ЦУК: Активни два пожара на отворено, еден ставен под контрола

Центарот за управување со кризи (ЦУК) информира дека до 13:00 часот денеска на територијата на државата се евидентирани вкупно пет пожари на отворен простор. Од нив, два се активни, еден е ставен под контрола, а два се целосно изгаснати.

— реклама —

Активни се пожарите во Општина Долнени, кај селото Вранче, каде што гори нива со жито, како и во Општина Кичево, зад Спортската сала „Јанчица“, каде што е зафатена сува трева.

— реклама —

— реклама —

Под контрола е пожарот во Општина Кавадарци, во атарот на селото Долна Бошава, каде што горела ниска вегетација.

— реклама —

Во меѓувреме, изгаснати се пожарите кај селото Дебарце во Општина Желино, каде што горела ниска вегетација, како и во селото Горна Бањица во Општина Гостивар, во кругот на фабриката САЕМ, каде што биле зафатени сува трева и дрвени отпадоци.