Брод погоден со дронови кај Романија: Еден загинат, тројца исчезнати

Едно лице загина, три се водат како исчезнати, а деветмина се спасени откако брод бил погоден со дронови и потонал во Црното Море, на околу 25 километри од романското пристаниште Констанца.

— реклама —

Романските власти започнале спасувачка операција откако бродот „Хорив“ испратил повик за помош од локација оддалечена околу 13 наутички милји од брегот. Според првичните информации, бродот бил погоден со беспилотни летала, по што потонал.

На бродот имало вкупно 13 членови на екипажот, државјани на Украина и Азербејџан.

— реклама —

„Спасувачките бродови успеаја од морето да извлечат девет преживеани лица и едно безживотно тело“, соопшти романската поморска управа.

— реклама —

Потрагата по тројцата исчезнати членови на екипажот продолжува, но спасувачката операција е отежната поради неповолните временски услови и слабата видливост. Поради тоа, спасувачките служби не можеле да користат хеликоптер.

Инцидентот се случува во период на зголемени безбедносни ризици во Црното Море, каде што во последните недели се пријавени повеќе напади со дронови врз бродови во близина на романскиот и бугарскиот брег.

За дел од претходните напади постојат сомнежи дека биле извршени со руски дронови, но засега нема потврда кој стои зад нападот врз „Хорив“.