Бензинските станици дневно снабдуваат до 2 милиони литри гориво, вели Мицкоски

Премиерот Христијан Мицкоски денеска во изјава за новинарите информираше дека побарувачката за нафтени производи во државата е зголемена, со денови кога бензинските станици снабдуваат дури над 2 милиона литри

— реклама —

„Зголемена ни е побарувачката, имаме денови кога имаме и дури над 2 милиони литри, коишто бензинските станици во држава ги снабдуваат, но тоа што е битно е дека на дневна основа ги следиме предизвиците, предизвиците ќе има, дури и утре да заврши се тоа, ќе имаме ефект којшто ќе трае бидејќи производните капацитети во заливот, тука пред сè мислам на Кувајт, Ирак, Иран, Саудиска Арабија, Бахреин и ОАЕ имаат озбилни оштетувања, некои и трајни, некои делумни, недостасуваат 12 милиони барели на ден, недостасуваа барем во пикот на воздушната интервенција на сојузниците врз Иран на ден, сега преку теснецот се пропуштаат танкери, дневно меѓу 7 и 10, во одредени периоди денот можеби повеќе, а пред кризата беа меѓу 50 и 100 на ден.

— реклама —

— реклама —

Она што е важно за нас и за граѓаните и за бизнесот е дека ние имаме доволни количини на дизел горива и на останати нафта и нафтени производи, и во цевководот, којшто го пуштивме на почетокот на годината, којшто ја поврзува рафинерија Окта со Солунското пристаниште, но и во државните резерви. Немаме до сега најава за било какви попречувања во делот на снабдувањето, не планираме да воведеме ограничувања, на тој начин ги помагаме и нашите соседи, бидејќи некои аеродроми од соседството добиваат керозин од кај нас, така што и тука не планираме да воведеме ограничувања за износ.

— реклама —

Голем дел од граѓаните на соседните држави се снабдуваат со бензин и дизел од нашите бензински станици, одредени бензински станици по три-четири пати ја имаат зголемено потрошувачката, така што отприлика сега за сега и покрај историски најголемиот обем на криза, ние како влада прилично стабилно се справуваме“, изјави Мицкоски.