Силен ветер урна излог од Управата за водење на матични книги во Битола, повредени три лица

Силниот ветер предизвика материјална штета и повреди три лица во Битола откако излогот и дел од металната конструкција на Управата за водење матични книги се урнаа врз тротоарот во центарот на градот.

— реклама —

Во несреќата биле повредени две 16-годишни девојчиња и една жена, кои со возило на Итната медицинска помош биле пренесени во Клиничката болница во Битола. Според информациите од болницата, нивните повреди не се животозагрозувачки, а станува збор за посекотини.

— реклама —

— реклама —

Се претпоставува дека конструкцијата паднала поради силниот ветер, кој во Битола достигнал брзина од 50 километри на час, а во Пелагонија и до 86 километри на час.

— реклама —

Невремето предизвикало и пожар во населбата Лавци, каде што интервенирала Територијалната противпожарна единица. Откорнати се и повеќе дрвја во градот и околината, а засега е пријавена штета и на еден автомобил.