Четири активни пожари во Македонија, два се под контрола

До 07:30 часот денеска, Центарот за управување со кризи регистрирал вкупно 33 пожари на отворен простор. Од нив, четири се активни, два се ставени под контрола, а 27 се целосно изгаснати.

— реклама —

Активни се пожарите во општина Чашка, во селото Јаболчиште, на местото „Биков Гроб“, каде гори букова и дабова шума, кривуљ и ниска вегетација; во општина Липково, кај селото Стрима, на местото „Гури Куќ“, каде е зафатена борова шума и ниска вегетација; во општина Прилеп, кај селото Дрен, каде гори мешана шума; и во општина Дебар, кај Горно Косоврасти, на местата „Крушно и Вложно“, каде е зафатена шума.

— реклама —

Под контрола се пожарите во општина Студеничани, меѓу селата Драчевица и Цветово, на местото „Калдиред“, каде гори ниска вегетација, како и пожарот на депонијата Краста во општина Куманово.

— реклама —

Во текот на изминатото деноноќие се изгаснати уште 27 пожари. Тие биле регистрирани на различни локации во општините Гази Баба, Студеничани, Бутел, Дебар, Дебарца, Прилеп, Кривогаштани, Битола, Тетово, Јегуновце, Теарце, Желино, Неготино, Струмица, Босилово, Куманово, Боговиње и Чашка.

Според информацијата на ЦУК, пожарите зафатиле ниска вегетација, грмушки, шума, стрништа, ѓубре, пасишта, жито, трска и врби.