Француската НБА ѕвезда Виктор Вембањама потпиша нов долгорочен договор со „Најк“, кој вклучува и лансирање на неговата прва лична линија патики, објави новинарот Шамс Чаранија.
Центарот на Сан Антонио Спарс со тоа се приклучува на елитното друштво кошаркари што имаат сопствена линија спортска обувка, по само три сезони во НБА.
Откако беше избран како прв пик на НБА-драфтот во 2023 година, Вембањама брзо се наметна како едно од најголемите имиња во светската кошарка. Во меѓувреме се етаблира како еден од кандидатите за МВП-признанието, ја освои наградата за најдобар дефанзивец во лигата и потпиша максимален договор со Сан Антонио.
Новиот договор со „Најк“ претставува уште еден чекор во градењето на глобалниот бренд на еден од најталентираните кошаркари на денешницата.
