„Црвено-жолтите“ доминираа во Виена и ја совладаа Австрија со 91-59

Македонската кошаркарска репрезентација со убедлива победа го започна настапот во втората рунда од претквалификациите за Евробаскет 2029, откако во Виена ја совлада Австрија со 91-59.

— реклама —

„Црвено-жолтите“ доминираа во текот на целиот натпревар и не ѝ дозволија на Австрија да се врати во игра. По убедливата победа, македонските кошаркари им се заблагодарија на навивачите кои во голем број ги бодреа од трибините.

— реклама —

„Македонската фаланга“ создаде одлична атмосфера во салата и со својата поддршка дополнително ги мотивираше репрезентативците.

— реклама —

За Македонија, ова беше прв натпревар во оваа фаза, додека Австрија со поразот значително ги намали шансите за пласман во главните квалификации.

Следниот, и воедно решавачки, натпревар Македонија ќе го игра на 26 ноември, кога на домашен терен ќе го пречека Кипар. Победникот од тој дуел ќе го освои првото место во групата и ќе обезбеди пласман во квалификациите за Европското првенство во 2029 година.