Чичко ненамерно му ја прегазил ногата на својот внук со автомобил

Дваесет и седумгодишен жител на Тетово се здобил со тешки телесни повреди откако неговиот чичко ненамерно го прегазил на ногата со автомобил.

— реклама —

Од Министерството за внатрешни работи информираат дека на 26 јули околу 20:30 часот во СВР Тетово од Клиничкиот центар Тетово било пријавено дека кај нив е донесен повредениот М.З. (27).

— реклама —

— реклама —

Во разговор со полициски службеници, тој изјавил дека околу 19:00 часот, во дворот од нивниот дом, неговиот чичко С.З. (61) од Тетово, управувајќи патничко возило наназад, ненамерно му ја прегазил ногата, при што се здобил со тешки телесни повреди.

— реклама —

Повредениот побарал да не биде поднесена пријава, наведувајќи дека станува збор за несреќен случај. Полициски службеници извршиле увид на местото на настанот.