Без дозвола зел службено возило на Црвениот крст и удрил во повеќе паркирани автомобили, а немал ниту возачка дозвола

Осумнаесетгодишно момче од Гостивар е приведено откако без дозвола земало службено возило на Црвениот крст и со него удрило во повеќе паркирани автомобили, соопшти Министерството за внатрешни работи.

— реклама —

Според информациите од МВР, на 23 јули околу 00:10 часот на улицата „Мајор Чеде Филиповски“ во Гостивар, полициски службеници го лишиле од слобода Е.С. (18) од Гостивар.

— реклама —

Како што наведуваат од полицијата, тој без одобрение зел службено патничко возило „цитроен“ со гостиварски регистарски ознаки, сопственост на Црвениот крст, каде што бил ангажиран како волонтер. При управувањето со возилото удрил во повеќе паркирани автомобили.

— реклама —

При полициската контрола било утврдено и дека го управувал возилото без да поседува возачка дозвола.

— реклама —

Е.С. бил задржан во полициска станица, а по целосното документирање на случајот против него ќе биде поднесен соодветен поднесок.