Бутел доби нов мега парк: „Бутелска оаза“ пуштена во употреба

Жителите на Бутел добија нова зелена површина за одмор, рекреација и дружење. Градоначалникот на Скопје, Орце Ѓорѓиевски, заедно со градоначалникот на Општина Бутел, Дарко Костовски, го пуштија во употреба мега паркот „Бутелска оаза“.

— реклама —

Според Ѓорѓиевски, паркот е еден од најголемите во Скопје и претставува реализација на ветувањето дадено за време на подготовката на програмата за градот. Тој посочи дека првично било планирано уредување на десетпати помала површина, но по разгледувањето на можностите била донесена одлука за изградба на поголем парк.

Новиот комплекс располага со големи зелени површини, детски реквизити, пешачки патеки и фитнес-зони. Просторот е наменет за сите генерации, од најмладите до повозрасните жители.

— реклама —

За одржување на зеленилото е поставен сопствен систем за наводнување со техничка вода, со цел да се обезбедат услови за долгорочно одржување на паркот.

— реклама —

Ѓорѓиевски истакна дека со отворањето на „Бутелска оаза“ се исполнува ветувањето за општината уште во првата година од неговиот четиригодишен мандат, додавајќи дека новите зелени површини придонесуваат за почист воздух, помала урбана жештина и поквалитетен живот на граѓаните.