Британски државјанин фрлал камења кон даночните контролори од локалитетот „Камени Кукли“

Основното јавно обвинителство Куманово поведе постапка против 41-годишен британски државјанин, осомничен за кривичното дело „Спречување службено лице во вршење службено дејствие“, и побара да му биде определена мерка притвор.

— реклама —

Според Обвинителството, инцидентот се случил на 16 јули на локалитетот „Камени Кукли“ во селото Куклица, кратовско, каде што двајца даночни контролори извршувале службена контрола во врска со претходно поставени обележја за привремена забрана за вршење дејност.

— реклама —

— реклама —

Осомничениот, според наводите, фрлал камења кон даночните контролори и кон нивното службено возило, поради што тие биле принудени да го напуштат локалитетот без да ја завршат службената контрола.

Имајќи ги предвид околностите на случајот, јавниот обвинител до судијата на претходна постапка при Основниот суд во Куманово доставил предлог за определување мерка притвор за осомничениот.