Базенот во Карпош предаден на Националната пливачка федерација

Базенот кај спортската сала „Наум Наумовски Борче“ во Карпош е предаден на користење на Националната пливачка федерација, со што објектот добива конкретна намена за развој на пливањето. Информацијата ја соопшти министерот за спорт Борко Ристовски.

— реклама —

Тој посочи дека со поддршка од Владата, Министерството за спорт обезбедило средства за доизградба на базенот, а во соработка со Општина Карпош и Националната пливачка федерација се преземаат чекори за негово ставање во функција.

Според Ристовски, ова е првпат Пливачката федерација да стопанисува со базени, со финансиска поддршка од Министерството и Владата. Целта е објектите да се користат поефикасно и да се создадат подобри услови за унапредување на пливањето.

— реклама —

Министерот нагласи дека стратешка определба е управувањето со спортските објекти да им се довери на националните спортски федерации што имаат капацитет да ги стават во функција на спортистите и граѓаните.

— реклама —

Ристовски најави дека Министерството за спорт ќе продолжи со инвестиции и активности за ставање во функција на спортската инфраструктура.

— реклама —