(Видео) „Лупањето и тропањето се минато“ – Костовски со реакција по случувањата на седницата

Градоначалникот на општина Бутел, Дарко Костовски, реагираше на случувањата на седницата на Советот, на која, како што наведува, не присуствувал, оценувајќи дека неговото отсуство било искористено за политички провокации и недолично однесување.

Костовски порача дека лупањето, тропањето и викањето нема да го засенат развојот на општината ниту проектите што се реализираат.

— реклама —

„Ниту едно тропање, ниту едно викање, ниту едно однесување што наликува на 19. век нема да го сокрие развојот на Бутел, ниту водоводот во Љуботен и Љубанци, ниту новите градинки, паркови и поликлиниката“, истакна Костовски.

— реклама —

Тој ги обвини политичките противници дека се кријат зад, како што рече, лажен патриотизам и порача дека „Бутел не е на продажба“, додавајќи дека евтините политички игри нема да поминат.

— реклама —

— реклама —

Костовски нагласи дека развојот, зеленилото и безбедноста остануваат приоритети на општината и најави дека ќе се видат на следната седница на Советот.