Еден загинат, а 13 спасени по напад врз трговски брод кај Оман

Еден индиски државјанин загинал, а 13 други биле спасени по напад врз трговскиот брод „МСВ Ал Јусуфи“ кај брегот на Оман. Инцидентот се случил во понеделникот во близина на местото Лимах, а информацијата во вторникот ја соопшти индиското Министерство за надворешни работи, пренесува „Ројтерс“.

— реклама —

Според официјалното соопштение, на бродот имало вкупно 14 индиски државјани.

— реклама —

Нападот се случил во период на зголемени тензии на Блискиот Исток, додека продолжуваат дипломатските напори за постигнување договор меѓу САД и Иран за завршување на војната и повторно отворање на Ормускиот Теснец.

Американската војска извршила ограничени напади врз иранскиот остров Кешм, потврдиле тројца американски функционери за Си-Ен-Ен. Тие ги опишале како одбранбена акција, по отворањето оган од Иран врз американски авион.

— реклама —

Островот Кешм има значајна улога во контролата на поморскиот сообраќај низ Ормускиот Теснец, една од најважните светски рути за транспорт на нафта. Иран тврди дека од почетокот на војната го контролира минувањето на бродовите низ теснецот и напаѓа пловила што се обидуваат да поминат без негово одобрение.

— реклама —

Во меѓувреме, продолжуваат дипломатските контакти меѓу Вашингтон и Техеран. Американскиот претседател Доналд Трамп изјави дека е можно да се постигне договор со Иран, но не ја исклучи можноста за нови воени напади.