации, Антонио Гутереш денеска ја осуди ескалацијата на конфликтот меѓу Израел и Јемен, велејќи дека израелските воздушни напади врз меѓународниот аеродром во Сана во Јемен, пристаништата на Црвеното Море и електраните се алармантни.Израел потврди дека вчера погодил неколку цели поврзани со проиранските Хути во Јемен, вклучувајќи го и меѓународниот аеродром во Сана. Медиумите блиски до Хутите наведуваат дека загинале најмалку шест лица.„Денешните израелски воздушни напади врз меѓународниот аеродром Сана, пристаништата на Црвеното Море и електраните во Јемен се особено алармантни“, изјави портпаролот на генералниот секретар на ОН на брифинг со новинарите, изразувајќи загриженост за ризикот од натамошна регионална ескалација.

Македонија | пред 1 година

(Фото) „Во Капиштец кружат крадци, денес околу 19 часот пробуваат да влезат по домови“ - скопјанка алармира на внимателност

Скопјанка сподели фотографии низ кои алармира за внимателност кај граѓаните кои живеат во Капиштец. Таа посочува дека крадци се обиделе да упаднат во нејзината куќа.„Во Капиштец кружат крадци, денес околу 19 часот пробуваат да влезат по домови“, објави скопјанката, која сподели и фотографии.[caption id="attachment_318448" align="alignnone" width="1238"] Screenshot[/caption]Засега не е познато дали овој обид за упад е пријавен во МВР.Во предновогодишниот период, кога граѓаните заминуваат на зимување и прослави, зачестени се ваквите појави.

Скопје | пред 1 година

Груби нема албанско државјанство, Тошковски му најави дека ќе го најде, а од него ни трага ни глас

Артан Груби не е државјанин на Албанија. Нема ниту запис во албанскиот службен весник кој би покажал дека Груби се здобил со нивно државјанство, објавува истражувачката мрежа БИРН. Тие контактирале со кабинетот на албанскиот претседател од каде добиле потврда дека Груби нема нивни пасош.„Артан Груби нема албанско државјанство“, изјави за БИРН, советникот за медиуми на албанскиот претседател, Арта Сакја.Истовремено, министерот за внатрешни работи Панче Тошковски, вели: „Прашањето не е дали, туку кога Груби ќе се најде пред лицето на правдата во нашата држава“.„Пријатно бев изненаден од изјавата на предметното лице во насока на тоа дека истото е на приватен или службен пат и дека само кратко ќе се задржи во друга држава, не во државата која го хранела долг временски период. Се уште се надевам дека тоа лице ќе покаже доблест и одговорност, но и дека навистина е подготвен да одговара пред лицето на правдата, да дојде и да ја потврди онаа фраза која што ја изјави дека е чист како солза и дека навистина не сторил ништо на штета на државата и граѓаните. Јас најодговорно тврдам, согласно сите докази кои што ги имаме собрано до сега, и сите оние факти кои што се утврдени во рамки на овие предистражни и истражни постапки, нема да му биде лесно да докаже дека е чист како солза“, рече Тошковски.И по десет дена нема ни трага ни глас од поранешниот вицепремиер Артан Груби кој е во бегство откако надлежните го осомничија за криминали поврзани со случајот Државна Лотарија.По него распишана е и меѓународна потерница но МВР до сега нема информации каде тој се наоѓа.Груби земјава ја напуштил на 15 декември преку граничниот премин Долно Блаце со помош на полицаец, кој му дозволил да помине без контрола.

Македонија | пред 1 година

Најдоа кој да пее за Нова година во Скопје, на пет дена пред дочекот

На 5 дена до Новата година, Град Скопје конечно ја објави програмата за прославата на најлудата ноќ на градскиот плоштад „Македонија“.Како што е наведено во соопштението, на градскиот плоштад ќе настапат „Sarah Mace & The Girlzz“, магичната „Љубојна“, рок-групата „Ареа“ и бендот „Нокаут“. Забавата започнува во 19.30 часот. Организаторот компанијата „Спектаклум” посочува дека се пријавиле и биле израни на конкурс.За минатогодишниот дочек пак, вчера во јавноста следеа обвинувања за неисплатени хонорари од страна на Комората на музичката индустрија, кои се пожалија дека цела година ги чекаат средствата од Град Скопје и дека ќе тужат.Од Град Скопје пак, порачаа дека не должат ништо на музичарите со кои не ни потпишале договори, и најавија тужба за Комората која беше организатор на новогодишниот дочек изминатите две години.

