Британската агенција за поморски трговски операции (UKMTO) соопшти дека брод бил нападнат на околу 7,5 наутички милји од брегот на Оман.
Според информациите, пловилото било погодено од неидентификуван проектил во десниот дел, при што бил оштетен командниот мост.
Во нападот нема повредени членови на екипажот, а не е регистрирано ниту загадување на морето.
Инцидентот се случил само неколку часа откако Иран предупреди дека бродовите што пловат низ регионот без негова согласност би можеле да се соочат со „последици“.
Засега не е познато кој стои зад нападот, а околностите за инцидентот дополнително се истражуваат.
