Битола ја активира пајак-службата: ќе се отстрануваат непрописно паркирани и хаварисани возила

Во наредниот период во Битола ќе се спроведуваат засилени активности за отстранување на непрописно паркирани возила и предмети од јавните површини, информираат од СВР Битола.

— реклама —

Активностите ќе се реализираат во координација со Општина Битола и ЈП „Паркинзи“ – Битола, а во нивни рамки повторно ќе биде ставена во функција пајак-службата.

— реклама —

Ќе се отстрануваат возила паркирани спротивно на сообраќајните правила, автомобили оставени на зелени површини, хаварисани и нерегистрирани возила, како и предмети што зафаќаат јавни површини.

— реклама —

Целта е да се зголеми безбедноста во сообраќајот, да се овозможи непречено движење на пешаците и возилата и да се заштитат јавните и зелените површини.

— реклама —

Од СВР Битола апелираат до граѓаните навреме да ги отстранат возилата од непрописно зафатените паркинг-простори и зелените површини за да избегнат санкции и отстранување на автомобилите.