Божиновска на COP31 во Турција: Во фокусот е иднината на македонската енергетика

Министерката за енергетика, рударство и минерални суровини, Сања Божиновска, учествува на Лидерскиот самит во рамките на 31. Конференција на Обединетите нации за климатски промени (COP31), што се одржува во Анталија, Турција. Таа е дел од државната делегација предводена од претседателката Гордана Сиљановска-Давкова, на собир на кој присуствуваат лидери и високи претставници од 191 земја.

— реклама —

Во фокусот на самитот се глобалната енергетска и климатска транзиција, како и политиките што треба да го забрзаат преминот кон почисти извори на енергија.

— реклама —

Учеството на Божиновска е можност за размена на искуства, следење на новите меѓународни насоки и воспоставување партнерства и инвестиции што би придонеле за модернизација на македонскиот енергетски сектор.

— реклама —

За Македонија, особено значајни се целите за намалување на нето-емисиите на стакленички гасови за најмалку 80 отсто до 2035 година и постигнување климатска неутралност до 2050 година. Нивното исполнување зависи од зголемувањето на производството на енергија од обновливи извори, модернизацијата на електроенергетската инфраструктура, подобрувањето на енергетската ефикасност и обезбедувањето стабилно и достапно снабдување.

— реклама —

Лидерскиот самит во Анталија се одржува на 11 и 12 ноември, а главна тема е претворањето на преземените климатски обврски во конкретни активности. Учеството на Македонија треба да овозможи подобро вклучување во меѓународните процеси и искористување на можностите за соработка во развојот на почист и поконкурентен енергетски сектор.