Четворица албански државјани приведени поради незаконски риболов во Преспанското Езеро

Четири лица од Албанија се приведени рано утринава поради незаконски риболов во водите на Преспанското Езеро, информира Министерството за внатрешни работи.

— реклама —

Според МВР, околу 5 часот полициски службеници од Регионалниот центар Запад ги затекнале лицата при вршење риболов во период кога е на сила активна забрана за риболов.

— реклама —

При извршените проверки било утврдено дека четворицата албански државјани нелегално ја преминале државната граница.

— реклама —

На местото бил пронајден уловен крап со вкупна тежина од околу 60 килограми.

Од МВР соопштија дека по целосното документирање на случајот против лицата ќе биде поднесен соодветен поднесок.