Скопје | пред 1 година

Ана Друловски, Весна Петрушевска дел од Комисијата за признанија и одликувања - објавен составот

Претседателката Гордана Сиљановска-Давкова донесе одлука за составот и за именување претседател и членови на Комисијата за одликувања и признанија.За претседател на Комисијата е именуван проф. д-р Валентин Мирчески, а за членови на комисијата се именувани проф. д-р Гзиме Старова, д-р Самуел Садикарио, д-р Андријана Јаневска, м-р Ана Дурловски, м-р Решат Амети, м-р Гена Теодосиевска, Дејан Георгиевски, Жарко Башески, Оливера Наковска Бикова и Весна Петрушевска.Комисијата за одликувања и признанија ја сочинуваат поединци кои во текот на својата професионална кариера имаат остварено значајни постигнувања и стекнато висока репутација во македонското општество. Тие се признати експерти, кои со своите трудови и постигнувања се истакнале во различни области на општествениот живот како што се науката, културата, уметноста, образованието, здравството, спортот.

Македонија | пред 1 година

Кикбоксерот Бобанчо Илиоски избран за најдобар спортист на Македонија

Кикбоксерот Бобанчо Илиоски, беше избран за најдобар спортист на Македонија.„Ја имам честа и оваа година да бидам избран за најдобар спортист на Македонија и да добијам признание од премиерот Христијан Мицковски. Убаво е за нас, спортистите, кога има луѓе кои го следат и поддржуваат нашиот труд. Ова признание ми дава мотив за работа и гордо да ја претставувам Македонија на најголемите кик-бокс сцени низ целиот свет“, напиша тој.

Спорт | пред 1 година

Со тврдење за нов криминал во „Државна лотарија“ уапсен газда на приватна фирма

Уапсен е Артан Ајрули, сопственик на фирмата „Ритрон Копи“ од Куманово. Неговото апсење доаѓа по проширувањето на истрагата за злоупотреба во Државна лотарија, за што се обвинети Бајрами и поранешниот вицепремиер Артан Груби, кои веќе се во бегство.Со потпис на директорот Перпарим Бајрами, од 2022 до 2024 година се исплаќале лажни фактури подготвени од газдата на „Ритрон Копи“, Артан Ајрули. Бајрами со народни пари плаќал телевизори, принтери, комјутерска и комуникациска опрема, која, ниту – соодвестувала, со она што го пишувало во трите договори, а ниту пак ја доставиле. Двајцата си наместиле уште три тендери.„Второпријавениот А. А. тие информации ги искористил за однапред да изврши увоз на типови и модели на употребувани телевизори по договорените количини, со што бил доведен во поповолна положба во однос на сите други понудувачи во спроведените постапки за јавни набавки.. на телевизори за инсталација на електронски игри, со што првопријавениот П.Б му овозможил на второпријавениот А. А и петтопријавениот правен субјект ДПТУ РИТРОН КОПИ ДООЕЛ Куманово да се стекнат со противправна имотна корист по три склучени договори за јавни набавки на телевизори во вкупна вредност од 12.980.000,00 денари“, стои во пријавата од Финансиска.Според полицијата, Ајрули ги искористил информациите за предувоз на договорените типови и модели на телевизии и со тоа се ставил во поволна позиција пред другите понудувачи. Со ова, според Финансиската полиција, Бајрами им овозможил на Ајрули и на неговото правно лице „Ритрон Копи“ да имаат незаконски имот во три договори за набавка на телевизори од над 200 илјади евра.Претходно, ВЛЕН ја обвини компанијата „Ритрон Копи“ за злоупотреба на тендерите. Според нив, Ајрули и неговата компанија се блиски до пратеникот на Европскиот фронт, Елми Азири

Македонија | пред 1 година