До 13 часот регистрирани четири пожари на отворено, два се уште активни
Центарот за управување со кризи информира дека денеска, 21 септември 2026 година, до 13 часот се регистрирани вкупно четири пожари на отворен простор. Од нив, два се активни, еден е ставен под контрола, а еден е целосно изгаснат.
Активни се пожарите во селото Руѓинце, во Општина Старо Нагоричане, каде гори ниска вегетација, како и пожарот на потегот меѓу селата Коњух и Димонци во Општина Кратово, каде се зафатени стрниште и ниска вегетација.
Под контрола е пожарот во селото Белица, на местото викано Кајорец, во Општина Македонски Брод, кој се проширил кон Јасен во Општина Сопиште. Зафатени се нискостеблеста и мешана шума.
Целосно е изгаснат пожарот на местото викано Стари Лозја во Општина Куманово, каде горела ниска вегетација.
