ЦУК: Девет пожари на отворено до 13 часот, пет сè уште активни

Во текот на денот, до 13:00 часот, во Центарот за управување со кризи се регистрирани вкупно девет пожари на отворен простор.

— реклама —

Од нив, пет пожари се активни, еден е ставен под контрола, а три се изгаснати.

— реклама —

Активни се пожарите во:

• Општина Кривогаштани, во селата Крушеани и Подвис – с. Кривогаштани, каде што гори ниска вегетација;

• Општина Ново Село, во атарот на Ново Село – депонија;

• Општина Струмица, во село Добрејци – стрниште и ѓубре;

• Општина Прилеп, во село Клепач – ниска вегетација.

Пожарот на територијата на општините Македонски Брод и Сопиште е ставен под контрола. Станува збор за пожар кај село Белица, месноста Кајорец, со проширување кон Јасен, каде што гори нискостеблеста и мешана шума.

— реклама —

Во меѓувреме, изгаснати се три пожари – во село Пчиња, Општина Куманово, каде што гореле ѓубре и ниска вегетација, кај црквата „Света Недела“ во Битола, каде што горело ѓубре, и во село Евла, Општина Ресен, исто така каде што горело ѓубре.

Од ЦУК информираат дека податоците се однесуваат на состојбата заклучно со 13:00 часот на 19 септември 2026 година.