Британија: Го разбираме разочарувањето на Зеленски, но поддршката за Украина е недвосмислена

Британската влада официјално одговори на критиките што украинскиот претседател Володимир Зеленски ги упати кон европските сојузници за време на неговиот настап на Светски економски форум во Давос, каде што ги обвини за неактивност и одолговлекување во однос на прашањата за одбраната и безбедноста.

— реклама —

На прашање до портпаролот на Downing Street, во врска со тврдењата дека сојузниците на Киев се слаби и неодлучни, беше посочено дека Велика Британија ја разбира и ја споделува фрустрацијата на украинскиот претседател.

— реклама —

„Како што се приближува четвртата годишнина од инвазијата, ја разбираме и ја делиме фрустрацијата на претседателот Зеленски поради продолжувањето на овој варварски војен конфликт. Обединетото Кралство секогаш преземало решителни чекори кога станува збор за Украина, вклучително и водечка улога во Коалицијата на подготвените. Се обврзавме на 1,2 милијарди фунти билатерална и хуманитарна помош. Додека дипломатијата продолжува, стоиме покрај Украина за да ја обезбедиме нејзината одбрана“, изјави портпаролот.

— реклама —

На дополнително прашање дали британскиот премиер Кир Стармер смета дека Европа мора да направи повеќе, од Downing Street порачаа дека пораката е јасна.

„Премиерот е дециден во поширока смисла: Европа мора да го засили својот ангажман во областа на одбраната и безбедноста. Клучниот фактор останува Путин, кој може веднаш да ја заврши војната“, беше наведено во реакцијата на британската влада.