Романија враќа нуклеарен реактор на мрежата: Се очекува подобро снабдување со електрична енергија

Романскиот производител на нуклеарна енергија „Нуклеарелектрика“ повторно ќе приклучи еден од своите два реактори на националната електрична мрежа на 6 ноември, соопшти денеска компанијата.

На тој начин ќе се подобри снабдувањето со електрична енергија по повеќемесечните суши, во текот на кои земјата мораше да увезува струја, се наведува во соопштението, пренесува „Ројтерс“.

— реклама —

Оваа компанија во државна сопственост управува со два реактори со моќност од по 706 мегавати во Чернавода, на реката Дунав. Тие обезбедуваат околу една петтина од вкупното производство на електрична енергија во Романија.

— реклама —

Рекордно ниското ниво на водата во Дунав ги принуди романските власти привремено да го исклучат реакторот во текот на летото.

Првиот блок треба да се врати на полн капацитет до 7 ноември, соопштија од „Нуклеарелектрика“.

— реклама —

„Повторното приклучување на Блок 2 зависи од трајното зголемување на нивото на водата во Дунав“, се додава во соопштението.

— реклама —

Романија ја продолжи вонредната состојба во енергетиката до ноември, што ѝ овозможува постепено да ја исклучува електричната енергија за индустриските потрошувачи.

На крајот на октомври беше соопштено дека се очекува двата реактори да останат надвор од функција во текот на целиот ноември.