Во КПД Штип денеска се одиграа полуфиналните и финалните натпревари во баскет, кои поминале во спортска атмосфера, со фер игра и голема борбеност на теренот.
Директорот на установата, Дејан Здравков, информира дека екипите покажале посветеност, тимска игра и дисциплина, а натпреварите донеле неизвесни дуели и позитивна атмосфера меѓу учесниците.
„Присутните имаа можност да проследат квалитетен баскет и неизвесни дуели, во кои до израз дојдоа дисциплината, почитта и другарството меѓу учесниците. Со своето однесување, натпреварувачите уште еднаш покажаа дека спортот е вистински пример за меѓусебно почитување, здрава конкуренција и тимски дух“, објави Здравков.
По завршувањето на турнирот, биле доделени медали и признанија за најуспешните екипи и поединци. Според директорот, настанот претставува уште една успешна спортска активност реализирана во КПД Штип.
