Од понеделник пајак-службата повторно на улиците во Битола

Од понеделник, 2 ноември, во Битола повторно ќе започне отстранувањето на непрописно паркираните автомобили со пајак-служба. Активностите ќе се спроведуваат во соработка со СВР Битола, информираат од ЈП „Паркинзи Општина Битола“.

— реклама —

Од претпријатието посочуваат дека службата се враќа на терен со цел да се ослободат улиците и другите сообраќајни површини од возила што го попречуваат нормалното одвивање на сообраќајот.

— реклама —

— реклама —

Воедно, упатен е апел до возачите да ги почитуваат сообраќајните правила и прописи и да не ги оставаат автомобилите на места каде што го попречуваат движењето на останатите учесници во сообраќајот.

Од ЈП „Паркинзи Општина Битола“ очекуваат повторното активирање на пајак-службата да придонесе за подобра сообраќајна организација и побезбедно движење низ градот.